لحظة سقوط الكدبة قدامك .. شعر

لحظة سقوط الكدبة قدامك

للشاعر محمود موسي
*********



ياه علي القدر من أد ايه مستني عابر زى ده


وانا كنت بستعجل مرور الشئ هنا علشان ما اقولك


غشاشه يا مرايه اتملت فيها البطوله بصورة نائيه مزيفه


بالسطع كانت طيف ومتموج بيتحدي الوضوح


وانا اللي كنت منين ما اروح


شايف يا دوبك نفسي فيها وكل برواز بلمحه


كنت احترم فيها ابتعاده الملتزم بالحد والمسموح

ولا كان بيخطر انه يتعكر جدارك قبل ما اعرف


وان عرفت يخدعني تمثيل البخار علي الصورة


قال فاكر هنا المنديل يخلي الصورة تلمع


وأتاريك موجه بتزود التعاريج


وشوش علي الجزءالمتفرغ بيخدع


وانعكس

من وقفتين قدام ثباتك منظري


فاكر بإني بكتشف نفسي اللي كانت من جديد

قال يعني كان جواك ينفع

ووقفت قدامك بهندامي الللي غير بعض فيا

بيختبر مردودك الصافي

ينكر عوادم شارع الواقفين بأنفاس مستفزة وايه كمان ..؟؟

بيمر منديله اللي بادئ لمسته

بالبسمله بعد استعاذه من الطريق

كان بردو خايف بس تتعكر حدودك من الهوا

واتاريه في لحظه ما احتواه القرب

خدر محتواه الحرو المألوف بنفسه

ونفسه خان

طب ايه كمان

الصورة مكتملتش لسه حسب كلامك

يعني قال غيري اللي واقف

عند اخر صف شافها بالإكتمال ...!!!

وانا اللي قدامك

منيش شايف

كأنك لما كنت بتعكسي الواقف بصفك


بتحولي كل الزوايا القايمه


بردو بنفسها سمت الغريب


ناحية غريب

واستوقفتني بحجه بايخه وقفت بستعتب

جـــــــــــــبـــــــــان


ازاى بتستأمن كده الدخان علي مرايتك

وتهرب من طموح شايل علي كتافه الأمل


لو كنت بس اديت لنفسك وقت تسأل ...!!


كنت كسرت الإزاز عند إكتشافك

انه مابيعكس ملامحك جوه تحويلة مداه


الصورة هه مش صورتك


ده منظر شخص نافدمن الإزاز

قدامه كنت وهو كان واقف وراك

الصورة مش صورتك


ده منظر شخص نافدمن الإزاز

قدامه كنت وهو كان واقف وراك




في الحقيقه هي من أروع القصائد التي قرأتها


القصيده منقوله بالطبع وهذا رابط المصدر
https://www.facebook.com/pages/mhmwd-mwsy/389643402408?v=wall&ref=search



اتمني ان تنال إعجابكم