أصول الالتزام للشيخ محمد حسين يعقوب 2

أعوذ بالله من الشيطان الرجيم بسم الله الرحمن الرحيم
أن الحمد لله نحمده ونستعينه ونستغفره وأعوذ بالله تعالى من شرور أنفسنا ومن سيئات أعمالنا
من يهده الله فلا مضل له ومن يضلل فلا هادى له
وأشهد أن لا اله الا الله وحده لاشريك له
وأشهد أن محمد عبده ورسوله
اللهم صلى على محمد وعلى آل محمد كما صليت على ابراهيم وعلى آل ابراهيم انك حميد مجيد
اللهم بارك على محمد وعلى آل محمد كما باركت على ابراهيم وعلى آل ابراهيم انك حميد مجيد
(يأيها الذين ءامنوا اتقوا الله حق تقاته ولا تموتن الا وأنتم مسلمون)
(يأيها الناس اتقوا ربكم الذى خلقكم من نفس واحدة وخلق منها زوجها وبث منهما رجالا كثيرا ونسآء
واتقوا الله الذى تساءلون به والارحام ان الله كان عليكم رقيبا)
(يأيها الذين ءامنوا اتقوا الله وقولوا قولا سديدا يصلح لكم أعمالكم ويغفر لكم ذنوبكم ومن يطع الله
ورسوله فقد فاز فوزا عظيما)
أما بعد......... فأن اصدق الحديث كلام الله تعالى وأن خير الهدى هدى محمد صلى الله عليه وعلى آله وسلم وأن شر الامور محدثاتها وكل محدثة بدعة وكل بدعة ضلالة وكل ضلالة فى النار
ثم أما بعد.......فأولا انى والله أحبكم فى الله
وأسأل الله جل جلاله المنان أن يجمعنا بهذا الحب فى ظل عرشه يوم لاظل الاظله
وأسأله سبحانه الحنان أن يجعل عملنا كله صالحا وأن يجعله لوجه خالصا اللهم ولاتجعل فيه لأحد غيرك شيئا.......
أحبتى فى الله سؤال........لماذا تركت البنات وجئت الى الاخوة الملتحين؟ رغم أن البنات أجمل
لماذا تركت الموسيقى وسمعت أشرطة الشيوخ برغم أنهم بيزعقوا؟! لماذا؟
لابد ايها الاخوة من وقفة لكى لايكون عملنا كالسراب يلمع فى أعيننا جماله وليست له حقيقة
لابد من وقفة......لماذا سلكنا هذا الطريق الى الله سبحانه وتعالى ...........ولاجابة واحدة اننا نريد أن ندخل الجنة اللهم ارزقنا الجنة يارب
اللهم انا نسألك الجنة وما يقرب اليها من قولا وعملا
ونعوذ بك من النار وما يقرب اليها من قولا وعملا
لذلك نريد الجنة .....لماذا نريد الجنة؟ فرارا من عذاب الدنيا وما فيها
الدنيا فى كل حال منقضية
الدنيا فى كل حال ستنتهى والموت قادم لا محالة
ولكن أيها الاخوة هل الألتزام مجرد لحية وقميص وطقية؟
هل الألتزام مجرد دخول المسجد وصلوات خمس؟
ما هى أصول الألتزام؟
يعنى لما تشوف واحد تقول هو ده الالتزام على أصوله........
ما هى أصول الالتزام؟
أصول الالتزام كثيرة جدا هى الدين هى دين الاسلام
فما معنى ملتزم........الملتزم هو الذى يجتنب المعاصى ويأتى بالطاعات
آمال ليه اتسمينا مسلم ملتزم ومسلم مش ملتزم
فرارا من ان احنا نسمى العاصى ايه.......مانقدرش نقول عليه عاصى تجرحه مانقدرش نقول فاسق فاجر وانما هو مسلم اللهم استرنا ولاتفضحنا يارب
والتانى بقى الذى يريد الله ورسوله ده اسمه ايه ملتزم هو ده بقى الملتزم ...الذى ترك الاغانى ودخل المسجد ترك البنات ولزم كتب العلم
ترك السفر فى المعاصى والذنوب والمخالفات وبدأ يطيع الله عزوجل
أول اصل من أصول الالتزام وهو أهمها على الاطلاق التوحيد
اللهم اجعلنا لك موحدين
أحيينا عليه وتوفنا عليه
والتوحيد معناه أن لايكون عندك اهم من الله
التوحيد أن يكون الله هو غايتك وهدفك ومحبوبك وقرة عينك
وأهم شئ فى حياتك ........ الله
قبل ماتبص يمين أو تبص شمال تدور على اللى يرضى ربنا
قبل ما تاكل وتشرب تدور على اللى يرضى ربنا
قبل ماتنام وتخرج تدور على اللى يرضى ربنا
دايما الله قبل كل حاجة هو ده الانسان الملتزم .......فأول أصل وأهم أصل من أصول الالتزام التوحيد
التوحيد 3 أنواع توحيد ربوبية
توحيد الوهية
توحيد اسماء وصفات
نشوف يعنى ايه فى حياة ملتزم جديد
أنواع التوحيد تلاتة
توحيد الربوبية هو توحيد الله بأفعال الله
يعنى الله هو الذى ينزل المطر وينبت الزرع
الله هو الذى يحيى ويميت
الله هو الذى يعطى ويمنع
يمرض ويشفى
يعز ويذل
الله ........ده اسمه توحيد الربوبية
توحيد الربوبية لازم تبقى فاهم أن الله الذى يرزق الكافر والذى يهديه يهدى الكافر للاسلام الله
ده توحيد الربويبة الرب رب العالمين فكل العوالم ربها الله
يبقى اللى بيطعم البقرة والجاموسة والعصفورة والكافر والمسلموالفاجر والفاسق الله
(وما من دابة فى الارض الا على الله رزقها ويعلم مستقرها ومستودعها)
وتوحيد الربوبية يعلمك أولا أن لاترجو غيره هو ده بقى أصل الالتزام
أن الامة لو اجتمعت على ان ينفعوك بشئ فلن ينفعوك الابشئ قد كتبه الله لك.............

توحيد الالوهية توحيد الله بأفعال العبادة
توحيد الربوبية توحيد الله بأفعال الله
والتانى بأفعالك انت
الاولانى رب والتانى اله
والاله هو الذى تألهه القلوب محبة وطاعة وشوقا وطلب رضا
هوده الاله ده توحيد الالوهية
هو اللى بيرزق وهو اللى بيعطى
وهو اللى بيشفى وهو اللى بيهدى
وهو اللى بيعصم
وهو اللى بيضل
وهو اللى بيرفع وهو اللى بيخفض وهو اللى بيعز وهواللى بيزل وهو اللى بيغنى وهو اللى بيفقر
وهو اللى بييحيى وهو اللى بيميت
آدام هو الرب يبقى ايه هو الاله
(أفمن يخلق كمن لايخلق أفلا تذكرون )
يعنى ايه ......الاله دى كلها بتخلق مابتخلقش
آدام ربنا سبحانه وتعالى هو اللى بيخلق يبقى خلاص هو اللى يعبد سبحانه وتعالى
والشاهد أيها الاخوة ان آدام ءامنت انه رب تؤمن انه اله
اله يعنى ايه ايه يعنى لا اله الاالله
يعنى ايه لا اله يعنى لا محبوب ولاأحد يتعلق به قلب فأخاف منه وأرجوه
ولاأحد يسيطر ويهيمن على عقلى وذاتى
ولاأحد يمتلك مشاعرى واحاسيسى ونيتى لا أحد هو ده معنى لا اله
لا اله يعنى لا شئ مقدم ولاشئ أفضل ولاشئ أكبر الا الله
اذا اتكلمنا بقى عن أصول الالتزام يعنى الواحد يلتزم على أصوله
مش عايزين الشكليات
معنى لا الله الاالله لا معبود بحقا الاالله توحيد الربوبية توحيد الالوهية
مش ده الموضوع بقى مش اصطامبة هى
احنا عايزين نفهم علشان نعيشها صح
ما تقومش من هنا غير لما تفهم
افهم الموضوع بقى صح
علشان كده أنا باقول دايما لوسألونا عايزين ايه يا سنية؟ الجماعة السنية دول عايزين ايه؟
احنا مش عايزين حاجة خااااااااااااااااااااااااااالص الا ان الناس يعبدوا ربنا
وايه كمان ؟ بس مفيش حاجة تانى خالص
يعنى انت عايز ايه؟ عايز الناس دول يعبدوا ربنا عايز البنت المتبرجة دى تعرف ان ربنا حرم ده
ماتلبس الحجاب ده مش ليا لمين لربنا
والواد اللى واقف معاهها ده عايزه يفهم بس ان ربنا شايفه وانه يقدر يخسف بيه وبيها الارض دلوقتى
ويتقابلوا الاتنين قدامه ويقوله عبدى لما تعصينى وأنا أراك
يقوله يارب والله ماكنت أعرف ولاحد قالى
أنا شفت فى التليفزيون بيمشوا مع بعض مشيت
ده فكر كتييير من الشباب ما يعرفش مش فاهم ايه الموضوع حدوده ايه يعنى خطره كبير قد ايه
لدرجة ان أنا قولتلكم قبل كده وأنا ماشى على الكورنيش لقيت ولد يكاد يعنى يزنى ببنت على الكورنيش
المهم روحت مشوار ساعة ورجعت لقيتهم لسه واقفين أو ساعتين ورجعت
فرحت عنده يابنى سلاموا عليكم يا حبيبى
قالى وعليكم السلام ياعم الشيخ احنا ماشين أهوه
قولتله لأ أنا مش عايزك تمشى أنا عايز اسئلك ياحبيبى يعنى ايه اللى أنت يتعمله ده؟
ده يرضى ربنا ؟
قالى أنا آسف
يابنى مش ليا مش أنت آسف ليا لأ ربنا بأسال عن ربنا
قولتله طب أنت ترضاه لاختك؟
قالى اه آدام هايحترمها ومش هايأذيها مش مشكلة
فانا باستدل بده بان ممكن الولد ممكن يكون بيضحك علياأنا عارف يعنى بس ممكن يكون مش فاهم
ولا مش وارد؟ آه ممكن يكون مش فاهم
يعنى واحد ماشى مع واحدة بيتفسحوا مع بعض يعنى عادى مفيش مشكلة مفيش فرق
ممكن تكون الامور كده ودى المأساة اللى أنا باقول عليها
ان احيانا بعض الملتزمين بيلتزم بالدين ولكن مش كله يعنى علاقاته مع البنات هو بطل آه يمشى
لكن لسه بيتكلم فى التليفون بيسلموا على بعض أحيانا بيبقى عنده رسائل تهنئة ومش عارف ايه وحب
عادى يعنى لسه فاضلة شوية ممكن يكون الصلاة يعنى هو بيصلى بس مش كل الاوقات فى المسجد أحيانا يجمعهم مع بعض يأخرهم شوية

معلش بقى استنوا الباقى بعد كام يوم كده

أصول الالتزام للشيخ محمد حسين يعقوب 2 252cq

ايه الجمال ده بس ربنا يبارك فيكى ويعزك حبيبتى نورا

ويبارك فى شيخنا حسين يعقوب

وكلنا فى انتظار الباقيه

أصول الالتزام للشيخ محمد حسين يعقوب 2 9af720ae05

أصول الالتزام للشيخ محمد حسين يعقوب 2 9af720ae05

أصول الالتزام للشيخ محمد حسين يعقوب 2 Fadhaa_0704052120003446

مشكورة حبيبتي على الموضوع

جزاكى الله كل خير حبيبتى نورا وربنا يجعله فى ميزان حسناتك
وربنا يكرمك شيخنا الجليل محمد حسين يعقوب ويجزيه عنا كل خير
وفى انتظار الباقى

ربنايكرمك يانورا
حمدالله على سلامتك حبيبتى وحشااانى
بارك الله فيكى واعاننا على طاعته

أحبتى فى الله
إيمان شعراوى
رحيمة
سأحيا بالقرءان
مكة
جزاكم الله خيراً على المرور والكلام الطيب
أحبكم فى الله
ووالله إنتوا كمان وحشتونى جداً

حمد لله على السلامة يا نورا وحشتينا اوى
ربنا يكرمك ويوفقك فى الامتحانات يارب
جزاكى الله خيرا حبيبتى على موضوعك الجميل والمتميز
ربنا يكرمك ويكرم شيخنا محمد حسين يعقوب
بجد طريقة طرحك للموضوع جميلة ربنا يجعلها فى ميزان حسناتك
وطبعا منتظرين الاجزاء القادمة
والله المستعان

مريومة حبيبتى والله وحشانى جداً
عاملة إيه يارب تكونى كويسة
جزاكى الله خيراً حبيبتى على المرور والكلام الطيب
أحبك فى الله