مفردات لغة النت تهدد اللغة العربية..خلى بالكم..

مفردات لغة الانترنت تهدد اللغة العربية....



حذرت دراسة مصرية من ظهور "لغة موازية" يستخدمها الشباب المصري والعربي في محادثاتهم عبر الإنترنت، تهدد مصير اللغة العربية في الحياة اليومية لهؤلاء الشباب وتلقي بظلال سلبية على ثقافة وسلوك الشباب العربي بشكل عام. واعتبرت الدراسة التي أعدها المركز القومي للبحوث الاجتماعية والجنائية بالقاهرة أن اختيار الشباب ثقافة ولغة خاصة بهم هو تمرد على النظام الاجتماعي، لذلك ابتدعوا لونا جديدا من الثقافة لا يستطيع أحد فك رموزها غيرهم. لكن خبراء تربويين قالوا إن استعمال الشباب لغة خاصة بهم ليس تمردا وإنما نوع من الهروب من المجتمع، وأن على الكبار احترام لغتهم الجديدة وعدم الاستهزاء بها طالما أنها لا تتعارض مع الأداب العامة في المجتمع. وأشارت الدراسة التي أعدت تحت عنوان "ثقافة الشباب العربي"، إلى أن "ثقافة الفهلوة" التي ظهرت بين الأوساط الشبابية في الثمانينيات عادت وبقوة في الآونة الأخيرة محمولة على أكتاف مجموعة من المتغيرات الاقتصادية والاجتماعية والإعلامية أيضا. وركزت الدراسة على شريحة عشوائية من الشباب الذين تتراوح أعمارهم بين 15 و35 عاما، ورصدت وجود تأثير للإنترنت على مفردات اللغة المتداولة بين الشباب على مواقع الإنترنت والمدونات وغرف المحادثات. وأوضحت أن طبيعة الإنترنت باعتبارها وسيلة اتصال سريعة الإيقاع قد واكبتها محاولات لفرض عدد من المفردات السريعة والمختصرة للتعامل بين الشباب. اغتراب داخل الوطن... وأوضح الدكتور علي صلاح محمود الذي أعد الدراسة أن حروف لغة القرآن تحولت إلى رموز وأرقام وباتت الحاء "7" والهمزة "2" والعين "3" وكلمة حوار تكتب "7war" وكلمة سعاد تكتب "so3ad" وكلمة you تكتب "u".. إلخ. وقال إن واقع شبابنا اليوم وعزوفه عن المشاركة في قضايا المجتمع أصبح لا يبشر بخير على الإطلاق خاصة في مجتمعنا العربي الذي يبتعد فيه شبابنا عن الأنشطة السياسية والاجتماعية نتيجة التأثر بالإعلام الخارجي. وفسر الباحث لجوء الشباب إلى لغة حديث موازية بوجود شعور بالاغتراب لديهم يدفعهم للتمرد على النظام الاجتماعي وتكوين عالمهم الخاص بعيدا عن قيود الأباء، وأضاف "أنهم يؤلفون هذه اللغة كقناع في مواجهة الآخرين". تردي التعليم وقال الدكتور صفوت العالم أستاذ الإعلام بجامعة القاهرة إن ظهور لغة جديدة بين الشباب أمر طبيعي يتكرر بين مدة وأخرى، ويعكس التمرد الاجتماعي وعدم تفاعلهم مع الكبار، ويظهر عادة في نمط مميز من اللغة أو الملابس أو السلوكيات اليومية. وأوضح أن الإنترنت ليست وحدها المسؤول عن تغير لغة الشباب، فالعديد من المصطلحات الأجنبية المنتشرة بين الشباب سببها استخدام الإنجليزية كلغة تعامل فى بعض أماكن العمل، إضافة إلى تردي التعليم الجامعي الذي لا يهتم أصلا باللغة، وصولا إلى الدراما العربية وما تقدمه في المسلسلات والأفلام من ألفاظ شاذة. وأقر أستاذ الإعلام بوجود تأثير ملحوظ للإنترنت على عادة القراءة لدى المصريين والعرب سواء قراءة الكتب أو الصحف والمجلات، مشيرا إلى أن درجة الاستفادة من الإنترنت أو الكتب تتوقف على وعي الجمهور واستعدادهم للتحصيل والثقافة. وأشار إلى أن الإنترنت وما حملته من ثورة في عالم الاتصال والمعرفة أصبح إشكالية كبيرة فيما يتعلق بحجم الحرية التي يقدمها، فهو بنظر البعض ميزة كبيرة تتيح الإبداع وحرية التعبير، لكن آخرين يرون أنه أزال سقف الرقابة الاجتماعية والأخلاقية وأصبح يهدد قيم المجتمعات. ياريت ياشباب ناخد بالنا جدا من الموضوع ده ..ونعتز بلغتنا العربية ..لغة القران ونخليها اساس تعاملاتنا...ربنا يعز بيكم الدين..

جزاك الله خيرا استاذ محمد

ربنا يعزك ويبارك فيكى

وبمناسبة الموضوع ده انا عايزه اغير اسمى للغق العربية

معلش طلب وياريت ينفع ولو ينفع انا عايزه اسمى

إيمان شعراوى

لانى عايزاه بالعرب مش باللغه الانجليزيه

لانى لما اشتركت فى منتدى مصطفى حسنى كان اول اشتراك ليا فى المنتديات ومش كنت اعرف انه ممكن يكون اسمى بالعربى

معلش هتعبك معايا

وجزاك الله خير الجزاء

ربنا يعزك يااخت ايمان..وايوة كده نورتينا باسمك..وهى دى الايجابية ..ربنا يجازيكى خير عليها...
ويجعل الخطوة دى ونيتك الكويسة فى ميزان حسناتك.. وتحت امرك طبعا..ربنا يعلمك ويهدى بيكى...

ربنا يجزيك الفردوس الاعلى أ/ محمد

بس انا تعبت جدا علشان ادخل بالاسم الجديد

وبعد محاولات كتير الحمد لله نجحت فى الدخول

باركووووووووولى يلا

بارك الله فيك يارب

ربنا يعزك يااخت ايمان يارب...ومبروووووك الاسم نور ...

وعلى فكرة المشكلة فى الدخول بالاسم مش من المنتدى..بس الحمد لله انك معانا خلاص ..وتحت امر حضرتك...جزاك الله خيرا..

جزاك الله خيرا يا اخى محمد....فعلا موضوع مهم واحنا مش واخدين بالنا منه
بس فعلا احنا لازم نعتز بالغة العربية لانها زى ماحضرتك قولت لغة القران
......انا لسه منزلة موضوع النهاردة وعنوانه انا كتباه
you have not excus
بس علشان الموضوع ده حخلى العنوان ان الصلاة كانت على المؤمنين كتابا موقوتا
وحروح اغيره لان كلام حضرتك صح
.....ومبروك يا ايمان انك عرفتى تغيرى اسمك للعربى بجد دى ايجابية منك
ربنا يبارك فيكى يارب ويجعلك دايما سباقة للخير

جزاك الله خير وربنا يعزك يارب على ايجابيتك دى يااخت مريم....ربنا يبارك فيكى وفى عمرك يارب..

بجد مش عارف اقولكم ايه..بس المؤشرات باينة اهى منكم ومن الحب اللى بيجمعنا وان شاء الله حنعمل حاجة كويسة والمنتدى يكبر مننا ..ربنا يجمعنا دايما على خير ويجعلنا مكملين وناصحين لبعض على طاعته..

ربنا يعزك ويبارك فيكى وفى اخواتك يارب...

جزاك الله خيرا

فعلا لازم نعتز بلغتنا العربيه لانها لغه القران

جزاك الله خير يااخت نادية وربنا يبارك فيكى وفى عملك..

جزاك الله خيرا اخى على طرح القضيه ..فعلا يمكن انا بحكم تخصصى لمست ده جدا فى تدريبى العملى فى المدارس .. بجد الاطفال مبقاش عندهم اى خلفيه عن اللغه العربيه ..ومدرسين المواد الاخرى يلقون اللوم على مدرسى اللغه العربيه ان الاطفال لايستطيعون التحدث باللغه او الكتابه بها ..
مثلا اذكر لحضراتكو مثال ..كنت عامله اختبار فى احدى فصول المدارس الابتدائيه ..وهو عباره عن اجابه ..والمطلوب تكون ليها سؤال ..يعنى ولا اسهل ..وكان السؤال كالتالى:
-..........................................؟
-نعم ، كتبت واجب المعلم.
يبقى السؤال :هل كتبت واجب المعلم؟ بس كده
لاقيت طال كاتبلى : هل عملت الواجب بتاع المعلم؟
تخيلو مش عارفه ايه علاقه "بتاع " باللغه ...
احنا كمجموعه من خريجى كلية التربيه قسم لغه عربيه ..فكرنا اننا نعمل جروب اسمه "محبى اللغه العربيه" ندافع فيه عن اللغه ..مش هدفنا ان الناس تتكلم لغه عربيه فصحى فى الشوارع والاسواق ..بس يكونو عندهم خلفيه عنها وانهم يعرفوا مثلا يقرو الكتب وخاصة القرأن قراءة صحيحه .. بس لاقينا اننا لازم نبدأ من الصفر من محو الامية واحنا ربنا يعينا فى البدايه دعواتكو لينا وطبعا بنرحب بأى حد عاوز يشترك بس بافكار حاليا لان الحمله مقتصرة على مدينة السويس ..الى ان يشاء الله ويكون للفريق افرع فى بقية المحافظات ..
جزاكم الله خيرا واستخدمنا واياكم فى نصرة دينه

سبحان الله والله فعلا يااخت رحيق الناس عندها جهل جامد باللغة العربية...

حضرتك لو شفتى الاطفال الباكستانيين والماليزيين وغيرهم ..وهما بيقراو القران رغم انه ميعرفوش يتكلموا عربى..حتقولى سبحان الله...

احنا بقى اللى لانعرف حتى نقرا قران ..ولانتكلم لغة صحيحة..ربنا يعيننا يارب...

والموضوع اللى حضرتك بتقولى عليه ده محبى اللغة العربية..بجد هاااايل...وانا والله اتمنى اكون معاكم فيه..وتحت امر حضرتك انا وفريق بحبك يارب اسكندرية...

ان شاء الله فى اجازة نصف العام حنعمل قوافل دعوية خاصة بفريقنا هنا فى اسكندرية..بنطلع فيها فى كل حتة وكنا ناويين الاجازة دى نطلع قرى الصعيد..لكن مفيش اى مشكلة لو الموضوع بتاع حضرتك مشى انا احنا نيجى السويس يوم نساعدكم فيه سواء كندوات او زيارات...

وكمان ممكن من خلال منتدانا نعمل ليكم قسم خاص باللغة العربية وحضرتك بقى واصدقائك تتولوا تصحيح المفاهيم...وربنا يوفقنا جميعا الى مايحب ويرضى...

اظن خطوات ايجابية اهى مفيش بعد كده بقى..بس ربنا يعيننا ان شاء الل...

ربنا يعزك يااخت رحيق...

محمدطه كتب:: والموضوع اللى حضرتك بتقولى عليه ده محبى اللغة العربية..بجد هاااايل...وانا والله اتمنى اكون معاكم فيه..وتحت امر حضرتك انا وفريق بحبك يارب اسكندرية...

ان شاء الله فى اجازة نصف العام حنعمل قوافل دعوية خاصة بفريقنا هنا فى اسكندرية..بنطلع فيها فى كل حتة وكنا ناويين الاجازة دى نطلع قرى الصعيد..لكن مفيش اى مشكلة لو الموضوع بتاع حضرتك مشى انا احنا نيجى السويس يوم نساعدكم فيه سواء كندوات او زيارات...

وكمان ممكن من خلال منتدانا نعمل ليكم قسم خاص باللغة العربية وحضرتك بقى واصدقائك تتولوا تصحيح المفاهيم...وربنا يوفقنا جميعا الى مايحب ويرضى...

اظن خطوات ايجابية اهى مفيش بعد كده بقى..بس ربنا يعيننا ان شاء الل...

ربنا يعزك يااخت رحيق...

جزاك الله خيرا ..طبعا مفيش بعد كده.. فعلا ان شاء الله تعالى تشاركوا معانا .. لكن زى ماقولت لحضرتك هى مجرد فكرة ولسه قدامنا كتير ..ومش هنقدر نتحرك الا على اساس رسمى وكمان تبع جمعيه مشهرة ..يابخت أهل اسكندرية وكل المدن اللى فيها صناع الحياه ..مش بحسد والله بس كانو هيسهلوا علينا حاجات كتير..احنا فى مرحلة جمع المعلومات بنكلم اساتذة جامعه ومدرسين وكل المعنين ..وهنبدأ بدورة تدريبية للمشاركين فى الحمله وللاسف لازم يكونو من ابناء المحافظه.. وبعدين نبدأ نشتغل ونتحرك لكل المحافظات بأذن الله .. ادعولنا ياجماعه .. واكيد بأذن الله هوافيكم بالجديد دايما ..ويكون فيه تواصل بين فريق محبى اللغه العربيه وفريق بحبك يارب عن قريب..
ربنا يستخدمنا جميعا لنصرة دينه .. يارب قدرنا نعمل حاجه ترضى بيها عنا ونفرح بيها نبيك عليه الصلاة والسلام ..
جزاكم ربى الفردوس الاعلى..

» خلى بالكم من هذه الشبهات
» خـــــ بالكم من الفتنة ـــــدوا(تنبيــــه)
» اروع قصة حب على النت
» قصة ابو خالد مع النت ...واقعيه
» ماتت أمي وأنا على النت ...