رسالة الى ابى الروحى....

السلام عليكم ورحمة الله وبركاته..

كلمات رسالة الى عبد الناصر..معلم الكرامة والكبرياء..

والدنا جمال عبد الناصر :
عندى خطاب عاجل إليك . .
من أرض مصر الطيبة
من ليلها المشغول بالفيروز والجواهر
ومن مقاهى سيدى الحسين ، من حدائق القناطر
من ترع النيل التى تركتها . .
حزينة الضفائر . .

عندى خطاب عاجل إليك
من الملايين التى قد أدمنت هواك
من الملايين التى تريد أن تراك
عندى خطاب كله أشجان
لكننى . .
لكننى يا سيدى
لا أعرف العنوان

والدنا جمال عبد الناصر :
الزرع فى الغيطان ، والأولاد فى البلد
ومولد النبىّ ، والمآذن الزرقاء . .
والأجراس فى يوم الأحد . .
وهذه القاهرة التى غفت . .
كزهرة بيضاء . . فى شعر الأبد . .
يسلّمون كلهم عليك
يقبّلون كلهم يديك . .
ويسألون عنك كل قادم إلى البلد
متى تعود للبلد ؟ . .

حمائم الأزهر يا حبيبنا . . تهدى لك السلام
معديات النيل يا حبيبنا . . تهدى لك السلام . .
والقطن فى الحقول ، والنخيل والغمام . .
جميعها . . جميعها . . تهدى لك السلام . .

كرسيّك المهجور . . فى منشية البكرى . .
يبكى فارس الأحلام . .

والصبر لا صبر له . . والنوم لا ينام
وساعة الجدار . . من ذهولها . .
ضيّعت الأيام . .
يا من سكنت الوقت والأيام
عندى خطاب عاجل إليك . .
لكننّى . .
لكننّى يا سيدى . . لا أجد الكلام . .
لا أجد الكلام . .

والدنا جمال عبد الناصر :
الحزن مرسوم على الغيوم ، والأشجار ، والستائر
وأنت سافرت ولم تسافر . .

فأنت فى رائحة الأرض ، وفى تفتح الأزاهر . .
فى صوت كل موجة ، وصوت كل طائر
فى كتب الأطفال ، فى الحروف ، و الدفاتر
فى خضرة العيون ، وارتعاشة الأساور . .
فى صدر كل مؤمن ، وسيف كل ثائر . .
عندى خطاب عاجل إليك . .
لكننى . .

لكننى يا سيدى . .
تسحقنى مشاعرى . .
يا أيها المعلّم الكبير . .
كم حزننا كبير . .
لكننا . .
نقسم بالله العلىّ القدير
أن نحبس الدموع فى الأحداق . .
ونخنق العبرة . .

نقسم بالله العلى القدير
أن نحفظ الميثاق . .
ونحفظ الثورة . .

رسالة الى ابى الروحى.... Nasser-%60s-rising-his-hand

انا نزلت الكلمات دى فى منتدانا تخليدا لذكرى رجل عزيز على قلوب كل المصريين..
وفقنا الله واياكم الى طاعته...

الله على الكلام اللى يهز القلوب ده
بجد يا اخى راااااااااااااائع فعلا والله كل المصريين اشتاقوا لايامه
اد ايه كان رافع راس مصر وجعل لينا كرامة بين الشعوب العربية
هو قائد وزعيم
هو اسم على مسمى جمال وهى فعلا بلدنا كانت فى عهده منتهى الجمال والعزة
جمييييييييييل موضوعك اوى يا استاذ محمد بجد
ربنا يبارك فيك

مريم البتول كتب:: الله على الكلام اللى يهز القلوب ده
بجد يا اخى راااااااااااااائع فعلا والله كل المصريين اشتاقوا لايامه
اد ايه كان رافع راس مصر وجعل لينا كرامة بين الشعوب العربية
هو قائد وزعيم
هو اسم على مسمى جمال وهى فعلا بلدنا كانت فى عهده منتهى الجمال والعزة
جمييييييييييل موضوعك اوى يا استاذ محمد بجد
ربنا يبارك فيك

جزاك الله خير وربنا يعزك على مشاركتك القيمة يااخت مريم..
ويارب يحفظ مصر وكل بلاد المسلمين..
الموضوع ده قريب وحيعجبك ان شاء الله..
https://dhyatna.yoo7.com/montada-f13/topic-t88.htm#257

الله بجد كلمات جميله
ماشاءالله واضح اد ايه حضرتك بتعزه
ربنا يرحمه وربنا يحفظ مصر البلد الجميلة
جزاك الله خيرا
يأيها المعلم الكبير كم حزننا كبير

ربنا يرحمه ويغفر له ويعفو عنه ويجعل مثواه الفردوس الاعلى

جزاك الله خيرا استاذ محمد

انا حاسه من كلامك حبك القوى لجمال عبد الناصر وكلامك عنه زى ما يكون عشت ايامه وعارفه كويس

اللهم ولى امورنا من يخافك فينا ولا تولى امورنا من لا يخافك فينا ولا يرحمنا

اللهم وفق جميع ولاة المسلمين لما تحب وترضى

ربنا يجعل كلامنا خفيف عليهم

ههههههههههههههههههه

مع انى معرفش عنه اى حاجه

بس الناس كلها بتشطر فيه

جزاك الله خيرا يا استاذ محمد

ربنا يعزكم ويبارك فيكم اخواتى استاذة ايمان..واستاذة مكة...وشكرا جدا على مشاركتكم وردودكم..

اخى استاذ محمود..معلش بقى تعالى اعرفهولك علشان بجد حتحبه جدا لانه راجل بجد..وبعدين متخافش احنا فى السليم ياباشا..هههه..جزاك الله خير يارب..

ربنا يرحمه ويغفر له ويعفو عنه ويجعل مثواه الفردوس الاعلى

بجد كلمات مؤثره جدا

جزاك الله كل خير يا استاذ محمد

جزاك الله خير يارب اخت ساحيا بالقران وربنا يحبك على مشاركتك القيمة...ربنا يعزك..

ربنا يرحمه ويعفو عنه

اانا اعرف ان اختلاف الراى لا يفسد للود قضيه

وانا اختلف مع حضرتك فى حاجات بسيطه جدا واختلاف الراى لافيفسد للود قضيه

جمال عبد الناصر انسان محترم جدا وطيب جدا وخلوق جدا

لكن فى ناس بجد حموا البلد دى ودافعوا عنها واقتضوا بنهج الرسول الكرم حببنا كلنا اكتر منه

والله والله مش بقلل من شانه لكن على حد علمى فى ناس عملوا اكتر منه

وانا مش عايذه ردى يضايق حضرتك
وياريت تعارض الافكار مايكونش فيه اى زعل

لا طبعاااا..ده بجد حضرتك كده اسعدتينى جدا..وبعدين انا مش بدافع خالص عن حد..هما كلمتين نقلتهم لراجل بحبه وخلصنا..يعنى اعتبرينى مثلا كاتبهم على ابو تريكة..

كل الحكاية حد زرع فيا يعنى ايه رجولة ويعنى ايه كرامة ويعنى ايه شرف...تخيلى ان مثلا لما مات لقوا معاه بس فى خزنته 300 جنيه..بس ..رئيس مصر...

رفض مثلا يتعمل لاولاده حمام سباحة علشان كان حيتكلف 400 جنيه ..تخيلى...

هى دى الحكاية اختى الفاضلة...لكن مفيش قضية ولا زعل ولا اى حاجة حضرتك اختى الفاضلة اللى بتعلم منك...

بس برضه عايز اعرف منك مين هما اللى قادوا مصر على نهج نبينا....ياترى اللى راحوا باعوا المسلمين واتفقوا مع اليهود وعملولنا انفتاح اقتصادى بنعانى منه لحد دلوقت من شكل لبس وطريقة معيشة وووو...ولا اكمل بقى على ناس تانية واتحبس ..هههه...

ربنا يعزك اخت نادية ويجازيكى كل خير..ولنا عودة اعرفك عبد الناصر عمل ايه وتقولى عندى بقى حق ولا لا..واوعى تصدقى اللى ظلموه..انا دارس تاريخه كله على فكرة..جى لحضرتك تانى بس ورايا كتابات فى موقع تانى وجى علطووول...

طب يلا نفتحها قضيه منقشه...

انا مع حضرتك هو كان انسان كويس وكل حاجه
اللى اعرفه عنه انه كان مش بيتشاور مع حد ولو اتشاور بيبقى متحيز لرايه
دى بقى عايذه فيها رد؟؟؟؟؟؟؟

حاضر ياستى...بصى يااختى الفاضلة...دلوقت انت بلد بعد ماكانت اقطاع وكل اللى ماسكينها بينهبوها..اتقلبت مرة واحدة لبلد معروف اولها من اخرها..اثناء الفترة دى كان فى شوية فوضى وكل اللى عايز يسرق حاجة واللى عايز يمسك منصب ..فوضى يعنى..ثورة حصلت فى البلد...

كان لازم بقى فى الفترة دى يكون فى حد عاقل وشخصيته قوية يقدر يوقف كل واحد عند حده..لو تفتكرى كده الصور بتاعة العراق لما صدام وقع..ايه رايك فى الفوضى والسرقة..ده بقى كان لازم يبقى شديد لاننا كنا لسه بنبنى الدولة..فمش حينفع كل اللى عايز حاجة او منصب ياخدها كانت كده حتبقى تركة ولا ورث...

وفى نفس الوقت لو حضرتك بشوية تفكير صغيرين تقولى القرارات الصعبة دى ياترى كانت بتتاخد على الشعب الفقير الغلبان ولا على العتاولة الكبار...حتلاقى ان كل الناس الغلابة وده المهم كانوا بيحبوه ومتعلقين بيه لدرجة جنونية..واللى كانوا عايشين فى وقته لسه لحد دلوقت بيحبوه ويتحسروا على ايامه...يعنى الغلابة كانوا مبسوطين ومرتاحين ايامه...يبقى طظ بقى فى الباشوات اللى دلوقت بيقطعوا فيه علشان اتاخد منهم فلوسهم اللى كانوا اصلا سارقينها وعاملين اقطاع...

والقرارات بتاعته القوية اللى حضرتك بتقولى عنها كانت بتبقى على الاعداء..زى التاميم مثلا..اتحدى العالم كله وقال حيتعمل وحنجاهد ونقاتل...

مش هو ده اللى مطلوب من حاكم مسلم...انه يرفع راس المسلمين ويخلى ليهم كيان وقوة...

مش عايزك تصدقى اى كلمة بتتقال عليه ..انه كان بيعذب وكان ضد المسلمين والكلام ده..ده كلام ناس عندهم احقاد ومعرفوش يطولو ايامه حاجة...وبعدين لو كان فى تعذيب ..فدلوقت ايامنا فى تعذيب اكبر..صح ولا ايه..ياترى بقى نقول الرئيس هو السبب ..ولا الاخطاء اللى ممكن تحصل فى اى حتة فيها حلو وفيها وحش...

انا مبسوط من مناقشتك على فكرة والله..ربنا يحبك..وعيزك لما اقولك حاجة تقتنعى بيها لانى مش حكدب عليكى..دى امانة بوصلهالك...

ربنا يعزك ويحبك يااخت نادية يارب....

انا ماكنتش عايشه ايام صدام

انا اللى حاجات دى بسمعها من كل الناس

وانا درست فى الدراسات انه فعلا عمل اعمال حلوه جدا

دا انا كنت واخده عن اعماله صفحه كامله من كتر اعماله

بس اللى بسمعه غير كده

وانا مصدقه اللى حضرتك بتقوله وبجد مناقشه اسعدتنى جدا

وجزاك الله خيرا

كلمات جميله جدا يا استاذ محمد
ربنا يحفظ مصر ويحمي ابناءها وينصر الامه
بوركت اخي الكريم