فضفضة

السلام عليكم ورحمة الله وبركاته
ايه الموضوع الجميييييييييييل ده يابنات كان مستخبى فين
بجد ربنا يجازيكى كل خير حبيبتى مكة عليه
مش عارفة اقولكم بحب المواضيع الى من النوع ده قد ايه
الى بيكون فيها الخط النفسى ده
وبحس قد ايه بيقرب الناس من بعض

مى
حبيبتى
ايه ده
مالك ياقمر
ومين زعلك وانا موجودة

بصى انا عايزة ارغى معاكى كتييييييييييييييييييييييييييييير واوعى تقولى صدعتينى يا ايمى
ماشى
مبدأيا خدى بنادول وتعاليلى
بصى ياستى بما انى مكتئبة قديمة
وباعانى من مودات غريبة ومتقلبة
فاسمعى منى شوية

عارفة نصيحة شاهى
"اسعدى نفسك"
بجد حطيها قدامك ونفذيها بكل حزافيرها
ودى كانت نصيحة شاهى ربنا يخليهالى لما كان مودى مش حلو اليومين الى فاتوا
مش حاكذب عليكى واقولك انى بقيت بمب وكله عدى
لا ابدا بس على الاقل بجد مودى بدا يهدا ويستقر للاحسن

عارفة يعنى ايه اسعدى نفسك؟
هى مش دعوة للانانية ابدا
هى حل ليكى فى المقام الاول
اسعدى نفسك يعنى دورى على الحاجات الى بتحبيها واعمليها
اقولك اختك المسكينة ايمى بتعمل ايه ولو لاقيتى من خططى حاجة بتحبيها اعمليها علطول

اولا وانا متضايقة او مخنوقة باحاول قد الامكان مااقعدش لوحدى
ابقى دايما وسط تجمعات لناس حباهم
ناس حباهم مش ناس يزودوا الى انا فيه
فاهمانى طبعا
يعنى اختارى المقربين والى بجد ترتاحى وسطهم
اتكلمى مع اى حد من صحباتك المقربين اقرب انتيمة يعنى
بس اتكلمى بصفة عامة ومتحكيش فى الى مضايقك قوى
كنوع من انك تغيرى مودك يعنى متبقيش متضايقة وتحاولى تفكى شوية مع صاحبتك تروحى برضه متكلمة فى الى مضايقك

اخرجى وشمى هوا
واختارى اكتر مكان ترتاحى فيه
اقولك حاجة تانية باعملها؟
لما اعوز انسى ضيقى قوى باقعد مع اطفال
بجد العيال دول ملك تانى ينسوكى نفسك مش حزنك او ضيقك بس
اضحكى وهرجى معاهم بمعنى اوضح استعيلى زيهم
وياسلام لو العيال دول بقه
انتى ماتعرفيهمش قوى
يعنى من دار ايتام مثلا
دول حيكون كل همك انك تسعديهم بجد اكتر من اى طفل ممكن يكون فى عيلتك
ولما تسعديهم بجد واقسملك حتحسى بسعادة وراحة غير عادية

اما بقه لو فضلتى تكونى لوحدك مش بين الناس
برضه متكونيش لوحدك
كونى مع الله
صلى
واقراى قرءان
قولى اذكار على قد ماتقدرى
طبعا عارفة انك كده واحسن ماشاء الله احسبك كذلك ولا ازكيكى على الله

فى كل حالة
سواء وحدك مع الله

او الاندماج وسط الناس وعمل اى حاجة بتحبيها
بجد حتخرجك من مودك ايا كان
ولما تبقى اهدا حتقدرى تفكرى
احسن
وتحلى مشكلتك لو مشكلة شخصية
او تساعدى حد لو كانت المشكلة تخص غيرك

وفى الاخر بقه مش ممكن اسيك وانتى متضايقة ابدا
تيجى اقولك نكتة بايخة
بس اوعى ماتضحكيش عليها
جاملينى حتى
هههههههههههههههه

مسطول صدم شرطى بالعربية وموته
راح متصل على 122
وقالهم احب ابلغكم انكم بقيتوا 121 بس

هاااااااااااااا
لسه مابتضحكيش؟

اتمنالك كل خير يا اجمل مى

حبيبتي مي سلامتك يا امر يمكن اكون خبرتي ضعيفة ومش هعرف اقول الكلام الجميل اللي قالوه اخواتي بس انا بحبك اوي ومش عايزة اشوف اللي بحبهم زعلانين ربنا يفرج عنك همك وحزنك وهم كل مهموم وفك كربك وكرب كل مكروب حافظي علي الوضوء وعليكي بالوضوء قبل النوم بلاش تنامي وانتي مش متوضية حافظي علي وضوئك قبل النوم علي طووول مش بس وانتي مضايقة
الا بذكر الله تطمئن القلوب اطمئني حبيبتي ولا تحذني

سأحيا بالقرأن كتب:

السلام عليكم ورحمة الله وبركاته
ازيكم حبايب قلبى بجد وحشتونى اليومين دول معلش اتاخرت عليكم بس الحمدلله انا قولت ادخل النهارده اطمنكم عليا اصلى حسيت انى قلقتوكم عليا انا الحمدلله احمد الله على كل شىء وانا بشكركم اوى وبحمد ربنا انى اكرمنى باخوات زيكم ربنا يخليكوا ليا يارب ومايحرمنيش منكم ابدا

حبيبتى شاهى يااااااااااااااه على كلامك الجميل ده بجد انا مش قادره اكتب واقولك ايه بجد الواحد بيتعلم منك وحلو قوى شعار اسعدى نفسك تعرفى انا اليومين اللى فاتوا عليا قدرت اتغلب على نفسى والحمدلله ا قعدت اهزر مع اخواتى قولت اطلع نفسى من المود اللى كنت فيه وخرجت مع صاحبتى وارتحت قوى قوى بعدها الحمدلله يعنى احسن من الاول ولما لقيت نفسى كويسه قلت لازم ادخل زمانك يابنت يامى قلقتيهم عليكى بس معلش اصلى بجد كنت عايزه افضفض معاكم شويه لأنكم بجد ماشاء الله عليكم وصدقينى ياشاهى انتى انسانه ماشاء الله عليكى ربنا يحفظك يااااااااااارب وانا بحبك قوى قوى وربنا يعلم

حبيبتى سالى اقولك الاول انتى وحشتينى قوى قوى وبجد نفسى اتكلم معاكى جدا وانا الحمدلله كويسه ماتقلقيش عليا بصى اما عن الموقف هو حصل قدامى يلا بقه حسبنا الله ونعم الوكيل انا توكلت على ربنا لأنه هو اللى عالم بكل شىء وابقى حاولى تفتحى ايميلك يا سولى عشان نتكلم ربنا يسرلك امورك يارب بحبك قوى قوى ووحشااااااااااااااااانى كتيييييييييييييييييييير

حبيبتى ايمى بصى من قبل مااتكلم اهو هههههههههههههههه ضحكت بجد انتى زى العسل ودمك خفيف بشكل وشكرا على نصايحك الجميله تعرفى انا بحب حاجه اسمها اطفال والحمدلله الفتره اللى فاتت دى كنت بقعد معاهم كتير قوى وكفايه انى شوفت الضحكه فى عيونهم وخرجت مع صاحبتى وبعدها ارتحت قوى قوى الحمدلله يعنى انا كويسه دلوقتى مش تقلقى عليا بحبك قوووووووووووووووى

اما بقه حبيبتى ايمان وحيد ربنا يخليكى يارب على النصيحه الجميله دى وانا الحمدلله بكون متوضيه قبل ماانام وعلى رأيك الا بذكر الله تطمئن القلوب والحمدلله على كل شىء ربنا يخليكى ليا
حبيبتى ايمان متقلقيش كده عليا انا الحمدلله كويسه والله انا مقدره احساسكم ده وخوفكم عليا ربنا يخليكوا ليا يارب ومايحرمنيش منكم ابدا
وانا متوكله على الله فى كل شىء
توكلت عليك يا مالك امرى
حسبى الله لا اله الا هو عليه توكلت وهو رب العرش العظيم
بحبكم فى الله يااحلى اخوات

السلام عليكى ياقمر
ايوه كده هى دى مى الى اعرفها وتربية ايديا
هههههههههههههههههههه
ماشاء الله ربنا يسعد قلبك ويهون عليكى دايما يا اجمل مى
والحمد لله ان النكتة عجبتك اقولك سر انا لما باقول نكتة لحد بابقى قلقانة قوى تبقى دمها تقيل
ومايضحكش بس باقوى نفسى واقول قولى يمكنت يضحك وتبقى ادخلتى سرور على قلبه
الحمد لله انك ضحكتى
بس اوعى تكونى بتجاملينى
ربنا يخليكى واسمعى النكتة دى كمان
واحدة بتقول لجوزها انت لازم تطرد السواق الى عندنا
ده كان حيموتنى مرتين فى حادثة
قاله طب نصبر ونديله فرصة تالتة

رحيمة كتب:

السلام عليكم
أنا أول مرة أشارك معاكم في الموضوع ده بس حسيت إني
عيزه اتكلم و عارفه إن قلبكم واسع جدا و حتسموعني
بس أنا و الله العظيم مش قدره أكمل و الله بجد تعبانه أوي
و الناس بقت وحشه جدا جدا و الله العظيم
الكل بنافق و الكل بيكذب
أنا عارفه إنه من زمان فيه صفات كده في البشر بس
أنا و الله زي مبتقولوا فاض بيا و مش عارفه أكمل
و انا مش عارفه الناس دي بتفكر كده إزاي و الله الدنيا دي متسواش أي حاجه
و الله العظيم انا النهرض رحت للعزاء و الله حسيت
إن الدنيا مفيهاش حاجه تستاهل
و الله أنا مقهوره أوي على نفسي و على حال الناس
ربنا يهدينا جميعا
بجد مش عارفه أكمل

السلام عليكى يا رحيمة
اقولك حاجة كل ما باقرا اسمك بحس بانشراح فى قلبى بجد والله
اسمك حلو قوى
وحتى لو قلت فاطمة يااااااااااااااااااااااااااااااا ماشاء الله اجمل واجمل
والاجمل من الاسمين انت يا جميييييييييييييييييل
مش لكل امرئ من اسمه نصيب
احسبك على خير
حد جمييييييييييييييييييل كده يبقى ده موده
بصى يا قمر اخر حاجة تبصى عليها وتركزى فيها هى تصرفات الناس
خليكى مع نفسك بجد كونى انتى
مهما كانوا هم حلوين او ...............حلوين
انا متاكدة انك كده ان شاء الله
بصى الواحد كتيييييييير بتمر عليه لحظات زى دى ويحس ايه ده ايه الناس دى وتحسى انك لوحدك وده مش زمانك
ممكن تتاثرى شوية وتتهزى شوية
بس اثبتى تاكدى ان انتى الصح حتى لو قابلتى الى مايستاهلوش وما اكثرهم
بس خليكى انتى زى ماانتى
بجد وعن تجربة انتى باخلاقك ورقى تصرفاتك حتلاقيكى انتى الى بتهزيهم مش هم الى بيهزوكى وتلاقى الكل من جواه عارف ان انتى الصح
ونفسهم يبقوا زيك
خليكى زى ماانتى ادعى ربنا يقويكى وادعى ربنا يهديهم

shahy zohair كتب:

الحمد لله ، الحمد لله
سبحان الله انا كنت متأكده أن مى قويه برده
وهاتتغلب على نفسها وترجع بابتسامتها وحماسها
ربنا يحفظك يارب من كل سوء
ويسعد قلبك ويعوضك خيرا ان شاء الله

بحبك فى الله

خير من احببتينى فيه حبيبتى شاهى ربنا يكرمك يارب ياشوشو ياقمر انتى والحمدلله على كل شىء وربنا يحفظك يارب ويعزك
ويبارلك فى اولادك يااااااااااااارب ربنا مايحرمنى منك ابدا بحبك فى الله

emy emary كتب:

سأحيا بالقرأن كتب:

السلام عليكم ورحمة الله وبركاته
ازيكم حبايب قلبى بجد وحشتونى اليومين دول معلش اتاخرت عليكم بس الحمدلله انا قولت ادخل النهارده اطمنكم عليا اصلى حسيت انى قلقتوكم عليا انا الحمدلله احمد الله على كل شىء وانا بشكركم اوى وبحمد ربنا انى اكرمنى باخوات زيكم ربنا يخليكوا ليا يارب ومايحرمنيش منكم ابدا

حبيبتى شاهى يااااااااااااااه على كلامك الجميل ده بجد انا مش قادره اكتب واقولك ايه بجد الواحد بيتعلم منك وحلو قوى شعار اسعدى نفسك تعرفى انا اليومين اللى فاتوا عليا قدرت اتغلب على نفسى والحمدلله ا قعدت اهزر مع اخواتى قولت اطلع نفسى من المود اللى كنت فيه وخرجت مع صاحبتى وارتحت قوى قوى بعدها الحمدلله يعنى احسن من الاول ولما لقيت نفسى كويسه قلت لازم ادخل زمانك يابنت يامى قلقتيهم عليكى بس معلش اصلى بجد كنت عايزه افضفض معاكم شويه لأنكم بجد ماشاء الله عليكم وصدقينى ياشاهى انتى انسانه ماشاء الله عليكى ربنا يحفظك يااااااااااارب وانا بحبك قوى قوى وربنا يعلم

حبيبتى سالى اقولك الاول انتى وحشتينى قوى قوى وبجد نفسى اتكلم معاكى جدا وانا الحمدلله كويسه ماتقلقيش عليا بصى اما عن الموقف هو حصل قدامى يلا بقه حسبنا الله ونعم الوكيل انا توكلت على ربنا لأنه هو اللى عالم بكل شىء وابقى حاولى تفتحى ايميلك يا سولى عشان نتكلم ربنا يسرلك امورك يارب بحبك قوى قوى ووحشااااااااااااااااانى كتيييييييييييييييييييير

حبيبتى ايمى بصى من قبل مااتكلم اهو هههههههههههههههه ضحكت بجد انتى زى العسل ودمك خفيف بشكل وشكرا على نصايحك الجميله تعرفى انا بحب حاجه اسمها اطفال والحمدلله الفتره اللى فاتت دى كنت بقعد معاهم كتير قوى وكفايه انى شوفت الضحكه فى عيونهم وخرجت مع صاحبتى وبعدها ارتحت قوى قوى الحمدلله يعنى انا كويسه دلوقتى مش تقلقى عليا بحبك قوووووووووووووووى

اما بقه حبيبتى ايمان وحيد ربنا يخليكى يارب على النصيحه الجميله دى وانا الحمدلله بكون متوضيه قبل ماانام وعلى رأيك الا بذكر الله تطمئن القلوب والحمدلله على كل شىء ربنا يخليكى ليا
حبيبتى ايمان متقلقيش كده عليا انا الحمدلله كويسه والله انا مقدره احساسكم ده وخوفكم عليا ربنا يخليكوا ليا يارب ومايحرمنيش منكم ابدا
وانا متوكله على الله فى كل شىء
توكلت عليك يا مالك امرى
حسبى الله لا اله الا هو عليه توكلت وهو رب العرش العظيم
بحبكم فى الله يااحلى اخوات

السلام عليكى ياقمر
ايوه كده هى دى مى الى اعرفها وتربية ايديا
هههههههههههههههههههه
ماشاء الله ربنا يسعد قلبك ويهون عليكى دايما يا اجمل مى
والحمد لله ان النكتة عجبتك اقولك سر انا لما باقول نكتة لحد بابقى قلقانة قوى تبقى دمها تقيل
ومايضحكش بس باقوى نفسى واقول قولى يمكنت يضحك وتبقى ادخلتى سرور على قلبه
الحمد لله انك ضحكتى
بس اوعى تكونى بتجاملينى
ربنا يخليكى واسمعى النكتة دى كمان
واحدة بتقول لجوزها انت لازم تطرد السواق الى عندنا
ده كان حيموتنى مرتين فى حادثة
قاله طب نصبر ونديله فرصة تالتة

ههههههههههههههههه انتى حكايه ياايمى والله انتى سكره ودمك خفيف ربنا يسعد قلبك زى مااسعدتينى كده وطبعا مش مجامله مليش فى المجامله اصلا بحب الصراحه ويارب نطمن على فاطمه وتكون احسن دلوقتى
اسال الله العظيم رب العرش العظيم ان يفرج كربها عاجلا
اللهم امين

عاشقةالقدس كتب:

السلام عليكم ورحمة الله وبركاته
حبايب قلبى
وحشتونى كتيييييييييييييييييييييييييييييير
وعارفة إنى مقصرة جامد معاكم بس سامحونى
أنا آديلى مدة مادخلتش هنا ولما دخلت دلوقتى لقيت ميويى حبيبى كانت مضايقة
زعلت قوى إنى ماكنتش موجودة وقتها بس حبايب قلبى قاموابالواجب ومقدرش أتكلم أو أزود نص حرف على
الكلام الجميل إللى قالوه
عجبنى قوى شعار إسعدى نفسك
بإذن الله هاعمل به قريب لإنى قسيت على نور كتيييييييييييييير وحاسة إنها إتخنقت منى لأنى باظلمها على طول وباجى عليها كتييييييييييير
أنا حبيت أدخل لأكتر من سبب أولهم أعتذرعن تقصيرى معاكم لأن الفترة الجاية مش هابقى موجودة عشان الإمتحانات
وثانيهم كنت عايزة أطمن عليكم واحدة واحدة عشان بتوحشونى قوى
سالى وأمينة ومى وإيمى وشاهى وإيمان شعراوى وقرآنى جنتى وأم فجر وروز الشذى ومريومة حبيبتى ورحيمة وإيمان وحيد وبنات كتيييييييييييييييييييير
مش عايزة أنسى أسمائهم بس كلكم هاتوحشونى خلى بالكم من نفسكم وإوعوا تنسونى لإنى بجد بجد بابقى فاكراكم فى كل وقت من غير حتى ماأدخل بيتنا هنا
كنت عايزة أفضفض بحاجة كده
من أكتر الحاجات إللى بتضايقنى من الناس إنهم مش بيحبوا يعترفوا بغلطهم ولما أغلط أنا عمرهم عمرهم مابينسوا غلطى وبين كل وقت والتانى بيفكرونى بغلطى مع إنهم بيغلطواومع ذلك عمرى عمرى مابعمل زيهم
أنا بحب كل الناس ومش بحب حد يزعل منى سواء كنت أنا الغلطانة أو لأ
بس الناس طول عمرها بتفهمنى غلط او ساعات بتفهمنى صح بس لما يكون مزاجها رايق أو لمايكونواهما عايزين كده
أنا كان نفسى أطول وأفضفض أكتر بس الظروف بقى
أكيد مافمهتوش حاجة من كلامى صح.........
آه باقولكم إبقوا اسألوا على مريومه البتول وعلى أمينة وعلى روزالشذى
متهيألى مختفيين من مدة طويلة قوووووووووووووووى
إبقوا سلمولى عليهم وباعتذر مرة تانيةعن تقصيرى معاكم وعن غيابى الفترةالجاية
دعواتكم بقى ليا
بحبكم فى الله والله أختكم نور

السلام عليكى يانور
حتى لو غبتى
برضه مش ممكن ننساكى
انتى جربتينا صح؟
هههههههههههههه
حبيبتى ربنا معاكى ويوفقك وطبعا حنعذرك لحد ماتخلصى امتحاناتك وتفوقى لنا وترجعى بالف سلامة
وبعدها مش حنسمح باى غياب

اما عن مودك بقه
مش حاقولك اى حاجة
غير لو لسه محتفظة بالرسالة الى بعتيهالى لما كنت متضايقة زيك كده ياريت اقرائيها تانى
وكانها موجهة ليكى منك
ربنا يهون عليكى ياقمر
وحاقولك نصيحة
الناس هم الناس
فيهم الحلو والنص نص
ونور هى نور
ولازم تفضل نور مهما هم اتغيروا
ربنا معاكى ويهون عليكى حبيبتى ومنتظرينك

عاشقةالقدس كتب:

السلام عليكم ورحمة الله وبركاته
حبايبى رجعت ليكم تانى
مى حبيبتى ربنا يعزك ويحفظك على كلامك الجميل دايماً ياقمر
يظهركده الواحد مكتوب عليه الفراق
من زمان من ساعة عمتى وبمروراً بناس كنا فى يوم اجمل اهل وأجمل صداقة وأجمل عِشرة وأول ماإنتهى أجلهم إنتهت كل حاجة وبقت الصلة مش زى الأول وكانهم كانوا مستنين الموت عشان العلاقة تنتهى
ومروراً بناس أنا إتعرفت عليهم من أكتر من بلد ونسبة إنى اشوفهم مش جاية الواحد فى الميه حتى.
قبل ماارجع كنت وأصحابى كل يوم بنبكى عشان الفراق جاى جاى
وكل يوم بنودع واحدة من اصحابنا وجه الدور على صديقة وأخت عزيزة من مصر لو تعرفوا كمية الإنهيار إللى كنا فيه وإللى المدينة كلها كانت فيه مش هاتصدقونى
كل ماييجى على بالى إنى مش هاشوفها تانى بابكىوالله
بيبقى صعب بعد الحب ده كله وبعد أجمل ذكريات عشناها مع بعض بحلوها ومرها نتفارق كده
وعجايب الدنيا فى يوم فراق الأصحاب إللى تصرخ وإللى يغمى عليها
وإللى يبكى على ناس عمرهم ماهيبكوا عليه قد ماهو بكى عليهم
عجايب والله
معلش بتأسف إذا كنت نكدت عليكم بس انا لسه ماطعلتش من مود الفراق
حتى إنتم الواحد بيبكى لو حد فيكم زعل منه من غير قصد وبيبقى عشمه فيكم كبير
عايزة أقولكم حاجة إنتوا ناس طيبين قوى قوى
ولو كنت زعلت حد فيكم فأنا بتأسف وباعتذر وأبوس الراس كمان
مش عايزة حد يزعل ولا ازعل من حد
أنا بعزكم وبحترمكم قوى
نور

السلام عليكم ورحمة الله وبركاته
ايه النور ده كله يانور
وحشتينا بجد والله
خير ان شاء الله عملتى ايه فى امتحاناتك؟
ان شاء الله امتياز ياقمر

انتى اتكلمتى فى احساس صعب قوى يانور
رجعتينى سنييييييييييييييييييييييييييييين
يوم مااتخرجت
كلنا زهقانين من الدراسة والمذاكرة والمجهود الى بنعمله
وبنعد الايام عشان نخلص امتحاناتك ونتخرج
وجاء اليوم
واتخرجنا
اخر يوم امتحانات كان مناحة زى مابيقولوا
بكاء
وحزن وتاثر
مش حنشوف بعض تانى
لا حنشوف بعض
حنتقابل دايما فى الجامعة
حنتجمع على فترات
حنتجمع فى المناسبات
وفعلا حصل ده
وبقينا على فترات نتجمع فى الجامعة
ونتقابل فى بعض افراح الزملاء
والكلية عملت حفل تخرج جماعى حضرته الدفعة كلها
وقررنا احنا كطلبة نعمل الحفل ده كل سنة ونتجمع كل سنة
وعملنا الحفل تانى بعد التخرج بسنة
و بعدين
خلاص
مرت الحياة
سحبتنا فى دوامتها
فين الناس
فين العشرة
فين الايام
مفضلش غير الذكريات
شوية صور
وشوية كلمات رقيقة فى دفتر الاهداءات
حاسة باحساسك قوى يانور
رغم انى الى باحكيهولك فات عليه كتيييييييييييير
بس لحد دلوقتى لو شفت صورنا زمان او قرات اهداءات اصحابى
عايزة اقولك ان قلبى هو الى بيعيط مش عيونى
ايام جميلة وناس اجمل
بس هى دى سنة الحياة