درس للاخت سأحيا بالقران (الخشوع فى الصلاة )

ان الحمد لله نحمده ونستعينه ونستغفره ونعوذ بالله من شرور انفسنا ومن سيئات اعمالنا من يهده الله فلا مضل له ومن يضلل فلن تجد له وليا مرشدا
يقول الله تعالى قد افلح المؤمنون الذين فى صلاتهم خاشعون
فهنيئا لمن يخشع فى صلاته لله عز وجل اى يستشعر قلبه بالخوف من الله تعالى
ومن نعمه الله علينا ان جعل لنا عباده نتصل به من خلالها
نتكلم معه ونشكو اليه ونستمد منه من قوته لضعفنا الا وهى الصلاه
فازاى اخشع فى الصلاه انا بسرح كتيييييييييييييير
هنعرف فيما بعد بس اوضح بالحديث ده الاول
بينما كان النبى صلى الله عليه وسلم فى المسجد اذ دخل عليه رجل اعربى وصلى وبعد ماصلى ذهب ليسلم على النبى
فقال له النبى اذهب فصلى فأنك لم تصلى فذهب الرجل فصلى وجاء للنبى ليسلم عليه فقال له النبى اذهب فصلى فانك لم تصلى
فذهب وصلى وجاء ليسلم عليه فقال له النبى نفس الكلمه
فقال له الرجل والذى بعثك بالحق انا لا احسن افضل من ذلك فعلمن
فقال له النبى اذا قمت الى الصلاه فكبر واقرء ماتيسر من القراءن ثم اركع حتى تطمئن راكعا
ثم ترفع حتى تعدل مطمئنا ثم تسجد حتى تطمئن ساجدا
ثم اقعد حتى تطمئن قاعدا ثم اسجد حتى تطمئن ساجدا
وتعيد ذلك فى صلاتك كلها
صدق رسول الله صلى الله عليه وسلم
شوفتوا يا جماعه
تطمئن تطمئن تطمئن
ياترى كام واحده فينا صلت واطمئنت فى صلاتها

داانا بشوف ناسى بتصلى زى السسته طلعه نازله
يبقى فين الخشوع لازم وشرط اساسى فى الصلاه الطمأنينه يعنى قلبك وجوارحك مطمئنه
وفيه ناس بتصلى بسرعه عشاااان مش يفتها ماتش ولا مسلسل
مش حاسين بالنعمه دى والله مش حاسين ان احنا داخلين على الله عز وجل فى الصلاه
يااااااااااه يعنى ربنا قدامنا دلوقتى
يا جماعه لازم نخشع

الامام احمد بن حنبل يقول سيأتى على الناس زمان يصلون ولا يصلون وانى لأخشى ان يكون زمانى هو ذلك الزمان
ياااااااااااااااااااااه الامام احمد بن حنبل خايف ليكون زمانه هو ده الزمان امال الزمن ده بتاعنا يبقى ايه

طب اقول حاجه تانيه عمركم شوفتوا فى القراءن كلمة صلوا
لا مافيش فيه اقيموا الصلاة يعنى ايه اقيموا
يعنى احسنوا وجملوا واتموها

طب تعالوا نشوف نماذج للخاشعين فى الصلاه
سيد الخاشعين النبى صلى الله عليه وسلم
يقول الصحابه ( كنا نسمع لجوف النبى وهو يصلى أذيذا
كأذيذ المرجل من البكاء
يعنى كالحله اللى بتغلى فى الماء
طبعا كلنا نعرف الصوت ده ياااااااااااااااه على الخشوع
ويقول ايضا وجعلت قرت عينى فى الصلاة
يعنى الصلاه دى انسى وحياتى
ويقول ايضا الصحابه لبلال ارحنا بها يابلال
ريحنا فى الصلاه طمنا فيها عايزين راحتنا فى الصلاه
الصحابه بيقولوا على سفيان السورى
لو شوفتوه وهو يصلى كأنه هيموت دلوقتى يعنى هيودع الدنيا دلوقتى من كتر الخشوع

انا بدى امثله طب.......... كيف اخشع فى الصلاه
فيه 4 وصفااااااات لو مشينا عليها والله هنخشع

اول وصفه اياك والمعاصى بلاش ذنوب واحد جاء للامام ابن حنبل فيقول له
ياامام اعد طهورى وانوى الاستيقاظ وانام مبكرا يعنى واخد بالاسباب
عشااااااااااااااان اقوم اصلى لصلاة الفجر ولا استيقظ
فقال له الامام ذنوبك قيدتك
يا جماعه احنا كلنا مشتاقين لربنا وبنحبه
بس ايه المشكلة ان احنا بوظنا اجهزة الاستقبال بتاعتنا
مليانها بالمسلسلات والاغانى والصحبه
اللهم هدينا للطريق الصحيح

تانى وصفه ايه اكتر سوره فى القراءن بتحبها يعنى كل واحد فينا بتحب سوره معينه
احفظها وافهم تفسيرها جاااااااااااامد
صلى بيها قيام ليل تخيل كده فاهم السوره اللى بتقرأها والله هتخشع
تخيل بقه بتكتر فى الحفظ
يبقى الخشوع هيكتر

ثالث وصفه صلى جماعه
يعنى الرجل يصلى فى المسجد المرأه تصلى جماعه فى بيتها مع امها او اختها
طب احنا فى رمضان ليه بنبقى اكتر خشوع
عشااااااااان بنقرأ قراءن كتيييييييييييير ونصلى كتيييييير فالذنوب قلت

رابع وصفه افهم يعنى ايه صلاه
اول حاجه بنعملها لما نصلى طبعا الوضوء
هنروح نتوضأ له انعكاس على قلبك طب ازاى اسمع الحديث ده

قال رسول الله صلى الله عليه وسلم
اذا قام العبد فتوضا فغسل يديه خرجت الخطايا من يديه حتى تخرج من تحت اظافر يديه
فاذا مضمغ خرجت الخطايا من تخت لسانه
فاذا غسل الوجه خرجت الخطايا من وجهه حتى تخرج من تحت اشفار عينيه
فاذا مسح الراس خرجت الخطايا من اذنيه فاذا غسل قدميه خرجت الخطايا من تحت اظافر قدميه
صدق رسول الله صلى الله عليه وسلم

بذمتك تبقى طالع من الحمام ازاى خاشع والا لا
وانته كل الذنوب اللى عملتها اتمسحت كلها
وكمان مش بتمسح الظاهر بس لا والباطن كماان
طب نتفق على حاجه كل اما نروح نتوضأ نفتكر الحديث ده
خلاص خلصت وضوء هتعمل ايه هتظبط القبله فين
وتعدل السجاده طب هتعمل ده بجسمك بس
امال قلبك فيييييييييييين
يعنى ممكن تكون باصص على القبله وقلبك فى حاجه تانيه لالالا استحضر قلبك مع جسمك
يلا الله أكبر هتقولها بقلبك برده قبل لسانك
يعنى ايه الله اكبر يعنى انته ياااارب اكبر عندى من اى شئ تانى
هتقرأ الفاتحه وطبعا براحه

فعمر بن عبد العزيز كان يصلى ويقرأ الفاتحه ويقول الحمد لله رب العالمين ويسكت
الرحمن الرحيم ويسكت
ماللك يوم الدين ويسكت فيقول ايه ويسكت
فبعد ماخلص الصحابه بيسألوه ليه بتسكت
فيقول عمر بن عبد العزيز لأستمتع برد ربى

والله لوقلبك حاضر هتستمتع برد ربك وهو يقول عبدى عبدى عبدى
وبعدبن تركع وتقول سبحان ربى العظيم
انا مش بركع غير ليك ياارب
ومتقولش سحان ربى العظيم مره لا 3 مرات
ليه عشااااااااااااان قلبك قاسى
مش هتأثر عليك مره لا 3 مرات
وترفع سمع الله لمن حمده ربنا ولك الحمد طب ليه بنحمد ربنا
عشاااااااااااان فيه كائنات تانيه ربنا خالقها راكعه فربنا راجعلك وعدلك جسمك
فالعدله دى محتاجه حمد لربنا
وبعدين هتسجد وتقول سبحان ربى الاعلى
شوفوا يا جماعه الفرع رجع للاصله
انته مخلوق من ايه من تراب فووضعت دماغك فى التراب
انته دلوقتى ذليل قوى لربنا فالدعاء مستجااااااااااااااب
فترفع وتسجد تانى لانك محتاج تزل نفسك تانى مره
فتقول التشهد وتسلم على النبى وبعد ماسلمت على النبى سلم على نفسك عبادك الصالحين
عشااااااااااان انته عليت دلوقتى تستحق السلام
واشهد بصباعك السبابه وصلى على النبى وسلم
بذمتكم يبقى طالعين ازاى من الصلاه خاشعين والا لا

خلاص يا جماعه انتوا مستنيين ايه نويتوا
انا هاخشع ياااااااااااااااااااارب وشوفتوا اهم حاجه القلب والطمانينه فى الصلاه
استودعكم الله وسبحانك اللهم وبحمدك اشهد ان لا اله الا انت استغفرك واتوب اليك

//

ما شاء الله عليكى حبيبتى مى ربنا يحميكى ويحفظك يارب ....كلامك جمييييييييييل اوى وصل لقلوبنا واستشعرنا حب ربنا فى الصلاة ..اللهم اجعل قرة عينى فى الصلاة وارزقنا الخشوع فيها يارب ...الحمد لله على نعمة الصلاة لانها نعمة جميلة ربنا من علينا بيها ...الصلاة اللى بتقربنا من الخالق تبارك وتعالى ..بجد احساس جميل جدااا وانتى واقفة وبتصلى وبتركعى وبتسجدى لله عز وجل ...اللهم ادمها علينا نعمة يارب

جزاكى الله عنا خير الجزاء يا مى ربنا يكرمك ويعزك وينفع بيكى الاسلام والمسلمين ويباركلك فى عمرك وعملك ويثبتك على الطاعة وحسن العبادة ويجمعنى بيكى فى الجنة يارب

بحبك فى الله

بسم الله الرحمن الرحيم

السلام عليكم ورحمة الله وبركاته

اللهم اجعل قرة اعين المسلمين فى الصلاة وارزقنا الخشوع بين يديك يارحمن

ربنا يفتح عليكى حبيبتى مي كان درس فى منتهى الجمال دخل قلبنا واتعلمنا منه كتير

ربنا يجزيكى الفردوس الاعلى حبيبتى

ويجازى حبيبتى مريومه على هذا النقل ربنا يعزك حبيبتى مريومه ياااارب

بحبكم فى الله ياحلى اخوات فى الله

ربنا يكرمك ويعزكم أخواتى مريم وايمان والحمد لله انه عجبكم وبجد كلمكم ده غالى عندى جدا ربنا مايحرمنيش منكم يا احلى أخوات ويعزكم ويجمعنى بيكم فى الجنه ان شاء الله
وجزاكى الله كل خير يا مريومه على النقل الجميل ده جعله الله فى ميزان حسناتك
أحبكم فى الله يااجمل اخوات

السلام عليكم ورحمه الله وبركاته

بسم الله ماشاء الله ، تسلم ايدك يا مى والله موضوع أكثر من رائع
أستشعرت بجد بكل كلمه فيه ، حقيقى كلام يرقق القلوب
ربنا يبارك فيكى يامى ويزيدك من فضله

وجزاك الله كل خير يا مريم على نقلك وكتابتك للموضوع
ربنا يحميكم يارب

بسم الله ماشاء الله...الله اكبر كبيرا....ربنا يفتح علي حضرتك يارب ويبارك فى عمرك ويعلمك وينفع بيكى ويبشرك بالخير زى مانا اتبشرت دلوقت...الحمد لله...

ربنا يجعل الكلمات دى شفيعة لحضرتك يوم لقاءه ويفتح لكلامك قلوب الناس....ربنا يزيدك علم اختنا الفاضلة..واسال الله ان لايحرمكم من التجمع فى الخير وعلى طاعته...

ماشاء الله كلمات توصل القلوب علطول...موضوع رااائع وكلمات معبرة....جزاك الله خير يااستاذتنا...وطبعا ربنا يحبك يارب...

ماشاء الله عليكى حبيبتى مى
ربنا يحفظك ويزيدك يارب
والله حقا كلامك مس القلب
ربنا يجعله فى ميزان حسناتك وينفعنا به يارب
جزاكى ربى عنا كل الخير حبيبتى
واشهد ربى انى احبك فى الله
ومعذره والله انى محضرتش الدرس بس غصب عنى حبيبتى
دومتى فى طاعه الله

بــــــــــــــارك الله فيكي اخت مريم للنقل وجزاها عنا خير الجزاء الاخت (سأحيا بالقران)
ربنا يرزقنا واياكن الخشوع بجد كلام طيب ومحتاجينه جدا ربنا يجعل الصلاة قرة اعين لنا
ولا يلهنا عن طاعته ويرزقنا واياكن الخشوع موفقين باذن الله
جوزيتم الفردوس الاعلي
واستئذنكن من صدق الكلمات حبيت انشر الموضوع عبر الايميل جوزيتم وايانا الاخلاص والتوبة والجنة

جزاكم الله كل خير اخوانى واخواتى فى الله
استاذ محمد ربنا يحبك على الكلمات الجميله دى وانا اقل بكتييييييييييير والله ربنا يحبك ويعزك ويزبدك طاعه
حبيبتى علا ربنا يحبك حبيبنى ومتتعذريش خالص يا قمر والحمد لله انك شوفتيه ربنا يكرمك حبيبتى وانا بحبك فى الله

حبيبتى سما ربنا يكرمك ويحبك ويجزيكى كل خير بحبك فى الله
ياااااااااااااااااااارب يرزقنى واياكم الخشوع فى الصلاه وان يجعل قرت اعيننا فى الصلاه
اللهم امييييييييييييييييييييييييييييييين

بسم الله ماشاءالله
حفظكى الله حبيبتى مى ربنايكرمك على كلماتك الجميلة
جعلها الله فى ميزان حسناتك وبارك فيكى
انى احبكى فى الله

ربنا يحبك يا سالى يا قمر وجزاكى الله كل خير على الكلمات الجميله دى ربنا يعزك يا قمرى وانى لاحبك فى الله
اللهم استخدمنا ولا تستبدلنا اللهم امين