مش نسينـــــــــكو ومعاكوا فى فرحكو وحزنكو

السلام عليكم ورحمته اللله وبركاته
****************************
اخوانى واخواتى وبماإن احنا بقينا اسرة واحده (اسررة بنحبك يارب وعايزينك تحبنا وبنحاول نعمل اللى بتحبه )وبتجمعنا حاجه واحده(الاخوه فى الله) فى مكان واحد وبهدف واحد هو ربنا
وبما إن اسرتنا كل يوم بتكبر فرد فعايزين من المطلق ده يكون بينا حاجه كده زى صله الرحم بينا وبين بعض بما اننا متستغربوش ....... يعنى اللى طال غيابه
ندخل نبلغه اشتياقنا لو جوده وسطنا تانى ونطمن ان المانع ان شاء الله خير وهو لما يرجع ان شاء اله يلاقى حبايبه كتيييييييير قوى ومفتقدينه وعشان يعرف انه فى ذاكرتنا وذاكرى المنتدى
او لوكانت عنده مناسبه حلوة .....ندخل نباركله بس بشرط يعزمنا الاول هنا فى المنتدى

لانى بصراحه شايفه ان ده واجب علينا بينا وبين بعض
انا عارفه يمكن يكوون الموضوع عبيط شويه بس ساعات كتير انا بك ون نفسى اطمن على ناس كتير بلاحظ غيابها

عموما اى اخت افتقدتت لاختها هنا تسأل عليها و اى اخ افتقد لاخوه هنا برضه يسأل عليه
وربنا يطمنا عليكو دايما وتكونوا بالف خير مع نفسكوا واللى حواليكوا والاهم مع ربنا

ليه يا حبيبتى بالعكس موضوعك ده جمييييييييل وفعلا اى حد فينا غاب على المنتدى واجب علينا اننا نسال عليه لاننا بجد خلاص بقينا اسرة واحدة واكيد اى واحد يغيب مننا بنفتقده وزى ماانتى قولتى ده حيزود الود والحب بينا

جزاكى ربى الجنة حبيبتى على موضوعك ربنا يكرمك ويبارك فيكى

بحبك فى الله

جزاكى ربى الفردوس الاعلى حبيبتى ايمى

مش انا بقولك انتى لو فضيتلنا شويه هطلعى كل ابداعاتك وافكارك الجامده

معاكى حق فى بتقوليه والله ياحبيبتى

علشان العضو اللى يغيب ويلقى حد بيسال عليه يحس اننا حاسين بوجوده معانا وانا وجوده معانا بيسعدنا ويهمنا

بس انتى عارفه موضوعك فكرنى بموضوع "حملة ومظاهرة حب " اللى فى منتدى محبى مصطفى حسنى

كنا اى حد يغيب كنا كلنا نسال عليه واكيد الحته دة كان بتسعده جدا

ربنا يكرمك ويعزك حبيبتى ايمى

بحبك فى الله

ايه الفكره الرائعه دى حبيبتى بجد رائعه
جزاكى ربى الفردوس الاعلى وربنا يكرمك ويبارلك ويزيدك طاعه
وبجد احنا بقينا اسره واحده يعنى اللى يغيب عننا هنسأل عليه ان شاء الله
دمتى فى طاعة الرحمن حبيبتى
احبك فى الله

لابجدجاااااااااااااامدالموضوع ده
بصى ياستى الناس اللى غايبة
اختنا غااااالية يارب يكون خيرن شاءالله غيابها
ايمى بجدربنايكرمك فكرة رائعة
احبك فى الله

حبايبى اللى مفتقداهم بجد زى ماقالت سالى غاليه ونهال
ربنا يرجعهم لينا بالسلامه واقولهم واحشتونااااااااااااااااااا

حبايبنا غاليه ونهال يارب تكونوابخير وترجعولنا بالسللامه وبسرعه
ويكون المانع خييييييير

السلام عليكم ورحمه الله وبركاته

موضوع كله حب وود وتراحم
جزاك الله كل خير ربى أغلى

أنت عارفه ممكن يكون الموضوع ده بمثابه حضور وأنصراف لأعضاء المنتدى الكريم
يعنى اللى هايغيب شويه كده يقلنا هنا علشان نكون مطمأنين عليه
ولما يرجع بسلامه الله يبلغ حضور ، أيه رأيك؟

ربنا يكرمك ربى أغلى

السلام عليكم ورحمه الله وبركاته

حبيباتى ام فجر ، عاشقه القدس ، emy emary ، ربى أغلى

يعنى كده تقلقونا عليكم
يارب تكونوا بألف خير
فى انتظار عودتكم بألف سلامه وكل من غاب عن المنتدى الكريم

ام فجر ، عاشقه القدس ، emy emary ، حبايب قلبى

ربى أغلى

ربنا يرجعكم لينا بالسلامه ولعل المانع خير ان شاء الله وياااااااااااارب اشوفكم فى المنتدى فى اقرب وقت وتطمنونا عليكم

بحبكم فى الله

حبيبتى ربى اغلى

احب ابلغكم واطمنكم ان سبب غياب حبيبتى ايمى " ربى اغلى "

انهم لغوا اشتراك النت

وهيشتركوا فى واحد جديد تانى

وربنا ييسر الامور يااااااااارب

وحشاااااااااااانى حبيبتى يارب ترجعلنا بالف سلامه

بحبك فى الله

عايزين يابنات نسال على ميار مصطفى ليها فتره مش دخلت

وكمان نسال على دعاء

ايه رايكم نبعتلهم رساله خاصه نسال عليهم

ياريت كلنا نسال

ان شاء الله انا هبعتلهم دلوقتى حالا

ربنا يطمنا عليهم

جزاك الله كل خير ياايمان
فعلا أنا كمان كنت بسأل على ميار مصطفى وقلت يمكن اشفها
فى منتدى فريق حياتى علشان هى مشرفه هناك فأكيد تواجدها ضرورى
بس للأسف المنتدى مش بيفتح معايه

خير ان شاء الله ربنا يطمنا على كل غايب ويرجعه بالسلامه ان شاء الله

فعلا انا بقالى فتره ماشفتش ميار فى المنتدى يااااااااارب تكون بخير وتطمنا عليها ويكون المانع خير بأذن الله

وترجعلنا ياميار بالسلامه عشاااااااان تطمنينا عليكى

سبحان الله ياايمان انا قولت النهارده ادخل اسأل عليها فى الموضوع بس لقيتك سبقتينى بقه

يااااااااااااارب ترجعلنا ترجعى لمنتداكى ونطمن عليكى ياميار

السلام عليكم ورحمه الله وبركاته

الحقيقه الموضوع ده مميز لأنه بيخلينا نطمأن على بعض
وبيعزز صله الأخوه فى الله
اللهم دمها علين نعمه يارب

وأحبيت أسأل على أم فجر (علا )
غايبه من فتره طويله
لعل المانع خير ان شاء الله
ياريت أى حد يعرف عن غيابها حاجه يطمنا ان شاء الله

والاستاذ محمد طه (مدير المنتدى) غايب من فتره وعلمت من الأستاذ عبد الرحمن أن سبب الغياب
تعب بسيط ،
أسأل الله العظيم رب العرش العظيم أن يشفيه

ترجعوا لمنتداكم بالسلامه ان شاء الله

السلام عليكم ورحمته الله وبركاته
وحشننى جدا واله يا جماعه كانتفترة غيابى طويله قوى بعيد عنكوا بس بفضل الله كان المشكله فى النت بس والحمد لله انها جت على قد كده النت
والحمد لله الموضوع بقى تمام وبجد مش عارفه اقول ايه لكل حد سأل عليا ايمان شعراوى وشاهى ومى وكل اخواتى بالمنتدى والله ما قصرتوا
صدقونى حسيت انى فى وسط عيلتى بجد واخواتى هما اللى بيسالوا عليا
ويارب يطمنا على ميار وام فجر
ويارب يا شافى يا معافى اشفى الاستاذ محمد طه شفاءا لا يغادر سقما

السلام عليكم ورحمة الله وبركاته

وحشتينى ياايمى اوى فينك ياحبيبتى وحشااااااااانى

وحبيبتى رحيمة وحشااااااااااانى اوى يارب يكون المانع خير

عايزين نسال عليهم يابنات

ربنا يطمنا عليهم يااااااااااااااارب

وعليكم السلام ياايمان

فعلا يارب يكونوا بالف خير ربى أغلى - ايمان - ورحيمه وسما سيف ربنا يشفى والدها يارب

ورحيمه انا حاولت اكلمها بس للأسف بسمع رساله ان الطريقه المطلوب بها الرقم غير صحيحه
يعنى مش عارفه هل الرقم اللى غلط ولا ايه

ربنا يطمنا عليكم جميعا ان شاء الله

ربنا يحبك يارب ياايمان وفعلا انا مش شايفاهم فى المنتدى
يارب يكون مانع غيابهم خير ان شاء الله
ربى أغلى سما سيف رحيمه سما سيف
واقولهم وحشتوووووووووووووووووووونا اووووووووووووووى
يارب نطمن عليكم ونلاقيكم منورين المنتدى من تانى

السلام عليكم

الى الأستاذ محمد طه

عنوان الموضوع ده لحضرتك

مش نسين حضرتك ومعاك فى فرحك وفى حزنك

مستنين حضرتك وطول غيابك هاندخل الموضوع هنا ونكتبلك

هانسأل عليك وعلى أحوالك وياترى أخبارك ايه وانت بعيد عن بيتك وأخواتك وأخوانك

بيتك امانه فى الأيد اللى حضرتك وثقت فيها وتركت لها العنان لتبنى معك

ان شاء الله نكون عند العهد والوعد بالاخلاص والثبات

لكن بشرط

ان تعود تبنى لكن ليس معنا

تبنى لنا

فى انتظارك

جميلة فكرة الموضوع جدا......بيفكرني بموضوع سجل الغياب اللي في منتدى أستاذ معز مسعود لما بنسأل -إحنا البنات_ على بعض

وكمان لو في أي بنوتة بتغيب لفترة مثلا ... رايحة
مصيف أو أي حاجة تانية..تدخل تقول عشان مش نقلق عليها

فكرة جميلة فعلا أختى الحبيبة ربي أغلى

ع فكرة اسمك حلو قوووووووووووي.الله فعلا...ربي أغلى ..وسبحان الله الشعار ده انا رفعاه دايما في حياتي

فعلا ربي أغلى من كل حياتي وعمرى وشهواتى ومن كل شىء

ربنا يحبك يارب ويسعدك ويرضى عنك حبيبتي

في أمان الله

شاركوا معنا في حملة محبة أكبر من أي تنافس

مش نسينـــــــــكو ومعاكوا فى فرحكو وحزنكو 753118819

السلام عليكم ورحمة الله وبركاته
وحشتونى كلكم كل اخواتى فى المنتدى هنا بدون ذكر اسماء عشان هما كتييييييييييييييير اوى وخايفه انسى حد يقوم يزعل منى
انا عارفه ان سبب غيابكم عن المنتدى ظروف خارجه عن ايرادتكم سواء شغل اوزواج اونت
بس بجد وحشتوناااااااااااا واكيد كل واحده فيكم نفسها ترجع زى الاول نفسها ترجع للروح الحلوه اللى كانت عايشه فيها روح الاخوة فى الله واللمه الجميله اللى كلها مليئه بحب الله ورضاه
انا عارفه انى اول واحده مش بشارك كتير وبغيب عن المنتدى برده وده لأسباب ربنا وحده اللى يعلم بس كل اما الاقى نفسى فاضيه بجرى جرى على المنتدى عشان وحشنى وكمان اطمنكم انى بخير لأن مجرد ماالواحد بيلاقى اسم عضو من الاعضاء كان غايب ودخل بيطمئن وبيرتاح
انا بس دخلت عشان اطمنكم عليا واقول لكل عضواو عضوه
يارب ترجع لمنتداك تانى وتكون بالف خير وبصحه
وان شاء الله الاعضاء هترجع تانى زى الاول
لأن اللى يجمعه حب الله ورسوله عمره مايفترق ابدا واذا افترقنا ففى الجنه سنلتقى
مش نسينـــــــــكو ومعاكوا فى فرحكو وحزنكو 472170

مش نسينـــــــــكو ومعاكوا فى فرحكو وحزنكو 472170