وبعد الاشاعات والكلام الكتير..اليكم الخبر اليقين..زياااارة جديدددة مع فريق حياتى

[size=24]السلام عليكم ورحمة الله لكل الناس
كيف الحال،يارب يكون تمام
وبعد الكلام اللى كتر
وناس تقول هنروح وناس تقول لا
وناس تقول حياتى هتروح وناس تقول لاء
طيب انا بقه بعد اذنكم جيالكم بالخبر اليقين
وجئتٌ كى اوضح بعض الامور الشائكة....ايه الكلام ده...ماعلينا يعنى
واليكم الخبر
اما بالاثبات او النفى
واليكم الاتى::::

دلوقتى بقه معادنا مع خير كبيـــــــــــر زى ما اتعودنا مع حياتى
الخير المرة دى مش مع اطفال ,نونونو
اكبر اكبر
دى دعوات تدخل الجنة وتفرح القلب
دى بركة تحل عليك طول حياتك
دى جنة تحت اقدامهم
طبعا عرفتوا هى ايه
زياااااااااااااااااااااااااااااااااااااااااارة
مع ناس اكبر مننا كتير،ومحتاجين لنا اكتر
محتاجين حد يسمعهم،يشوف هما بيشتكو من ايه،ونستفيد من خبراتهم فى الحياة كمان
اااااه لو صاحبناهم وبقينا لهم زى اولادهم،والله الدنيا ومافيها
طيب نيجى للتفاصيل بقه
اولا اليوم مش هنبقه لو حدنا احنا هنكون مع جمعية فرسان فرع القاهرة ان شاء الله
هيكون معانا 50 مسن ومسنة(يعنى معانا رجال اهو يا شبااااب)
هيتم تجميعهم من من دار أنوار المصطفى بالمطرية ودار الكلمة الطيبة ودار النور المحمدى بشبرا
معادنا الجمعة 20/3/2009 بنادى الخدمة الاجتماعى للعاملين بالشركة المصرية للاتصالات امام مسرح البالون
مواعيد التجمع الساعه 10 صباحا امام بوابة النادى
ويستمر اليوم حتى الساعه 5.30 (وطبعا اللى يحب يمشى قبل كدة عااادى جدا يا جماعة)
اللى يحب يشارك فى مصاريف اليوم تكلفة المسن الواحد 20 جنية

طبعا نوايا اليوم ده بجد يا جماعة مالهاش حصر
بس تعالوا ناخد حديث عن ابسط واكبر نية فيهم
بر الوالدين
رجلا سأل النبي صلى الله عليه وسلم : أي الأعمال أفضل ؟ قال : ( الصلاة لوقتها ، وبر الوالدين ، ثم الجهاد في سبيل الله ) .
الله اكبر
انتوا متخيلين الثواب العظيم،ان بر ابائنا وامهاتنا فى اليوم ده ان شاء الله زى ثواب الجهاد فى سبيل الله
وكمان من اافضل الاعمال الى الله
لالا مين بعد الكلام ده ممكن يعتذر باى حجة ويقول مش جاى
طبعا الكل هيقول انا هااااااجى ان شاء الله
واحنا فى انتظاركم
ماحدش يتأخر ولازم الكــــــــــل ييجى

ويابختكم بالثواب وفرحة النبى بيكم يا شباب فريق حياتى [/size]

ما شاء الله عليهم

ربنا يبارك فيهم ويعزهم يااااااارب

وينفع بهم الاسلام والمسلمين

ياريت كنت من القاهره مكنتش اتاخر وكنت اروح معاهم

لكن قدر الله وما شاء فعل

بجد الواحد محتاج فى حياته ناس زى دول يخلوه يعمل حاجات حلوه

وربنا ييسر الامور ونقدر نعمل حاجات حلوه زيهم كده

وربنا يرضى عنا جميعا ياااااارب

جزاكى ربى الفردوس الاعلى حبيبتى ناديه على نقل هذا الموضوع

السلام عليكم ورحمة الله وبركاتة

كان نفسى اكون معاكوا بس انا مش من القاهرة
قدر الله وماشاء فعل ربنا يكرمكوا

جزاكى الله خيرا حبيبتى نادية

ربنا يكرمكم ويجعله فى ميزان حسناتكم وبجد زى ما قولتى الناس دول محتاجيينا اوى نكون جنبهم ونسمع لهم ونكون عون ليهم .....ربنا يعينكم ويقويكم على اعمالكم الخيرة الجميلة دى ويارب يكون صلاح الامة دى على ايدكم يا شباب المسلمين

ربنا يبارك فيكم يارب

» أرجـــــــو الرد علـــــى سؤالــــــــى بعــــــد إذنكـــــــم لو سامحتــــــوا
» غروب اليقين!!!
» اليقين روح أعمال القلوب
» اضحك مع حوده عن الجواز قبل وبعد
» اليكم المسلسل الجديد..................زوجى ما زال حبيبى,,,,