آلة الزمن

السلام عليكم ورحمة الله وبركاته
فكرة غريبة شوية فكرت فيها
عقلى سرح
وخيالى اتحرك
ممكن اكون شطحت بدماغى شوية
بس حبيت تشاركونى
بس قبل مااعرض عليكم موضوعى عايزة اقول حقائق
وهى
الحمد لله على كل حال
ولو علمتم الغيب لاخترتم الواقع
واننا نحب الماضى لانه ذهب ولو عاد لكرهناه
وان حياتك هى يومك
امس ذهب
وغدا ربما لا ياتى

بعد كل هذه الحقائق اسمعولى اعرض فكرتى ولنعتبرها لعبة
مجرد لعبة

ايه رايكم فى اله الزمن؟
لو عند كل واحد فينا اله زمن
وعليه انه يستخدمها مرة واحدة
يرجع ورا
او يطلع قدام
ماضى
او
مستقبل
تختاروا توصلوا لحد فين وامتى وليه؟
لو عايزين ترجعوا للماضى
تحبوا ترجعوا لاى وقت وليه؟
ولو بتفكروا تعيشوا فى المستقبل والمستقبل كله بامر الله
تحبوا امتى وتتخيلوا حياتكم تكون ازاى؟
حانتظر مشاركاتكم

ام فجر كتب:

وعليكى السلام حبيبتى ايمى
فكره جميله اووووووووووى
بصى يا ستى بما انى اول من اشترك معاكى فانا سعيده اوى
انا لو معايا اله الزمن طبعا مش عايزه مستقبل لانه بايد الله
والحاضر انا بمر فيه فبردو مش عايزاه
اما الماضى فهو اكتر شىء بيئلمنى اوووووووى
علشان كده هختار الماضى
وارجع للفتره اللى عملت فيها سيئات كتير اووووووووى
وهرجع اصلح كل شىء عملته
دى امنيتى لو معايا اله الزمن
بس الحمد لله الامنيه اتحقق
متستغربيش
عارفه ليه؟؟؟؟؟؟؟؟؟؟؟؟
لانى كان نفسى امسح سيئاتى اللى فاتت
وربنا سبحانه وتعالى بيطمن اللى بيتوب ويقول
ويبدل الله سيئاتهم حسنات
فالحمد لله رب العالمين على نعمه المغفره اللى سبحانه وهبهها لعبيده
جزاكى ربى خير الجزاء يا ايمى
فكره جميله اوووووووووووى
والسلام عليكى

السلام عليكى يا علا ياقمر
طبعا بالاضافة لانى بحبك فى الله وربنا يديم محبتنا جميعا
لازم اقولك انى بحب سبقك ويارب دايما سباقة للخير مش بس فى المشاركات
ماشاء الله انتى فعلا عندك حق ياعلا
ربنا من عليكى بالة زمن من ربانية
اله زمن اسمها التوبة فعلا بترجعنا للماضى بس مش اى ماضى
ماضى ابيض نقى
اللهم ارزقنا توبتك وتقبلها منا وثبتنا عليها
جزاكى الله خيرا يا قمر

سأحيا بالقرأن كتب:

وعليكم السلام ورحمة الله

ماشاء الله فكره رائعه حبيبتى ايمى وجميله قوى احسنتى الاختيار
بصى يا قمر انا لو معايا الة الزمن دى احب ارجع للماضى والماضى ده معلش بقه اصلى داخله فى طمع شويه

عايزه ارجع لمرحلتين
اول مرحله مرحلة الطفوله لانى كنت بحبها قوى قوى وكنت بعمل فيها حاجات غريبه ومضحكه جداااااااااا جداااااااااا والمرحله دى لما كنت فيها تمنيت انى مكبرش افضل صغيره كده علطوووووووووووول

وتانى مرحله نفسى ارجع لها تانى لما كنت بعيده عن ربنا كان نفسى ارجع تانى واستغفرلربنا كتير قوى والتزم قوى قوى واصلح فى نفسى زمان بس الحمدلله قدر الله وماشاء فعل

اما المستقبل طبعا بامر الله واحده بس لو تخليت مستقبلى يااااااااااااااااااااه نفسى بجد فى حاجات كتير قوى تحصل فى مستقبلى اول حاجه نفسى انى اشوف حال المسلمين فى احسن حال والناس احوالهم كويسه يعنى مايكونش فيه سلبيه فى المجتمع واشوف الاقصى وكل البلاد الاسلاميه المحتله متحررين ونفسى اشوف كل الناس مرتبطه ببعضها يعنى مايكنش فيه تفرقه يكون قلوبهم كلها متألفه مع بعضها
وانى اكون خادمه لدينى وكل الناس واكون حافظه كتاب الله عز وجل

انتى قولتى موضوع مش هاخلص فيه يعنى احلامى المستقبليه كتير قوى قوى ياااااااااااااااااااااارب تحقق
واقول برده المستقبل بأمر الله تعالى
ربنا يحبك ويعزك حبيبتى ايمى رائع بجد
بحبك فى الله

السلام عليكى مى
اشكرك على مشاركتك
ماشاء الله بجد كلامك حلو قوى ومحسوس
فعلا اى حد لو اتمنى يرجع للماضى يتمنى يرجع لطفولته
للهدوء والتلقائية والبراءة وكل المعانى الجميلة الى بنفقدها بالوقت والزمن ويارب ربنا يعيد لنا هذه المعانى الجدميلة بدون مانحتاج الة زمن

وطبعا رغبتك فى العودة للماضى لتصحيح كل شئ مش صح ماشاء الله علا ساعدتنا فى الة التوبة
والى ربنا من علينا بها فعلا دون رجوع بالزمن فقط رجوع بالندم

اما المستقبل الجميل المشرق الى بتتمنيه
ماشاء الله ربنا يتقبل
وفعلا كل الى كتبتيه نعيشه ونشوفه ونتمتع به
جزاكى الله خيرا ياقمر

السلام عليكم ورحمة الله وبركاته
اقولكم بقه انا لو معايا الة زمن اتمنى اروح فين وامتى وليه؟؟؟؟؟؟؟؟
عندى احساسين جوايا وحابداهم معاكم بالاعلى
نفسى جدا لو معايا الة الزمن دى بس تكون الة مضبوطة صح مش صينى يعنى
اتمنى ارجع لعصر الرسول عليه الصلاة والسلام
نفسى اعيش الزمن ده
نفسى اكون من شهداء فجر الاسلام نفسى اكون مع سمية وشهداء بدر
بجد اتمنى لو بايدى ارجع مع سيدنا وحبيبنا عليه افضل الصلاة والسلام

اما بقه لو الالة دى صينى ومتقدرش تتعمق فى الماضى قوى كده
فانا حاختار ارجع برضه
لانى بحب الماضى جدا بحب كل حاجة قديمة قوى
حارجع بالتى الى ماقبل ثورة 1919
ارجع للوقت الى كانت المراة دايما فى بيتها
معززة مكرمة مصانة
ومع وجودها المستمر فى بيتها كانت برضه بتتعلم وبتتثقف ومنهم الى كانوا بيعرفوا لغات
يعنى كما لو كانت جامعية زى يومينا دول
بس الافضل انها كانت متصانة فى بيتها
عارفة ان كتير حيقول انى قديمة ورجعية بس بجد ده احساسى ان البنت مكانها بيتها
"وقرن فى بيوتكن"
مش ديننا بيقول كده
وطبعا لانى فى 2009 مش 1919 فكل احلامى دى هباءا منثورا وانا اكتر حد بيخرج
بس بجد بجد جوايا اتمنى وضع زمان ده قوى

معلش طولت عليكم

السلام عليكم ورحمة الله وبركاته
تسلميلى حبيبتى مكة على مشاركتك
فى الحالتين احساسك حلو
لو عايزة ترجعى للماضى تستغفرى وتصلحى اخطاءك طبعا احساس جمييييييييييييييييييييييل
ربنا يغفر لك ويعفو عنك وعنا وعن كل المسلمين اللهم اميييييين
واحساسك انك مش عارفة تروحى فين بالة الزمن يعنى انك راضية بزمنك ووقتك وده ماشاء الله برضه احساس جمييييييييييييل ربنا يمتعك بيه

جزاكى الله خيرا ياقمر وربنا يرزقك كل الى بتتمنيه