ممكن نعدي بعض؟!

السلام عليكم ورحمة الله وبركاته
ممكن تكونوا معرفتوش تقروا العنوان بس انا عايزة نعدي بعض العدوي
جربت تنقل عدوي لحد، طب عمرك اتعديت من حد ،،،فكر كويس اكيييييد مافيش حد عمره مااتعدي من حد في بيتعدوا في تصرفاتهم او امراضهم او طباعهم او كلماتهم بس ايه احلي عدوي ممكن تتعديها عارررررررف ايه عدوي فعل الخير(العمل الصالح)
جتلك قبل كده خالص ولامرة قلدت حد :!: بيتصدق بلاش ولامرة حد شافك بتقول كلمة طيبة اتعدي منك طب ممكن لما تتعدي من حد تيجي تقولينا اتعديت منه في ايه عشان نتعلم اقصد نتعدي ;) من حضرتك ممكن ننقل لبعض احلي عدوي فعل الخير او العمل الصالح يعني ممكن لو اتأثرت او اثرت في حد اتعديت او عديت حد ممكن تيجي تعترف
طب اسمع يمكن تتمني حد يتعدي منك او انت تتعدي من حد
في عهد رسول الله صلي الله عليه وسلم كان يحتضر مسلم وسمعوه الصحابة يقول :
ياليته كان بعيدا،ياليته كان جديدا ،ياليته كان كاملا)وحينما سأل الصحابة الحبيب عليه افضل الصلاة والسلام قال لهم : لقد عرض عليه عمله الصالح الذي سيشفع له
1-كان مارا ووجد كفيف يريد الذهاب للمسجد فأوصله رغم اقتراب المسافة ولكنه عمل سيشفع له فقال المحتضر ياليته كان بعيدا (المسجد).
2-كان مارا في جوف الليل فوجد مسكينا يشعر بقسوة البرد فأعطاه المحتضرثوب قديم حينما عرض عليه العمل قال ياليته كان جديدا(الثوب).
3-مر به فقير ذات يوم يطلب طعام فقسم المحتضر معه طعامه وقال حين احتضاره ياليته كان كاملا(الطعام).
ها ناااااااااوي أن تفعل شئ قبل أن تقول ياليته فكر جيدا لن تندم
(ولا تحقرون من المعروف شيئا وان كان اماطة الاذي عن الطريق) فلنتوقف عن قول أنـــــــــــــــا مــــــــــــالــــــي :(
قال تعالي(كنتم خير أمة أخرجت للناس تأمرون بالمعروف وتنهون عن المنكر)
ولا تنسي(وتعاونوا علي البر والتقوي)
هااااا فكرت قررت انتويت فعل الخيرات انتويت ان تنقل الفيروس ان تنقل عدوي الخير انشر فعل الخير( سيأتي يوم لن يأخذ المحتاج صدقتك...

اغتنم خمس قبل خمس1-شبابك قبل هرمك
2-صحتك قبل مرضك 3-فراغك قبل عملك
4-غناك قبل فقرك 5-حياتك قبل مماتك.....
متنساش تعدي اللي تعرفهم(الدال علي الخير كفاعله) وفي انتظار عدواتكم ههه اقصد نصايحكم اللي عديتم بيها او نشرتموها ....
الموضوع مستوحي من اجتماع
د/شريف عبد العظيم مسئول عن جمعية رسالة.
(شباب الخير)
اللهم ارزقنا الاخلاص واهدنا واهدي بنا واجعلنا سببا لمن اهتدي امييييييين

وعليكم السلام ورحمة الله وبركاته

بسم الله ماشاء الله
ايه المواضيع الجامدة دى
أهى دى بأه أحلى عدوى الواحد ممكن يتعديها
ممكن زى ماقلتى فعل الخير والعمل الخيرى
وكمان ممكن نجرب نعدى الناس بحاجات تانية
زى مثلا
دروس بنسممعها أو بنحضرها
سنن بنعملها
ونخلى الناس تحبها من خلالنا احنا وطبعا ف ميزان حسناتنا

جزاكى الله الفردوس الأعلى
ويارب دايما ومعدية وناقلة لعدوى الخير يااااااااااااارب

بارك الله فيك ونفع بقلمك وعملك

وعليكم السلام ورحمه الله وبركاته

ماشاء الله ، موضوع غايه فى الروعه ياسما
بارك الله فيك وجعله فى ميزان حسناتك
وفعلا زى ماقالت قرآنى جنتى العدوه أنك تعدى غيرك بموضوع سمعته
او محاضره حضرتها او برنامج شاهدته

اللهم أصرف عنا كل عدوه سيئه ، وحبب لنا كل امر حسن وقربه منا

وعليكم السلام ورحمة الله
والله احلى عدوى ياسما جزاكى ربى الفردوس الاعلى حبيبتى على الموضوع الجميل ده
جعله الله فى ميزان حسناتك
كلام جميل قوى وفعلا ياسلام لو عديت حد فى عمل صالح تقوموا بيه دى فى حد ذاتها حاجه جميله قوى
انك تشوفوا انك بتنقلى عدوى مفيده وفى نفس الوقت تبقى فرحانه انك عديتيها
اللهم اعنا على ذكرك وشكرك وحسن عبادتك
ربنا يكرمك ويحبك وفى انتظار مزيدك
بحبك فى الله

:( السلام عليكن ورحمة الله وبركاته
حبيباتي في الله قراني جنتي وشاهي زهير وساحيا بالقران جزاكن الله كل خير لمشاركتم وردكم علي الموضوع وتشجيعكم بس فين العدوي اللي هتعدوني بيها:( يعني مثلا ....
اتعديتم من حد في الصبر او الكلمة الطيبة كظم الغيظ
ما هو لازم بقي اللي يدخل يعديني بحاجة :( ممكن ؟؟؟
جزاكن الله كل الخير وجعلنا واياكم سببا للهداية والعمل الصالح اللهم امين

وعليكى السلام ورحمة الله وبركاته

ما شاء الله

بوركتى وبورك قلمك حبيبتى سما

ربنا يفتح عليكى كمان وكمان يااااااااارب

يعنى انا بجد اتعديت كتتتتيييييييييييير ومن احلى اخوات فى الله

اتعلمت الحب فى الله

اتعلمت سنن سيدنا محمد صلى الله عليه وسلموبحاول اعملها

اتعلمت الصوم والقيام وكل حاجه جميله من اجمل دعاءه ربنا بعتهملنا يعلمونا دينا

اتعلمت الذكر من احلى قناه قناة العفاسى ومن البرامج الدنيه فى كل القنوات الدينيه

اتعديت من كل موضوع جميل قيم ادخله واخرج منه متعلمه حاجه جديده تقربنى من ربنا
اتعديت كتير والحمد لله

وبحاول اعدى اللى حاوليا

والحمد لله فى اقبال كبير من البنات اللى حواليا

اللهم اعنا على ذكرك وشكرك وحسن عبادتك

جزاكى ربى الفردوس الاعلى ياااااااارب

ويجعل هذا الموضوع فى ميزان حسناتك

ونفع الله بك الاسلام والمسلمين

ماشاء الله لاقوة الا بالله العلي العظيم بارك الله فيكي وفي مشاركاتك ايمان حبيبتي
بس مش قلمي اللي كتب كان كيبوردي ههه ربنا يتقبل منك ومنا صالح الاعمال
ويجعلك قدوة حسنة وايانا يارب اهدينا واهدي بنا واجعلنا سببا لمن اهتدي
بجد انا اتعديت منك في الحب في الله والتسامح والسمو الاخلاقي دون مقابل ربنا يبارك في الصحبة الصالحة واتعديت من المنتدي ده في ضميرهم واتقانهم وحب الله والحب لله وحب كل ما يحبه الله
عز وجل بارك الله في بيتنا الاسلامي الطيب المبارك ادام علينا فضله ونعمه وبركاته

نورتي ياايمان وربنا يزيدنا واياكي بكل ما يحبه المولي عز وجل