*مقتطفات من يوميات بنت مصرية عاوزة تتجوز

السلام عليكم ورحمة الله وبركاته

ازييييييييكم Very Happy

جايبة موضوع ان شاء الله هيضحككم
منقول طبعا

من منتدى أ مصطفى حسنى

اسيبكم مع الموضشوع

pirat

مقتطفات من يوميات بنت مصريه عايزه تتجوز

البت نهى اتخطبت....

لقد...نزل...علينا...الخبر....كالصااااااااااااعقة

البت السهنة ..ولا تقول و لاحسينا بيها..ولاسمعنالها لا حس و لاخبر..قال ايه نسيبها يوم نيجي التاني نلاقيها دخلالنا و واقفة في وسط الصيدلية و هووب رفعتلنا ايديها اليمين و الدبلة بتلمع فيها
مش تباركولي يا جماعة انااتخطبت
الصيدلية اللي كانت في حالة حركة فجأة كل حاجة فيها وقفت في مكانها زي ماتكون بتتفرج على شريط فيديو و هنج فجاة عشان الهيد عايز يتمسح..كل حاجة وقفت حتى المرضى على الشباك وقفوا و بحلقوا و هما مش فاهمين" كأنهم بيقولوا"الجماعة دول ممكن حد فيهم يتخطب بجد"؟؟؟" شوية و الكل لفلها ببطء وعينيهم مبرقة و البت رجعت خطوتين لورا استعدادا للجري ..و فجأة انطلقت زغروتة مدوية كان مصدرها -طبعا- مدام سندس..ماهي مش خسرانة حاجة... و بعد ماانطلقت مدام سندس وخدت البت بالحضن و احنا بصينا لبعض على أساسا ان منظرنا هيبقى مش لطيف لو مارحناش و هنيناها دلوقت..راحت كل واحدة فينا مطلعة من شنطتها الإبتسامة اللي شايلاه اللمناسبات اللي زي دي-حلوة الحتة دي مش دي الإستعارة المكنية بتاعت النحو زمان؟-والكل راح و هو عاصر على نفسه 12 كيلو لمون عشان نهني و نبارك بالمناسبةالسعيدة..قال سعيدة قال
و البت عماله كل شوية ترفعلنا ايديها في وشنا كأنها نفسها تحط صابعها في عيننا..خلاص خلاص شفنا يا امي خلاص ..مش كده يعني مانتيش اول واحدة تتخطبي
طبعا بعد موجة التهاني اللي جايةمن..القلب طبعا.
.عدى اليوم و كأننا في فيلم من أفلام الزميل الراحل شارلي شابلين..فيلم صاااامت مافيش غير نهى عماله توشوش مدام سندس و يضحكوا و يرجعوايتوشوشوا و يضحكوا..آه ماهم خلاص هما الإتنين مرتبطشين زي بعض و كل واحدة ليهاراجل

..بقية الصيدلية بأه..أجاركم الله..البت سماح كل شوية تقوم تقف في الشباك نقولها مالك ترد علينا
مخنوقة ..مخنوقة مش عارفة آخد نفسي
البت نيفين -ولأول مرة في تاريخ وزارة الصحة-تتعاطف مع المرضى و تكلهم بالراحة..تقريبا قالت يمكن دعاوي المرضى اللي بيدعوها عليها لما بترمي العلاج في وشهم تكون هي السبب في وقف حالها فقالت تغير الخطة و تخليها 4-2-4 يمكن ربنا يفك النحس

البت سمر بأه هي اللي قلقتنا قوي كل شوية تروح ناحية علبة سم الفران اللي في المخزن وتبصلها بصات غريبة كده و ده اللي خلانا طول اليوم مراقبينها و عمالين نبعدها عن أي كوباية شاي بتاعتها أو بتاعة نهى و ما ارتحناش غير لما بعدت عن السم و راحت تلعبب المقص..المقص سهل ..هتعور حاجة هنقدر نلمها ..لكن سم الفران ده نعمل فيه ايه؟
أنا عن نفسي كنت فرحانة...آه فرحانة فيه حاجة؟؟...البت صحيح سهنة و غلاوية و سماوية و خبيثة ..بس زميلة كفاح يعني.
و صحيح انا بقيت باعتبر أي حالة خطوبة او جواز على سطح كوكب الأرض إهانة شخصية في حقي..بس خلاص بأه يمكن تكون اول الطابور و الكل يكر وراها.

وصحيح احنا قلنا كده لما مدام سندس اتجوزت من 4 سنين..لكن يمكن كل 4 سنين واحدة..بالمعدلده هنحتاااااج
"4*13"
يعني.... 52 سنة على مانخلص لدستة البنات اللي في الصيدلية ..لكن برضه أهو يبقى فيه أمل

يتبــــع

عدى اليوم اللي كان اطول يوم في تاريخ البشرية و كل شوية ترميلنا فيه معلومة.
.أصل حسام..ده يبقى اسم المأسوف على شبابه
أصل في المستشفى بتاعته..يعني دكتور
أصل مامته الله يرحمها..و كمان مالكيش حماة ..يابنت المحظوظة

و فجاة في آخر اليوم تلتفتلنا بكل بجاحة قال و تقولنا

عن إذنكوا بأه يا جماعة أصل حسام هيجييوصلني بالعربية بتاعته

كام نظرة من تحت لتحت على 3-4 أصوات لمصمصة شفايف انطلقت من انحاء الصيدلية و راحت مكملة الجملة

ماتيجي يا مدام سندس نوصلك فيسكتنا

طبعا ماهي دي المضمونة بقيتنا خطر على المحروس...

نزلت الهانم جري واحنا وراها بنتدألج علسلم و بنوقع كل حاجة في طريقنا المرضى و الموظفين حتى الشجر البلاستيك اللي قدام أوضة المدير ..عشان نلحق نتفرج ع المحروس و على عربيته

الواد مش وحش ..شغال يعني..هو صحيح رفع القلم الرصاص و كل شوية يلحق البنطلون قبل مايقع منه و ودانة واضح انهم واخدين موقف شخصي من بعض أو محترمين دماغه جدا لدرجة انهم واقفين الوقفة السودة دي..لكن خلقت ربنا يعني
صحيح لابس نضارة كعب شفشق مش كعب كوباية و كبيرة لدرجة انها مش بس بتعالج نظرة دي أكيد كمان بتعالج حواجبة و خدوده
لكن راجل ..هو حد لاقي رجالة محترمة اليومين دول
العربية صحيح مش عربية 16-اللي هي 4*4 بسانا باحب أختصر-لكن عربية فخمة برضه 128 حمرا موديل 79..و البنت قعدت جنبه فيالعربية ولا كإنها قاعدة جنب ابن رئيس مراجيح مولد النبي و بصتلنا بصه كلها غل وتشفي و مدام سندس ركبت وراها..الهي يشوفك الباشمهندس الشافعي و يطين عيشتك يارب

أما روحت البيت و حكيت لماما بصت للتليفون و هي بتفكر و مدت إيديها و بدأت تطلب في رقم أنا حافظاه كويس قوي..رقم طنط حشرية

مديت ايدي و وقفتها قبل ماتكمل و بصينا في عينين بعض و انا باقولها بعمق و تأثر

لا يا ماما...لأ.. لسه ماوصلتش للدرجة دي

هههههههههههههههههههههههههههههه

الموضوع دا كل مااقراه

ماقدرش امسك نفسى

هههههههههههههههههههههههههههههههههه موضوع جميل تسلم ايديكى يا قمرى

هههههههههههههههههههههههههه
ربنا يسعد قلبك حبيبتى
بجد موضوع جميل اوى
ربنا يكرمك ويبارلك
فى انتظار مزيدك
بحبك فى الله

تسلموا حبايبى

نورتوا الموضوع
ربنا يسعدكم يااااااااارب

هينار ومى
بحبكم فى الله

هههههههههههههههههههههههههههههههههه
هههههههههههههههههههههههههههههههههه
مش قادره اكتبلك يازهره من الضحك مش قادره بجد
تحفه تحفه مش ممكن ايه ده الموضوع ده
تخيلت بجد المناظر اللى بتحصل دى

ياسلام يازوزو كان نفسى اقرا تعليقك انتى الشخصى كان عاهيبقى جنان
*مقتطفات من يوميات بنت مصرية عاوزة تتجوز 197424

*مقتطفات من يوميات بنت مصرية عاوزة تتجوز 197424

ربنا يسعدك يازهره يارب ويرزقك انتى والبنات كلهم أزواج صالحين مرحيين وطيبين

اللهم آااااامين يارب
ربنا يسعدك ياحبيبتى ويحفظك يارب ويرعاكى انتى وزوجك واولادك

بس ايه الضحك دا كله
ان جيتى للصراحة الموضوع يجنن
انا اول ماقريته عجبنى جدااااااااا
وعملت زيك كدا مبطلتش ضحك
اما عن تعليقى
هههههههههههههههههههههههههه

والله كان عادى
دااانا حتى غلبانة خالص

وحشانى جداااااااااااااااااااا
وبحبك فى الله

ههههههههههههه
حبيبتى وزميله الكفاح زهورتى
ههههههههههههههه
طبعا انا هحترم نفسى ومش هتكلم على المنتدى
لينا بيت(ياهو)نتكلم فيه حتى هيبقا ستر وغطا علينا
ههههههههههههههههههههه
بجد تحفه
تسلم ايدك يا حبى

ههههههههههههههههههههههههههههههه

اهلا بالزميلة العزيزة

ابوس ايدك بلاش فضايح هنا
خلينا هناك احسن
ههههههههههههههههههه

على قولك اهو ستر وغطا علينا
تسلمى حبيبتى على المرور المؤذى
قصدى الجميييييييييل
وربنا يرزقك بالزوج الصالح اللى تتمنيه