السلام عليكم ورحمة الله وبركاته؟؟؟
اخوانى واخواتى الاعزاء
الموضوع ده هاااام وارجو قرائته بعنايه واهتمام
قبل ما نتكلم عن شهر رمضان
هنتكلم الاول عن فضائل شهر رمضان::::
شهر رمضان من احب الشهور ل ربنا عز وجل
وخلوف (يعنى ريحة ) فم الصائم اطيب عند ربنا من ريح المسك
طيب ايه بقا فضائل شهر رمضان؟؟؟؟
1/ تشريف ربنا والملائكه للصائم بالصلاة عليه: [/u
]يقول الرسول صلى الله عليه وسلم (صلوا عليه):
(ان الله وملائكته يصلون على المتسحرين)
تخيلوا انته او انتى بتتسحروا ربنا والملايكه بيصلوا عليك
ومعنى الصلاه عليك هنا الرحمه ليك
شوفوا ده بس عشان ببتسحروا ربنا والملايكه بيصلوا عليكم..فما بالكم بأه بجزاء الصيام
[u]كمان للصائم دعوه لا ترد له:
قبل ما تفطر وتقول او تقولى:
(((اللهم انى لك صمت وعلى رزقك افطرت
وعليك توكلت وبك امنت ذهب الظمأ وابتلت العروق وثبت الاجر عند الله))))
ادعى لنفسك ولاهلك ولاصحابك وللمسلمين
شباب وبنات وعصاة المسلمين و ل مرضى المسلمين ول موتى المسلمين
ان ربنا يرحمهم
ولما تدعى لغيرك بالغيب بيدعوليك ملك
الرسول بيقول:ما من مسلم يدعو
لاخيه بظهر الغيب الا عنده ملك موكل يقول امين ولك مثله)
2/الصيام كفارة للخطيئات:
قال رسول الله صلى الله عليه وسلم:(
فتنة الرجل فى اهله ونفسه وماله وجاره
يكفرها الصيام والصلاة والصدقه والامر بالمعروف والنهى عن المنكر))
3/للصائم فرحتان:
قال رسول الله صلى الله عليه وسلم)
)للصائم فرحتان حين فطره
يعنى لما يجى يفطر)
وحين لقاء ربه
يعنى بعد ما يموت انتظارا لثواب ربنا الرهيب لان ربنا اخفى بالذات ثواب الصائم وخصه
وقال عز وجل:
الصيام لى وانا اجز به
(ده بتاعى انا وبس سيبولى الثواب ده انا اللى اجزى عبدى بيه منى له علطوووول)
4/ شفاعة الصيام:
يقول الرسول صلى الله عليه وسلم:
(الصيام والقرءان يشفعان للعبد يوم القيامه فيقول الصيام اى رب منعته الطعام والشراب والشهوة
فشفعنى فيه ويقول القرءان اى رب انى منعته بالليل فشفعنى فيه ..فيشفعان)))
5/الصيام سبب لدخول الجنة:
يقول الرسول صلى الله عليه وسلم:
(من ختم له بصيام يوم دخل الجنة)
دول بأه فضائل شهر رمضان
يبقا باختصار الفضائل:
تشريف ربنا والملائكه للصائم بالصلاة عليه
الصيام كفارة للخطيئات
للصائم فرحتان
شفاعة الصيام
الصيام سبب لدخول الجنة
___________________________________________________________________________________________________________
طيب ايه المطلوب مننا قبل رمضان؟؟؟:
اول حاجه: التوبه
تانى حاجه: التحلل من المظالم
يعنى لو عليك فلوس لواحد رجعها
لو ناصب على حد رجعله حقه
يقول الرسول صلى الله عليه وسلم:
_(من كان عنده مظلمة لاخيه فليتحلله منه اليوم
قبل ان يكون يوما لادرهم فيه ولا دينار وانما يكون التعامل بالحسنات والسيئات
لو انته اغتبت حد او شتمتم حد
او ظلمت حد المفروض تروح تستسمحه
طب مش قادر وصعب استسمحه واقوله او اقولها سامحينى؟؟؟
الحل بسيط جدااااااااا
تقول اوتقولى:
((اللهم اغفر لى ولكل من اغتبته...)
مخاصم ابوك وامك صالحهم
فى حديث خطير بيقول:
قال رسول الله صلى الله عليه وسلم:
(اتدرون من المفلس قالوا من لا درهم له
(يعنى عارفين مين المفلس ردوا عليه قالوله اللى ما معاهوش فلوس)
قالهم المفلس من يأتى يوم القيامه بصلاة وزكاة وصيام وحج
وياتى وقد شتم هذا وسفك دم هذاوضرب هذا
واكل مال هذا فياخذ هذا من حسناته وهذا من حسناته فان فنيت حسناته
(يعنى لو فضلوا ياخدوا من حسناته وخلصت
اخذ من سيئاته فطرحت عليهم ثم طرح فى النار)
يعنى يوم القيامه اللى هيجى ده مكانشى واحد صايع
او واحد حرامى او واحد مابيصليش ولا يعرف حاجه فى الدين
لا ده واحد بيصلى ويزكى ويصوم ويحج بس كان
شاتم ناس وواكل مال ناس ومبلطج على ناس هياخدوا من حسناته
يعنى يبقى معاه جبال حسنات يلاقيهم طاروا كل الناس دول
ياخدوا من حسناته وفى الاخر يترمى فى النار بعد ما تطير حسناته دى كلها
خلوا بالكم لا حسناتكم تتنسف
ثالت حاجه: الاكثار من الطاعات قبل رمضان:
الللاعبين بتوع الكوره لازم يسخنوا قبل ما ينزلوا الملعب
عشان ما يجيش ليهم شد عضلى
ف المؤمن لام يسخن بالطاعات قبل رمضان
صدقه ..صيام..الانتظام فى الصلاه وخاصة الجماعه..
قراءة القران يوميا ويكون ليه ورد ثابت
عشان لو مسخنشى قبل رمضان
بعد رمضان هيجيله شد عضلى ويبطل كل الطاعات اللى كان بيعملها فى رمضان
يبقا المطلوب مننا قبل رمضان باختصار:
التوبه
التحلل من المظالم
الاكثار من الطاعات
_______________________________________________________________________________________________________
طيب المؤمن يعمل ايه فى رمضان بقا؟؟؟؟
1-الاستعانه بالله:
لان ربنا هوه اللى يعنك على الصوم
قولوا علطووول:
اللهم اعنى على ذكرك وشكرك وحسن عبادتك
والرسول بيقول برده:
(اذا استعنت ف استعن بالله
وافتكر
دايما اية) وكان فضل الله عليك عظيما)
2-استثمار كل لحظه فى رمضان فى طاعة الله:
يعنى سيبكوا خالص من المسلسلات فى رمضان
يعنى رمضان ده للطاعه مش للنوم او المسلسلات او الشرب والاكل ساعة الفطار
الصحابه كانوا يقعدوا 6 شهور يسألو ربنا انه يبلغهم رمضان
ويقعدوا ال 6 شهور يدعو ربنا انه يتقبل منهم صيامهم
حتى النوم فى رمضان احتسبه عند ربنا.
.لو صاحى
اقرا قرأن حاول جزء يوميا عشان تختم القرءان لو مره فيه
ذكر ربنا كمان بالاذكار
(سبحان الله /سبحان الله وبحمده /سبحان الله وبحمده عدد خلقه وزنة عرشه ومداد كلماته/
سبحان الله والحمد لله ولا اله الا الله والله اكبر/سبحان الله وبحمده سبحان الله العظيم /لا اله الا الله /
لاحول ولا قوة الا بالله / لا اله الا انت سبحانك انى كنت من الظالمين...كل واحدة
حاولوا يبقوا 100 مره فى اليوم لان الحسنات فى رمضان بالاضعاف ان شاء الله
3- الدعوه الى الله:
ادعى الناس بالحسنى للصلاه فى جماعه فى رمضان
وقراءة القرأن وقول الاذكار..كل ده هيبقا فى ميزان حسناتك وانته قاعد باشا او هانم فى بيتكم
4-حسن الظن بالله:
ان يكون عندك حسن ظن بالله ان ربنا ان شاء الله هيتقبل اصيام والصلاة والقيام
وقراءة القرأن والتهجد وكل الاعمال الصالحه زيارة ايتام مثلا او مرضى واطعام الفقراء
والصدقه وبر الوالدين وصلة الارحام وهى هامه جدااااا...ألخ
المطلوب باختصار فى رمضان:
الاستعانه بالله
استثمار كل لحظه فى طاعة ربنا
الدعوه الى الله
حسن الظن بالله
________________________________________________________________________________________________________
خلص شهر رمضان ايه اللى نعمله بأه؟؟؟؟
حاجتين:
اولا: الثبات على الطاعه بمشيئة الله تعالى:
وقولوا دايما
(ربنا لاتزغ قلوبنا بعد اذ هديتنا )
وادعوا:
(اللهم يامقلب القلوب والابصار ثبت قلبى على دينك)
(اللهم انى اسألك ايمانا لا يرتد ونعيما لا ينفذ ومرافقة نبيك
[تانى حاجه:[
]شكر الله:
لازم تشكر ربنا مش بعد رمضان بس وفى كل السنه
على كل نعمه عليك
وتشكره بعد رمضان انه اعانك على كل طاعاته صيام وقيام...الخ
اللهم انى اعوذ بك من الرياء
فاجعل هذا العمل خالصا لوجهك الكريم
وثبتكم الله وثبتنا على طاعته ان شاء الله
.
موضوع: خطة الاستعداد لشهر رمضان المبارك 
الأحد 19 يوليو - 10:35
