وفاة إنسان

بسم الله الرحمن الرحيم

_______________

فى يوم من أيامى

كنت باحلم بأحلامى

وفجأة صحيت على خبر هز كيانى

كان كابوس ودمر لى حياتى

كنت فى حالة ذهول

وباتمنى إن الخبر يزول

أو على الأقل يطلع إشاعة

حتى ولو لمدة ساعة

خرجت بسرعة بادور عليه

وصلت بيته والناس حواليه

من قبل ماعينى ماتقع عليه

وقلبى بكى بالدم عليه

ماكنتش قادر أعترف بالحقيقة

لأنها عمرها ماريحت ولو لدقيقة

مسكت إيده وبوستها

وسألته ليه عملتها

فبكت الناس وقتها

سبت المكان ومشيت

مروحتش البيت لأنى ساعتها كنت نسيت

نسيت كل حاجة وإفتكرته هو وبس

إفتكرت قد إيه كان دايما بيا بيحس

إفتكرت كلامه ونصايحه ليا

وإن عمره مابخل عليا

فى كلمة أو هدية

وإفتكرت إنه هو كان كل حاجة

وانا من غيره ولا حاجة

وبعد لف كتير ودوران

وصلت أخيراً للصوان

قعدت أقول وافكر

إنى لازم فى حاجات كتيرة أقرر

أنا يمكن أكون إنهارده فقدت إنسان غالى

وكان مقامه عندى عالى

بفراقه إنهارده قلبى إنكسر

وبموته إنهارده إللى زيه إندثر

قعدت ايام فاقد الكلام

ومش قادر حتى أرد السلام

كان هو كل حياتى

والوحيد إللى بيسمع آهاتى

سابنى فى نص الطريق

سابنى وانا فى أحزانى غريق

بس لازم أكمل نفس الطريق

ده كان بالنسبة لى اغلى رفيق

لازم احقق الحلم

ويبقى بين وليلة علم

لازم أوصل رسالته لكل الناس

وهاحارب أى شيطان وسواس

هاقف وأكم المشوار ولو لوحدى

أنا وعدته ولازم يوم هاوفى بوعدى

مش صعب أكمل من غيره

لأنى عارف خط سيره

وكنت معاه زى طيره

إحنا فى الدنيا جايين زايرين

وهما بالكتير يومين وماشين

يبقى لازم نشتغل بكل عزيمة

ونمسح من قاموسنا كلمة هزيمة

ديننا عمره ماكان صعب

ومش عايز مننا أى لعب
أختكم عاشقة القدس

[size=24]
السلام عليكم ورحمة الله وبركاته

بسم الله ماشاء الله

تسلم ايدك حبيبتى

ايه الجمال دا

إحنا فى الدنيا جايين زايرين

وهما بالكتير يومين وماشين

يبقى لازم نشتغل بكل عزيمة

ونمسح من قاموسنا كلمة هزيمة

ديننا عمره ماكان صعب

ومش عايز مننا أى لعب

عجبتنى دى جدااااا
ومعاكى حق ف كل كلمة كتبتيها
ومنتظرين بقية الحاجات الجميلة الممتعة دى
[/size]

» ذكرى إنسان
» بقايا إنسان..
» ®»متى نستحق كلمة إنسان؟!«®°
» منذ وفاة أمي
» أجمل قصة وفاة عرفها التاريخ