مشكلة ولازم يكون ليها حل!

السلام عليكم ورحمة الله وبركاته
فى الجقيقة هناك مشكلة زادت عن حدها وكثر إنتشارها
ومن كثرة الشكوى منها عجزت عن التفكير فى حل لها يرضى جميع الأطراف
شكوى الأبناء من الوالدين من السبب فيها؟!
هل الأبناء يبالغون؟!
ام هم على حق؟!
هل الأهالى ظالمين؟!
أم هم مظلومين؟!
من هم المجنى عليهم ؟
الأبناء أم الأهالى؟
أم ظروف الحياة هى السبب؟
المشاكل التى بين الأبناء والأهالى وصلت على ترك الأبناء لمنازلهم!!
انا لا أبالغ فى كلامى هذا هو مايحدث لمن يأتى لى ويشكو لى........
ولماذا دائما الأبناء تصر على توجيه الإتهامات إلى الأهالى؟
(رجاء :
ياجماعة لو سمحتم ياريت إللى يدخل ويشارك يكون معاه حل ممكن يطبق أنا مش عايزة كلام نظرى أنا بجد محتاجة كلام ممكن نعمله الناس إللى قصدتنى كان نفسها فى حل وأنا نفسى فى حل ليهم أكتر منهم)
والسلام عليكم ورحمة الله وبركاته
تقبلوا تحياتى وإحترامى لكم...

وعليكى السلام ورحمة الله وبركاته

جزاك الله خيرا حبيبتى نور

انا برده ملاحظه الموضوع ده

وده سبب لو اتكلمنا من ناحيه الوالدين

جهل الوالدين بقواعد التربيه
وعدم تفهمهم لحاجه الابناء وعدم تقديرهم لارائهم
فى حاجات كتير

بالنسبه للابناء

الابن ممكن بيكون بعمل حاجات كتير ترضى الوالدين

وللاسف فى الاخر ممكن يلاقى رد فعل يخليه ينهار

انا بقول للوالدين اعينوا اولادكم على بركم

وياريت الوالدين يعرفوا ويتعلموا ازى يتعاملوا مع اولادهم
بالذات الشباب

لان البنت ممكن تستحمل عن الولد

وعلى فكره انا بفكره اخد كورسات فى مبادىء تربيه الابناء تربيه اسلاميه

علشان باذن الله لما ربنا يرزقنى باولاد
اخرج للعالم الاسلام انسان وشخصيه مسلمه تنفع نفسها وتنفع غيرها

ايوة دي مشكلة بنواجهها كلنا مع اهلنا نكون بنفكر في حاجة
ونتمنى نعملها على طول هما رافضين او مش واثقين فينا
او يكونوا هما السبب في مشاكل حصلت لينا بسببهم او لقلة وعيهم
باصول التربية الصحيحة او بانشغالهم عنا انا عن نفسي احاول ارضيهم واطيعهم لكن انفذ ما اريد طالما اراه فيصح وديني يؤمرني بيه وكمان لو احنا حاسين بغضب كبير نحوهم لازم نفتكر ليهم كل حاجة حلوة وتعب عملوه علشان خاطرنا
اما رفضهم لينا ولاسلوبنا كشباب نفذ كل ماتحب طالما لاتغضب الله وهم سيغضبون لفترة لكن عنما يروك ناجح وسعيد فيما تفعل سيرضون بالامر الواقع ويعينوك عليه كمان صدقوني عن تجربة الكلام ده

حبايبى إيمان شعراوى ورباب ربيع
أولاً جزاكم الله خيراً على مروركم الكريم
ثانياً كلامكم صح
ومع إحترامى ليكم
المشكلة دى سببها طرفين الأبناء والوالدين
الغلط مش على الأهالى بس بالعكس الغلط مشتركين فيه هما الإتنين
عيب الاهالى أو الغلط إللى هما بيقعوا فيه إنهم ساعات مش بيقبلوا الرأى من أبنائهم بالرغم من كونه صحيح وهما بيمحوا شخصية ابنائهم
وده غلط كبير بيقعوا فيه معظمهم
كمان الأهالى عايزين الأبناء يبروهم طب هايبروهم إزاى وهما نفسهم مش بارين بأبنائهم؟!
الأبناء بيزعلوا من اقل حاجة واقل كلام من اهاليهم
مش مستحملين بعضهم
بعنى حاجة غريبة فعلاً
أنا كل مابتحصل مشكلة بفكر فى النبى ورد فعله فى نفس المشكلة
ماكنش فى أب عظيم مثل الرسول صلى الله عليه وسلم
وفى تعاملاته مع زوجاته ماكنش فى أعظم منه ولا أحن منه
والله أنا كنت بافكر فى حل للمشكلة دى وبما إنى مش هاينفع أكلم اهالى المتضررين فأنا هاكون بإستمرار مع المتضررين نفسهم
وإللى ربنا يقدرنى عليه هاعمله
وتحت أمركم فى اى إقتراح يفيدهم
ومازال الموضوع مستمراً طالما الشكوى مازالت قائمة
تقبلوا تحياتى وإحترامى
عاشقةالقدس

السلام عليكم ورحمة الله وبركاته
اولا انا بعتذر ان الرد بتاعى جه متأخر فسامحينى يانور
ثانيا اسأل الله العظيم ان يصلح احوالهم قريبا
ادخل بقه فى الموضوع هو فعلا انا شايفه ان ظاهره مشاكل الابناء مع الاباء انتشرت جدا فى هذا العصر
وكل واحد يرى انه على حق سواء من الطرفين
مثلا انا الوالدين يربوا ابنائهم كما ربوهم والديهم من قبل فبعد ان يكبروا ابنائهم يجدوهم يتصرفوا بتصرفات مختلفه تماما عما تربوا عليه فيبدأ الاب بمناقشة ابنه فى هذا الامر فيبدأ الخلاف من هنا
مع ان الوالدين على حق والابناء على حق فالوالدين يصروا على ان ابنائهم يتخذوا بأرائهم فى الامور او قراارات او اراء او تجربه مرت فى حياة الابناء فده بيبقه نابع من الحب اللى الله عزوجل فطرهم بيه
والابناء يريدوا ان يكتشفوا العالم لوحدهم ويريد ان يتحدى كل شىء ليخرج كل الطاقه التى يسيطر عليه وان يخوض فى تجارب حياته لوحده
وده بيبقه الاختلاف بين الابناء والوالدين فى هذا الامور فمالحل ؟؟؟؟؟؟؟؟؟
هافضل اقولك كتير اووووووى يانور مهما كانت الخلافات والمشاكل بين الابناء والوالدين فلابد ان يبروهم ويطيعوهم ويصبروا وكمان عشان ربنا يكون راضى علينا بيهم وكفايه انهم يكونوا راضين علينا قبل الموت
ربنا يصلح احوالهم يااااااااااارب
اللهم امين
معلش طولت عليكى

أولاً ياميوى إنتى ماتأخرتيش ولا حاجة
مى كانت دايماً معايا فى المشكلة دى وإتكلمنا فيها كتير
وكنا بندور على حل ليها
والحقيقة ياميوى إنتى هونتى كتير عليا
وبإذن الله المشكلة تتحل
وربنا يهديهم ويهدينا معاهم
وكلامك كله صح وانامتفقة معاكى جدا
بس الواحد لما بيكون فى مشكلة او جدال بيبقى شايف نفسه صح ومش بيقبل على روحه الغلط
جزاكى الله خيراً حبيبتى
بحبك فى الله

هي المشكلة من الطرفين بس المشكلة الاكبر هي من الابناء لان الابناء عندهم بعد نظر اكثر من الابناء و نحن الابناء ننظر الى الموضوع من وجهه نظرنا فقط و في الوقت الذي نعيشه نحن لا نحسب العواقب التي سوف تقع علينا الله المعين في الكل الاحول

السلام عليكم ورحمة الله وبركاتة
جزاكى الله كل خير
اولا انتى عايزة حل للمشكة مش كدة
ما فيش حل من غير ما نعرف السبب
لو قولنا حلول من غير ما نعرف الاسباب يبقى بنقول كلام وبس
فعلا المشكلة دى موجودة وزادت وبتزيد
بس فى مشكلة تانية اصعب عارفة اية
ان فى اولاد فعلا بيكون على خلاف ما اهليهم ويمكن مش طايقنهم كمان على حد احساسهم لكن مجبرين انهم يعيشوا معاهم الانسان دة بعد كدة بيطلع غير سوى
يمكن للى بيتمرد ويسيب البيت بيعبر عن راية حتى لو هو غلطان
يمكن كل دة بيحصل فى مرحلة الثانوى لى بداية الجامعة
ودة شئ طبيعى جدا على فكرة ان يكون فى خلاف
ان الاباء مش يفهماو ابنائهم والعكس
لان دى بتبقى مرحلة تغير فى الابناء وللاسف بتكون الاباء ليست على دراى بدة
وللاسف مش بيقدرو يحتوى ابناءهم ويكبسوهم
انا مش بدافع عن الابناء بس دة للى بيحصل وفى ابناء طبعا بتكون غلطانة
بس الابناء محتاجين حد يقف جنبهم حد يواجهم بس مش بأوامر واو انو يتهان بيحتاج حد يعاملة على انة انسان وفاهم ويكون فى ثقة مش على انو عيل مش فاهم حاجة ومش عارف مصلحتة ولازم تعمل للى بيتقال ليك وبس
جايز يكون فعلا عيل ومش فاهم حاجة فى الدنيا وماشى ورا شوية مظاهر ومش مدرك للى بيحصل
بس مش يتعامل كدة مش عايز حد يعاملة كدة ومن هنا يبدا الخلاف
حتى لو سالتى اى حد على خلاف مع والدة او والدتة
هيقولك دول خانقونى كل شوية ذاكر كل شوية يزعقوا فيا كل شوية يامرنى
دول عايزنى اعيش فى العالم بتاعهم وبس
دول عايش فى زمن تانى
كل شوية عايزنى اعمل للى هما عايزنوا مش للى انا عايزة بحجة أنت مش عاف مصلحتك
ومن هنا بقى يبدا الخلاف ولخلاف بيجيب خلاف وتكبر المشكلة
على فكرة دى بتكون مرحلة اثبات ذات بيكون الابن حابب انو يثبت ذاتة
مش بيفكر وقتها يثبتها ازاى
ومنها انو يبدا يتمرد على اهلها
لازم يكون الاباء على دراى بدة ويقربوا من ابناءهم ويحتوهم ويسبوا ليهم الفرصة انهم يعبروا عن رايهم يسمعوهم ويتناقشوا معاهم
عشان لو ابنهم بدا فى تفكير غلط يلحقوا ويغيروة اقبل ما يضيع من ايديهم
لازم يكون فى توعية فى المدارس والجامعات ازاى الطال يحقق ذاتة
والاباء برضو يعملوا كدة
عشان يبدا يحقق ذاتة بطريقة صح
يكون فى انشطة يبدا الابناء انهم يطلعوا طاقاتهم فية مش يكبتوها
وكمان التصادم دة بيحصل لان ما فيش اتصال ما بين الاجيال
ما فيش اهتمامات مشتركة بمعنى ان الاباء عايشين فى زمن والابناء فى زمن تانى
لازم الاباء يبدوا يشاركوا ابناءهم اهتماماتهم وكمان تكون فرصة انهم يعرفوا هما بيفكروا ازاى
بيعملوا اية (يعنى مراقبة من غير ماحد ياخد بالة لان دة مهم جدا فى الفترة دى )
صدقينى الحلول موجودة وكتير وكل اب وام يقدروا يلاقوا حلول مختلفة ويلاقوا مداخل يدخلوا منها لابناءهم
بس المهم انهم يبقوا على استعداد لدة