محاضرة (كيف نستقبل رمضان؟) ل أ/ أحمد سمير فى يوم يلا خير.

السلام عليكم ورحمة الله وبركاته

محاضرة قصيرة
لكنها مفيدة جزاه الله عنَّا خيراً

بدأ أستاذ أحمد سميرالمحاضرة برسم توضيحى يوضح فيه العلاقة بين عمر الإنسان
والإنجازات التى يحققها وذلك من خلال خط مستقيم بين هاتين العلاقتين على شكل
إنحراف بمعنى : أن الخط دة اللى_ بيمثلنا حياة المسلم المفروض يكون إزاى ؟ _ لازم
يكون لأعلى وفى تقدم بالإنجازات كلما زاد عمر الإنسان .وينتهى هذا الخط بإنتهاء
عمر الإنسان ؛ وأن لو انتهى هذا الخط بإنحدار وليس بإرتفاع وعلو ؛دلَّ ذلك على سوء
خاتمته والعياذ بالله.

وقال
أيضا : إن الوقت عنصر ماشى ولايتجدد ؛ واحسن إستخدام كل فرصة تجيلك فى أى وقت تكون
قائد.

ورمضان
30 يوماً وبركة رمضان ببركة وقته أى بركة أعماله ببركة وقته زى ليلة القدر كدة.

طيب سؤال :مين عايز
يستفيد أكتر من رمضان الملتزم ولا اللى
ماشى فى حياته وسرقاه السكينة ؟

والله دة
على حسب كل واحد ونيته ؛فممكن واحد ملتزم يقول والله أنا همشى على نفس اللى أنا
فيه ويعلى من نفسه ؛وواحد تانى مش ملتزم يقول لأ والله أنا هطور من نفسى ؛ وواحد
تانى سرقاه السكينة؛ شوية إستقامة وشوية يقع.

طيب اليوم
فى رمضان فيه كام ساعة 24 ساعة والساعة الواحدة فيها 60 دقيقة والدقيقة الواحدة
فيها 60 ثانية يعنى :

24
*60*60= 84600 ثانية

لازم
تستغلهم وتحدد هتعمل فيهم إيه ؛ أنت لازم تدخل رمضان وأنت باعد نفسك عن أى حاجة
تشغلك بالدنيا يعنى لازم تبدأ رمضان بالعبادة بداية قوية وبعدين ابدأ اعلى فى
العبادة تدريجياً.

طيب إزاى نثبت على الطاعة فيه ؟

1_ الصحبة
الصالحة ؛ والصحبة الصالحة تعمل كمان صدق نية فى العبادة ؛ واعملوا مسابقات مع
أصحابكم ووزعوا هدايا رمزية ؛(وَفِى ذَلِكَ فَليَتَنَافّس ِ المُتَنَافِسُونَ) أية26
فى سورة المطففين؛ بس طبعاً البنات مع البنات والولاد مع الولاد.

2_ العمل
التطوعى ؛ ودة تجديد للطاقة النفسية وبه التحفيز عند بيعلى

يعنى
مثلاً لو واحد أعطى صدقة لواحد محتاج وبكى عند إعطائه الصدقة ؛

الموقف دة هيؤثر
وهيحفز اتنين من الناس واحد مش ملتزم والتانى مقصر فى شغله.

واثبتت
الدراسات العلمية أن العمل التطوعى بيؤثر على الطاقة النفسية بنسبة 52% والقدرة على الإلتزام فى العمل بنسبة 75% ودى
يا جماعة دراسة ناس ملحدين جداً بينكروا وجود ربنا أصلاً_عياذاً بالله.

والناس
يا جماعة اللى بتفصل الدين عن الدنيا دى
مش ينفع كلامها دة معانا إحنا أصلاً كعرب مظهرناش إلا بالدين.

أى إختراع
قبله إكتشاف ؛ والإكتشاف قبله العلم ؛ والعلم من الله.

يعنى مثلاً
فى القرون الوسطى فى الإختراعات تم فصل الدين عن الدنيا نظراً للمشكلات اللى حصلت
زى الإختلاف اللى حصل فى نظرية جاليليو وأنهم بسبب النظرية دى بدأوا يقتلوا الناس
بسبب الإختلاف..اه همَّ حريين لكن إحنا لأ

إزاى استغل
رمضان فى رفع شأن الإسلام ؟

أ_حط
أهداف جديدة بهذة النية ؛اسأل نفسك الإسلام بالنسبة لك إيه ؟ دة هيخليك تحط أهداف لرمضان والهدف لازم يراعى 5 حاجات :

1_يرضى
ربنا.

2_يخدم
الإسلام والمسلمين.

3_ يسبب
لى متع شديدة.

4_وفى
مقاييس لتحديد هذا الهدف.

5_دة
يضيف بعد لى جديد افتخر به أمام الناس وأمام الله بعد ذلك فى الآخرة إن شآء الله.

والأهداف
دى تحدد أسبوع وأسبوع بل الأحسن يوم ويوم.

من الآخر
اسأل نفسك عملت إيه للإسلام؟ شوف نفسك وراجع نفسك.

وأهم حاجة
الفعل الصح فى الوقت الصح ؛ يعنى ما أجيش فى وقت العمل واقرأ قرءان والعمل عبادة أيضاً... وكلنا عارفين موقف
سيدنا عمر بن الخطاب رضى الله عنه مع الرجل الذى وجده فى المسجد دائماً فسأله من
يعوله فقال له أخوه الذى يعمل فقال له إن أخاك أعبد منك.

ب_ اكتب
إنجازاتك _التى حققتها_ على ورقة على الحائط دة هيديك حافز إنك لازم تعمل هذا
الفعل ولا تتخلى عنه .

ج_السباق
بهدايا رمزية كما ذكرنا من قبل.

وأخيراً
الصحبة الصالحة والصديق السوء اللى هينزلك لتحت على الأقل سيبه فى رمضان.

وفى
نهاية المحاضرة نصحنا أستاذنا الفاضل بنصيحة حلوة جداً...إننا عند شعورنا بالكسل
والنوم أثناء قراءة القرءان نلعب رياضة
بسرعة كدة لمدة 5 أو 10 دقائق لأن لعب
الرياضة بيحث على إفراز هرمون الإندوزمين اللى هو مضاد للإكتئاب ويساعد على ضخ
الدم أكتر فبذلك مش هتدوخ وتشعر بالنوم أثناء قراءة القرءان ؛ وإن عاودك النوم مرة
أخرى فمارس الرياضة مرة أخرى وهكذا...وكل إنسان يلعب رياضة بحسب طبيعته قدرته
الجسمانية.

كما
نصحنا بأن تكرار الحاجة الإيجابية أكتر من مرة وبإستمرار تقررها فيك وتجعلك تفعلها
بعد ذلك.

وختم :
سبحانكَ اللهمَّ وبحمدكَ نشهدُ أن لا إله إلا أنتَ نستغفركَ ونتوبُ إليكَ.

وجزاكم
الله خيراً كثيراً

جزاكي الله خيرا ؤبنا يعزك ويعلمك

رباب ربيع كتب:: جزاكي الله خيرا ؤبنا يعزك ويعلمك

...جزانا وإياكم يا قمر

ربنا يعزك ويكرمك ويرضى عنك...أمين

جزاك الله خيراً كثيراً لمرورك الكريم

فى أمان الله حبيبتى

وعليكم السلام ورحمة الله
ماشاء الله محاضره رائعه
جزاكى الله كل خير اختى على نقلك وجعله الله فى ميزان حسناتك
وجزاه الله عنا كل خير استاذ احمد سمير
ونفع الله به الاسلام والمسلمين
ربنا يحبه ويعزه ويبارك فى عمله

سأحيا بالقرأن كتب:: وعليكم السلام ورحمة الله
ماشاء الله محاضره رائعه
جزاكى الله كل خير اختى على نقلك وجعله الله فى ميزان حسناتك
وجزاه الله عنا كل خير استاذ احمد سمير
ونفع الله به الاسلام والمسلمين
ربنا يحبه ويعزه ويبارك فى عمله

وعليكى السلام يا قمر

اللهمَّ أمين

جزانا وإياكى حبيبتى

ربنا يسعدك ويكرمك ويرضى عنك....اللهمّ أمين

جزاك الله الجنان لمرورك الكريم

فى أمان الله

وعليكى السلام ورحمة الله وبركاته

جزاكى الله خيرا حبيبتى

وجزى استاذ احمد سمير خير الجزاء

ربنا يجعلها فى ميزان حسناتكم

اللهم سلمنا الى رمضان ... وسلم رمضان لنا
وتسلمه منا متقبلا