إسمحولى بكلمتين؟!

بسم الله الرحمن الرحيم
إنهارده جيت أقولكم
أنا آسفة لكل إنسانة أو إنسان أنا غلطت فى حقها(حقه) من غير قصد.
وباتمنى إنكم تسامحونى زى ماأنا سامحتكم برغم إنكم عمركم ماضايقتونى أبدا.
ونصيحة منى ليكم ماتتعلقوش بحبل ممكن يخنقكم فى يوم من الأيام.
أنا فهمت ناس غلط كتيير وده مش ذنبهم دى ذنبى أنا، أنا إللى سبت نفسى أفهمهم غلط وبس من غير سبب والنتيجة طبعاً
إنى ظلمتهم وظلمت نفسى قبلهم.
عشان كده حبيت أقولكم مش أى موقف يحصل معانا نفهمه صح لازم نترجمه الأول ونجيب كل الإحتمالات يعنى ليه الموقف ده حصل؟
وليه معايا أنا بالذات؟
وأكيد أى موقف فى الحياة بيبقى إختبار ونتيجته حاجة من إتنين
ياإما النجاح أو السقوط الفشل يعنى....
والفشل مش عيب ولا فضيحة الفضيحة والعيبة بجد إنى ماأحاولش أقوم تانى بعد ماوقعت....
وياحبايبى وراد جداً إننا نغلط لأننا بنى آدميين مش ملايكة زى مافينا نزعة شريرة فينا نزعة طيبة.....
رمضان خلاص قرب وكل سنة وإنتوا طيبين........
الشيطان فعلاً هايبقى مش موجود معانا بس خلوا بالكم فى بنى آدميين شياطين.....
عايزين نعاهد بعضنا إننا نشتغل بكل قوة وجدية فى رمضان عشان ربنا يكتبنا كلنا بإذن الله من العتقاء من النار.....
رمضان مش صيام البدن بس وتهذيب للنفس كمان......
عايزين نختم القرآن أكتر من مرة على قد جهد البنى آدم....
مش عايزين رمضان يبقى مسلسلات لأن زى ماهما إستعدوا عشان يشغلونا بالمسلسلات وبيقولولنا ماتخافوش إحنا هانقولهم
إحنا مستعدين...ومش خايفين إحنا كمان جاهزين
دى حرب كل سنة حرب رمضان.......
ورمضان لينا .......
ومش عايزين رمضان يضيع فى الأكل الكتيييييييير.......
عشان نقدر نقوم ونعبد ربنا وإحنا فايقين.....
وباعتذر على إنى دخلت فى موضوعين,,,
وكل سنة وإنتم طيبين...
عاشقةالقدس......

الله ينور يا نور
كل سنه وأنت بألف خير وسعاده
وأنا عن نفسى مسمحاكى مع انك ملاك ومابتعمليش حاجه
ربنا يكرمك ويحفظك يارب

اللهم سلمنا رمضان وسلم رمضان لينا وأستلمه منا يارب على خير وانت راض عنا وغافر لنا

كل سنه وانتى الى الله اقرب
كلامك جميل اوى يا حبيبتى
ربنا يسامحك ويحبك ويكرمك
وينقى قلبك ويحقق ليكى كل امنيه تتمنيها يارب
رمضان مبارك عليكى وعلينا وعلى امه محمد اجمعين ان شاء الله
اللهم سلمنا رمضان وسلم رمضان لنا
اللهم اعفو عنا والهمنا العفو عمن اساؤ الينا