يوم صحابى..الحق فرصة العمر..

السلام عليكم ورحمة الله وبركاته...

كل عام وانتم جميعا بخير وربنا ينولنا ليلة القدر وغفرانه وعتقه لينا من النيران...

انا عارف ان الوقت ده محدش بيدخل كتير..ربنا يتقبل منكم يارب..بس انا قلت اعمل بمبدا .. فان الذكرى تنفع المؤمنين..

بص ياسيدى..

لو تعبان..وحاسس ان كنت مقصر فى رمضان...

حاسس ان رمضان راح منك..وانك كان عندك احسن من كده...

كان نفسك تختم اكتر من خاتمة بس كسلت ومقدرتش...

تعالى...

مستنيينك فى يوم العمر...

ايوة بجد ان شاء الله حيكون احسن يوم فى عمرك اللى فات...

عارف حنعمل ايه...؟؟؟

حنختم القران فى يوم...

ايووة..بالضبط...

زى مابقولك كده...

ان شاء الله ميعادنا يوم 29 رمضان....

كلنا من الفجر لحد المغرب حنقعد نختم القران...

ياااا..متخيل الشعور ده..انك تعمل زى الصحابة..

يوم كااامل ..لسانك مينطقش الا كلام ربنااا..يارب اجعلنا منهم..

حلم حلمناه..وفكرة صغيرة بدات من المسجد عندنا...قلنا ننشرها..
بموافقة ائمة السنة والجماعة بالاسكندرية..

والحمدلله كبرت وبقت مشروع قومى كبييير باذن الله..

يوم صحابى...

يوم من ايام الصحابة...

تخيل انك حتقعد يوم كامل وانت صايم من الفجر لحد المغرب متقولش اى كلمة الا كلام الله...

وباذن الله حنختم وربنا حييسر..ولو مقدرتش اكيد حتكون انجزت برضه..

بس حنحاول..ولساننا اليوم ده مش حيقول غير كلام ربنا...

ايه رايك...معانا ولا ايه ؟؟؟

ان شاء الله معانا...جربها بالله عليك..

واختم رمضان بخاتمة قران...

ممكن ربنا بنظرة رحمة منه يعتق رقابنا من النار...

الشباب لو مش معتكف تنزل اليوم ده وتدور على مسجد فيه اعتكاف وتسيب كل حاجة وتاخد اصحابك معاك وتقعد فى المسجد لحد المغرب...

وان شاء الله حتختم...وربنا حيعينك...

الاخوات..برضه حضرتك حاولى تخلصى كل حاجة وراكى..لانه ممكن يكون يوم الوقفة..

فخلصى كل حاجة واقعدى من الفجر الى المغرب متعمليش اى حاجة الا كلام ربنا بس...

وياريت طبعا تنزلى الى مسجد..طبعا بعد اذن والدك او زوجك..وجربى طعم اليوم ده...

والله يااخواتى بعتبرها فرصة العمر..واجمل يوم باذن الله فى العمر...

يااارب ربنا يساعدنا كلنا وييسرهالنا...

انشر الفكرة وخلى عندك نشاط..

وباذن الله حنبشر بعض كلنا بالاعداد اللى حتكون معانا..
وكمان بالخاتمات اللى حنختمها اليوم ده...

وجربها مرة....تكون صحابى..

ربنا يحبكم جميعا ويوفقنا الى مافيه خير...واعذرونى لو مقدرتش ارد كتير..ياريت حضراتكم تتابعوا الردود..ده لو فى..

واللى مش حيقدر يشارك..ياريت ميضيعش عليه الاجر وينشر الفكرة زى مانا بعمل كده...

اخوكم الفقير الصغير الهين.. محمد طه..

جزاكم الله خيرا
هحاول ان شاء الله وهنشرها ع قد مقدر

جزاك الله خيرا وان شاء الله انشرها

وعليكم السلام ورحمه الله وبركاته

بسم الله ماشاء الله يعنى عوده الى الزمن الجميل لمن يسر الله له هذا اليوم
ربنا يبارك فى حضراتكم ويتقبل منكم يارب

وربنا المعين ان شاء الله

وكل عام وحضراتكم جميعا بألف خير

وجربها مرة....تكون صحابى..

الله اكبر ..ما شاء الله...كفاية الجملة الجميلة دى اللى تشجع وترفع الهمم

اننا نجرب نعمل زى ما اصحاب رسول الله صلى الله عليه وسلم كانوا بيعملوا
اللهم اعنا على ذكرك وشكرك وحسن عبادتك
وباذن الله معاكم وناخد الفترة دى من الفجر للمغرب بنية الاعتكاف ان شاء الله وربنا يتقبل منا ومنكم
وجزاك الله خيرا أ محمد
وربنا يتقبل منك ويجعل اعمالك زخر ليك ويجعلك من عتقائه فى هذا الشهر الكريم
وكل عام وانتم الى الله اقرب وعلى الطاعة ادوم

» الثبات على الحق
» الحق شوف صاحبك !!!!!!!!!!!
» الفرق بين الحق والباطل
» حكاية الحق والباطل ...اما حتة حكاااااااااااية :)
» لايخشون في الحق لومة لائم