قول اللى فى نفسك

قول اللى فى نفسك كتب:

السلام عليكم ورحمة الله وبركاته
جزاكم الله خيرا ربنا يبارك فيكم ويثبتكم ويرزقكم شفاعة النبى الكريم محمد صلى الله عليه وسلم
ابدا بقه واقول اللى فى نفسى ههه
الحكاية ومافيها انى لما بعامل حد بعامله وربنا يعلم زى اختى او اخويا او حد قريب منى والعلاقة اللى بينى وبين اصحابى بتكون زى العلاقة بينى وبين اخواتى
لان دى خلق الاسلام احنا كمسلمين بنعامل بعض بحب وود زى مارسولنا امرنا
حب لاخيك كما تحب لنفسك
والحمد لله ان ربنا اكرمنى انى اطبق دى فى حياتى العادية
لكن للاسف المعاملة مش بتكون بالمثل يعنى لما تعامل حد فى الله ولله ويكون اللى جمعكم حب ربنا وتلاقى ان معاملته ليك مجرد تاأية واجب اواخدك كده بس علشان مصلحته
ولما تكون اتعرفت على صحبة صالحة عن طريق نت او مسجد او اى حاجة والمفروض اننا نشجع بعض على الخير وكده وتلاقى ان الحوار اتحول من التفكير فى الخير لحوارات مالهاش لازمة وحوارات كده غريبة .......واكثر حاجة توجع انك تكون واخد فكرة معينة عن ناس معينة ويكون نفسك وانت معاهم تعمل كل حاجة ترضى ربنا وتحس ان هما دول اللى حياخدوا بيك للجنة و تلاقى حاجة تانية خالص
تلاقى شخصيات تانية غير اللى انت متوقعها خالص
والله اكبر صدمة
لما تاخد فكرة عن حد انه حلو اوى ومجرد انك تتعامل معاه ويحصل كام موقف كده وتلاقى الصورة اتغيرت تماما
الناس اللى كلها خير دى اللى كنت تتمنى انك تقعد معاها
تلاقيهم كلام وخلاص
والله انا اول مرة احس ان ثقتى فى الناس اتهزت كده
سبحان الله
الواحد متعود ان تعاملة مع الناس بحب والناس كلها بتحبه والحمد لله مش متعود انه يكون فى موقف زى كده والمعاملة تتغير كده لمجرد اسباب مجهولة
وبعدين اللى زعلنى انى قولت اذا كان فى مجتمع صغير على محيط صغير وفيه مشاكل كده وكل واحد مايتمناش الخير للتانى بالطريقة دى يبقى ازاى نحط امل فى نهضة بلادنا
والله مش تشاؤم منى
بس انا تاملت الموقف وحسيت بكده
انا عارفة ان ممكن يكون الموضوع ده عادى لناس كثير ويمكن فى حد منكم اتعرض لنفس الموقف وارد يعنى
لكن انا صراحة اول مرة اتعرض لحاجة كده يعنى الواحد بيستمد طاقته من حب الناس ليه والحمد لله
لكن الموضوع ده صراحة ماثر فيا ومخلينى جواية شعور غريب كده مش عارفة هل هو ندم انى عرفتهم او زعل على حال المسلمين مش عارفة صراحة
بس الحمد لله زى مافى الوحش فى الحلو وفى ناس جميلة وبجد مجرد معرفتها كنز ولولا هما ماكنش الواحد دخل ولا كمل
والحمد لله على كل حال
واستغل الموضوع ده بنصيحة او خاطرة صغيرة كده ااننا نعاهد بعض ان بذرة الحب فى الله اللى فى قلوبنا دى تكبر نسقيها بالخير والود والحب علشان تكبر فى قلوبنا والانسان لما يكون قلبه حلو وطيب بيحبب الناس فيه
ونتذكر قول الله تعالى
يوم لاينفع مال ولا بنون إلا من أتى الله بقلب سليم
يعنى قلوبنا هى اللى حتنجينا وحتنفعنا
اللهم لا تجعل فى قلوبنا غل للذين امنوا
امييييييييييييييييييييين يارب العالمين
معلش طولت عليكم
بحبكم فى الله

السلام عليكى حبيبتي
أولاً نورتي المنتدي
ثانياً على فكرة مش أنت لوحدك كلنا كده مع صحابنا من المنتديات أو من الدراسة...بص متنسيش كما يقولون صوابعك مش زي بعضها...معلش اصبري عليهم وحاولي معاهم وخدهم بالرفق....عارفة أنا لما كنت فى بدايات الكلية كان ليه صحابى بحبهم جدا وكان نقطة الخلاف بيني وبينهم الصلاة نبقى بنخرج مع بعض وأولهم يا جماعة الصلاة يقولولي لما نروح ولما نروح طبعاً دي تكون فاتتنا الصلاة أنا كنت بزعل منهم وأروح أصلي أنا بس لمل كان الموضوع بيتفتح كنت بكلمهم بزعل وبنصحهم بزعل من غيررفق بس حبيبتى ده مكنش صح لأن مهما كانوا بيعملوا فيهم خير وخير كبير وده مش كلامي ده كلام حبيبنا صلى الله عليه وسلم(الخيرفىِّ وفي أمتي إلي يوم القيامة) ...معلش نأخذ بإيديهم ونصبر عليهم ومتنسيش خلي شعارك _إبتسامتي قبل نصيحتي_جربيها كده والله هتفرق جامد جدا مع اللي قصادك
وياما سمعنا عن صحابى حول الرسول صلي الله عليه وسلم وكانوا بيذنبوا...وبيغلطوا وساعات بقى النبى مكنش ينصحهم لكن بمجرد حركة أو تلميح مع الرفق...زي قصة ابن عمه الفضل بن العباس...وابن الحبير بجد من أجمل القصص اللي سمعتها في معاملته صلي الله عليه وسلم مع المخطئين والعصاة _
ومتنسيش إن كل ابن دم خطاء....بس كلنا بنجتهد _وفي ذلك فليتنافس المتنافسون_...ربنا يبارك فيك حبيبتي يارب وحرصك وغيرتك على دينك....ربنا يعزك ويكرمك ويرضي عنك حبيبتي
معلش طولت عليك...أصل صحبت رغاية جدااااااااااااااااااا.....هههههههههههه
بارك لله فيك حبيبي ولك مني كل الحب

فى أمان الله يا قمر

ياجماعة الموضوع ده فكرته حلوة اوي وياريت كلنا نشارك ونفضفض
اكيد يمكن يكون الحل هنا

بصي يا ايمان انا حاسة انه كويس بس بردوا حاسة اني مش هثبت عليه يعني شوية حجاب طويل وشوية حجاب القديم بردوا حجابي كويس وجميل انتي شوفتيه قبل كدا بس ادعييييييييييييييلي انه ربنا يثبتني على الحجاب الطويل دا
معرفش يمكن عشان معرفش ازاي البسه بشكل حلو
مش عارفةوالله !!!!!!
بحبك في الله

ان شااااااااااء الله حبيبتي
جزاكي الله خير على الرد
بجد ان شاء الله هثبت بس عايزة اتعلم احط الطرحة الطويلة ازااااي
يعني بحس اني هبلة بيها وكل شوية بقعد ازبطها واعدلها مش عارفة!!!
بس هثبت بازن الله
ادعيلي بالله عليكي
بحبك في الله جدا وربنا يخليكي ليا يااااااااااارب
سلام عليكم ورحمة الله وبركاته