تقرير: ندوة أ/ محمد طه بعنوان (الثبات بعد رمضان)!!!

السلامُ عليكم ورحمة اللهِ وبركاته

بسم ِ الله والصلاةُ والسلامُ على رسولِ الله صلى اللهُ عليه وسلم...

أمَّا بعد

كلنا بعد رمضان شعرنا إن حد عزيز راح مننا حتى اللي كان فينا حاسس إنه كان مقصر فى رمضان ....فى أية عدت عليا حسستنى وفكرتني برمضان ألا وهى:_

( وَمَا مُحَمَّدٌ إ ِلاَّ رَسُولٌ قَدْ خَلَتْ ِمنْ قَبْلِهِ الرِّسُلُ أفإيْن مَّاتَ أَوْ قُتِلَ انقَلَبْتُمْ عَلَى~ أَعْقَابِكُمْ وَمَن يَنقَلِبْ عَلَى~ عَقِبَيْهِ فَلَن يَضُرَّ اللَّهَ شَيْئاً وَسَيَجْزِي اللَّهُ الشَّاكِرِينَ) أية 144_سورة آلَ عمران.

إحنا كنَّا بنعبد رب رمضان مش رمضان رمضان عدى وولى خلاص, لو إحنا فاضلين راكنين على رمضان إحنا مش أهل مواسم نعبد ربنا شهر وشهر...لأ إحنا بنعبد ربنا كل وقت...لأ مش كل وقت ... كل لحظة ....حياتك كلها لله وأنت نائم وأنت بتأكل وأنت بتشرب وأنت بتتزوج....لو حطيت كدة فى بالك ..حياتك كلها في ميزان حسناتك....ديننا دين جميل ودين يسر مش دين مواسم...ربنا بييسر لك به كل حياتك.

طيب ليه بنشعر بالفتور بعد رمضان؟؟!

أول حاجة يدخل عليك بها الشيطان بعد رمضان يرميلك ذنب صغير...ويوقعك فيه عشان تيأس...تيأس ومتكملش, هيجيلك فى النقطة دي بيأسك في نفسك هو ده الشيطان يزهقك في نفسك يخليك تقول لنفسك أنا عارف نفسي عمري ما هكمل أنا مش بتاع ربنا...لأ ربنا كبير وهو اللي خلاك تعمل الذنب ده عشان ترجعله...متسمعش كلام الشيطان تغلب غلي نفسك واستعين بالله وهو هيعينك ويقبلك إن شآء الله.

تاني حاجة يدخل بها عليك طول الأمل والتسويف...وقعت في ذنب يقولك فيها إيه لسا قدامك الأيام وهتوب....استنى شوية أنت هتعمل في نفسك ليه كدة من دلوقتي_ بيسوفك وبيعطيك طول أمل وغرور_إيه يعني ما إحنا طول عمرنا عايشين سيبك من الناس اللي بتتكلم عن ربنا دي....خلي بالك ( وَمَا يَعِدُهُمُ الشَّيْطَانُ إِلَّا غُرُوراً) _أية 120 سورة النِّساء.

ثالث حاجة يدخل بها عليك يحسسك إنك كنت فارس وشيخ الإسلام فى رمضان يخليك عندك إعجاب بنفسك بأعمالك اللي عملتها في رمضان...أوعى تعجب بعملك ربنا وفقك إلى عمل في رمضان فأوعى تضيعه....هتعجب بعملك هيخليك_الشيطان_ يوم تنام عن صلاة الفجر ويوم تاني تتفرج على حاجة مش كويسة....فالإعجاب بالنفس أكثر حاجة مهلكة كما قال صلى الله عليه وسلم( ثلاث مهلكات أشدهنَّ إعجاب المرءُ بنفسِه)

رابع حاجة يدخل بها عليك ألفة الطاعة...يخليك تقول لنفسك زهقت كل يوم صلاة وقرءان...وغيرها من العبادات؛ ما فيش يوم أجازة...أنت اللي خليت الطاعة شىء مألوف عليك يعني مثلاً تقوم دلوقتي تصلي أحط في بالي إن ربنا هيغفرلي كل ذنوبي...كل ذنوبي..وإنى لما أسجد هكون قريب منه..ده أنت تطير إنك هتكون قريب من الرحمن الرحيم الودود.

طيب وقفة بقى دلوقتي مع نفسك لو حصلك أي حاجة خلاص اللي فات مات...اللي حصل ده_ارتكاب المعاصي_ ربنا قدرهولك لأنه عايزك ترجعله_جل في علاه.

قل (أمنتُ باللهِ ثمَّ استقم) كما قال الحبيب صلى الله عليه وأله وصحبه وسلم.

ربنا الكريم معاك يبقى الشيطان تحت رجلك أول لمَّا يوقعنا نفوق تاني ونقف مع أنفسنا أحسن ممَّا كنَّا.

والإستقامة هي كتاب الله والسنة فأي حاجة حرام تقول مش هعملها؛ قعدة مش كويس مش هقعد فيها ؛ كلام على الناس مش هتكلم.

قال ربُّ العالمين (إِنَّالَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُعَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُواوَأَبْشِرُوابِالْجَنَّةِ الَّتِي كُنتُمْ تُوعَدُونَ (30 )نَحْنُأَوْلِيَاؤُكُمْ فِي الْحَيَاةِ الدُّنْيَا وَفِي الْآخِرَةِ وَلَكُمْفِيهَا مَا تَشْتَهِي أَنفُسُكُمْوَلَكُمْفِيهَامَاتَدَّعُونَ (31) نُزُلاً مِّنْ غَفُورٍ رَّحِيمٍ(32) )سورة فصلت.

تخيل لمَّا الملآئكة تكون أوليائك ؛لمَّا تيجي تموت يقولوا لك أوعى تخاف أبشر؛ انت كل عملك صالح؛ كنت بتسمَّع ودانك كل خير وتخلي عينك تشوف كل خير...وكما قال ربُّ العالمين في سور ق~ ( لَهُم مَّا يَشَآءُونَ فِيهَا وَلَدَيْنَا مَزِيدٌ) أية 35؛ وذلك جزاء الصالحين من أهل الجنة.

عايزين نطلع من هنا يا إخواننا معاهدين ربنا على الإستقامة والإيمان بالله

سأل أحد الصحابة رسول الله صلى الله عليه وسلم ( ما الساعة؟ فقال صلى الله عليه وسلم وما أعددتَ لها؟ فقال ما أعددتُ لها ولكنِّي أحبُ اللهَ ورسولَه؛ فقال النبيِّ صلى الله عليه وسلم : أنتَ مع من أحببت)

وهو ربنا طالب مننا غير إيه صلاة خمس مرات فى اليوم كل صلاة خمس دقائق وصيام شهر فى السنة....وغيرها من العبادات البسيطة.

قال صلى الله عليه وسلم ( لايستقيم إيمان عبدٍ حتى يستقيمَ قلبُه ولا يستقيمَ قلبُه حتى يستقيمَ لسانُه؛فمن استطاع منكم أن يلقى اللهَ سبحانه ، وهو نقيُّ الراحة من دماءِ المسلمين وأموالِهم ، سليمُ اللسان من أعراضِهم ، فليفعل)

عارفين ليه لا يستقيم القلب حتى يستقيم اللسان لأن كل حاجة بتقولها أو تعملها لها وقع وتأثير على القلب على طول.

ونصيحة _أنا بعملها_ كل لمَّا تذنب ذنب زي إنك تقول كلمة مش كويسة أو تشوف واحدة مش ملتزمة في لبسها_تدعيلها بالهداية_... وطلع صدقة ...أو صلي على النبيِّ أو سبِّح أو قول أي ذكر.

طيب إيه الحاجات اللي بتوقف في طريق الإستقامة؟؟!

الكسل:_

الكسل عن الطاعات؛ وده من علامات النفاق فقد قال ربُّ العالمين في سورة النِّساء

(إِنَّ الْمُنَافِقِينَ يُخَادِعُونَ اللَّهَ وَهُوَ خَادِعُهُمْ وَإِذَا قاَمُواْ إِلىَ الْصَّلاةِ قَامُواْ كُسَالَى يُرَآءُونَ النَّاسَ وَ لا َيَذْكُرُونَ اللَّهَ إِلا َ قَلِيلا ً) أية 142سورة النَّساء.

والكسل من الآفات اللي تخليك تحجب عن الصراط المستقيم.

التباطُؤ:_

التباطئ فعل الخير والأعمال الصالحة....لا تكن نفس بطيئة في الطاعات جريئة على الفتن)....ولا تنسى أن من ضمن الحاجات اللي تسببلك عذاب قبر عملك الخبيث

...خليك محب للخير وسارع إلى فعل الخير والأعمال الصالحة.

أماكن السوء وأصحاب السوء:_

متمشيش في مكان كنت بتعمل فيه معصية؛ أو تروح لصحاب السوء اللي كنت تعرفهم قبل كدة؛ هتغير قلبك وتلوثه هتغير قلبك اللى كنت مليه بكل خير.

أهم حاجة المكان اللي تكون فيه ربنا لمَّا يكون مطلع عليك فيه يكون راضي

الغفلة:_

قال ربُّ العالمين (لَقَدْ ذَرَأْنَا لِجَهَنَّمَ كَثِيرًا مِّنَ الْجِنِّ وَالإِنسِ لَهُمْ قُلُوبٌ لاَّ يَفْقَهُونَ بِهَا وَلَهُمْ أَعْيُنٌ لاَّ يُبْصِرُونَ بِهَا وَلَهُمْ آذَانٌ لاَّ يَسْمَعُونَ بِهَا أُوْلَئِكَ كَالأَنْعَامِ بَلْ هُمْ أَضَلُّ أُوْلَئِكَ هُمُ الْغَافِلُونَ ) أية 179 سورة الأعراف.

لا تكن إنسان غافل كن يقظ...وانظر إلى كل أمور حياتك بعين البصيرة وشوف حكمة ربنا في كل حاجة بص للمنعم لا للنعمة؛ وبص في نفسك وشوف معجزات ربنا في نفسك...ويقول العلماء العقل موجود في القلب لا المخ استدلالاً بالأية الكريمة (لَهُمْ قُلُوبٌ لاَ يَفْقَهُونَ بِهَا)

طيب نيجي لآخر حاجة في محاضرتنا إنهاردة خطوات الثبات على الطاعة:_

1_الإجتهاد في الطاعة ونحط لنفسنا خطة تخلينا نرجع لنفسنا تاني(خطة طويلة الأمد) لغاية العشرة أيام بتوع ذي الحجة شاملة:_

*الصلاة على وقتها.

*الخشوع في الصلاة_واللي يجاهد نفسه فيها له أجران كقارىء القرءان الذي يقرأ القرءان ويتتعتع فيه.

*القرءان_لازم يكون لك ورد قرءاني يومي.

*تحضر درس علم بإستمرار.

*حفظ القرءان_اللي مش حافظ يبدأ بجزء عمَّ واللي حافظه يقرأ تفسيره_ويكمل حفظه العادي.

*قيام الليل.

*الذكر_والسبحة خير مساعد لك على الذكر.

*الإكثار من النوافل.

نشد حيلنا كده يا جماعة عشان ربنا ينولنا هذه الأيام المباركة.

2_الصحبة الصالحة؛ فكما قال الحسن البصريِّ( أكثروا من إخوانكم فإن لكل مسلم شفاعة من إخوانكم).

3_ التوبة الدائمة ؛لازم يكون لك ورد يومي للتوبة...والمؤمن اللي عنده بصيرة يحس بالإيمان بثلاث حاجات:_

*إقرار بالذنب.

*الوعد اللي ربنا وعده للعاصي في كثير من الآيات.

*ربنا وقدرته عليك...ده هو اللي خلاك تقع في الذنب ده أصلاً...وافتكر الجبار الحليم الستير اللي سترك وأنت بتعمل العمل ده.

4_ الدعاء؛لازم ندعي يا جماعة بطلب العلم والقراءة_أُمة اقرأ لازم تقرأ_لازم نقرأ عن ربنا
كتير....وندعيه_سبحانه وتعالى_إنه يوقفنا بين إيديه ويثبتنا...أمين.

سبحانَ ربكَ ربِّ العزةِ عمَّا يصفون وسلامٌ على المرسلين والحمدُ للهِ ربِّ العالمين.

وجزاكم الله خيراً كثيراً.

وعليكم السلام ورحمه الله وبركاته

بسم الله ماشاء الله ربنا يتقبل من حضرتك أستاذ محمد ويبارك فى عملك
كلمات تثبت على الطاعه والهدايه ان شاء الله
جزاك الله كل خير أستاذ محمد وجعلك الله سبب فى هدايه العاص والبعيد عن طريق الله عز وجل
اللهم ثبتنا على ما انعمت به علينا فى رمضان

نهله ربنا يكرمك على التقرير والمتابعه
ربنا يبارك فيك يارب وجعله الله فى ميزان حسناتك

وعليكم السلام ورحمة الله وبركاته

ما شاء الله لا قوة الا بالله

محاضرة جميييييييييييل اوووووووووووى

ربنا يبارك فيك أ/ محمد ويستخدمك ولا يستبدلك ونفع الله بك الاسلام والمسلمين

وجزاك الله الفردوس الاعلى حبيبتى نهله على نقل المحاضر ربنا يجعلها فى ميزان حسناتك ياااااااااارب

اللهم ارزقنا الثبات وعنا على طاعتك وحسن عبادتك وارزقنا قلبا سليما ولسانا صادقا

اللهم آآآآآآآآآآمين

جزاكي الله خيرا

وعليكم السلام ورحمة الله وبركاته
ماشاء الله لاقوة الا بالله
اللهم اعنا على ذكرك وشكرك وحسن عبادتك
اللهم يامقلب القلوب ثبت قلوبنا على دينك
جزاكى الله كل خير اختى على نقلك للمحاضره الرائعه ربنا يحبك
ربنا يوفقك استاذ محمد ويرضى عنك
ويرزقك الاخلاص ويجعل كل اعمالك فى ميزان حسناتك
جزاكم الله كل خير

جزاكم الله خيراً يا قمرات شاهي وإيمان ورباب وحبيبتي سأحيا بالقرءان ....ربنا يعزكم ويحفظكم ويرضى عنكم ويبارك فيكم يااااااااااااااارب يا حبايب قلبي
جزاكم ربي الفردوس الأعلى للمرور العطر
بحبكم فى الله
في أمان الله

حبيبى ومعلمى واستاذى...كم تكون كلماتك دواء,,وابتسامتك الجميلة بلسم وشفاء...ربنا يحبك ويكرمك ويرفع قدرك ياحبيبى محمد طه..
وشكرا جدا يااستاذة على النقل المميز ده.,,,حستتينى انى معاكم...جزاكم الله خير وربنا ينفع بحضرتك...

وعليكم السلام ورحمة الله وبركاته
جزاكى الله عنا خيرا حبيبتى على النقل المميز ده ربنا يكرمك ويجعله فى ميزان حسناتك يارب
وما شاء الله محاضرة كانت جمييييييييلة اوى وكانت خير سند ومعين لينا على الثبات بعد رمضان
اللهم يامقلب القلوب ثبت قلبى على دينك واعنا على ذكرك وشكرك وحسن عبادتك واجعلنا للمتقين اماما
اااااامين يارب العالمين
وجزاك الله عنا خير الجزاء أ- محمد على المحاضرة الرائعة دى
ربنا يعزك وينفع بيك ويزيدك ايمان وتقوى
ويجعله فى ميزان حسناتك

جزاكي الله خيرا يا نهله
والله تقرير جاااااااااااااااامد جداااااااااااااااااااااا كفايه انك الكتبتيه
تسلم ايدك
وجازكم الله خيرا استاذ محمد ما شاء الله محاضره مفيده جدا

ياليت قومى يعلمون كتب:: وعليكم السلام ورحمة الله وبركاته
جزاكى الله عنا خيرا حبيبتى على النقل المميز ده ربنا يكرمك ويجعله فى ميزان حسناتك يارب
وما شاء الله محاضرة كانت جمييييييييلة اوى وكانت خير سند ومعين لينا على الثبات بعد رمضان
اللهم يامقلب القلوب ثبت قلبى على دينك واعنا على ذكرك وشكرك وحسن عبادتك واجعلنا للمتقين اماما
اااااامين يارب العالمين
وجزاك الله عنا خير الجزاء أ- محمد على المحاضرة الرائعة دى
ربنا يعزك وينفع بيك ويزيدك ايمان وتقوى
ويجعله فى ميزان حسناتك

جزانا وإياك يا مريومة

ربنا يعزك ويكرمك ويرضى عنك يا قمر لمرورك الكريم

وشكراً لكل الأخوة والأخوات للمرور الكريم

rowaida magdy كتب:: جزاكي الله خيرا يا نهله
والله تقرير جاااااااااااااااامد جداااااااااااااااااااااا كفايه انك الكتبتيه
تسلم ايدك
وجازكم الله خيرا استاذ محمد ما شاء الله محاضره مفيده جدا

جزانا وإياك يا أحلى رويدا قابلتها في حياتي

تسلميلي يا قمري على كلامك الحلو ده...ربنا يخليك ِ ليا يا قمر ومش يحرمنى منك أبداً ولا من صحبتك الجميلة دي...ربنا يكرمك يا رب يا رودي ويعزك ويحفظك ويسعدك ويقر عينك بالكلية اللي أنت عاوزاها وأشوفك أحسن طبيبة يارب...وساعتها وغلاوة رودي عندي ما هعرف محمد أخويا وهتكوني أنت ِ مستشارتي وطبيبتى الخاصة...ههههههه

ربنا يفرحنا بيك يا جميل ويرضى عنك يارب....أميييييييييييييييين

في أمان الله حبيبي