مريم

* مريم *
عن قصة حقيقية

حداشر سنة كان عمرها..
ضحكتها صافية زى قلبها..
وشط إسكندرية كان حلمها..
هى وأسرتها وأرملة عمها..
كانت بتحلم بالبحر والهوا..
هى وعلى أخوها وأسرتها سوا..
كان حلم برئ..
إنتهى بسبب شاب جرئ..
خبطها وهرب من أسهل طريق..
طلع على الرصيف بالعربية..
وخبطهم بكل بجاحة وعنجهية..
مريم أحشاؤها إنفجرت..
وبخطبة عربية فرحتها إندثرت..
ساعتين وأكتر فى إنتظار الإسعاف..
وحالتها تسوء أضعاف أضعاف..
وماتت مريم بسبب إهمال ناس..
الشاب وممرضة ودكتور بيعالج بعد موت الناس..
والباقى بين الحياة والموت..
وعلى وباباها مش هايسمعوا تانى لمريم صوت..
والجانى فى ثوانى أطلقوا سراحه..
ووالد مريم بيعانى من جراحه..
يصرخ يقول: ياناس أنا إللى قلبى إتحرق..
أنا إللى عمرى منى إتسرق..
يكتموا صرخته ويقولوله:
الموضوع إنتهى وماتعملهاش حكاية..
الولد مش قصده قتلها وإنتهت الرواية..
ده قتل بالخطأ ومش هاتقدر تعمله حاجة..
ده أبوه إيده طايلة وممكن يسفره..
وهناك لا حد شافه ولا حد صوره..
طب إيه العمل يادنيا؟..
فى ناس حرقت قلوبنا..
مطلوب مننا نقف نتفرج على الحريقة..
وهما بيولعوا فينا بمليون طريقة..

وقريب إن شاء الله إنتظروا واحد جديد بس لسه مش كامل

السلام عليكم ورحمة الله وبركاته؟؟؟

مش عارف اقولك غير ان الخواطر دى زلزلتنى بجد

عندك حق لما قولتى ..انتظروا مريم

على اد ما هيا مؤلمه ...بس ما شاء الله عليكى

الله عليك يانور أنتى ياجميله

فعلا فعلا تستحق الكاتب المميز
خاطره من أروع الخواطر اللى بتمس القلب فعلا
وكمان من الواقع

ربنا يبارك فى قلمك يانور ودايما ينولك طريقك فى الكتابه يارب

ياااااااااااااااااه وجعتينا قوووووووووووووووووي
جزاك الله خيراً ما شآء الله حضرتك مبدعة جدا
ربنا يبارك في حضرتك وفي قلمك يارب
اللهمَّ ارحم مريم رحمة واسعة

لاحول ولا قوة الا بالله
هى دى الحقيقه وبتحصل كتير
جزاكى الله كل خير يانور على القصيده المؤثره
بجد ماشاء الله عليكى

أولاً جزاكم الله خيراً أحبائى فى الله
أستاذ محمود

Ibnt Amr Khaled

شاهى

وميوى

آسفة على إنى إتسببت فى ألم ليكم بس للأسف دى الحقيقة معظمها ألم فى ألم

الحادثة لما قرأتها إستفزتنى جداً لأن مريم مالحقتش تفرح بحلمها

وباباها مش هايقدر ياخد حقها للأسف ربنا يصبره

بس نعمل إيه الحقيقة دايماً بتوجع

جزاكم الله خيراً

رحمكى الله حبيبتى مريم

ورزق اهلك الصبر والسلون

وربنا مش هيسيب حقك وحقك هيرجعلك

حسبنا الله ونعم الوكيل

ربنا يكرمك حبيبتى نور بجد ابدعتى فى كتابتك

ربنا يعزك ويرضى عنك يارب

وجعل قلمك لا يكتب الا حقا

لا حول ولاقوة الا بالله
خاطرة وجعتنا اوووووى
وفعلا بقه ده العادى انك تشوف واحد خبط حد بالعربية ويمشى ويسيبه
يعنى سبحان الله
فين الرحمة اللى فى قلوبهم ؟
ازاى يقدر يكمل طريقة وحياته وهو اهمل فى حق اللى خبطه
ربنا يعفينا جميعا يارب
ويرحمك حبيبتى مريم ويجعل مثواكى الجنة
ويجزيكى خير حبيبتى نور على كتاباتك
ربنا يكرمك ويعزك ويرضى عنك
ويستخدمك دايما فى نصرة الضعيف ياااااارب

لا اله الا الله
حسبنا الله ونعم الوكيل
والله عاجزه عن وصف حاله الظلم اللى بلدنا فيها
بس بجد كل عالى فالله اعلى منه
حسبنا الله ونعم الوكيل
فى رحاب الله يا مريم
جزاكى الله خيرا يا حبيبتى
بدايه موفقه ان شاء الله
ربنا يجرى الحق على لسانك وقلبك وقلمك يااااااااااااااارب

للمره التانيه ...:

بجد عاجبانى جدااااااااا الخواطر دى
وان كانت تحمل شيئا محزنا

بس دى الحقيقه الللى بتكرر كتير مش مع مريم بس

ربنا يكرمك خواطر جميله ومستنين من حضرتك خاطره جديده

جزاكم الله خيراً أحبتئى فى الله على مروركم الطيب والذى أسعدنى والله
إيمان شعراوى
مريومة
أم فجر
أستاذ محمود
والله أنا ليا الشرف ان كتابتى بتعجبكم
وتخليك ياأستاذ محمود تشرفنى مرتين بسببها
ربنا يعزكم ويعيننا على نصرة الدين
أحبكم فى الله