القطارات..طب وآخرتها؟

السلام عليكم ورحمة الله وبركاته
الحقيقة قبل ماأبدأ الخبر إللى كلنا تقريباً عرفناه وأصيبنا بالحزن عشان الضحايا إللى راحوا نتيجة .....
نقول إهمال... ولا تسيب مسؤلين...
ولاإعلانات...ولانقول جاموسة
ولا جايز إحنا السبب يمكن ما ده إللى ناقص والله...
باتكلم عن حادثة تصادم القطارين بالعياط
دى مش أول مرة تحصل ا لكارثة وكل مرة بنتكلم وكل مرة بنشكى وكل مرة بنحبس المسؤلين
وبعد شهرين يخرجوا!!
عدالة ما بعدها عدالة.....
فى الفترة إللى ظهرت فيها إعلانات القطارات دى قطارات تليفزيون مش قطارات بنى آدميييين
قلت إستحالة يكون ده بجد وفى الآخر الغلط مننا إحنا
فى الإعلانات بيرموا بالمسؤلية علينا مع إننا إحنا إللى بنموت فى الآخر
وكنت هموت وأعرف القطارات دى الواحد يركبها إزاى ويروح فين عشان يجربها
وجت الكارثة عشان طول عمرنا بنتكلم فى نفس الموضوع ونبقى مستنين تحصل الكارثة ونفكر نعمل إيه
يعنى مش نبقى جاهزين بالحلول قبل ماتحصل لأ لما تحصل نفكر نعمل إيه
عجيبة والله
نيجى للخبر بقى إحصائية عن حوادث القطارات

مركز المعلومات بمركز الوزراء أكد في تقرير له ارتفاع نسبة حوادث القطارات في الوجه البحري لتبلغ 48.5% والوجه القبلي 34.6%
وحدوث 644 حادثة لقطارات في أربعة شهور فقط وهو ما يعكس التدهور الكبير في مرفق السكة الحديد.
أما حوادث القطارات المؤلمة فكان اشهرها حادث احتراق قطار بالعياط عام 2002
ولقي أكثر من 360 شخصا مصرعهم
وتصادم قطارين بقليوب والذي راح ضحيته 58 قتيلا في عام 2006
وفي عام 1995 لقي 47 شخصا حتفهم عند اصطدام قطار بحاملة ركاب..
ففي عام 2004 أطاح قطار ب 23 عاملا زراعيا علي المزلقان المفتوح بطوخ
تبعه حادث بلبيس الذي أدي إلي وفاة 45 قتيلا في مايو 2005 نتيجة تصادم قطار شحن مع قطار ركاب..
وتزايدت الحوادث عامي 2008 و
2009 كان أهمها تحرك قطار بدون سائق ليقتل ويصيب 12 شخصا بمزلقان سموحة في مايو الماضي
2009 مما يعكس الاهمال الجسيم الذي يضرب مرفق السكة الحديد..
وتسبب قطار في تدمير محطة مصر بالاسكندرية في أغسطس الماضي قدرت خسائره ب 15 مليون جنيه..
معظم هذه الحوادث تكون نتيجة تصادم قطارات بعربات نقل
كما حدث في تصادم قطار بعربة نقل في مركز كوم امبو بمحافظة البحيرة في 14/4/2009
مما أدي إلي مصرع واحد وإصابة 12 شخصا
وأيضا اصطدام قطار متجه إلي طنطا بسيارة نقل في يونيو الماضي..
وتشير التقارير إلي ان اكثر من 6 آلاف شخص لقوا حتفهم علي مدار العشر سنوات الماضية واصابة 21 الفا وآخرين في حوادث القطارات.

السلام عليكم ورحمة الله وبركاته؟؟؟

يافندم السبب معروف جداااااااااا...
السبب:
هيا الجاموسه بنت الجاموسه

وقبل كده ...

زمان بقا كان الحمار بن الحمار
القطارات..طب وآخرتها؟ 335157

انا اعتقد فى الفتره الجايه :
العجله بنت الكاوتش ..قصدى العجله

الخوف بعد كده انا مرعوبببب:
ليقولوا السبب النمله بنت النمله وقفت ادام القطر ف اتقلب من رعبه لما شاف النمله ..حضرتك انا قرات النهارده ان فى اشاعه ان السائقين اللى تسببوا فى الحادثه ماتوا فى زراعات القصب بعد هروبهم وموتهم بسبب رعبه من العقاب ..طبعا خايفين للجاموسه القطارات..طب وآخرتها؟ 713641

تتهمهم ب انهم السبب ..بس على فكره هما اتمسكوا خلاص ودى كانت شائعه

وعليكى السلام ورحمة الله وبركاته

ربنا يبارك فيكى حبيبتى نور على طرحك لهذا الموضوع

للاسف هو ده اللى ديما بيحصل كل واحد بيلقى المسئوليه والتهمه لغيره

مش عارفه ليه بيحصل دا كله

سببه ايه عدم نظام وعدم اتقان للعمل واهمال وتسيب
ربنا يصلح احوالنا

وحسبنا الله ونعم الوكيل

استكمالا لحادثة قطار العياط

رحم الله جميع الموتى
اقروا بس الخبر ده
والتعلقيقات عليه اصل عجبنى

مفاجأة: مراقب حركة قطار العياط كان فى "الحمام

القطارات..طب وآخرتها؟ S1020092515336

التقرير يبين أن مراقب الحركة فى القاهرة كان فى "الحمام" وقت وقوع الحادث

كشف مصدر مسئول بهيئة السكة الحديد عن حقائق جديدة فى حادث العياط، حيث تبين أن مراقب الحركة فى القاهرة ويدعى حسن على محمد المسئول عن متابعة حركة القطارات من القاهرة إلى الواسطى ويعمل فى إدارة المراقبة المركزية بالقاهرة، كان فى "الحمام" وقت وقوع الحادث.

كانت نيابة الجيزة قد ألقت القبض على مسئول الحركة مساء أمس فى تمام الساعة 11,30 مساء،
حيث أكد أنه لم يتلق أى بلاغات من سائق القطار رقم 152 المتجه للفيوم
بوجود عطل اثر اصطدامه بالجاموسة، وعند وقوع الحادث كان فى"دورة المياه" لقضاء حاجته،
وأكد مراقب الحركة أن سائق القطار رقم 188 أغلق جهاز التحكم الأتوماتيكى والمعروف باسم atc ومثبت ذلك فى محطة أبو النمرس بالجيزة.

فور علم زملائه فى العمل بإلقاء القبض عليه، اعتصم أكثر من 25 مراقبا فى مقر
إدارة المراقبة المركزية بالقاهرة لمدة ساعة احتجاجا على قرار التحفظ، وأكدوا أن مراقب الحركة بالقاهرة ليس له يد فى وقوع الحادث وأن الخطأ يقع على عاتق سائق قطار 152 لعدم الإخطار بوجود عطل وطلب الإمداد،
وطالبوا بإخلاء سبيل زميلهم وهددوا بترك العمل كمراقبين للحركة حتى لا يكونون كبش فداء لغيرهم.

وفجر أحد المراقبين مفاجأة تثبت تورط أطراف جديدة فى وقوع حادث العياط، وهم كمسارية قطار 152 المنوط بهم عند حدوث عطل وتوقف القطار فجأة التوجه لسائق القطار والسؤال عن أسباب العطل وإثباته فى جدول مسيرة القطار، والتوجه على الفور بإحضار كبسولة الخطر وهى موجودة بكل قطار، ويقوم الكمسرى بتفجير الكبسولة على بعد كيلو متر من العطل لإعطاء إشارة الخطر للقطار القادم، فالكبسولة محملة بدخان كثيف جدا. وأكد المراقب، الذى رفض ذكر اسمه، أن الكمسارية لم يقوموا بمهام أعمالهم ويجب محاسبتهم فى التسبب بوقوع حادث العياط.

ودى بقا التعليقات هههههههههههههه:

مش دة المهم

بواسطة: احمد بتاريخ: الثلاثاء، 27 أكتوبر 2009 - 14:18

قطار اية كمسرية اية عاشوا اية ماتوا اية
........................................... المهم مين هيدفع ثمن الجاموسة ياولا ال......................
2

عندي إسهال يا عالم

بواسطة: ابراهيم قرعش بتاريخ: الثلاثاء، 27 أكتوبر 2009 - 14:20

كنت في الحمام ...... لموأخذة.........

3

وزير النقل !!!!

بواسطة: عمرو عبد الهادى بتاريخ: الثلاثاء، 27 أكتوبر 2009 - 14:22

إذن المشكلة ليست فى الوزير كما يتردد والمشكلة فعلا فى أشخاص مقصرون فى عملهم
ولا يملكون مسئولية شىء...الوزير ليس مطالب بأن يترك مكتبه ويذهب للعامل ليراه يعمل أم لا...
الوزير يضع سياسات وخطط والمراقبة ليست دوره !!!
مشكلة السكك الحديدية فى مصر تحتاج بنية تحتية جديدة وتحتاج تكاتف جهات كثيرة,,بجانب أن الشعب أصلا لا يملك ثقافة ولا يملك مسئولية ويعيش بإتكالية غريبة ,, هذا العامل أو ذلك السائق لا يملكان المسئولية فى العمل كى يبلغا بعض بالعطل,,هل هذه مشكلة الوزير ؟!

4

وزير النقل !!!!

بواسطة: عمرو عبد الهادى بتاريخ: الثلاثاء، 27 أكتوبر 2009 - 14:22

إذن المشكلة ليست فى الوزير كما يتردد والمشكلة فعلا فى أشخاص مقصرون فى عملهم ولا يملكون مسئولية شىء...الوزير ليس مطالب بأن يترك مكتبه ويذهب للعامل ليراه يعمل أم لا...الوزير يضع سياسات وخطط والمراقبة ليست دوره !!!
مشكلة السكك الحديدية فى مصر تحتاج بنية تحتية جديدة وتحتاج تكاتف جهات كثيرة,,بجانب أن الشعب أصلا لا يملك ثقافة ولا يملك مسئولية ويعيش بإتكالية غريبة ,, هذا العامل أو ذلك السائق لا يملكان المسئولية فى العمل كى يبلغا بعض بالعطل,,هل هذه مشكلة الوزير ؟!

5

hhhhhhh

بواسطة: واحد بتاريخ: الثلاثاء، 27 أكتوبر 2009 - 14:35

يعنى يا جماعه يعمل ايه كان عايز يخش الحمام يقطع نفسه
يعنى يعملها على روحه يعنى
يعنى يعملها على روحه ولا الناس تموت اكيد يروح يشوف نفسه

6

اتقوا الله

7

سيبوا الراجل

بواسطة: هههههههه بتاريخ: الثلاثاء، 27 أكتوبر 2009 - 14:46

سيبوا الراجل يقضى حاجة يعنى يفضل مزنوق القطارات..طب وآخرتها؟ Icon_smile

8

الاهمال

بواسطة: سحر عبدالغنى بتاريخ: الثلاثاء، 27 أكتوبر 2009 - 14:49

الاهمال السبب وراء موت الفقراء

9

المشكله اكبر منى ومنك

بواسطة: احمد الطيب بتاريخ: الثلاثاء، 27 أكتوبر 2009 - 15:03

المشكلة كبيرة جداً اكبر منى ومنك المشكله فى النظام والتخطيط والتعليم المشكله هى البذرة اللى فى الارض اللى بيها بقت الشجرة فاسدة يتتخلع الشجرة من جدورها يا نخترع مبيد ينفع معاها . البلد دى عمرها ما هتتقدم شبر احنا عايزين معجزه عشان مصر تتغير يا ما حوادث حصلت ويا ما طلع كبش فدا يلبس الليله من اول الماس الكهربائى لغاية الجاموسه وترجع ريما لعادتها القديمه . والله انا تفكيرى عجز فى تحليل الاحداث مش عارف مين السبب

10

لازم حساب كل مسئول عن الحادث

بواسطة: مش قادر اسكت بتاريخ: الثلاثاء، 27 أكتوبر 2009 - 15:22

اولا الجاموسه ماتت تسقط الدعوى عليها سائق القطار لم يبلغ يتحاسب الكمساريه لم يفجرو الكبسوله كما هو متبع يتحاسبو المراقب لو ابلغ وتباطأ يتحاسب سائق القطار القادم الذى تسبب فى الحادثه لو اثبت انه اغلق جهاز التحكم الاتوماتيكى يتحاسب الناس دى مش احسن من الوزير وارواح الناس مش لعبه لازم الحساب حتى يراعى كل موظف وكل مسؤول ضميره ويشتغل صح وليكن هذا الحادث هو الشراره للنهوض بمصر ومحاسبه المقصريين اى كانت مراكزهم حرام عليكوا اللى بيحصل واناشد نواب الحزب الوطنى امتى راح تتغيروا وتدافعوا عن الشعب وليس عن الحكومه ووزرائها عمال على بطال اتقوا الله فى مصر وشعب مصر استثنى من الحزب السيد زكريا عزمى النائب المحترم شكرا للوزير المحترم الذى استقال وشكرا للرئيس الذى قبل الاستقاله

جزاكم الله خيراً أستاذ محمود
وحبيبتى إيمان شعراوى
وحبيبةالرحمن
طبعاً ياأستاذ محمود بقدم لحضرتك جزيل الشكر
لأن حضرتك قمت بالواجب
وإيمان ده حالنا للأسف
دايماً كل كارثة المسؤلين بيتهربوا
وإحنا الضحايا وفى نفس الوقت المتهمين
نرجع لأستاذ محمود
عارف حضرتك الأخبار إللى ذكرتها بتفكرنى بحاجة
أولاً دى حاجة أساسية فينا كشعب مصرى
لما تحصل الكارثة نموت على روحنا من الضحك
والله لاحظتها فى أكتر من موقف
لما نناقش الكارثة كله بيتريق
على فكرة أنا مش قصدى حاجة أنا بقول عامة والله وربنا يعلم
وكفاية إن حضرتك لميت الموضوع كله
وطبعاً ولاء أنا مقدرش أزود نص كلمة على كلام أستاذ محمود كلامه
مينفعش نوجه الإتهام لرئيسنا أو رئيس أى بلد تانية ده كمان قانون من قانون المنتدى
أما بالنسبة للتعديل هتلاقيها موجودة فوق المشاركة
وبكده مفيش أى حاجة حصلت ياولاء وحصل خير
وجزاكم الله خيراً

عاشقةالقدس كتب:: جزاكم الله خيراً أستاذ محمود
وحبيبتى إيمان شعراوى
وحبيبةالرحمن
طبعاً ياأستاذ محمود بقدم لحضرتك جزيل الشكر
لأن حضرتك قمت بالواجب
وإيمان ده حالنا للأسف
دايماً كل كارثة المسؤلين بيتهربوا
وإحنا الضحايا وفى نفس الوقت المتهمين
نرجع لأستاذ محمود
عارف حضرتك الأخبار إللى ذكرتها بتفكرنى بحاجة
أولاً دى حاجة أساسية فينا كشعب مصرى
لما تحصل الكارثة نموت على روحنا من الضحك
والله لاحظتها فى أكتر من موقف
لما نناقش الكارثة كله بيتريق
على فكرة أنا مش قصدى حاجة أنا بقول عامة والله وربنا يعلم
وكفاية إن حضرتك لميت الموضوع كله
وطبعاً ولاء أنا مقدرش أزود نص كلمة على كلام أستاذ محمود كلامه
مينفعش نوجه الإتهام لرئيسنا أو رئيس أى بلد تانية ده كمان قانون من قانون المنتدى
أما بالنسبة للتعديل هتلاقيها موجودة فوق المشاركة
وبكده مفيش أى حاجة حصلت ياولاء وحصل خير
وجزاكم الله خيراً

العفو يافندم

بس احنا كده فعلا كمصريين للاسف
عندك حق فعلا القطارات..طب وآخرتها؟ 748347