الخيانه

السلام عليكم ورحمة الله وبركاته؟؟؟

موضوع جديد عاوز اتناقش معاكم فيه

السؤال:
هل خانك أحد من أسرتك او من اصدقائك؟ وكيف؟
او تعرف قصه عن حد كده

مثال يعنى:
مثلا استامنت حد على سر وطلعه...وهكذا

فى انتظار مناقشتكم ان شاء الله

وعليك سلام الله ورحمته وبركاته استاذنا الفاضل
يااااااااااااااااااااااه بجد كلمه خيانه دى من اكتر الكلمات اللى بكرها
بجد كله غبيه اوى وجارحه جدا
واصعب خيانه لما تخون امانه ربنا عطهالك وانعم عليك بيها
اما خيانه الدنيا فبتحصل كتير
لكن الحمد لله رب العالمين محصلش معايا اى موقف من مواقف الخيانه
انا حبيت اكون اول مشاركه
وهتابع ان شاء الله بقيت رد اخواتى
جزاك الله خيرا استاذ محمود

وعليك السلام ورحمه الله وبركاته
زى ما قالت ام فجر
فعلا الخيانه كلمه صعبه اوى وانا الصراحه ناس كتير اوى خانونى
ربنا يسامحهم مكان ما هما فيه
ربنا يصبرنى على جرحهم ليا
بس الحمد لله على كل شئ
قدر الله وماشاء فعل
جزاك ربى كل خير اخى الكريم
ربنا يباركلك ويعزك يارب

وعليكم السلام ورحمة الله وبركاته

جزاك الله خيراً أستاذ محمود

حضرتك دخلتنا فى موضوع مهم ومؤلم بس لازم نعترف به لأنه بيحصل مع معظمنا

هو أنا حصلت معايا خيانة فى أكتر من موقف بس خلونا دلوقتى فى موقف آثر عليا أكتر

الموضوع فى نظرى كان خيانة لكن فى نظر إللى عملت كده كان خير عايزة تعمل صلح

كنت مضايقة من شوية تصرفات لأصحابى كانت جوايا ومحدش عارف أى حاجة من إللى جوايا

كانوا ممكن يقولوا كلمة ممكن فى نظرهم تافهة لكن كانت بتجرحنى

ومكنتش أقدر أواجههم عشان محدش يزعل منى ويقولوا دماغى صغيرة

المهم جت الإمتحانات وإتغيرت شوية وناس معينة لاحظت التغيير ده

كان ليا صاحبة هى مش صاحبة هى قبل مايحصل الحكاية دى كانت صديقة غالية عندى

المهم جت تسألنى فى إيه؟ وإيه إللى مغيرك؟ حد زعلك حد ضايقك؟

لحد ماقلت كل حاجة أنا كنت باقولها بصفاء نية كنت فاكرة إنها مش هتقول لحد
لأنى كده كده كنت هاخد فترة وأرجع عادى وانسى أى حاجة

لأ دى بقى ربنا يكرمها راحت قالت الكلام بالنص للناس إللى مضايقة منهم إللى هما أصحابى

طبعاً هى كانت فاكرة إنها فاعلة خير لكن الحقيقة هى ولعت نار ونار جامدة جداً وكنت أنا ضحيتها

قعدت مع أصحابى وخلصنا الموضوع بعد بهدلة جامدة جداً ليا واليوم ده محدش نام فيه خالص لا أنا ولا أصحابى

قعدنا كذا يوم بعيد عن بعض شوية شوية الأمور رجعت لمجاريها والعلاقة بقت أقوى من الأول بكتيييييييييييييييير جداً

طبعاً صاحبتنا إللى فيها الخير فى الوقت ده ماكنتش طايقة أسمع إسمها فما بالكم لما أشوفها

بهدلت الدنيا وأنا غلطانة أساساً إنى إتكلمت معاها وحلفت من يومها لو هموت والله ماهحكى لحد على إللى مضايقنى إلا كام
حد كده لسه كويسين معايا وعمرهم ماهيضايقونى...

وصاحبتنا مجاش فى بالها إنى فى مشاكل حصلت ولا حاجة

بردوه آخدت فترة جامدة لحد مابدأت أنسى وأقبلها تانى زى الأول

بس

جزاك الله خيراً

ومستنيين مواضيع تانى فى الصميم ده

ربنا يكرمك ويعزك

السلام عليكم ورحمة الله وبركاته؟؟؟

اشكركم جزيل الشكر اخوتى المحترمين:

ام فجر

فقيره الى الله

عاشقةالقدس

انا حقيقى بستفيد جداااا من ارائكم وكلامكم حتى لو كان مختصر

ربنا يعزكم كلكم يارب ويغفرلكم

خيانة بمعنى خيانة ماحصلتش معاية الحمد لله
لان لازم من الاول نثق ونختار مين
ااااااااااااااااه افتكرت وحدة خانتنى ولاكن لاتهمنى فى شىء
هيعنى هى مش تهمنى اصلا عشان ازعل على خيانتها ليا بس الزعل على الوقت اللى قضته معاية
وانا مامناها
بسش هى كشخصية واللع ماتفرق عادى خااااالص
ودة الصح اننا مانكرهش حد مش علشانهم لا علشنا احنا
وجزاك الله خيرا على الموضوع

فتاة الاسلام كتب:: خيانة بمعنى خيانة ماحصلتش معاية الحمد لله
لان لازم من الاول نثق ونختار مين
ااااااااااااااااه افتكرت وحدة خانتنى ولاكن لاتهمنى فى شىء
هيعنى هى مش تهمنى اصلا عشان ازعل على خيانتها ليا بس الزعل على الوقت اللى قضته معاية
وانا مامناها
بسش هى كشخصية واللع ماتفرق عادى خااااالص
ودة الصح اننا مانكرهش حد مش علشانهم لا علشنا احنا
وجزاك الله خيرا على الموضوع

جزاكى الله خيرا اختى فتاة الاسلام

على مشاركة حضرتك القيمه

واشكرك على مرورك الكريم

فتاة الاسلام كتب:: خيانة بمعنى خيانة ماحصلتش معاية الحمد لله
لان لازم من الاول نثق ونختار مين
ااااااااااااااااه افتكرت وحدة خانتنى ولاكن لاتهمنى فى شىء
هيعنى هى مش تهمنى اصلا عشان ازعل على خيانتها ليا بس الزعل على الوقت اللى قضته معاية
وانا مامناها
بسش هى كشخصية واللع ماتفرق عادى خااااالص
ودة الصح اننا مانكرهش حد مش علشانهم لا علشنا احنا
وجزاك الله خيرا على الموضوع

جزاكى الله خيرا اختى فتاة الاسلام

على مشاركة حضرتك القيمه

واشكرك على مرورك الكريم

السلام عليكم ورحمه الله وبركاته
جزاك الله كل خير
بجد موضوع جميل جدا بس صعب جدا
يمكن الانسان صعب جدا ينسي انسان جرحه اوخانه
وانا حصلي نفس اللي حصل مع اختي عاشقه القدس
بس كنا ثلاثه اصدقاء ووحده فيهم وقعت بينا
بس انا اتجرحت قوي منهم وزعلت من صديقتي اللي صدقت فيا اكتر من اللي قالت عليا
الانسان ما بيزعلش غير من الانسان اللي غالي عليه ويهمه