عايز تذكرة مخفضة للحفلة الشهيرة؟

لو انت داخل هنا عشان تذاكر لحلفة بيونسيه خليك معايا للآخر لو سمحت
بصراحة احنا شايفين ان الحفلة دي مش مناسبة تحصل لأسباب كثير ولو انت موافقنا اشترك معانا في الرفض السلمي المحترم للحفلة، ولو مش موافق وشايف حاجة تانية اقرأ الكلام وشاركنا برأيك في هدوء واحنا هنرحب بأي مشاركة بناءة ...وفي الآخر كل واحد حر في رأيه دون فرضه على الطرف الآخر ودون الخروج عن حدود الأدب في النقاش

احنا ضد أي حاجة ضد عاداتنا وتقاليدنا تيجيلنا وتتدخل في مفاهيمنا
انا مفهومي عن الفن انه يخلي من العري
مفهومي عن الفن انه بنّاء وهادف
وسبحان الله ليه ممكن ناخد الفن ونربطه بالعري والرقص العجيب؟
انتوا عارفين ان في حفلات الشعوب رفضت اقامة حفلتها وفعلا محصلتش؟

طيب تعالى نتكلم شوية بعقل ومنطق...انت عارف ان أقل تذكرة ب 250 جنيه؟ انت عارف ان ده مرتب واحد عنده عائلة من خمسة أفراد المفروض انهم ياكلوا ويشربوا ويتعلموا ويتعالجوا ويدفعوا اجرة البيت والميه والنور وأنبوبة البوتاجاز...ده طبعا غير المواصلات...انا مش بقول اننا نتبرع بفلوسنا كلها، ربنا بيحبنا وبيحب اننا نتبسط ونشكره على النعم وربنا رزقنا بأشياء حلال ومباحة عشان نتبسط بيها دون أن نغضبه...ربنا يعلم احنا قد ايه عايزين الناس كلها تتبسط...بس نفكر يا جماعة...شوية تفكير...ممكن؟

انا مش بتكلم من كوكب تاني، انا عارفة بيونسيه وكنت بسمعها من أيام ما كانت في destiney’s child...بس بجد يا جماعة لازم نعبر عن رفضنا بأدب واحترام

فريق موقع http://www.mustafahosny.com هيقاطع الحفلة وبندعوكم انكم تقاطعوها ولو تعرف حد عايز يروح، جرب تتكلم معاه بمنطق وعقل وبراحة وجرب تسأله هو عايز يروح ليه ولو قالك "عادي" ولا "مش مشكلة"، قول له بلاش تبقى جزء من أهداف الناس...خلي عندك هدف وفكر وشوف انت عايز ايه

انا اسفة، مش هقدر اجيب لكم تذاكر مخفضة، بس اقدر اقول لكم بلاش نبقى جزء من أهداف الناس، ولازم نبقى فاهمين ومبررين تصرفاتنا، ولازم لو حاجة مش عاجبانا نقول عليها، ولازم نصحح مفهومنا عن الفن

هتقاطع الحفلة؟ هتنشر الفكرة في الجروبات على الفيس بوك؟

يلا مين معانا؟؟؟؟!!!

منقول من منتدى أستاذ مصطفى حسني

جزاكى الله خيرا حبيبتى نهلة وكلامك صح جدااا وانا معاكى فيه
اننا نرفض بطريقة محترمة وموضوعية ونشارك كلنا فى فكرة رفض الحفلة دى
لاننا مانحبش بلدنا تستقبل حد مش كويس وجاى يضيع شبابنا
واحنا بنتكلم وبنشارك لاننا دولة اسلامية
مانحبش نشوف بلادنا فى وضع زى ده
وباذن الله معاكم حبيبتى وربنا يقدرنا على نشر رفضنا ده
اللهم اهدنا واهدى بنا واجعلنا سببا لمن اهتدى
جزاكى الله خيرا يانهلة
بحبك فى الله

جزاكى الله كل خير حبيبتى نهله على هذه المبارده الرائعه
ومن حق اى واحد فينا انه يدى رأيه بالقبول او الرفض
وانا معكم فى الرفض
ربنا يحبك يارب حبيبتى ويرضى عنك
معاكم ان شاء الله
والله المستعان

» عايز أتجوز!!
» لو عايز اهل السماء يعرفوك اكثر من اهل الارض
» لو عايز الفيس بوك عربى ادخل بسرعه
» خالد عايز شوربة والله مش هزار
» مجموعة برامج جامده لكل مسلم عايز يحارب وسوسه الشيطان