ياريت حل بسرعه يا استاذ محمد طه.........

[size=24] السلام عليكم ورحمته الله وبركاته
كل عام وانتم بخير
وعيد مبارك ليكوا...
قبل العيد كان فى حاجه لازم اقولها ولازم الاستاذ محمد طه يشوف ليها حل سريع
.
.
الحمله ياجماعه زى ما قولنا كانت فى منتدى مصطفى حسنى كبيره جدا

وانتشرت والاعضاء المشتركين عدوا ال70
وكل اللى موجود دلواتى فى قسم حمله بحبك ياررب
كان موجود فى منتدى مصطفى حسنى وكلنا اتفقنا عليه
واحنا الحمد لله عندنا نشاط
بس للاسف بيقل ....حماسنا بيقل
الاعضاء فى المنتدى بيكبروا واحنا على اد مابنقدر بندعو الناس
وحضرتك يا استاذ محمد بتقول حاجات رووعه بس مش بتتنفذ
الموضوع دا مش تحبيط ولا حاجه دا حاجه عايذين ليها حل
وعلى فكره دا راى انا زمايلى وانا اللى بكتب بس
يعنى فى اجماع على الراى
لو حضرتك مش فاضى احنا ممكن نشتغل
بس ناخد الاساس
واحنا عندنا اقتراحات وعرضت على حضرتك افكار
اولا:
تنشيط ايميل الحمله وانه يضيف اكبر كم من الاعضاء ويدعوهم للحمله
وكمان يبعت ادعيه واحاديث وتوعيات عن الحمله
الكلام دا ممكن يقوم بيه بنتين بس
ثانيا:
الفيس بوك لازم الحمله تتنشر هناك وهيجب كم اعضاء ومشركين كتيير ان شاء الله
ولسه عندنا افكار بس نبدء عشان حمسنا يعلى
وبعدين حضرتك كنت مضايق ان الحمله بتاعتنا وناس خدوها وانشط مننا
طب ما حنا مستعدين نشتغل بس حضرتك نبدء وربنا هيسهلها
مستنين رد على النقطه دى من حضرتك
وجزاك الله خيرا
وفى استفتاء انا عمله ياريت تردوا عليه

الاخت نادية جزاك الله خير..ونسال الله لكى ولنا العافية...ماشاء الله على همة حضرتك والله ونشاطك...

بصى يااخت نادية..فى موضوع فى قسم الحملة اسمه ..كل ماتحتاجونه عن الحملة..ده حتلاقى فيه عنوان الجروب على الفيس بوك..وكل حاجة..بس طلبى منكم انشاء ايميل جديد بس...

حضرتك ممكن تقولى ان الهمم طبعا فترت وده طبيعى...لان الاعتياد بيغلب الاعتماد...

احنا الحمد لله وصلنا لمراحل طيبة جدا...

ويكفى الحمد لله شوية حاجات اتحققت كبيرة جدا مش صغيرة...حتى لو نعبر الحملة لم تحقق اهدافها على اكمل وجه..وزى ماتفقنا الحملة حتخلص لكن احنا شغالين على شغلها..ومستمرين..ويوجد فريق بحبك يارب على الاقل هنا فى اسكندرية عامل نشاط كبير جدااا...

على سبيل المثال من الحاجات الكويسة اللى حصلت...

انشاء منتدى خاص بينا او بالحملة..نقدر من خلاله مواصلة اجتهاداتنا وضم ناس لينا بطريقة دعوية...

وجود مجموعة من الاعضاء الحمد لله على اغعلى مستوى ايمانى ودعوى ونقدر من خلالهم زيادة العدد والنشاط فى الرسالة الدعوية عن طريق النت..

اتفاقنا على بعض التوصيات البسيطة ..كحفظ اجزاء من القران مع بعض..او بعض الاحاديث الشريفة..وده يتم اسبوعيا...

عمل مشروعات خيرية ..زى الصدقات الجارية..وزيارة الايتام والمسنين..والاهم كورسات تنمية قدرات مجانية..وكل ده تحت مسمى فريق بحبك يارب فى اسكندرية اللى ماشاء الله نشاطه مسمع وتقاريره حننزلها فى المنتدى قريبا اول باول....

العمل الدعوى عن طريق دروس وجلسات العلم...

واللى حضراتكم متعرفهوش ان سلسلة بحبك يارب اتطلب انها تقدم من خلال احدى الفضائيات وانى اكون معد للبرنامج...
كل ده الحمد لله يحسب ليكم وللنشاط بتاعكم اللى عملتوه..الحمد لله...

كمان تم ارسال ليا العديد من الدعوات من بعض اخواتنا فى البلاد العربية..زى الجزائر مثلا والاردن..وكان طلبهم السفر هناك واستضافتنا ونشر الحملة وسلسلة بحبك يارب والعمل الدعوى...

ارسال دعوة خاصة من احدى الاخوات فى السعودية..للدراسة فى جامعة الملك فيصل للعلوم الاسلامية ..والتكفل بمصاريف الدراسة والاقامة..
طبعا اخر طلبين تم الاعتذار عنهم للظروف الخاصة...
هو كل ده مش يحسب لحضراتكم ولنشاطكم ..ولفكرة الحملة والسلسلة برضه..

لكن انا معاكى ان فعلا محتاجين المزيد....وهنا يظهر اقتراح..اريد من حضراتكم اننا نمشى عليه..

لان ظروفكم دلوقتى تعتبر متوترة..سواء امتحانات او عدم استقرار..بسبب الدراسة وغيرها..فترت الهمم..وكمان محدش فاضى...
فانا بطلب من حضراتكم ان احنا نجدد الحملة دى..بس تكون مدة معينة..نفترض مثلا شهرين...يكون الشغل فيهم على اعلى مستوى...

بس نبتدى فى اجازة نصف العام...ومن هنا لحد الاجازة نمشى عادى على اتفاقنا وشغلنا الاسبوعى..ونقدر بقى نعمل تعبئة جامدة جدا للحملة..سواء على النت او مع اصحابنا...نبعت اللينك لكل الناس ومن هنا لحد مانبدا اجازتنا يكون عمل شحن بس للناس...ونعمل دعاية..والحكاية كلها شهر تقريبا...وبرضه مستمرين على شغلنا..

وفى خلال مدة الحملة الجديدة نكون رتبنا امورنا..وبرضه حنزل فيها متطلبات ومقترحات جديدة...ويكون فيها عمل دعوى اكبر..ويبقى فى اشتراكات من كل الاعضاء سواء بكتابة مواضيع او دروس من خلال غرفة المحادثة..وطبعا كل ده يبقى عامل نشااط جامد جدا....

عايز اعرف رايكم فى الاقتراح ده..

واحنا من هنا لحد الاجازة زى ماحنا على قد منقدر ..وكمان حنشغل برنامجنا على الغرفة..وحنزل قسم اعداد الدعاة..كل دى عوامل تشجيعية يعنى..

وفى الاجازة نبتدى شغل جديد..واول ماتخلص نكون خلصنا وبقينا احسن ونرجع على برنامجنا العملى كفريق بحبك يارب...

عايز اعرف ردودكم...وكل عام وانتم بخير...

وبشكر الاخت نادية بجد على النشاط الجباار ده..ماشاء الله عليكى..ربنا يحفظك ويحميكى يارب وينفع بيكى الاسلام والمسلمين...
يارب اكون وفيت يااستاذة كده واكون قدرت اتكلم بطريقة كويسة..ربنا يحبكم كلكم يارب...

جزاك الله خيرا وفيت فى الشرح وقصدك وصل
وفهمنا الحمدلله
وكنت عايذه اقول بما ان الحمله صوتها معلى فى اسكندريه
نبدء ننشرها فى باقى المحافظات
عشان كل الناس تستفيد ايه راى حضرتك
وانا هاعمل ايميل باءذن الله وهبعته لحضرتك وهبدء اشتغل
والفيس بوك على اقد ما اقدر هنشر وربنا ييسر
وبجد بحى حضرتك على السلسه وياررب يكون فيها عز الامه
وعايذين نعرف الاخبار اول باول عن فرقنا فى الاسكندريه
وجزاكم الله خيرا

جزاكى الله خير يااخت نادية وربنا يبارك فى عمرك يارب...

الايميل وصلنى ..تمام كده..وياريت حضرتك تنزليه فى مشاركة تانية علشان اخواتك يعرفوه...

ربنا يحبكم وياريت اعرف رايكم على الاقتراح بتاعى...