سلسلة.. بحبك يارب 2..جامد جدا جدا

[size=29الجزء الثانى من سلسلة.... بحبك يارب ...
في حب الله نعود ... لنملأ بالحب القلوب ... ونسطر بالشوق السطور ... لعلنا ننال من الغفور .... عفوا ينير لنا القبور ....

ما اخبار حب الله في قلوبكم ... بعون الله نحاول نكمل السلسله اللى قلت حعملها بمشاركتكم ليا..يالا بينا...اليوم إن شاء الله معايا قنبلة (( بس محدش يبلغ ياشباب ... انا عايز ابات فى البيت )) موضوع اليوم ... لأصحاب الهمم العالية .... لأصحاب الشوق العالى ... لكل من يريد بحق أن يقدم برهان حب لله سبحانه وتعالى .... لكن الاول ... نتوقف مع هذه الآية .... علما بان فى الموضوع نقاط عمليه جدا لتحصيل محبة الله ..(( فأوعى تقلب أو تنفض لحاجة من الموضوع ... وانتوا عارفين إنى مبطولش هما كلمتين وهخلص الموضوع الواحد معدش فاضي اليومين دول ))

>>>> آيه .. {وَمِنَ النَّاسِ مَن يَتَّخِذُ مِن دُونِ اللّهِ أَندَاداً يُحِبُّونَهُمْ كَحُبِّ اللّهِ وَالَّذِينَ آمَنُواْ أَشَدُّ حُبّاً لِّلّهِ.... }البقرة165

على أحد أقوال أهل التفسير فى الآية (( ابن جرير عن ابن زيد فى معنى كلامه )) أن المشركين يحبون آلهتهم كما يحب المؤمنين الله ... وجاء بعدها قوله تعالى : والذين آمنوا أشد حبا لله .. أي أن حب المؤمنين لله ... (( المؤمنين خلى بالك )) أشد من حب هؤلاء المشركين لآلهتهم ...

طيب ما نشوف مع بعض أقوال المشركين فى تعبيرهم عن حبهم لآلهتهم ....

*** {وَانطَلَقَ الْمَلَأُ مِنْهُمْ أَنِ امْشُوا وَاصْبِرُوا عَلَى آلِهَتِكُمْ إِنَّ هَذَا لَشَيْءٌ يُرَادُ }ص6

*** {قَالُوا مَن فَعَلَ هَذَا بِآلِهَتِنَا إِنَّهُ لَمِنَ الظَّالِمِينَ }الأنبياء59

*** {قَالُواْ أَجِئْتَنَا لِنَعْبُدَ اللّهَ وَحْدَهُ وَنَذَرَ مَا كَانَ يَعْبُدُ آبَاؤُنَا فَأْتِنَا بِمَا تَعِدُنَا إِن كُنتَ مِنَ الصَّادِقِينَ }الأعراف70

*** {قَالُواْ يَا صَالِحُ قَدْ كُنتَ فِينَا مَرْجُوّاً قَبْلَ هَـذَا أَتَنْهَانَا أَن نَّعْبُدَ مَا يَعْبُدُ آبَاؤُنَا وَإِنَّنَا لَفِي شَكٍّ مِّمَّا تَدْعُونَا إِلَيْهِ مُرِيبٍ }هود62

لن أطيل في ذكر الامثله ....

طيب وقفه مصارحة يا جماعة ... ورد على نفسك بجد ؟؟؟

هل إنت حبك لله وصل حتى لحب هؤلاء المشركين لآلهتهم ؟؟

هل إنت صبرك فى طريق الحق الذي أنت عليه وصبرك على الأذى فيه والابتلاء ... كصبر هؤلاء ؟؟

هل إنت بتتقطع من جواك لما تنتهك حرمات دينك ؟؟؟ ولا بقت عادي ؟؟؟

إنت إيه شعورك وأغلب من فى الأرض لا يعبدون حبيبك ؟؟

إنت عملت إيه .... لكي ترفع رايه توحيد ربك فى الأرض ؟؟

ولا إنت من السميعه ... الكلامنجيه ...مدعي الالتزام ... واتباع السنة ؟؟

فكرت مرة تصبر على ابتلاء ربنا ومتعترضش ولا طول حياتك عياشها تنفيخ وزهق؟؟

لما بتشوف الاماكن اللى بيتعصى فيها حبيبك اللى بيرزقك وبيديك كل اللى انت عايزة رغم ذنوبك ياترى بتبقى متضايق ولا بقت حاجه

عاديه؟؟؟

طيب أختم بسؤالين .... إمتى آخر مرة صليت قيام ليل .؟؟

طيب واحد أسهل ... إمتى آخر مرة استعملت سواك فيها ؟؟

----------------------

للأسف كلنا مقصرين ياشباب ... وانا لست من نوع من يقدم الداء على سبيل جلد النفس ...

ولكن إن شاء الله أنقل لكم أسباب عشرة من اسباب جلب محبة الله ...

1- تدبر القرآن
2- النوافل بعد الفرائض
3- دوام الذكر
4- إيثار محاب الله على محابك
5- معرفة الله بأسمائه وصفاته
6- التأمل فى نعم الله الظاهره والباطنه
7- انكسار القلب بين يديه
8- الخلوة مع الله فى ثلث الليل الآخر
9- مجالسة المحبين الصادقين
10- مباعدة وهجر كل سبب يحول بين القلب وبين الله

تطبيق الأسباب مش سهل ياشباب ... لازم قضيه تفجير ينابيع حب الله فى قلبك تبقى قضية حياة .... تبقى همك الأساسي ....

ياجماعه بجد احنا لازم نحب ربنا اوى لازم نسجدله ونحضن الارض ونتشرف بسجود راسنا للى خالقنا فيها ونقوله ياااااااارب محتاجنلك اوى...يارب لو انت سبتنا ياعظيم مين حيبقى معانا .. ربنا ياخد بايدى وبايدكم للى يخليه راضى عنا..

استنوا الجزء الثالث ومعلش انا حنزل الاجزاء كلها ورا بعض عشان نبقى ماشى مع كل المنتديات التانية..سامحونى...واللى مقراش الجزء الاول يالا مستنى ايه دور عليه واقراه وبجد حتتاثر اوى ان شاء الله..

اشكرك لإنك صبرت وقرات لغاية ما وصلت للكلام ده ومقلبتش الموضوع ... وعيزك تدعى لاخى ابو يحيى صاحب فكرة السلسلة الحلوة اللى كملتها دى والجز 1 و2 ......

ربنا يحبك ويرزقك الصدق والأخلاص ..بحبك يارب..[/size][/b][/size]

جزاك ربى الفردوس الاعلى ..حضرتك وضعت ورد يومى للمحاسبه حميل جدا .. واحلى مافيه انه لملم يقتصر على عبادات الجوارح ولكن ايضا عبادات القلب ..ربنا يكرمك ..ومن كلام حضرتك انا جاتلى فكرة عمل ورد محاسبه يومى يتفق عليه اعضاء الفريق الكرام وياريت تكتبه حضرتك او اى عضو طبعا .. وجزاك الله خيرا

طبعا مفيش كلام ...ربنا يباركلك ويكرمك
وجزاك الله خير على التذكرة الغالية دى
جعلها الله فى ميزان حسناتك
ونفع بك الاسلام والمسلمين

بصراحه يا استاذ محمد والله مش عارفه اقول ايه لحضرتك
يعني عمري ما شفت حد بلاسلوب الرائع ده وبالنشاط بتاع حضرتك
ربنا يكرمك يارب ويديمها عليك نعمه يااااااااارب
وبجد المنتدي ده انا فخووووووره جدا علي اشتراكي فيه
نفسي بجد نعمل حاجه كويسه لديننا نفسي كلنا نتقرب الي الله في هذا الزمان الذي كثرت فيه الفتن
اللهم احفظنا من كل سوء وقربنا اليك
دمتم بخير

ماشاء الله
جزلك الله خيرا أخي الكريم
و الله كلماتك نزلت عليا كالصاعقة
لما تكلمت عن قيام الليل
و الله أنا مقصرة فيه جدا
بس ان شاء الله حنظم و قتي علشان
أقدر أقوم الليل
جزاك الله خيرا أخي و فتح عليكي
و ربنا يشفي أخونا أبو يحي

جزاك ربى الفردوس الاعلى
ربنا يجعل عملك فى ميزان حسناتك ويبارك فيك يارب
اللهم اعنى على ذكرك وشكرا وحسن عبادتك
اللهم ارزقنى حبك وحب من يحبك وحب عمل صالح يقربنى لحبك
وفقكم الله لما يحب ويرضى

جزاكم الله خير جميعا على مشاركتكم اللى زادت الموضوع شرف وقيمة..ربنا يحبكم اختنا الفردوس...اختنا رحيمة..اختنا ام فجر...ربنا يفتح قلوبكم للدين ويستخدمكم وينفع بيكم...

ماشاء الله ، تبارك الله

دايما هادعى وأقول يارب يا أستاذ محمد كلام حضرتك الطيب ده
المخلص فى حب ربنا يوصل لكل أذان لاهيه وعين زاغيه وقلب مظلم
لتجعل منهم هداه مهتدين

يارب العالمين

جزاك الله كل خير وجعله فى ميزان حسناتك

جزاك الله كل خير

اسأل الله تعالى .. أن يفيض على قلبك من نوره ..
وان ينير لك قلبك وعقلك وطريقك ..
وأن يرضى عنا وعنك .. ويغفر لنا ولك

-

اللهم ارزقنا حبك وحب من احبك وحب عمل يقربنا الى حبك
اللهم اهدنا واهدى بنا واجعلنا سببا لمن اهتدى
جزاك الله عنا خيرا استاذ محمد
اسال الله ان ينفعنا بما علمنا