تلخيص ندوة شكل جديد استاذ محمد طه

السلام عليكم ورحمة الله وبركاته
بجد الندوة كانت حلوة جدا واستفدنا كتير ويارب اقدر اوصلكوا كل حاجة انا عارفة اني مش حعرف اوصلكو ذي

مراسلتنا مريم بس علشان المذاكرة استحملوني المرة ديه

اولا اتكلم استاذ محمد عن فضل يوم عاشوراء وان ده فرصة تانية لينا علشان يتغفر لنا ذنوب السنة اللي فاتت وان ده يوم نجي فيه الله من فرعون وممكن ناخد كذا نية لليوم ده اولا سنة عن سيدنا محمد وثانيا من صام يوما في سبيل الله باعد الله عنه النار سبعين خريفا وثالثا نرجو من الله انه ينجينا من النار ذي ما نجي موسي من فرعون

وبعدين اتكلم عن انه لا داعي ابدا للحزن او الهم مهما كتر البلاء فالابتلاء ده نعمة برضة من نعم ربنا علينا لان مع ذنوبنا ممكن متوصلناش للجنة لكن ربنا بيبتلينا علشان يوصلنا لدرجة هو عايزها ودايما بيبقي في الابتلاء حكمة احنا بعنينا وعقلنا ده مش شايفنها ربنا بييبتلينا علشان بيحبنا وعايز يسمع صوتنا واحنا بناجيه وبنطلب منه يفرج كربنا لازم نحب ربنا فاي حاجة تيجي من عند حبيبي حلوة يبقي لازم نروح لربنا ونلجئله ومينفعش نضيع حياتنا في هم وحزن فعمر الانسان مبيتحسبش غير براحة البال يبقي ليه نضيع حياتنا في هم وحزن
وقالنا مقولة جميلة جدا (لا تسرف في الحزن ان الله لا يحب المسرفين)يعني لازم منزعلش علي حاجة وذكر اكبر درس اتعلمناه في الهجرة لا تحزن ان الله معنا كفاية انك تشعر بمعية ربنا معاك في كل حاجة ولازم نشكر ربنا علي كل حال ويبقي عندنا واجب سجدة شكر نعم ربنا مغرقانا ونعرف ان اذا كان زوج لينا او شغل او رزق فهو كتوب لنا من زمان ومحدش حياخده غيرنا يبقي لازم نحب
ربنا علشان نشوف الدنيا بشكل جديد

واتكلمنا[size=24] كمان [size=24]عن بعض دروس[size=24] الهجرة واتفقنا اننا نهجر ذنب بنعمله ومصرين عليه علشان ربنا واتفقنا علشان نشوف الحياة ونعيشها بشكل جديد حناخد مع بعض [size=24]الملامح التنموية من الهجرة النبوية[/size]

1التخطيط
نلاقي ان التخطيط كان اساس الهجرة فعندما فكر سيدنا محمد انه يخلي المسلمين في مكة يهاجروا للمدينة جعلهم يهاجروا شوية شوية مجعلهمش يهاجروا كلهم مع بعض لان ده كان ممكن ياذيهم او ان الكفار يجتمعوا عليهم فيقتلوهم مرة واحدة وبعدين هاجر هو وابو بكر وكمان نلاقي مظهر اخر للتخطيط عندما وصل الرسول للمدينة اول حاجة عملها هيا المسجد وبدا يعمل القانون والمعاهدات مع اليهود يبقي لازم نخطط لحياتنا في كل حاجة وكل حاجة تبقي بالورقة والقلم علشان نشوفها بشكل جديد

2ملمح التحفيز
عندما خاف ابو بكر وقال لسيدنا محمد لو نظر احدهم تحت قدميه لرانا قاله لا تحزن ان الله معنا وعندما نام سيدنا علي مكان سيدنا محمد بث فيه روح الثقة والتحفيز فلازم تحفز نفسك وتشيل من دماغك اي فشل علشان تعرف تشوف الحياة وتعيشها بشكل جديد

3فن التعامل مع الناس وفهم النفسيات
عندما جاء سراقة بن مالك ليقتل الرسول وتعثر حصانه قال له الرسول مارايك بسواري كسري لانه عرف نفسية سراقة انه بيحب المال وجاء ورائه من الاجل المائة ناقة فبعد ذلك اصبح سيدنا محمد احب شخص لسراقة وكمان كان في موقف بعد الهجرة عندما اعطي الراية لسعد اشتكت له امراة من انهم خافوا منه فاراد ان ياخذ الراية منه دون ان يحرجه فاعطاها لابنه علشان كده لازم نفهم نفسيات الناس واللي حوالينا علشان نشوف الدنيا بشكل جديد يعني لو واحد صاحبك بيحب تقوله انت جميل قوله وتبخلش عليه

اتكلمنا عن نماذج مضيئة في الهجرة

1عامر بن فهيرة
اتكلف برعي الغنم وانه يمشي بيهم وراء خطوات اسماء لما كانت بتوصل الاكل لابي بكر وسيدنا محمد علشان محدش يعرف مكانهم ومن هنا قلنا ان مهما كان دورك قليل اوعي تستهون بيه لازم نستغله في سبيل الله علشان نشوف الدنيا بشكل جديد وقالنا علي دعاء حلو جدا اللهم اللهم لا تجعل نجاحنا علي حساب اخلاصنا

2اسماء بنت ابي بكر
وكان ليها دور جامد جدا 1 تحمل الايذاء في سبيل الله عندما لطمها ابو لهب علي وجها وقطع لها قرطها يبقي لازم نتحمل الايذاء في سبيل الله ونحتسب ده 2 تحمل الشقة والتعب فكانت حامل وكانت تصعد الجبل كل يوم بالطعام لسيدنا محمد ولابو بكر 3 الحكمة فعندما ذهب لها ابو قحافة وقالها ان ابوكي ترككم من غير مال استخدمت الحكمة وقد بدا نظر ابي قحافة في الضعف فاحضرت حجاة ووضعتها في كيس ووضعتها تحت يده وقالتله ترك لنا فلوس كتير

3ابي بكر
1هجرة بمال ونفس في سبيل الله
2دور الظل رضي ان يكون دوره مش باين محدش عارفه يعني لو متقدر ليك دور يكون ورا حد بدعمه وبتساعده ارضي بيه بدل الدور ده لربنا وكمان استفدنا من ابي بكر عدم استعجال النعمة لانه كان كل يوم بيقول لسيدنا محمد ائذن لي في الهجرة وبعدين هاجر مع
افضل الخلق سيدنا محمد يبقي علشان نشوف الدنيا بشكل جديد لازم نشوف حكمة ربنا في قضاءه وقدره

وبعدين ذكر لنا موقف لصحابي اسمه سالم كان في معركة وبعدين ربط نفسه بالحديد علشان ميفرش فقالو له الصحابة ممكن نؤتي من قبلك فقال لهم بئس حامل القران انا ان اؤتي الايلام من قبلي فلازم يكون شعارنا بئس حامل الاسلام انا ان اؤتي الاسلام من قبلي كام مرة الاسلام جه من ناحيتنا عايزين نفوق ونكون مثال مشرف للاسلام لان احنا اخر حاجة حترجع الدين تاني

وبعدين وصف لينا روشتة تساعدنا نشوف الدنيا ونعيشها بشكل جديد

1التفاؤل
لازم نتفاءل في كل موقفومنمشيش ورا الناس اللي بتحبط من همتنا فالتفاؤل من الايمان والتشاؤم من الشيطان

2تحمس
تحمس عند كل حاجة بتعملها حتي لو كانت الحاجات اللي بتعملها ديه روتينية حب وتحمس للبتعمله علشان يطلع باحسن صورة

3اذكر الحاجة الحلوة اللي عملتها في حياتك
شوف اكتر حاجة عملتها ونجحت فيها واذكرها دايما واتكلم عليها

4خلي حواليك بيئة ايجابية

5جدد البيئة اللي حواليك
غير شكل بيئتك وغرفة نومك واعمل اي تجديد في البيئة اللي حواليك

6خطط للنجاح
خطط لكل حاجة حتعملها بالورقة والقلم واعرف خطوتك اللي جاية فين علشان تنجح

7حفظ حديث يومي

8اتعلم تقول لا
لكل واحد عنده عمل خيري او تطوعي اعمل جدول نظم فيه مواعيدك متديش اكتر من ميعاد في نفس الوقت ان لبدنك علك حق

9لا تستجيب للمغالطات
لاتسمع للبيحبط من عزيمتك وهمتكذي مثلا اتق شر من احسنت اليه انت بتعامل ربنا مش بتعامل الناس لن تسعوا الناس باموالكم ولكن تسعوها بقلوبكم

10خليك صادق مع نفسك
اعرف مكانتك فين وقمتك فين ولا تتكبر ولا تحقر من نفسك شوف انت مقصر في ايه وعالجه
كل ده علشان نقدر نعيش حياتنا بشكل جديد
يارب اكون قدرت اوصلكوا كل حاجة كانت في الندوة رغم اني عارفة اني مقصرة في نقلها ذي ما كانت لانها بجد كانت تحفة لا توصف ربنا يجازي استاذ محمد عنا كل خير وان شاء الله ننزل فيديو المحاضرة قريب ان شاء الله[/size][/size][/size]

هايل هايل هايل,,,,,تمام الله ينور ياستاذة جنى الجنتين,,,,عجبنى التلخيص والله,,,يعنى كأن محمد طه بيتكلم,,,

ربنا يجازيه خير يارب,,,وانا لحقت بسرعة ورديت اول واحد,,,حبيبى بقى وعلى فكرة استاذى كمان,,,

بس بجد يوم كان شكله جاامد ,,,والتلخيص روعة,,وكلنا فى انتظار الفيديو,,,جزاكى الله خير,,,

طب الحمدلله ان التلخيص عجب حضرتك وفعلا بجد اليوم كان هايل ربنا يجازي استاذ محمد عنا كل خير يارب
ويتقبل منا جميعا وكلنا اتفقنا اننا نهجر ذنب معين

على فكرة حضلرتك انا كبرت الخط وعدلته,,مش عارف رجع تانى بقى ولا حضرتك اللى عملتيه,,انا قلت اساعد فقط واخد الثواب,,,
احسن يكون الموضوع ده منظور ولا حاجة..والله عدلته فعلا,,الحمدلله..وجزاكم الله خيرا...

هدير يا حبيبتي جزاكِ ربي الجنة ندوة مفيدة جداااااااا,,,أنا استفدت منها كتير جدا وبجد حسيت إن ربنا بيربيني من خلالها ربنا وصلى منها رسايل كتير جدااااااااااا رسايل كنت بدعى ربنا انه يوصلهالي ووصلت إنهاردة بفضله ونعمته ,,,هى كانت بعض الرسائل قاسية جدا نوعاً ما وموجعة بس والله حسيت بعدها بإسم الله القريب...وعايشة الأن باسم الله القريب
قررت إني مش هغلط في حقه تاني_جل في علاه ولا حق عباده ومش هزعل مامتى تاني أبداً لقني كنت بزعل منها وهي فى الاول والاخر بتخاف عليا وقلبها على مصلحتي,,,,وأنا بعتذر لكل الناس أي حد أخطأت في حقه أو ضايقته هنا على المنتدى أو براه بقصد أو بدون قصد ...لأنى أنا متعبة جدا وعارفة نفسي جدااااااا..بعتذر له وأولهم مامتى حبيتي اللي بحبها جداااااااا...يارب تقبلوا إعتذاري
تسلمي يا هديريارب على مجهودك الرائع وجزى الله الأستاذ الفاضل كل خير
بس طبعا أنا بره مسابقة الرسم دى خالص انا مش بعرف ارسم خالص ورسمى مش حلو والله...بس مستنين رسمكن المبدع يا أحلى بنات
بحبك يارب قووووووووووى ودى كلمة قليلة جدااااااااااااااااااا وبحب الإسلام قوووووي وبغير عليه وبسأل الله أنه يرزقنى الصحبة الصالحة اللي تعنى على ذلك
أسفة على الإطالة
وصلي اللهمَّ وسلم وبارك على حبيب التائبين
وآخر دعوانا أن الحمد لله ربِّ العالمين

والله يا دودو التلخيص جميل جدا ومنظم كدة ويشرف
لكن متشوقة للكليب جدا رغم الحضور ولكن الحاجات الحلوة دى الواحد دى
لا يشبع منها والله يجازكى بكل حرف كتبتيه مليار حسنة ويمحى مليار سيئة وعدى بقى

جزانا واياكي يا نهلة ويا ختامه مسك والحمدلله بجد انه استفدوا من الندوة ومن التلخيصوبجد فعلا وانا بكتب كل حرف في التلخيص كنت بلاقي الندوة كانت تحفة بجد ماشاء الله والكلام بيوصل للقلب علطول ربنا يجازي استاذ محمد عنا كل خير
واستاذ عبد الرحمن علي فكرة انا كل ما اكتب الموضوع خط كبير والله بيرجع ضغير بس الحمدلله اخيرا بقي كبير ربناليجازيك كل خير

السلام عليكم ورحمة الله وبركاته

ما شاء الله ندوة جميل جدا

ربنا يبارك فيكى حبيبتى ويبارك فى استاذ محمد

وربنا يتقبل منا جميعا صالح الاعمال

ويستخدمنا جميعا لنصرة دينه ياااااارب

جزاكم الله الفردوس الاعلى جميعا

وعليكم السلام ورحمة الله وبركاته
ماشاء الله بجد محاضره جميله اوى
ربنا يبارك فى استاذنا محمد طه ويجعل كل اعماله فى ميزان حسناته
وجزاكى الله كل خير اختى جنى الجنتين على النقل
ربنا يحبك يارب