عاوز ...تعليق

السلام علكم ورحمة الله وبركاته

اسعد الله مساءكم او صباحكم بكل خير
(وطبعا صباح او مساء دى حسب التوقيت المحلى ... عاوز ...تعليق 748347

وعلى الساده المقيمين خارج منتدى دينا حياتنا مراعاة فروق التوقيت)

امبارح...عشان احنا النهارده بقينا الفجر

امبارح وانا راجع من القاهره للمنصوره
افتكرت قصه كده وكنت ماسك نفسى

اصل ساعات الواحد بيتهف ويفتكر حاجات تضحك ويبقا ماشى عامل زى الاهبل

قاعد يضحك والناس مستغربه ...لاحول ولا قوة الابالله

وطبعا اللى يقولك ياعينى تلاقى الكوره لحست دماغه...واللى يقولك لالالا ياعم ده تلاقى بياكل بتنجان كتييييير
عمله سكابوليا....واللى يقولك لاحول ولا قوة الا بالله اكيد ده اثار عاوز ...تعليق 633719

الفول

انتو طبعا عارفين طبيعة الشعب يحب يفتى فى اى حاجه

واحد ماشى بيضحك فى الشارع انتوا مالكو

مش كفايه الهم اللى شايفينه

المهم نرجع تانى لموضوعنا

ووانا راكب كده فى نص الطريق تقريبا افتكرت حاجاه حصلت

مره وانا فى البلد
وحواليا فى البلد بيوت فلاحين

وطبعا زى ما احنا عارفين بيوت الفلاحين اتطورت عن زمااااااان
وبقوا يجيبوا دوش فوق السطح

ليه ياعم الحاج ؟؟

يقولك ياله اهوه منه بنستحمى ...ومنه بنتفرج على التلافااازيون عاوز ...تعليق 748347

المهم بجد
حوالينا بيوت فلاحين

وطبعا كل الاحترام للفلاحين

وانا واحد انتمى لهم

يعنى لما حد يقولك يااااى المنصوره دول فلاحين

ما اتكسشفى عادى

انا اتضايق لو اتقالت بشكل مهين او فيه سخريه

وهنا بيبقا فى وقفه للشخص ده

المهم فى يوم كنت نايم على ما افتكر

واذا بصوت صريييييييييييييخ

وصويييييييييييييييييييت

يا لا ااااااااااااااااااااااااااااااااااا هوىىىىىىىىىىى

ياخرااااااااااااابىىىىىىىىىىىىىى

وطبعا الستات ما يتصوصوش فى الموضوع ده عاوز ...تعليق 961735

فى ستات بتروح طبعا تجامل فى الصويت

على فكره انا بتكلم بجد ما بهزرشى

انا اعرف واحده بتجامل صاحبتها فى الصويت فى اى مصيبه

تعدى تلاقى مثلا واحده تعرفها بتصوت

ترقع بالصوت الحيانى معاها

ومتعرفشى تفاصيل

وبعد ما تهبط تبقا تسأل عاوز ...تعليق 748347

المهم اتفزعت انا والناس

وجرىىىىىىى بسرعه

لقيت لمه وهيصه

قولت اكيد فى حد مات عندهم لا حول ولا قوة الا بالله عاوز ...تعليق 9981

فى ايه ياجماعه؟؟

ووشى مخضوض ومخطوف من الصويت

فى ايه ياجماعه؟؟؟ عاوز ...تعليق 305310

قالك : اصل البقره بتاعتهم ماتت عاوز ...تعليق 305310

الله يلعن التخلف....الواحد ماشى جايب اخره وعاوز يشتم بقا كل ده عشان بقره ماتت

امال لما امها ماتت كانت بتصوت ازاى؟؟؟؟!!!!! عاوز ...تعليق 748347

نفسى تسمعوا الصويت عاوز ...تعليق 961735

اخويا فى مره كان فى زياره لناس فى بلد ارياف

قعد يضحكنى بيقولى برضه

صويييييييت ايه

وياختىىىىىىىىى ويخراااابيييييييييييييي عاوز ...تعليق 305310

ياغاليه
اهى اهى عاوز ...تعليق 814270

فى ايه؟؟؟

قالك الجاموسه بتاعتهم ماااتتت عاوز ...تعليق 824664

بيقولى لحد كده مش دى المشكله

المشكله تكمن فى انهم عملوا عزا رسمى عاوز ...تعليق 824664

بجد والله؟؟؟
مش مصدقين!!!!؟؟؟ عاوز ...تعليق 69897

اصل انا سألت بعديها قولت معقول اخويا هيفشر
كان لسه عيل فى ابتدائى

طلع الكلام مظبوط مليون الميه

المهم عملوا عزا

بيقولى لقيت الناس بتروح:

والناس تروح البقاء لله فى الجاموسه عاوز ...تعليق 677363

ربنا يعوض عليك ياحاج

بيقولى والراجل بيعيييييييط عاوز ...تعليق 814270

والناس لموا ليه حق جاموسه

تفتكروا بقا السؤال هنا:
هل فعلا الناس دى لما بتعمل كده بتعمل كده من منطلق ان دى واحده منهم؟؟؟
بجد مش بهزر اصل فى ناس الخيل عندها او الحمار او الجاومسه بيحس انها واحده من الاسره

وله انتاو شايفينها ان كل ده على اسسا ان خراب يعنى تقريبا تمن الجموسه دلوقتى بتدخلها ىفى حدود 8000 جنيه

ونتاو عارفين ظروف الفلاحين
ياعينى متبهدلين دوين للبنوك وخراب بيوت
وحاجات ببتاع بأسعار زهيده مش جايبه تكلفتها واذا كان عاجبك

بس ارجع واول ان الموضوع ده برضه قديم من قبل التضضييق والظروف الاقتصاديه

ربنا يخلى لنا وزير الزراعه منعنعشان على الاخر ومش محتاجيين نستورد خاااااالص عاوز ...تعليق 197424

عاوز تعليق؟؟؟

السلام عليكم ورحمة الله وبركاته

اسمح لي يا أستاذ محمود ان اكون اول من يعلق

اولا بجد أضحك الله سنك

ثانيا المنتدي مليان صعايده بردو وبيفتخروا بكده

ده شئ يشرف اي حد

انا بلاحظ انه ممكن فعلا يحصل حزن شديد لموت اي ماشيه

يمكن لسبب
طبعا عشان اكيد سعرها كما ذكرت حضرتك

ان الماشيه بتوفر علي الاسره مصاريف كتير

يعني من لبن وجبن وسمن بلدي

فبعتبروها دخل لاباس به لهم

فهي توفر عليهم نفقات العيش

لكن معقوله مبالغه لدرجة العزاء

هذه جديده

لكن ممكن تحصل

لان الناس دي فعلا بتكون بسيطه جداااااااااااا

ودي احلي حاجه فيهم

لايعرفوا سياسه ولا مين راح ولا من جاء

كل همه علي رزقهم وكيف يربوا ابناءهم وكيف يرعوا ارضهم

حياة بسيطه خاليه من الشد والجذب

امور واضحه

واحلي حاجه بجد موضوع البركه ده

اعذرني للاطاله

وطبعا موضوع مميز

وارجو ان تتقبل مروروى

أعتقد ان الناس مهما تغيرت وظروف الحياة أثرت عليها يبقى المعدن الطيب والاصل لدى الفلاح
ممكن فعلا يكون عنده شعور ان الجاموسة او البقرة اللى ماتت عايشة معاهم ويبقى حزين عليه وممكن عشان التكلفة
بس صعبة اوى انه يعمل عزاء رسمى يحزن ماشى لكن عزاء؟؟؟

طبعا ده بسبب ان الجاموسة تعتبر مصدر رزق لاسر كتير

بس انهم يعملوا عزا ده كتييييييييييييير

السلام علكم ورحمة الله وبركاته
اولا ..... البقاء لله وحده
ثانيا.........الموضوع بجد بيقبى مهم لهم جدا علشان فعلا بتبقى مصدر الرزق فعلا
وممكن ان تكون هى مصدر الرزق الوحيد فمثلا لا فى ارض يزرعها ولا حاجة
وتكون هى سبب الاكل ويكون فعلا بيكسب من وراها لانه ممكن ياجرها للعمل فى الزراعة مثلا

سبحان الله
بجد والله الطيبه والحنيه الزياده بتكون اكتر حاجه فى الناس الطيبه اوى دول
يالا وادخل نفسى انا من ضمنهم لانى زمان خالص وانا فى ابتدائى او اولى اعدادى
كانت عندى حمامه صغنونه وماتت روحت دفنتها واخدت عزاها انا وصحابى وعيط عليها جامد
عادى يعنى هو كان هبل اينعم بس كان احساس جوايا بفراق الحمامه دى فزعلت اوى عليها
وكمان سمسمه السلحفاء بتاعتى الله يرحمها ماتت من فتره
والله قلبى وجعنى اوى عليها وكنت بحلم بيها
اصلها كانت معايا بقالها عشر سنين
يعنى فى ناس كده لما تربى حاجه بتعتبرها جزء منها وبتزعل اوى لفراقها
اسفه للاطاله بس انا مش مستغربه الموضوع لانه تقريبا حصل معايا
عاوز ...تعليق 748347

السلام عليكم ورحمة الله وبركاته

ههههههههه بجد فيكم ناس ضحكونى

اشكركم جزيل الشكر

الاساتذه:

هيام
مكه
ساره
ختامه مسك
ام فجر

شرفنى مروركم جميعا وتعليقكم

» قصه,,,,,,لا تعليق؟؟؟
» انقلها لكم كما وصلتنى دون اى تعليق
» مسابقة الرسم من عاوز يفوز؟؟؟؟؟؟
» مسابقة اجمـــــــل تعليق ...تنااااااااافس × ابداااااااااااع