ارجوووووكم فلنجعله ختامه مسك

السلام عليكم ورحمة الله وبركاته

الموضوع بسيط بدء بموقف ابسط

دلوقتي من لحظات

كنا علي الياهو بنتكلم ونتبادل الدروس كعادتنا (انا وبنت خديجه)

فإستأذنت قلت لها بعد اذنك ثواني حبيبتي

وذهبت لاحضار كوب من اللبن الدافي

انتم عارفين البرد بقي

المهم وانا بحضر اللبن قلت في بالي اننا اتفقنا انا وابنة عمرو خالد

اننا نصوم النهارده

والحمد لله ربنا قدرنا

طيب ليه منكملش باقي الشهر

بعدها احضرت كوب اللبن وذهبت لحبيبتي بنت خديجه

فقلت لها مداعبه

اتفضلي لبن معايا اصلي ناويه اصوم بكره بإذن الله

قالت لي :ورب الكعبه انا كنت هقولك ياله نصوم لاخر الشهر

بجد ربنا سبحانه وتعالي فضله عظيم

يسر لي ابنة عمرو خالد بالامس تقولي صومي معايا بكره
والحمد لله ربنا ييسر
والليله انوي اصوم بكره

يبعث لي من يثبتني بأن الله الهمه للصيام لاخر الشهر

هوه صحيح موضوع توارد الخواطر ده

بجد سبحان الله العظيم

ها يا جماعه

مين رسالة ربنا وصلت له

وناوى يدخل معانا في هذا القرار
اقصد في هذا الختام

ونجعل شعارنا في اخر ايام هذا الشهر المبارك

ختامه مسك

...!!!... ها من سيشارك معنا

؟....من سيصوم معنا بإذن الله

وليس ذلك فحسب بل سنكثر بإذن الله من

قراءة القرآن

والذكر

والإستغفار

ها يا بنات النبي من ستقول انا معكن

ها يا ابناء النبي من سيصيح وانا معكن

يااااااااااااارب تقبل

في انتظار بشراكم

الله اكبر ولله الحمد
ماشاء الله عليكن يا بنات الاسلام
ربنا يبارك فيكم يارب ويزيدكم ايمان وطاعه
انا ان شاء الله معكن
ربنا يثبتنا جميعا يارب
بحبكن فى الله

جزاك الله خيرااااااااااا هيام
سبحان من انطقنا بهذا فى وقت واحد
هما كده المتحابين فى الله
والله فعلا التوارد ده انا مؤمنةة بيه اوى

موضوع الصيام لاخر الشهر
لازم اقلكم فكرته جاتلى ازاى

اليوم فى برنامج لقاء للشيخ حازم صلاح ابو اسماعيل
قال ان ايام محرم اوشكت على الانتهاء
وهى ايــــــــــــام الله ده شهر الله
بعده جمادى الاولى والثانية وربيع الاول والثانى وهى ايام ليس فيها خصوصية عبادة
يعنى المحرم منحة ربانية لن ياتى بعدها منح
فهلا استغلناه واقمناها على الوجه الذى يرضيه

من هنا جاتلى الفكرة
لان الصيام كمان فى المحرم من افضل الصيام بعد رمضان
شهر الله يا جماعة
هزتنى جدا الكلمة

اقترحت على هيام ان نقوم بها لقيت عندها نفس الفكرة
فقلت فى نفسى يريد الله بنا الخير
وحمدته كثيرا على التوفيق للصحبة الطيبة
يلا نقولها كمان لاجمل صحبة عرفناها
يلا نكتبها على منتدى ديننا حياتنا

وياريت لو نزود ايضا قيام الليل
طاقة المؤمن وسمت الصالحين
لعلنا نكون منهم ولعل الله يغفر لنا ما كان منا بان اتيناه فى شهره وايامه

يبقى احنا كده
عندنا برنامج الطاعة لايام الله
صيام
ذكر
قيام
استغفار
وان شاء الله نعين بعض على هذا ونقول كل يوم عملنا ايه
من معنا فى هذا السباق الى الله ؟؟؟؟
ومن يريد ان ينتهز تلك الايام فوالله منحة لن تتكرر الا بعد حين
جزيتم الجنة

انا بجد سعيد جدا بالى قريته ده....بارك الله فيكم واكثر من امثالكم..وكنت لسة بفكر فى النهاية السعيدة للشهر...

بارك الله فيكم وربنا يثبتكم ويعينكم ويتقبل منكم...اسعدتونى..ربنا يبشركم بالخير...

الحمد لله ام فجر : )
ربنا يكرمك غاليتى ام فجر
هنبدا اليوم باذن الله قيام وننوى الصيام
احبك فى الله
هاااا من معنا تانى ؟؟؟

ا/محمد طه
شكر الله لك كلماتك الطيبة
واجاب دعائك اللهم امين
واكيد مشاركة حضرتك هتشجع كل المنتدى
ربنا يجعله فى ميزانكم

عايزين نشوف الهمة فين بقى فى ايام الله ومنحته لنا
ربنا ييسر الامر للجميع يارب
على فكرة اخر يوم فى المحرم يوم الاثنين القادم
يعنى المنحة وقتها صغير اوى
يا نلحق يا نلحق ان شاء الله : )
فى انتظاركم رفقة الخير...

السلام عليكم ورحمة الله وبركاته

حبيبتي بنت خديجه

ربنا يبارك لي فيكي يارب ويشرح صدرك كما تشرحي صدري دوما

ام فجر شرفتي موضوعنا لكن بجد انا فرحت جدا لما قلتي انك معانا بعون الله

ربنا يعنا ويثبتنا

أ\ محمد طه

ربنا يوفقك ويكرمك شرفنا مرور حضرتك

واسعدتنا كلمات حضرتك

لكن كما قالت رفقتي بنت خديجه نتمني ان تشاركنا بعون الله وفضله

ها يا جماعه

مين تاني

احنا اهو بدئت انا ورفيقتي بنت خديجه من الفجر

رنت عليا وقمنا صلينا الفجر

ياتري مين بدء يومه بصلاة الفجر

وقرأ الأذكار

اتمني فعلا مشاركه فعاله

والايكون مجرد رد

وحياة ربنا كل ده تيسير من عنده سبحانه

انطق ابنة عمرو خلد فأنطقني

وانطق الشيخ حازم صلاح ابو اسماعيل فأنطق الله بنت خديجه

سبحان الله فاقترحت ان ننشرها في منتدانا الغالي

اعزكم الله واحبكم وبارك فيكم وهدانا لصالح القول والعمل

فإنه لا يهدي لصالحها الا الله

جزاكم ربى الفردوس ........
والله انا كنت صايمة ولارلت صايمة الحمد لله بس كنت محتاجة التشجيع فعلا
ودلوقت حسيت ان انا مش لوحدى ومعى احبتى
والله احبكم فى الله

...!!!... ها من سيشارك معنا

؟....من سيصوم معنا بإذن الله

وليس ذلك فحسب بل سنكثر بإذن الله من

قراءة القرآن

ان شاء الله حبيبتى
ربنا يجعله فى ميزان حسناتكم
ان شاء الله
انهارده هصلى قيام واقراء قران كتير
وباذن الله هختم القران الاسبوع ده
بجد ربى يبارك فيكى لانك اعطيتبنى قوه انى اعمل كل هذا
واتمنى ربى يعينى ويعين كل المسلمين
ربنا يخليكى لينا ياهيومه دايما مواضيعك مميزه

جزاكم الله خيرا جميعا
اليوم الحمد لله بدانا بالفجر والاذكار
والقران والاستغفار
(وان قصرنا : ( ولكن هاهى البداية بفضل الله
زى ما اتفقنا صحبة الخير هنكتب ونقول عملنا ايه
اعمالنا خالصة لله وحده باذنه تعالى
وهدف ذكرها هو العون عى الطاعة والتشجيع عليها
الله المستعان ..

مين معانا تااااااانى
وفين جداول الل معانا ؟؟؟؟؟

السلام عليكم ورحمة الله وبركاته

ها اقدر اقول صوما مقبولا وافطارا شهيا بإذن الله

الحمد لله

اما الجدول فياريت تكنوا معانا فيه

واللي مش هيقدر يصوم يحاول يشاركنا

اولا يجماعه

بجد عايزين نكون حريصين علي صلاة الفجر الايام دي عشان نعود نفسنا بعد كده

انوي بس وخد بالاسباب وربنا ييسر

ثاني شئ

ايه اخبار اذكار الصباح والمساء ياريت نحرص عليها

وبعدين الصلاة في وقتها

يعني ما اقول ورايا مش عارف ايه ومش فاضيه وحواديت البنات دي

لا لما ياذن المؤذن نترك كل شئ ونذهب لنلبي النداء وانا اولكم بعون الله

وبعدها نرجع نكمل والله ربنا بيسهل اي حاجه اجلتها لما تصلي

وبعدين لاننسي القران ياريت كده بعد العصر ولا قبل الغرب ولا اي وقت فاضين فيه

نقرا صفحتين وندعي ربنا لان الدعاء مستجاب بعون الله بعد قراءة القران

والبنات اللي مشتركين في المقراة

نمتوا ولا ايييييييه

انا فعلا زعلانه

انا وابنة عمرو خالد بس اللي متابعين

بس عذركم الوحيد امتحاناكم وظروفك الحاليه

بس ياريت نفضل محافظين علي حفظ 5 ايات كل يوم

ونخلي اي حد من اخواتنا يراجع لنا

وبعدين يجماعه الذكر

ثم الذكر

ثم الذكر

مش لازم نمسك سبحه ونذكر ربنا بيها لا

عادي ممكن وانتي بتخلصي شغل البيت مثلا

قولي انا هقول مثلا سبحان الله لحد ما اخلص نظافة الغرفه دي

والغرفه التانيه هقول استغفر الله

والتالته لا اله الا الله

مفيش مانع لو شغلنا درس ديني نستمع اليه

واحنا بنخلص شغلنا

وبعدين عايزين نعود نفسنا علي حاجات يعني نعلم نفسنا الصبر

ونستحمل شويه

ونشوف ايه اللي عايزينه يتغير ونستعين بالله كده ونغيرة براحه

ها دي افكاري حد عنده افكار تانيه

اه طبعا اكيد لاتنسوا الدعاء لحظه الفطار تذكروا كم من مريض يحتاج دعائك

وكم مكروب يحتاج لدعائك وانت صائم فهو لايرد

وكم اخت تنتظر دعائك لها بالزوج الصالح

وكم اخ يحتاج الدعاء بالزوجه الصالحه

واهلك واقاربك وكل احبابك

ووالديك طبعا اول شئ

لكن في البدايه ابدأ بحمد الله والثناء عليه

والصلاة علي رسوله
وادعي بم يفتح الله عليكم

ثم اختم باصلاة علي خير البريه صلي الله عليه وسلم

فان الله لايرد دعاء بدء وختم بالصلاة علي حبيبه صلي الله عليه وسلم

وارجووووووووووووووووكم لاتنسونا من صالح دعائكم

غدا اخر يوم فى المحرم : (
متابعين ان شاء الله
فلنودعه غدا بما يحب الله ان يرانا فيه
الله المستعان