شبابنا ..كنزنا..

بسم الله الرحمن الرحيم
شبابنا كنزنا......
عن إبن عباس رضى الله عنهما قال قال رسول الله صلى الله عليه وسلم
إغتنم خمساً قبل خمس شبابك قبل هَرَمك وصحتك قبل سُقمك وغناك قبل فَقِرك وفراغك قبل شُغلك وحياتك قبل موتك
رواه الحاكم والبيهقى عن إبن عباس وصححه الألبانى
شبابنا كنزنا...
كنزنا يعنى ثروتنا..
يعنى عزنا ..يعنى أملنا فى الحياة..
شبابنا يعنى قوة عقيدة...
يعنى قوة إيمان ...يعنى إرادتنا ..يعنى فخرنا..
شبابنا يعنى راية مرفوعة..
شبابنا قوتنا..
إحنا محتاجين لشبابنا .. وشبابنا محتاجين لينا..
لو فكرنا بجد إزاى شبابنا يتحرك..
إزاى شبابنا يتفاعل .. إزاى شبابنا يبادر..
إزاى شبابنا يبدأ من الصفر..
لو فكرنا إزاى شبابنا ينفع بلده ويبدأ حياته وهو موجود وسط أهله وناسه..
لو فكرنا إزاى شبابنا يفتح صفحة جديدة فى حياته..
بعيدة عن الإستهزاء والسخرية والقهاوى..وغيره وغيره.ز
لو فكرنا إزاى شبابنا يقدروا يستخدموا قدراتهم ويخرجوا كل إللى جواهم فى صورة طاقات إيجابية...
فى فكرة ..
فى مشروع.. فى إتقان عمل .. فى إتقان عبادة..
فى حسن معاملة..
كل خطوة بتوصل لخطوة تانية..
إحنا عايزين نطلع لقدام.. نتقدم.. خطوة خطوة..
مشورانا هيبقى سهل.. والدليل قدامكم..
منتدى بحبك يارب ديننا حياتنا..
حلم وإتحول لواقع...
من حلم فى قلب وعقل إنسان .. لخاطرة جميلة.. لحاجة دخلت قلوبنا كلنا..
لسلسلة كبيرة وناجحة.. لمنتدى أكبر وأحلى وأغلى علينا..
لفريق جامد جداً فريق بحبك يارب..
لفيس بوك نشط جداً.. وندوات ودروس مفيدة جداً..
وربنا يكرم أستاذنا محمد طه ويثبته ويرزقه من رضا ربنا عليه..
شاب واحد حرك كل الناس دى...
حرك كل الطاقات دى ..
إستخدمها صح وخرج من كل جوه الناس دى كلها طاقات إيجابية...
...
لم ينتهى الكلام,,
ولكن لنا لقاء آخر قريب إن شاء الله...
عاشقةالقدس،،

كل إنسان فينا جواه قدرات لا محدودة من الإبداع..
والفرق بين الإنسان المبدع والإنسان العادى..
إن المبدع شغّل دماغه وفكر وإكتشف حاجات موجودة جواه..
لكن الإنسان العادى مفكرش يتعب نفسه لأنه أساساً مش مقتنع بقدراته
فهيدور عليها ليه؟..
تعالوا نكتشف نفسنا ونكتشف شبابنا من جديد..
كل حاجة نستدمها من أول وجديد..
وأى سلوك سلبى نحوله لإيجابى فوراً..
- شباب المظاهرات:.
مقدرة إحساسكم وحماسكم وإنفعالاتكم..
بس فى فرق بين الحماس والتخريب..
عايزين تعملوا مظاهرة نعملها بس بشرط مفيش تخريب..
عايزين تتجمعوا إتجمعوا بس فى مكان محترم وقولوا الشعارات طلعوا كل إللى جواكم من غير ضرب ولا تخريب أى حاجة..
- شباب القهاوى:.
لو حسبنا كام قهوة موجودة فى الشارع إللى إنت ساكن فيه؟..
أو المدينة إللى إنت عايش فيها؟...
أو فى مصر كلها بمحافظتها؟...
بجد هتجيلكم صدمة..
كلنا عارفين إن التدخين حرام..
والقهاوى بتضر الناس مش بتنفع.. وبتاخد فلوسهم وصحتهم..
لكن..
لو حد فكر يحول القهاوى لمشروعات تنفع الشباب وتشغل دماغهم وتشغل الشباب العاطل..
هنكون إستفدنا أكتر..
المشروعات هتكسب أكتر من القهاوى..
المفروض إننا نفكر فى حاجة تنفعنا..
حاجة تخلينا نشعر بقيمتنا كمسلمين..
حاجة نقدر بيها نفتخر بسببها يوم القيامة..
- شباب النت:.
طول عمرى بقول النت سلاح ذو حدين..
ويإما تنفع نفسك بالنت أو تضرها بالنت بردوا..
ومش شرط نستخدم النت إستخدام سئ يسئ لينا ولغيرنا ولديننا كمان..
إحنا ممكن نتعرف على معلومات مفيدة على النت..
ممكن نتعلم لغة.. ممكن تكسب مهارة..
لو دورنا على المميزات هنلاقى كتير ولو دورنا على العيوب إللى فى النت هنلاقى كتير بس مش هيجرى حاجة لو ركزنا على المميزات بس..
- شباب التدين إللى كده وكده:.
أكيد فهمتوا الدين غلط.. لأن الدين عمره ماكان دين مظاهر..
الدين أساسه فى القلب ..يعنى من بره ومن جوه..
مش نبقى مطبقين الشرع والسنة من بره فى شكلنا وهيئتنا.. ومن جوه بنعمل كل حاجة حرام ..
ربنا يرضى عنكم ويهديكم.. إقرأوا كويس وإتعرفوا على الدين صح..
وبعتذر عن الإطالة..
وربنا يعزكم جميعاً..
عاشقةالقدس،،

جزاكى الله خيرا حببتى كلامك جميل ااوى ورائع كمان ربنا يعزك يارب

جزاكى الله خيراً فتاة الإسلام على مرورك وردك الكريم...
ربنا يعزك ويحفظك..