شكل المنتدى الجديد

السلام عليكم ورحمة الله وبركاته,,,

اولا بنرحب بكل اعضاء المنتدى الجداد...

وعايزين نعرف رأى كل الاعضاء فى شكل المنتدى الجديد...

ممكن..؟؟؟

وعليكم السلام ورحمة الله وبركاته

مرحبا أستاذ عبد الرحمن حضرتك تقصد رأينا في المنتدي من أي ناحيه ...

يعني نقترح مثلا موضوعات جديده تحيي المنتدي من جديد وتعيد له روحه

أم ان رأينا في الشكل الخارجي للمنتدي فقط ...!!

انا طبعا كنت اقصد الاستايل..الشكل الخارجى يعنى...
لكن ياريت كمان نسمع الاقتراحات اللى ممكن تعيد روح المنتدى
وجزاكم الله خير

وعليكم السلام ورحمة الله وبركاته
جزاكم الله خيراً أستاذ عبدالرحمن على المجهود المبذول..

إستايل المنتدى جميل..
بس لو فى إساءة أدب منى أنا حسيت أول ماشفته ميفرقش كتير عن إللى قبله..

آسفة لو كان كلامى خرج عن الأدب والذوق..

بس الحمدلله كل حاجة شغالة فى المنتدى فى الأول فى حاجات ماكنتش بتشغتل عندى.. بس دلوقتى
كله تمام...

وبالنسبة للإقتراحات إللى ممكن تعيد روح المنتدى ..
حتى الآن مفيش إقتراحات ولو فيه حاجة هقولها إن شاء الله مرة تانى..

وجزاكم الله خيراً

طبعا كلام حضرتك زى الفل,,اساءة ادب وذوق ايه بس..
ويمكن فعلا الالوان قريبة شوية...اللبنى اقصد,,,
ولكن تقلنا الفوارغ بالوان غامقة عشان تدى نوع من الاناقة كده,,,وشكل الايقونات والمنتديات بقى راقى شوية,,,وزى ماحضرتك لاحظتى الاستايل نفسه تقنيا افضل واريح من التانى اللى باظ علشان كده غيرناه....
جزاكم الله خيييييير وفى انتظار المشاركات باذن الله....

السلام عليكم ورحمه الله

اخوتى اعضاء المنتدى الكرام

مبروك علينا التغير الجديد وان شاااء الله للاحسن كمان وكمان

اما بالنسبه للتغيرات فهى اكيد خطوة مميزه جدا بارك الله فيكم ولكن يرجى منكم ادخال التغيرات على
الشريط اللى به الصفحات فصفحه استاذ عمرو خالد مقفوله من وقف يرجى فتحهااااا
اما لوحه التكريم فلابد ان تتغير ايضا وياريت يكون التكريم للناس اللى بقى لها وقت مش متواجده على المنتدى من وقت دليل منا على تذكرهم بالرغم من فقدنا اياهم
اما الامر الثالث فهو يرجى من الادراه التواجد اكثر من ذلك ومشاركتهم اراء الناس والرد عليهم اول باول والله انا اسفه وانا عارفه انشغال حضرتكم بس احنا بنسعى للتغير فلازم منا شويه جديه وتواجد بجد انا اسفه سامحونى
وايض يرجى وضع نموذج جديد يثبت لمناقشه المواضيع الاجتماعيه التى يحتاج اخوتنا مناقشتها واخد الاراء فيهااااااا

انا اسفه على الاطاله ولكن والله ماكتبت الا لنصل ما هو افضل

سامحونى

السلام عليكم ورحمة الله
بوركتم على الجهد والشكل الجديد الطيب
جزيتم الجنة
وبالنسبة للاقتراحات
بالنسبة للموضوعات القديمة المثبتة والتى تتطلب مشاركة من كل من يقراها
وكاتب الموضوع لم يعد يتابع او يدخل المنتدى اصلا
فلا ادرى لما هى مثبتة الى الان ؟؟؟ما الحكمة من ذلك ؟؟؟؟
لنترك الموضوعات العلمية التى تحتوى على معلومات فقهية او عقدية موجودة كما هى
ولكن لنحذف الاخرى ليضخ دم جديد فى المنتدى فعلا ...
حتى لو مافيش اعضاء كتير فالقديم برضو محتاج يتطور
وان تابعتم الموضوعات المثبته ستجدو ردود حديثة تريد رد فى حملات او مشاريع توقفت من زمن ولكن لثبوتها
يظن الاعضاء الجدد انها فعالة وينتظروا الرد ...والا فالرحيل !!!
وخاصة ان التاريخ كمان مش بيبن السنة الميلادية

كمان الاعلانات لو لنا يد فى اخفاء تلك الصور الموجودة بها ...ياريت فعلا نعمل كده
او تقترحو علينا برنامج لحجب تلك الصور ...

اقتراح هو بالاحرى تعاون
سيتم بين منتدى ديننا حياتنا
ومنتدى منهج الذى يشرف عليه الشيخ هانى حلمى
منهج عامل اضحية يشارك فيها اعضاء المنتدى ويقومو بشراء خروف ويتم توزيعه على المحتاجين
طيب ليه منعملش تعاون ؟؟
يعنى هنجمع من اعضاء المنتدى فى اسكندرية واعرف الاخت اللى توصل المبلغ
وفى رقم حساب لمن خارج االاسكندرية وهيتعذر اخذ المال منهم
ونكون شاركنا فى الاضحية دى مع اهل منهج
لان اعضائنا عددهم صغير ..

المستفاد ايه ؟؟
ترابط من نوع مختلف وجديد على اعضاء منتدانا
تعاون وفيه دعاية للمنتدى حلوة جدااا
وطبعا الاجر العظيم واطعام الطعام فهو سبب فى دخول الجنة
وطبعا لن يتم ذلك الا بعد الموافقة ...
وفقكم ربى

السلام عليكم ورحمة الله وبركاته...
جزاكم الله خير على الرد,,,بالنسبة لشريط الاعلانات..تم فتح صفحة عمرو خالد..وهو كان منهم لانهم غيروا الرابط..دلوقت حطينا الرابط الجديد...
لوحة التكريم فعلا محتاجة تتجدد,,ولكن ده مش حيتم الا لما الاعضاء تدخل على الاقل المكرم يحس بتكريمه,,,
موضوع الادارة,,,والله انا عن نفسى على قد مقدر ببقى موجود مكدبش عليكم,,وشغلى كله بيبقى تقنى عشان يفضل المنتدى منحسش بغلطات فيه,,(متنسوش انه يعتبر مجانى)يعنى غلطاته كتير,,وبفضل الله مكانش يبقى فيه نص اللى عملناه فيه ده...فحكاية الردود دى بصراحة المفروض تكون دور مشرف كل قسم,,يرد ويتابع ويدخل يوميا على قسمه يشوف مشكلاته....
اعذرينى فى حتة الردود وتفهموا انى برة مصر,,يعنى الوقت مفيش...
فى حاجة كمان,,باذن الله شوية تجديدات حتتعمل على المنتدى قريب,,,
وبالمناسبة احنا حطينا اذاعة القران الكريم المصرية الجميلة...على بوابة المنتدى تحت للى يحب يستمع ليها فى اى وقت,,,وانا بصراحة اسعد حد بيها,,لانى محروم..حتلاقوها على صفحة البوابة باذن الله..تحت فوق النتيجة اليومية...

بالنسبة للمواضيع المثبتة نفس الحكاية...فهو حق اصيل لمشرف كل قسم...مش الاداارة خااالص...امال المشرفين معينين ليه...؟؟..يتابع قسمه ,,يرد,,يثبت,,يلغى,,ينقل ,,وهكذا...

الاعلانات اللى تبع الشركة الرايعة..فحسبى الله ونعم الوكيل,,مش بايدنا,,ولا بايدنا حاجة نقدر نلغيها...كنا الاول بنحط برامج,,لكن دلوقت مش بتقاومها,,وبعدين الاول كان الموضوع اصعععععب كتيير..دلوقت بيحطوا صور متقدرش تجيبها البرامج لانها مش خليعة اوى او اباحية بمعنى اصح زى الاول...فربنا ينجينا بقدرته..
موضوع منهج بقى دى فى قمة الروعة,,,اولا لان بتوصية من استاذ محمد اننا حنحط شوية اعلانات جديدة فى شريطنا فكان من ضمن المواقع موقع هانى حلمى اللى هو منهج,,,فدلوقت حضرتك قلتى موضوع التعاون والربط ده,,اذن هى جاية من عند ربنا وربنا يريد موضوع الربط ده,,,
فرجاءا من حضرتك بس تبعتيلى ارابط..وصورةللشيخ او للموقع....دى اولا
ثانيا فموضوع الاضحية ده طبعا فكرة طيبة جدا ومظنش ان فى حد ممكن يمانع,,,نسال استاذ محمد وبعدين نتوكل على الله ونشوف ممكن نعمل ايه....فنمشى فى الخطوات وربنا ييسر...وجزاكم الله خير على الفكرة الحلوة طبعا...

شكرا لكل الناس,,جزاكم الله خير

نضر الله وجهك اخى ...فرحت برد حضرتك اوى ربنا يبارك فيك

انا بس قلت قبل ان احذف ششىء اخد راى الادارة لان المواضيع قديمة واشرافنا حديث
فقلت استأذن افضل
هنبدا فى الامر ان شاء الله قريبا ...
بالنسبة لموقع الشيخ هانى
هذا هو الرابط للموقع
http://www.manhag.net/main/
وان كنت افضل شعار الموقع فقط وعنوانه لان الشيخ مش حاطط صورته على الموقع
صورته موجودة على البيدج الخاصة به فقط
https://www.facebook.com/pages/alshykh-hany-hlmy/168097669873523?ref=mf
فهو لا يحب وضعها على المنتدى والموقع اطلاقا
وشعار منهج اعلى الصفحة الرئيسية يمينا ...

موضوع الاضحية هنتظرة تأكيد حضرتك بس ياريت فى اقرب وقت
قبل ان تسافر صديقتى الى القاهرة بعد اسبوع ..
ربناا ييسر لحضرتك الخير اينما كان
شكر الله لك

جزاكم الله خيرا,,بس اتمنى يكون قصد حضرتك فك اتثبيت...مش الحذف,,بالنسبة للمواضيع المثبتة اقصد,,,يعنى اكيد منحذفهاش نفكها بس...
وطريقتها سهلة..لو حضرتك مشرف القسم اللى فيه الموضوع ,,حندخل على الموضوع..ووندوس على ايقونة تعديل,,حنلاقى سطر كده مكتوب عليه مثبت ,,ولا عادى,,ولا اعلان...حنلاقيه مؤشر على مثبت..نحطه على عادى,,,بس كده,,,وطبعا لو عايزين نثبت حنعمل العكس...
جزاكم الله خيرا..

ما شاااااااء الله بجد التعاون حلو جدااااااا والله
ما شااااء الله اول ما ابتدينا ناخد الاراء ابتدت الحياه تانى للمنتدى ما شاااااء الله

ربنا ييسرلكم الامر ويعين حضرتك استاذ عبد الرحمن واستاذ محمد وجميع المشرفين ان شااااء الله

زان شااااء الله الى الامام

نعم ...اعنى حذف التثبيت
جزاك ربى كل خير وفضل

وعليكم السلام ورحمة الله وبركاته
جزاكم الله خيرا على الاستايل الجديد
هو حلو اوووى ولونه راقى وهادى
ربنا يعزكم وجزاكم الله خيرا على الاقتراحات اقتراحات موفقة باذن الله

ما شاء الله
الاستايل الجديد جميل

ربنا يزيدكم يارب

» تهنئة من القلب لاعضاء المنتدى بالعام الهجرى الجديد
» مغامرات المنتقبات:)متجدد
» استقبال العام الجديد
» القوانين الخاصة بقسم ايه الجديد
» اليكم المسلسل الجديد..................زوجى ما زال حبيبى,,,,