بسم الله الرحمن الرحيم
كلمةو1/2)
عجيب أمر البلد دى,,,
تطلع من رزية تدخل فى الأسوأ,,,علطول كده...
خلصنا من نظام فساد وظلم ودكتاتورية سافرة فى بعض الوقت مقنعة فى الغالب,,,
الى (لا نظام) فاسد ودكتاتورية علنية وقلة أدب كمان....
الناس اللى واقفة بتهاجم المجلس العسكرى وتهينه..
والناس الل راحت أمريكا وفرنسا تقول ان لو القوات المسلحة لن تفعل ما نريد (حنحلها) زى ما حلينا الشرطة..وطبعا ما أدراك أمريكا وفرنسا وخططهم...
والناس اللى بتطالب بمجلس انتقالى (مدنى) وعايزة تزيح المجلس العسكرى,,
والناس اللى بتقول ان المجلس لم يمن علينا انه مضربش المتظاهرين بالنار ,ده بالعافية..
عايز أقولهم كفاية جحود بقى,,كفاية نكران للجميل ولعب عيال,,,
أسف يعنى(شويةعيال ) بالنسبة للمجلس العسكرى (أقصد لا بالنسبة لنا ) اللى راحوا امريكا وفرنسا,, كانوا لسة بالشورت والقوات المسلحة دى (دايقة المر) عشان خاطر تتعلم وتتدرب وتحميهم,,,
مش حقول كانوا حقول (مازالوا) بيمصوا المصاصات وقواتنا المسلحة قايمة على راحتهم وحماية ثورتهم...ومخلياهم كده قاعدين متنطعين لا شغلة ولا مشغلة مفيش وراهم غير الكلام والفتيا من غير أدنى ثقافة اللهم الا قناة ناشيونال جيوجرافي وبرامج التوك شو...!!
ماشاء الله أصبحوا سياسيين ومثقفيين ويقدروا يمشوا البلد,,,عزبة أبو أحمد هى....
عيب اووى تطلع اهانة للمجلس ده مننا احنا,,وشوف وتخيل معايا لو كان الجيش ضرب نار على المتظاهرين كان ايه اللى حيحصل,,,واختار...
الاف القتلى والمصابين,,,؟؟!!
تفكك الجيش وانهيار قواه,,,؟؟!!
احتمال دخول قوات خارجية بحجة الحماية,,,؟؟!!
جميع ماسبق,,,؟؟!!!
؟؟؟؟
اختار واحسبها,,واظن بعد المعاملة الراقية ومحاولة الخروج بالبلد لبر الأمان لا يسعنا الا الوقوف بجانب قوتنا المسلحة,,وكفايانا كلام هايف,,جيش ايه اللى يتحل,,احنا بنلعب بلاى ستيشن ولا ايه..!!!!
وبعدين ان شاء الله لو الجيش اتحل,,مين اللى حيدافع عن البلد,,وبأى وسيلة...اختار برضه..
الفيس بوك..؟؟!!
حندافع عنها بالمصاصة وهز الوسط..؟؟!!
الدراما الرمضانية ومخرجى السينما,,..؟؟!!
الكلام التافه والأغانى..؟؟!!!
الخناقة بين الليبراليية والمدنية والعلمانية والدينية..؟؟
اظن كل الشعب المصرى وشرفاء 25 يناير يعلمون جيدا دور الجيش والقوات المسلحة والمجلس العسكرى,,ولا يرضون عنه بديلا لهذه المرحلة الحرجة,,وللأسف من يريد أن ينحى المجلس حاليا أيضا هم بعض ممن قال لا للتعديلات الدستورية اللى كل شوية قايمين بهوجة مختلفة خوفا من الفزاعة الجديدة الخاصة بانتخابات البرلمان واستيلاء الأخوان عليها..فكل همهم بأى طريقة تنحية المجلس لاقامة دستور جديد قبل الانتخابات...!
ريحتكم فاحت,,,وكفاية بقى المصايب المستوردة,,بلدنا بقى شوية أرجوكم,,
وكله الا الجيش,,,بجد مش هزار,,,جيشنا كلنا معاه,,,
وبالمناسبة لنا كلمة قريبة فى موضوع الانتخابات ده...
الله,,,الوطن,,,,القوات المسلحة...
بس خلاص
بقلم أ/محمد طه..