الحلقه التالته(((زوجى ما زال حبيبى)))

بسم الله نبدأ

حدوته النهارده بعنوان

ديه مش دبله

زمان كنت بستغرب اوي لما اشوف واحده مخطوبه او متجوزه وطايقه الدبله ومش بتخلعها من ايادهيها ابدا، وكنت بقول ياربي ..ازاي هستحمل دبله سنه واتنين وعشره ويمكن اكتر في ايدي؟؟
بس دلوقتي فهمت.. من ساعه ما دبلتك حاوطت صباعي وانا حسه اني لابسه تاج .. حسه اني بقيت اميره بجد..لا اميره مين!! دا انا ملكه ..كفايه اني انا اللي انت اخترتها ، وكفايه انك قلتلي نفسي جمع كل بنات الدنيا وامسك ايدك واقولهم
"هي ديه حبيبتي ..هي ديه مراتي "

من يوم ما حاوط اسمك صباعي وانا حسه اني مطمنه وهاديه ورايقه..كأن دبلتك تميمه سحريه ضد الحزن وكل شويه أبص لها واسرح فيها..أشوف كل حاجه حلوه بينا..أشوف اول يوم شوفنا بعض فيه، وهزارنا وعنادنا ودماغنا الناشفه..اشوف تلاكيكنا لبعض اللي كنا بنتحجج بيها من غير ما نحس عشان نتلكم مع بعض، بشوف فيها يوم خطوبتنا..وبتخيل انها بلوره سحريه..هتنويني اللي هيحصل بكره وفرحتي بيك وسعادتي معاك.

وبعد ما كنت زمان شايفه الدبله "قيد" دلوقتي شايفاها "طوق نجاه" ، ايوه طبعا طوق نجاه..لان حياتي مع اي حد غيرك مكانتش هتبقى حياه.

لها اسمي ..خاتم سيضئ
حين يحيط إصبعها
وأن اُصغي اِلى قلبي
اذا صمتت..لأسمعها
لها أن تبدأ الأحلام..بي
لأُتممها مها
"أحمد بخيت"

جزاكى الله خيراً أختنا ختامه مسك على الحلقات الجميلة..

إستمرى ..متابعة معاكى إن شاء الله..

ان شااااااااااااااااااء حبيبتى