أحتاج إلى مشورتكم..

بسم الله الرحمن الرحيم..
__________________________

أحتاج إلى مشورتكم ياجماعة الخير
_____________________________

السلام عليكم ورحمة الله وبركاته...

كيف الحال ياجماعة الخير يارب تكونوا جميعاً بخير..

واقعة فى مشكلة ومحتارة فى حلها وقلت مفيش حد هيقدر يساعدنى غير جماعة الخير ..

كان قدامى أسألكم على الفيس بس أنا متعمدة أسألكم هنا .. عشان هنا إتجمعنا وهنا عرفنا الحب فى الله..

ندخل فى الموضوع...

أنا الحمدلله دلوقتى بشتغل أخصائية إجتماعية ...

والحمدلله حتى الآن إكتسبت أصدقاء كتيييييييييييييييير من الطلاب..

ماعدا واحدة محيرانى من أسبوعين مش عارفة أعمل معاها إيه..

البنت فى تالتة إبتدائى.. كنت قاعدة فى مكتبى ولقيت بنت نزلتلى وقالتلى فى ميس عايزاكى فوق عشان فى مشكلة طلعت مع البنت

ولقيت ولى أمر ماسك بنت هنرمز لها بحرف (م) ونازل فيها ضرب بكل غل وحقد وقوة قلت يافندم سيب البنت وسألت فى إيه

قالوا البنت مش عايزة تقعد فى الفصل ووالدها بيضربها عشان تقعد فى الفصل..

يافندم كفاية ضرب وهو مش ساكت بكل قوة نازل ضرب فيها والبنت مش بتعيط وكل مايسيبها ويمشى تقوم ماسكة فيه..

وطلعنا بره الفصل وأول ماجت لها فرصة تسيب إيد والدها جريت بأقصى سرعة ووالدها بيجرى وراها ووراهم عامل من المدرسة..

نزلت وراهم لحقتهم وهو بردوه نازل ضرب فيها أقوله يافندم كفاية سيبها معايا وأنا هدخلها الفصل بنفسى..

كفاية ضرب.. وهو يقول كل يوم بتأخرنى عن شغلى وماتسيبوهاش تخرج بره المدرسة.. أقوله طب إتفضل على شغلك وسيبها معايا..

وكل ماأحاول أمسك إيد البنت ماترضاش تمسك إيدى.. فين وفين لولا هديت لما قولتلها مش هنروح الفصل وتعالى أنا هقعد معاكى..

ومشى والدها .........قعدت أنا وهى لوحدنا والعامل معايا قالى خايف أسيبها تجرى منك قولتله لأ إحنا إتفقنا خلاص مش هنجرى صح

يا (م) فهزت راسها بالإيجاب..

المهم قعدت معاها.. مالك؟.. مش حابة الفصل ليه؟ حد مزعلك من المدرسين؟ حد مزعلك من أصحابك؟

وكل ده وهى مش بتتكلم غير بصوت واطى وكلام قليل جداً..

إستلمتى الكتب.. طلعت الكتب تيجى نقرأ أنا وإنتى لقيتها مابتعرفش تقرأ..

مين صاحبتك إللى قاعدة جمبك متعرفش إسمها..

طب إنتى ساكتة ليه ردى عليا عشان أعرف أساعدك.. أنا مش مدرسة أنا صاحبتك وهقدر أساعدك ولو حد زعلك من المدرسين

أنا هضربهولك بس قوليلى مين....... ومفيش كلام..

طب بصى كل سؤال بكيس شيبسى وأسأل ومفيش جواب بردوه..

طب تعالى نطلع الفصل .. قالت لأ.. قلتلها تعالى وهقعد جمبك..

طلعت الفصل قولتلها ثوانى ممكن تستنينى بره ثوانى ..فشاورت بالإيجاب..

دخلت الفصل وقفلت الباب..وقلت لأصحابها.. إنتوا مش مصاحبين ليه (م)؟ دى مش عارفة إسم إللى قاعدة جمبها..

عاملوها طبيعى ياجماعة ومحدش يتكلم قدامها على إنها بتغيب وإن والدها بيضربها.. صاحبوها إنتوا مش جايين المدرسة تتعلموا وبس

ساعدوها ماتخلوهاش تقف لوحديها فى الفسحة خليكم دايماً معاها..

قلتلهم كمان أنا هفتح الباب وهدخلها عاملوها عادى..

فتحت الباب.. يالا يا (م) هندخل الفصل وهقعد معاكى والميس إللى عندك فى الفصل جميلة وطيبة..

دخلنا وقعدت جمبها فى الدرج..وطلعنا الكتاب وحلينا مع الميس بتاعت الفصل..

خلصت الحصة وهنزل ماشية ورايا قولتلها مش هينفع.. كل واحد فينا عنده شغل أنا شغلى تحت فى المكتب وإنتى شغلك فى الفصل..

ماسمعتش الكلام ونزلت وماشية ورايا.. دخلت المكتب وفضلت واقفة بره.. تبصلى وفى الآخر مشت..

دورت عليها بعد كده عرفت إنها بتقعد مع إخواتها فى فصلهم..

جبت أختها إللى المدرسة أكبر منها فى إعدادى.. هى التانية بتضرب البنت (م) وفضلت أفهم أختها ماينفعش كلكم تكونوا عليها

البنت محتاجة تتعالج بس مش بالضرب الضرب مش هيخليها تحب الفصل..

أكتر من مرة أحاول مع (م) تقعد فى الفصل تقعد حصتين والباقى عند أختها..

ومرة حضرت 4 حصص جبتلها بسكويت على أساس حافز يعنى ولا نفع معاها..

سألت ناس كتييييييييير اعمل معاها إيه..

إللى يقولى سيبها هى كده من السنة إللى فاتت.. أقولهم ياجماعة ماينفعش مادام أنا عرفت مشكلتها لازم أحلها

وإللى يقولى دى أكيد محتاجة دكتور نفسانى..طب هو والدها هيفهم الكلام ده..

مع إنى عملت تحريات كده وعرفت إن والدها بيجيلها لبس وحاجات حلوة ويديها فلوس عشان تروح المدرسة والبنت زى ماهى..

فكرت أعمل إستدعاء ولى أمر.. بس هو أينعم مساهم فى مشكلة البنت بس هى نفسها مش راضية توضحلى سبب كرهها للفصل

.. قالولى حاولى تخففى إهتمامك بيها وشوفى هيحصل إيه..

أ أرجو المساعدة..أنا عارفة إنى طولت عليكم بس عشان تكونوا ملمين بالمشكلة وأى سؤال أنا موجودة..

عاشقةالقدس..

وعليكم السلام ورحمته وبركاته
لا حول ولا قوة الا بالله العلي العظيم

أولا:جزاك الله خيرا .... على اخلاصك و انشغالك بيها و محاولتك مساعدتها

ثانيا:واضح ان البنت ....... شخصية ودودة زيادة عن اللزوم و مرتبطة بالبيت والي قريبين منها بس وعايزة تفضل معاهم بس ومش بتتقبل اي حد تاني
انا سمعت الكلام ده من طبيب متخصص

طيب الحل.. ان حضرتك ممكن تجمعي والدها و والدتها و اختها الكبيرة و بعد شويه تضمي لهم البنات اللي تتوسمي فيهم خير اللي معاها فالفصل

وتتناقشي معاهم انها مش مريضة هي بس طيبة و ودودة زيادة عن اللزوم ودي ميزة دلوقتي
"لو اتوظفت صح" .....
وان مينفعش الضرب "لأنه حبجعلها مريضة فعلا وحيعقدهاا و يفقد ثقتها واحترامها لنفسها ..
ويكرها فالناس والمدرسة ويعملها رابط سلبي منهم"

وتخليهم يحددوا بالظبط الحاجات اللي بتفرحها"حافز اجابي" ويبدأوا يعملوها معاها.... وكمان" البنات اللي قلنا عليهم "يعملوها معاهم ولو ينفع ياريت البنات يروحوا يزووها فالبيت ويقولوا لها انها وحشتهم وعايزينها ترجع .....وممكن يعملولها اول ما ترجع حفلة صغيرة و هدية لــ "عيد ميلادها" او عشان رجوعها المدرسة
بجد حتفرق وحتلاقي فالمدرسة وطن وسكن و مودة زي البيت بالظبط

ده اللي قدرت افكر فيه دلوقتي.عموما لما تجتمعي مع عائلتها"و ده مهم جدا" حيبان لك حاجات كتير وان شاء الله حتلاقي الحل وحضرتك معاهم
ياريت تبقي تطمنينا

بجد جزاااااااااااااااااااااااااااك الله خيرااااااااااا

yosra Ali كتب:: وعليكم السلام ورحمته وبركاته
لا حول ولا قوة الا بالله العلي العظيم

أولا:جزاك الله خيرا .... على اخلاصك و انشغالك بيها و محاولتك مساعدتها

ثانيا:واضح ان البنت ....... شخصية ودودة زيادة عن اللزوم و مرتبطة بالبيت والي قريبين منها بس وعايزة تفضل معاهم بس ومش بتتقبل اي حد تاني
انا سمعت الكلام ده من طبيب متخصص

طيب الحل.. ان حضرتك ممكن تجمعي والدها و والدتها و اختها الكبيرة و بعد شويه تضمي لهم البنات اللي تتوسمي فيهم خير اللي معاها فالفصل

وتتناقشي معاهم انها مش مريضة هي بس طيبة و ودودة زيادة عن اللزوم ودي ميزة دلوقتي
"لو اتوظفت صح" .....
وان مينفعش الضرب "لأنه حبجعلها مريضة فعلا وحيعقدهاا و يفقد ثقتها واحترامها لنفسها ..
ويكرها فالناس والمدرسة ويعملها رابط سلبي منهم"

وتخليهم يحددوا بالظبط الحاجات اللي بتفرحها"حافز اجابي" ويبدأوا يعملوها معاها.... وكمان" البنات اللي قلنا عليهم "يعملوها معاهم ولو ينفع ياريت البنات يروحوا يزووها فالبيت ويقولوا لها انها وحشتهم وعايزينها ترجع .....وممكن يعملولها اول ما ترجع حفلة صغيرة و هدية لــ "عيد ميلادها" او عشان رجوعها المدرسة
بجد حتفرق وحتلاقي فالمدرسة وطن وسكن و مودة زي البيت بالظبط

ده اللي قدرت افكر فيه دلوقتي.عموما لما تجتمعي مع عائلتها"و ده مهم جدا" حيبان لك حاجات كتير وان شاء الله حتلاقي الحل وحضرتك معاهم
ياريت تبقي تطمنينا

بجد جزاااااااااااااااااااااااااااك الله خيرااااااااااا

جزاكى الله خيراً على الإهتمام والرد.. لأنى فعلاً مهمومة بالبنت دى..نفسى أساعدها لأنه كله شايل إيده من موضوعها..

إن شاء الله أنا كنت ناوية من البداية هعمل إستدعاء لوالدها لأنه سبب المشكلة وهحاول أحضر والدتها معاه ..

ويارب يتقبلوا منى الكلام..وهحاول بكل جهدى إنى أخليها زى أى طالبة فى المدرسة تجرى على الفصل..وتحب المدرسة..

البنات موجودين وأنا حاطهم فى دماغى من ساعة ماعرفت مشكلة البنت دى..

الله المستعان.. إن شاء الله أول ما تحصل حاجة جديدة فى الموضوع ده هقولكم بكل تأكيد..

حابة أشكرك مرة تانية لأنك بعثتى على نفسى الراحة.. وإدعيلى إن ربنا يقدرنى على مساعدتها..

جزاكى الله خيراً أختى فى الله..

بسم الله و الصلاة و السلام على خير خلق الله الطيب طيبي القلوب سيدنا محمد و على اله و صحبه وسلم تسليما كثيرا ...

ربنا يرضى عنك يا اختنا الكريمة و يرزقك الاخلاص و الاجتهاد لقلب الصافى الطيب المحب لخلق الله فى الله و لله ....

و ابشرى حضرتك بطبقى حديث نبينا صلى الله عليه وسلم
ليسَ مِنَّا مَنْ لمْ يرحَمْ صغيرَنا ويُوَقِّرْ كبيرَنَا ويَعْرِفْ لعَالِمِنَا حَقَّهُ""

نيجى لمشكة البنت فهى مشكلة .. طب حولى كدا تشوفى الاطفال الى فى الفصل اعملى معاهم حوار يمكن تطلعى بنتيجة ان ليه مش بيحبوا البنت ,, و ايه الى مخليهم مجتنبنها .. حاولى مرة و اتين و عشرة و اتكلمى مع المدرسين بتوعها .... اكيد فى حاجة بتخوفها من الفصل

و لازم طبعا تعملى استدعاء ولى الامر و لكن فى الاول حضرتك ممكن تكلميه فى التليفون بدل ما يشوف الاستدعاء يقوم نازل فيها ضرب ...

البنت بجد محتاجة لدكتور نفسى واقع الضرب على النفوس حتى فى الكبار بيكون وحش ,, و لكن الكبير بياخد حقه ,, البنت حسه ان لا حول لها و لا قوة و بتحبك ,, حسه انها شيفاكى امل يمكن الوحيد فى حياتها فى ظل السواد دا كله ...

خصصى لنفسك ساعة او اتنين غير ساعات العمل ,, لان العمل كمان عبادة و منقدرش ناخد منه ... بعد استاذان عائلتها اقعدى معاها ذكريلها قربى منها واحدة واحدة و هى هتبتدى ثق فيكى و تحكيلك تلقائيا من غير اى حاجة ...

بس هى مساله وقت و ثقة و نفس طويل .... يلا ربنا بعتلك الى يمكن بسلوكك معاها تدخلك الجنة و نرجو ان يكون ذلك اللهم امييييييييييين

دمتى فى طاعة الرحمن حبيبة الرحمن

[center]

Rasha-Mohsen كتب:: بسم الله و الصلاة و السلام على خير خلق الله الطيب طيبي القلوب سيدنا محمد و على اله و صحبه وسلم تسليما كثيرا ...

ربنا يرضى عنك يا اختنا الكريمة و يرزقك الاخلاص و الاجتهاد لقلب الصافى الطيب المحب لخلق الله فى الله و لله ....

و ابشرى حضرتك بطبقى حديث نبينا صلى الله عليه وسلم
ليسَ مِنَّا مَنْ لمْ يرحَمْ صغيرَنا ويُوَقِّرْ كبيرَنَا ويَعْرِفْ لعَالِمِنَا حَقَّهُ""

نيجى لمشكة البنت فهى مشكلة .. طب حولى كدا تشوفى الاطفال الى فى الفصل اعملى معاهم حوار يمكن تطلعى بنتيجة ان ليه مش بيحبوا البنت ,, و ايه الى مخليهم مجتنبنها .. حاولى مرة و اتين و عشرة و اتكلمى مع المدرسين بتوعها .... اكيد فى حاجة بتخوفها من الفصل

و لازم طبعا تعملى استدعاء ولى الامر و لكن فى الاول حضرتك ممكن تكلميه فى التليفون بدل ما يشوف الاستدعاء يقوم نازل فيها ضرب ...

البنت بجد محتاجة لدكتور نفسى واقع الضرب على النفوس حتى فى الكبار بيكون وحش ,, و لكن الكبير بياخد حقه ,, البنت حسه ان لا حول لها و لا قوة و بتحبك ,, حسه انها شيفاكى امل يمكن الوحيد فى حياتها فى ظل السواد دا كله ...

خصصى لنفسك ساعة او اتنين غير ساعات العمل ,, لان العمل كمان عبادة و منقدرش ناخد منه ... بعد استاذان عائلتها اقعدى معاها ذكريلها قربى منها واحدة واحدة و هى هتبتدى ثق فيكى و تحكيلك تلقائيا من غير اى حاجة ...

بس هى مساله وقت و ثقة و نفس طويل .... يلا ربنا بعتلك الى يمكن بسلوكك معاها تدخلك الجنة و نرجو ان يكون ذلك اللهم امييييييييييين

دمتى فى طاعة الرحمن حبيبة الرحمن

جزاكى الله خيراً أختنا الكريمة رشا..على الرد الكريم والنصيحة..
والله أنا بحاول بكل حاجة معاها.. بس هى مش بتساعدنى عشان أعرف أساعدها..

كلامها قليل جداً..وبتغيب كتيير..غير كده نسيت أقولكم إن المدرسة فى قرية ريف مش مدينة..
والله بقعد معاها وبذاكر معاها فى الفسحة.. بس اليومين دول إنشغلت مع الزملاء فى الإنتخابات الخاصة بالفصول..

بدأ صبرى يقل معاها وأنا زعلانة من كده.. عايزة أشوف نتيجة حلوة منها..مع إنى لسه ماعملتش إللى أستاهل عليه النتيجة..
بس من كتر ماهى مش بتتكلم معايا بدأت أزهق.. لدرجة إنى بقولها طب هساعدك إزاى وإنتى مش بتتكلمى ..
بدعى ربنا يصبرنى عليها ويرزقنى بحل أقدر من خلاله أساعدها..

فى حاجة كمان آخر مرة شفتها كانت أول إمبارح..بردوه محضرتش أول أربع حصص وجبتها فى الفسحة وإتفقت معاها إننا نحضر الحصة الخامسة وقالت ماشى ..مسكتها وطالعين نحضر فضلت ماشية معايا وأول مادخلنا الفصل..فضلت واقفة مش عايزة تقعد ..مالك يابنتى فى إيه؟
ماتردش أصحابها يقولولها تعالى إقعدى معانا وهى مش عايزة وبردوه خرجت من الفصل ورايا,, أنا زعلت جداً منها وقلت لها ده مش كلام..
إحنا مش متفقين على كده.. قبل كده أنا وعدتك لو حضرتى حصص هجيبلك حاجة حلوة وحضرتى وجبتلك وإنتى وعدتنى تحضرى وماحضرتيش
أنا زعلانة منك ..وماتمشيش ورايا..

مش عارفة بقى غلطت لما قلتلها كده ولا إيه..بس والله أنا دماغى هتنفجر بسببها عايزة أساعدها وعايزة أشوف نتيجة عايزة أشوف منها تواصل
مش كفاية إنها تحبنى أو تمشى ورايا..مستقبلها أهم بحاول معاها وبتواصل معاكم بكل جديد..
وإن شاء الله الأسبوع الجاى تحصل تطورات إدعولى ياجماعة الخير..
جزاكم الله خيراً.. وبشكركم على التواصل معايا