لسانك حصانك !!

لسانك حصانك..:.

لسانك حصانك يا إبن آدم وإفتكر دايماً كلامك..

يإما جرح فى قلوب صحابك يإما يكون نيشانك..

فكر وراجع ألف مرة قبل ماتقول كلمتك..

قلوب الناس مش زى أثاث شقتك..

تغير فيهم وتبدل على مزاج حضرتك..

إعقل وإوزن كلامك ده كله بالميزان..

وبلاش تبكى وتقول مظلوم ده أنا غلبان..

ليك يوم فى آخر الدنيا وحقيقتك لازم هتبان..

وبلاش تفرح بكلامك ده رزق من الرحمان.

إحمد وأشكر ربك خلى عندك إحسان..

إياك تيأس وتقول فاشل أنا ماليش مكان..

محتاج أعيش أنام وأقوم وأنا فى أمان..

دى مش حياة تقوم وتنام وتعمل نفس إللى كان..

إمبارح عندك زى بكره زى بعده أقول كمان..

فوق وإثبت ليك ولغيرك إنك إنسان..

يمكن تكون باتمان هذا الزمان..

إقلب حياتك ودور على الجديد..

إثبت للعالم كله إنك إنسان مفيد..

تقدر تفيد وتخترع وللحياة تضيف..

ومهما قابلتك مشاكل تقدر تفضل شريف..

حافظ على الصلوات..

كتّر من العبادات..

إحمد وإشكر دايماً ورزقك راح يزيد..

ربك كبير وما كان فى يوم ظلام للعبيد..

بقلمـــــى

عاشقــــة القـــدس ( نورا)