انباء عن اعتقال ابراهيم حسن

وردت أنباء تؤكد اعتقال الشرطة الجزائرية لاداري فريق المصري البورسعيدي إبراهيم حسن عقب الأحداث المؤسفة التي وقعت عقب لقاء فريقه و شبيبة بجاية الجزائري ببطولة كأس أبطال شمال إفريقيا الأولي والتي انتهت بفوز بجاية بهدفين مقابل لاشيء وخروج المصري من البطولة. وكانت تقارير قد وردت علي منتدي كوورة جزائرية تؤكد ان الشرطة الجزائرية ألقت القبض علي إبراهيم حسن بعد محاضر الحكم الجزائري جمال حيمودي الحكم الرابع وحكم اللقاء المغربي، حيث قام إبراهيم بلطم حيمودي واتهامه بتحيزه للفريق الجزائري عندما طلب منه الالتزام بالمنطقة الفنية، ثم قام بالبصق علي حكم اللقاء المغربي
وأثناء اللقاء كان المدير الفني للفريق حسام حسن قد احتج بشكل غير لائق علي حكم اللقاء مما أدي لطرده من الملعب، وعقب المباراة التي خسرها المصري، قام إبراهيم بقلب المائدة التي كانت مواجهة للحكم الرابع حيمودي ولولا تدخل البعض لحدث مالا يحمد عقباه.

ومن المتوقع الا تنتهي تلك القضية بسهولة وسيتم تصعيدها بشكل كبير خلال الفترة القادمة، خاصة ان منتخبا البلدين سيتقابلان في التصفيات الإفريقية النهائية المؤهلة لكأس العالم 2010 في يونيو القادم وهي مباراة الذهاب التي ستقام بالجزائر.

بصراحة مش عارفة كان المفروض انزل الموضوع ولالأ بس بجد اعتذار للشعب الجزائرى وان لوحدغلطان هنقول انه غلطان

انا اول مرة اسمعه بصراحة من حضرتك دلوقت....جزاك الله خير..كالعادة سباقة....

وبعدين حضرتك ده خبر عادى وانتى بتنقليه..يعنى ينزل عادى...احنا مالنا دى كورة...احنا واخواتنا مالناش دعوة بالحاجات دى..بدليل ان الفرقتين من البلد الواحد بيتخانقوا فى الماتش...مابالك اللى فى بطولة قارية....

هى فعلا حدثت احداث مؤسفة والمفروض مكانتش تحصل بصراحة..بس ده التعصب اللى موجود فى كل حتة...بالعكس ممكن بموضوعك حد يقرى الكلام ده يعرف ان هنا كلنا حاجة واحدة حتى لو هو متعصب يحس على دمه شوية...اهلاوى ..زملكاوى..مصرى...عربى....

احنا كلنا مسلمين ياجماعة ..المفروض الحاجات دى متحصلش بيننا...المفروض نشوف ايه اللى بيحصل دلوقت فى غزة...140 شهيد لحد دلوقت..ولا حول ولا قوة الا بالله...هما عايزينا كده نفضل ملهيين بمشاكلنا مع بعض لحد مايقتلوا اخواننا...سبحان الله...

المهم ان اللى حصل ده ميحصلش تانى فى مباريات المنتخبين...دعوة لكل اللى نعرفه يااخواتنا الجزائريين..احنا وانتم نعرف الناس علاقتنا ببعض عاملة ازاى ونقولهم فى الاخر دى كورة..ويمكن كلامنا يجيب نتيجة....اسف للاطالة وربنا يحبك يااخت مكة.. واستودعكم الله..

يا حبيبتى ده موضوع كأى موضوع بتنزليه فى القسم الرياضى يعنى عادى يا قمر
وانا أول مره اسمع الخبر ده ممكن مش عارفه
وشكرا يا كابتن على الخبر
ربنا يكرمك

جزاكم الله خيرا لمروركم
وبالفعل ياريت نبعد عن التعصب الاعمى
وكمان المصرى اقال حسام وابراهيم من الفريق تماما وده الصح
وربنا ينصرالمسلمين لاصوت يعلو فوق غزة