لمعلوماتك..الرجل اجمل من المراة..من غير زعل..

و كذلك كان سيدنا (( آدم عليه السلام )) أجمل من حواء ...


غير أن (( حواء )) هي أجمل النساء ..


و يليها في المرتبة الثانية (( سارة )) .. زوجة سيدنا أبراهيم عليه السلام ..

هل تعلمون أن(( عيسى عليه السلام )) من جماله و حسنه ..

كان يـُــرى أن شعره مبلول بالماء و هو ليس كذلك ...


وهل تعلمون أن(( جبريل عليه السلام )) لم يتمثل بصورة بشر ألا بصورة رجل ...


ورجل من شده جماله .. فانه يشع نوراً ...!!!



غير ذلك فأن ما يميز الرجل هي اللحية ...


اللحية هي نعمة جليلة عظيمة تفضل الله ..


بها على الرجال وميزهم عن النساء ..


وجعلها زينة لهم لما تضفي عليهم من سيما الرجولة والهيبة والوقار ..


وكمان فإن الرجل لا يحتاج لأضافاتٍ متعددة لأبراز جماله ..


من ثياب أو مجوهرات أو حرير أو مساحيق أو غير ذلك ..



و كما قيل .. جمال الرجل الأدب .... وجمال المرأةالــذهـــب ..!!!

وايضا يقال ان جمال الرجل فى شخصيته وكيانه..لكن المراة بجمال الشكل الطبيعى والصناعى..
كما يقولون يعنى..

ويقال ان الرجل اجمل في عباراته .. وارق في حبه .. واخلص في مشاعره ..


فانت الاب الذي طالمااا حنوت علي وربيتني وكنت صديقا وقريباً ..


وانت الاخ الذي دائماا تكون سندي في هذه الدنيا الغابره ..


وانت الصديق الذي اراه بجانبي بكل صدق وتقدير ..


وانت الحبيب الذي معه تكمل المراة نصفها الثاني وتسير في الطريق ..


وتقول معك فقط استطيع ان ارنوا بمشاعري واحلق بعيداا بحبك ..


وعطفك .. وحنانك .. وقوتك ..


فانت الاجمل حينما تلمس المرأه منك عطفك وحنانك ..


واخلاصك وضميرك ..


ووجود دائم بحب وسمو ..


وليس بقسووتك وجبروتك وظلمك وخيانتك ..


وهذه صفاات الرجوله الحقيقيه اينما تكون ..


وليست فقط صفه (( ذكر )) تنهي الموضوع ..


فانت الرجل الاجمل حين تكوون رجلاً ..

معلش يااخواتى ده مش تحيز والله اكتر ماهو دفاع ..
مش عايز حد يزعل ها..ههههه..

لان بصراحة انا لما بلاقى راجل بجد بيبقى عندى حاجة كبيرة جداااا..
والكلمات دى بهديها لصاحب عمرى وحبيب قلبى اللى ربنا ميحرمناش من صحبتنا وحبنا فى الله..
وبجد انسان جميييل فعلا..ربنا يزيده يارب..
وطبعا لكل اخواتى واصحابى وربنا يجمعنا دايما على خير..

[/b][/center]

مريم البتول كتب:

ههههههههه
ماشى مقبولة من حضرتك وماتقلقش مش حنزعل
بس اصل حضرتك صراحة كاتب الموضوع بشكل مقنع هههههه
يعنى اقنعتنا ان الرجل اجمل من المرأة
وفعلا الامثلة اللى جايبها صح
ياللا عليه العوض
بس اهم حاجة طبعا يكون الطبع هو اللى حلو
تقبل مرورى

ربنا يعز حضرتك يارب يااخت مريم ..وانا مستغرب ان حضرتك لسه مقتنعة دلوقت..هو كان عندك شك ولا ايه؟؟

عامة مش عليه العوض ولا حاجة حتفضل برضه المراة هى صانعة الرجال..حلو كده..ودى فعلا حقيقة مش نفاق..

وطبعا اهم حاجة فى الرجل انه يكون راجل وطبعه كويس زى ماقلتى..جزاك الله خير وشكرا على مرورك الطيب...

ايمان شعراوى كتب:

فانت الرجل الاجمل حين تكوون رجلاً ..

الجله دى اهم حاجه فى الموضوع

وكلنا اكيد مش يزعلنا ان الراجل يكون جميل فى كل شىء فى الطباع والاخلاق والمعامله الحسنه وحسن الخلق

جزاك الله خير أ/ محمد موضوع جميل اول مره اقرأ موضوع زى كده بس بجد جميل

الله ينور على حضرتك هى دى اساس الموضوع..انه يكون فعلا راجل ..صح كده..

ربنا يبارك فى حضرتك وجزاك الله خير على ردك..وربنا يكون فى عونكم من الرجالة اللى بتشوفوهم دلوقت..

ربنا يارب يهدى شباب وبنات المسلمين ويبارك فيكم وفى منتداكم..ربنا يحبك على الاشادة الجميلة..

زهرة الحياة كتب:

السلام عليكم
والله الصراحه حضرتك اقنعتنا بكلام حضرتك وبصراحه الامثله اقنعتنى اكتر
هههههه
جزيت خيرا استاذ محمد معلومات قيمه وجديده بارك الله فيك

ربنا يعز حضرتك ويبارك فيكى يارب..وحضرتك اللى شرفتى الموضوع بردك..

يارب تكونوا اقتنعتوا بقى ومتتعبوش الواحد..لو عايزين اتكلم تانى قولوا..هههه..

جزاك الله خيرا وفتح عليكى ونفع بيكى..شكرا على الرد..

نادية كتب:

لا كده مش نتكلم كده نسكت خالص ومش نتكلم الكلام مقنع فعلا بس زى ماحضرتك قولت المراء صانعت الرجال
وكفايه ان الام وهى مراءه هى اللى طلعت الرجال يعنى كده الكفه موزونه

بجد كفاية طيبتكم دى...انتم بتقتنعوا بسهولة اوى ..ده انا مقلتش حاجة...ههههه..انا عايز اعرف اللى بيجى يقول مراتى خنقانى ومزهقانى وتعبانى..بيقول كده ليه؟؟

ده انتم ماشاء الله ماخدتوش فى ايد الواحد كلمتين وتقتنعوا بسهولة كده ويتاثر عليكم وتتنازلوا...لا لا لا بجد بشهدلكم بجمال العقول والارواح...معندهمش حق الرجالة...ههههه..

جزاك الله خير يااخت نادية على مشاركتك الطيبة وفعلا زى ماحضرتك قلتى المراة هى اللى بتصنع الرجل وكلنا من غير امهاتنا لا نسوى شىء ...ربنا يعزك ويبارك فى عمرك..

shimaa كتب:

جزاك الله خيرا
وانا معاكم كلكم
احنا طيبين اه بس بعد اذنكم ممكن انا ابدأ فتح البركان زى ما حضرتك قلت

حضرتك قلت ان جمال المرأة غالبا بيبقى فى شكلها وده مش ميزة
ولما حضرتك جيت تتكلم عن الرجل ذكرت أمثلة لجمال الشكل برده فى الرجال؟



واكيد جمال المرأة مش منصب بس فى شكلها
ممكن يكون جمال روحها
جمال ورقة قلبها وعاطفتها

ممكن يكون المجتمع او الناس هى اللى خلت الفكرة دى متمكنة لكن اكيد هى فكرة خطأ
اكيد فى مميزات كتير فى المرأة غير شكلها ممكن نوصفها بالجمال فيها

لان جمال الشكل ده هايزول فى يوم من الايام اكيد
معنى كده ان المرأة لو كبرت فى السن مش هايبقى فيها اى صفة تانية نقدر نقول عليها انها جميله فى الصفة دى؟


وانا مع حضرتك طبعا انها امنيتنا كلنا ان كل ذكور العالم يكونوا رجال بكل ما تحمله الكلمة من معانى

ابتدينا بقى ....ماكانوا راضيين وهاديين ...حتفتحى بقى النار عليا يياخت شيماء..عموما ماشى جزاكى الله خير...

اولا مفيش بركان ولاحاجة....ببساطة كده وهدوء وان شاء الله حتقتنعى برضه وتسلمى فى الاخر...

مين قال انى متكلمتش على الشكل...ده كلامى اساسا على الجمال عامة...يعنى اللى الشكل الجزء منه..بدليل انى قلت ان الراجل مش محتاج اى اضافات ليبرز جماله...

وبعدن انا بنقد كمان ان يكون جمال الشكل فقط ...بدليل انى قلت الوهلة الاولى بتتاخد على المراة فيقال جميلة..دون دراسة لاخلاقها لصفاته لروحها...
لكن الرجل استحالة يطلع منك جميل كده للوهلة الاولى..لا لازم تحس بحاجة تخليك تقول عليه جميل...صفة ..فعل ..شخصية..بجانب الشكل او المظهر ان امكن...

واديت امثلة للجمال علشان ابقى بنقدكم كمان فى الميزة اللى فرحانين بيها واقولكم ان الرجال اجمل برض..هههه..تخيلى برودى...

وبعدين لو حضرتك تلاحظى انا مقولتش الرجال على العموم انا حددت..لانه ليس كل من كان ذكرا كان رجلا...
لا دى بقت عملة نادرة...

على نفس المقياس..ليس كل امراة يحسب عليها جمال الشكل دون الاخلاق...

وانا واحد من الناس عند تعاملى مع المراة..ليس للجمال اى دور...بدليل عشقى وولعى بامى...مش عشان هى امى بس..ولا علشان هى اكيد مش اجمل واحدة فى الدنيا...بس فى علاقة روحية بحبها بينى وبينها.....

وعلى فكرة...انا ليا معلمة فاضلة امراة..وتعتبر من شيوخى اللى اتلمذت على ايدهم..وهى عندى كامى ان لم تكن اكثر...
اكيد برضه جمالها مش شكل....وغيرهم كثيير..

يعنى ببساطة ده موضوع للى بيفكروا انهم احلى من الرجال ..حبيت ابس اوقفهم عند حدهم..واقولهم ان احنا برضه الاحسن..بس مش بنحب نقول...ههههه...

لكن اخيرا...انتم الفضل فى اى شىء يصل اى رجل اليه...
فكلمة الى النساء..
فانتى الام الذى ربتنى ودست فيا مكارم الاخلاق ..وانتى الاخت المليانة حنية عليا..واللى بستمد قوتى من ضعفها...وانتى الزوجة السهرانة على راحتى وشريكة حياتى....مش حياتى انا يعنى اكيد.....وانتى الابنة البارة بابوها واللى مالية حياته عليه...

وانا بقى اللى بصرف على دول كلهم ..ههههه..

ربنا ينور طريقكم ويرزقك بالعفاف والحياء..ويجملكم بالحجاب ويهدى قلوبكم للطاعة والعفة ...اللهم استر بناتنا وبنات المسلمين...

جزاكم الله خير..واكيد طبعا اقتنعتى ان احنا اجمل..شكرا يااخت شيماء على المشاركة الطيبة القيمة...

جزاااكم الله خير اخواتى الافاضل استاذة روز..استاذة ساحيا بالقران....

ربنا يحبكم يارب ويبارك فيكم..انا عايز اقول للاخت روز احنا مش مختلفين ولا حاجة..بس انتى فهمتينى غلط..انا فى الاول قلت لما تقول على المراة جميلة يبقى تقصد شكلها..ده من اول وهلة..اما لو قلت على رجل جميل بتبقى تقصد روحه...وجمال الروح اكيد اكبر من جمال الشكل...

واديت الامثلة دى علشان اقول ان بدايات الجمال حتى فى الشكل..كانت للرجال..بدليل ان سيدنا ادم كان اجمل من حواء...

ولو حضرتك تلاحظى انا بقول كلمة جميل بتتقال على الراااجل....مش اى رجل طبعا او مش اى ذكر يبقى راجل...يعنى كمان انا بنقد الرجال السيئى صفات معاكى...لاهما حلوين ولا حاجة....

وده كله ميمنعش ان طبعا النساء اجمل منة من الله سبحانه وتعالى..بدليل ان التلاته منهم يدخلوك الجنة..او اتنين كمان...والزوجة الصالحة كنز الدنيا...وده طبعا للكويس منهم برضه...بس برضه احنا الاصل...هههههه..
وبعدين ايه حكاية ان فى نساء على مر الزمان اشتهروا بالجمال الروحى..جديدة دى...زى مين يعنى قالوا عنها فلانة الفلانية الجميلة روحانيا..لا لا مفيش ..معلش بقى..سيبولنا حاجة نفرح بيها...

جزاكم الله خير وبشكرك وشكرا يااخت ساحيا بالقران على اقتناعك فى صمت..ياريت كله زى حضرتك...هههههه..ربنا يوفقكم جميعا وشكرا على تشريفكم للموضوع.....

موضوع مميز جدا يا استاذ محمد
ربنا يبارك فى حضرتك
وطبعا اقتنعت بالموضوع
لان بصراحه الادله قويه
وفعلا جمال الرجل بيبقى الاحلى فى طبعه واخلاقه وتدينه
وبصراحه انا شايفه انه مش شرط جمال الشكل .. اهم حاجه الجمال الداخلى سواء عند الرجل او المراة
لان كتير جدا بنشوف ناس فى منتهى الجمال ولكن اذا حدثتهم هتلاقى عكس ما توقعت انك تلاقى منهم
اهم حاجه بجد اشكر حضرتك على الموضوع القيم
ومش تخاف حضرتك احنا منزعلش من موضوع كويس ذى دا وكمان فيه ادله قويه جدا يبقى مش ينفع بقى نتكلم خالص ...

كلام رائع يستحقه الرجل فعلا
بس الجنه تحت أقدام الأمهات
ومن أحق الناس بصحبتك قال امك قال ثم من قال امك قال ثم من قال امك قال ثم من قال أبوك
بارك الله فيك وجزاك الله خيرا
موضوع رائع حقا كنت سعيده بقراة الموضوع حقا

السلام عليكم ورحمه الله وبركاته




جزاكم الله خيراً يا أستاذ محمد على الموضوع الشيق جدااا
وربنا يارب يكرمك ويعزك ويرزقك لساناً ذاكراً وقلباً خاشعاً
والموضوع فعلاً شيق جدااا
أنا قرأت الردود كلها كمان
عموماً الواحد مش يختلف خالص مين أجمل الرجل ولا المرأة
بصراحة مش هتفرق
أصل الجمال ده نابع من الداخل
يعنى الشخص الجميل بيشوف كل حاجة جميلة حوله
الجمال ليس فى المنظر ولكن الجمال فى العين التى تنظر
يعنى ممكن أشوف عروسة لأخى هى تعجبنى أنا ومش تعجبه هو
وده راجع ل الراحة النفسية
لأنها مممكن تكون ميس إيجيبت ( ملكة جمال مصر )
بس برضو مش عجباه
قال النبى صلى الله عليه وسلم : " الأرواح جنود مجندة ما تعارف منها ائتلاف وما تنافر منها أختلف "
وفى مقولة شهيرة جداااا بتقول
الأرواح تتعارف فى الأسماء قبل أن تنزل إلى الأجساد فى الأرض
بصراحة كتيررررر بأقابل ناس لاول مرة بس بحس كتيرررر جداااا أنى أعرفهم من زمان
فى وجوه كده مألوفة يعنى الواحد يألفها من أول رؤيتها
سبحان الله
المهم أن جمال الشكل مهم للرجال والنساء
وكذلك جمال الروح
بس طبعاً جمال الروح أهم لأنه الشخصية
والشخصية دى هى الواحد بتعامل بها مع الناس كلها
أما جمال الشكل فهو مهم بس
مش بصورة كبيرة جدااااا يعنى
أنا أعرف بنات كتيرررر بتبالغ جداااا فى المواصفات الشكلية
أعتقد أن ده مش صح خاصة عند اختيار شريك الحياة
الواحد المفروض يختار بقلبه وعقله
لا يطغو أحد على أحد
لكن أفضل اختيار هو تفويض الأمر إلى الله بصلاة الاستخارة
المهم أحنا مش زعلنيين إن الراجل يكون أجمل
قال الله تعالى : ( إن أكرمكم عند الله أتقاكم )

آسفة جداااا للإطالة
وفقكم الله لما يحبه ويرضاه
ولكم منى جزيل الشكر

السلام عليكم اخ محمد
انا مقتنعه جداااااااااااااا بكلام حضرتك لا شك فى كده
وكمان كلامك مينفعش فيه اى حاجه انت جايب ناس مقدرش نتكم نص كلمه فى حقهم
بس بجد انا جتلى رساله عجبتنى اوى حبيت اسبها تعليق هنا وياريت محدش يزعل منى

ههههههههههههههههههه ما شاء الله لا بصراحة انا اقتنعت انا كنت فاكرة انو احنا الاجمل بس يلى الحد لله على كل حال
جزاكو الله خير وجد موضوع جميل

السلام عليكم ورحمة الله وبركاته
******************
جمال الرجل الأدب .... وجمال المرأةالــذهـــب ......
حقا ولكن ان ادبت المراة نفسها بدينها وقرانها وصلاتها وطاعتها لاولي الامر وزينت نفسها بذهبها الن تصبح اجمل ؟!
جزاك الله كل خير بجد موضوع متميز ومختلف وجديد من نوعه اسئل الله ان يرزقنا حسن الخلق والصحبة الصالحة..
اللهم اجعل جمالنا في اخلاقنا وثرائنا في عقولنا وثقتنا في خالقنا وتوكلنا علي بارئنا وعملنا كله لطاعة حبيبنا واتباع سنة نبيه صلي الله عليه وسلم

كلامك كله مقنع جدا
وانا لما قريت الموضوع ده عجبنى جدا لكن
فى ناس تفهم الرجل على انه سى السيد المتشدد ايوه هناك رجال كذلك
لكن هم يعتقدون مادام يوجد رجل متشدد فكل الرجال متشددين
ويقولون الحسنه تخص والسيئه تعم