سجل مذكراتك بس بلعبه تجنن يالا الكل يدخل

ايمان شعراوى كتب:: مين الجميله اللى بعدى هاتقول كانت فييين الساعه 12:30 ظهرا

انا الجميله اللى بعدك ياشوشو ربنا يكرمك ويبارك فيكى

الساعه 12:30 ظهرا كنت فين

انا كنت

كنت

ايوه خلاص هقول

كنت فى المطبخ عقبال عندكم كده بعمل الاكل

انما ايه ما شاء الله

حبيبتى اللى بعدى كنت فين الساعه 4 العصر

بسرعه جوبى احسالك تقولى الحقيقه

الانكار مش هينفعك سلم نفسك وارفع اديك لفوق

يلا جوبى يامتهمه

كده يا ايمان اقولك جميله تقوليلى متهمه
طييييييب قوليلى بأه طبختى ايه ،،

ياااااااه كل ده ماشى تسلم ايدك

انا بأه كنت الساعه 4 عصرا
انا هاقول ومش هايهمنى علشان كنت مع حبيبى

عارفين ميييييييين

ميييييييين

ربنا ، بصلى العصر

شفتى بأه برااااااااااءه

مين الأموره اللى بعدى هاتقول كانت فيييين الساعه 3:30 عصرا

السلام عليكم ورحمة الله وبركاته
الساعة 3:30كنتى فين ياايمى
كنتى فين ياايمى
كنتى فين ياايمى
مستعجلين؟
تصدقوا مش فاكرة

اه افتكرت كنت برضه باصلى العصر وبعد كده اتغديت
اتفضلوا معايا وماتخافوش مش انا الى عملت الاكل

الى بعدى بقه كنتى بتعملى ايه يا استاذة من الساعة 11:30 مساءا وحتى 11:35
تحديدا وبالتفصيل

قبلاتى

الله احلى قبولات من احلى اخت
ماشى يا ايمى انا جايه اكل معاكى مدام مش انتى اللى عملتى الاكل
ههههههههههه اصل انا زى حالاتك اعمل الاكل وبخاف اكل منه
اما بقا عن ميعادك اللى زودتيه خمس دقايق ده
اقولك كنت فين
كنت
كنت
جنب اخويا علشان كان تعبان شويه
بس متقلقيش
الحمد لله هو بخير حاليا
حبيبتى اللى بعدى
كنتى فين
الساااااااااعه
2.5 مساءا؟؟؟؟؟؟؟؟
اعترفى؟؟؟؟؟؟؟؟؟
ههههههههههههههه

ههههههههههه

البنات دول عليهم حاجات
ربنا يسعد اوقاتكم بكل خير
والف سلامه يا علا ، ربنا يشفيه ويعافيه

انا الساعه 2:30 كنت فييين

فييين

كنت فى حلم كبييير بس مش فاكره ايه هو

ها ، مين هايقول كان فييييين الساعه 5:15 بعد العصر

بص يا جميل يا حبى انا
انا كنت يا ستى
قاعده فى بيتوتى الصغنون
وبكلم حبيبه قلبى
ونور عينى
طبعا عرفها
شاهى طبعا
وراح جرس الباب رن
وجت ضيوف قعدت معاهم
ههههههههههههه
حبيبتى اللى بعدى
كنتى فين يا قمر
الساعه
10 مساءا؟؟؟؟؟؟؟؟؟

السلام عليكم ورحمة الله وبركاته
اللعبة دى جمييييييييييييييييييييلة خلتنى انعش ذاكرتى الى قربت تاكسد من قلة الاستعمال
بصى ياستى الساعة 10 كنت برضه مع اختى رحنا نعمل شوبنج كده على خفيف واشتريت حاجات حلوة قوى
تحبوا افرجهالك؟
تدفعوا كااااااااااااااااام؟

القمر الى بعدى
كنتى فين
الساعة
6:45
وارجو تحرى الدقة
6:45
مش 6:50

6:50
ده السؤال القادم ان شاء الله

وعليكى السلام ورحمة الله وبركاته

ازيك ياقمى اخبارك حبيبتى

منورانا بجد

انا هجاوب على سؤالك

كنتى فين
الساعة
6:45

كنت على وشك الاقتراب من النوم

بتستغربيش

انا بجد كنت هنام بس قاومت النوم علشان العشاء وبعدين باءه فوقت

حبيبتى اللى بعدى كنت فين الساعه

10 مساءا

أنا يا ايمان عشره مساء
كنت مع الاولاد علشان يناموا
وكنت هانام بس لحقت نفسى زيك كده يا ايمان وصحيت
علشان أستلم ورديه باليل بتاعه المنتدى

ها مين كان فين الساعه ايه

الساعه 11:30 صباحا

السلام عليكم
وحشتوني يا بنات
معلش الكمبيوتر كان متفيرس
معرفش اتصلح ازاي هههههههههههههه
أكيد الفيروسات زهقت منه و صبته
المهم
أنا الساعة 11:30 صباحا ياستي
كنت فين
أكيييييييييييييد
في الشغل
الأمورة لي بعدي كنت فين الساعة 2 بعد الظهر

حمدلله على سلامتك يا بطووووووووووط
وانتى كمان وحشتينى اوى اوى اوى والله
عموما حمدلله على سلامه الجهاز ههههههه
بصى يا ستى انا فى الميعاده
كنت
كنت
بصراحه
ناااااااااايمه
هههههههههههههههههه
معلش اصل كنت مرهقه شويه
حبيبتى اللى بعدى
كنت فين يا اميرتى
الساعه
نقول كام
كام
الساعه 12 مساءا؟؟؟؟؟؟؟؟؟؟

السلام عليكم
اسمحيلى استفسر اكتر ام فجر
12 مساءا دى الى قبل الظهر يعنى ولا الى هى بالليل قوى
اصل الموضوع ده عاملى ازمة دائمة
عموما
لو 12 الى قبل الظهر فكنت بالبس عشان اروح اجاهد فى بعض المصالح الحكومية السلسة الجميلة الغير معقدة عشان اجدد كرنيه الشغل وخلافه

اما لو 12 بلليل خاااااااااااالص فكنت باحضر العشا بس مكلتش حاجة
ودلوقتى جعت
الى بعدى يحضر العشا قصدى يقولى كان فين الساعة 2 الظهر

emy emary كتب:: السلام عليكم
اسمحيلى استفسر اكتر ام فجر
12 مساءا دى الى قبل الظهر يعنى ولا الى هى بالليل قوى
اصل الموضوع ده عاملى ازمة دائمة
عموما
لو 12 الى قبل الظهر فكنت بالبس عشان اروح اجاهد فى بعض المصالح الحكومية السلسة الجميلة الغير معقدة عشان اجدد كرنيه الشغل وخلافه

اما لو 12 بلليل خاااااااااااالص فكنت باحضر العشا بس مكلتش حاجة
ودلوقتى جعت
الى بعدى يحضر العشا قصدى يقولى كان فين الساعة 2 الظهر

وعليكى سلام الله ورحمته وبركاته يا ايمى
انا كنت اقصد بالليل يا حبيبتى
عموما الغلطه عندى المفروض احدد معلش النوبادى
وعموما تعالى اعشيك يا حبيبتى
بس ابقى اتصلى مقدما بالاسعاف ههههههه
اما عن اجابه سؤالك
فانا يا ستى كنت
والله
ناااااااااااايمه
هههههههههههههههههه
القمر اللى بعدى
اين سوف تذهبى غدا العصر هههههههههههه

ههههههههه

ايه يا علا ده أين وسوف ، تذهبى
وكمان غدا يعنى مش النهارده

هههههههههه

بجد مش عارفه ارد أقولك ايه عماله أضحك

على العموم غدا ان شاء الله الجمعه والعصر بالذات أن مش بخرج
بتواجد فى المنزل علشان الجو حاااااااااااار كتييييييييييييييييير

امممممممم اللى بعدى ممكن تردى على سؤال علا
أين وسوف تذهبى غدا العصر؟؟

ههههههههههههههههه ماشى يا شاهى يعنى انا اللى هاجاوب على سوال علا ليه كده بس هههههههههههه انا بهزر يا جمييييييييييييل
اين وسوف تذهبى بعد العصر ؟ مش عارفه بس الاكيد يعنى انى هاعقد فى البيت اصلى يوم الجمعه ده بالذات بحب اقعد فى البيت يعنى بيبقى اليوم ده مخصوص للنظافه كل حاجه بنعملها فى اليوم ده
الاموره اللى بعدى كنت فين الساعه 10:00 صباحا

برافو يا مى ،
كويس كده يعنى هانكون فى البيت ان شاء الله بكره

خلاص علشان محدش يسأل هاتكونى فييين وامتى وازاى والساعه كام بكره

أما انا كنت الساعه عشره صباحا ،
كنت مستنيه علشان أصحى من النوم Sleep

يالا مين الجميله اللى هاتقول كانت فيين الساعه 9 مساء

هههههههههههه ياااااااااه هو سؤالى محير اوى كده
ههههههههههه بس من حقكم والله انا قولت اغلس شويه عليكم
اما بقا عليا انا ياستى
كنت الساعه تسعه نااااااااايمه
اللى بعدى بلاش اين سوف تذهبى ههههههههه
ونخليها كنتى فين الساعه 1 مساءا
يعنى بالليل ههههههههههه
اهو بوضح علشان محدش يسئل

ام فجر كتب:: هههههههههههه ياااااااااه هو سؤالى محير اوى كده

ههههههههههه بس من حقكم والله انا قولت اغلس شويه عليكم

اما بقا عليا انا ياستى

كنت الساعه تسعه نااااااااايمه

اللى بعدى بلاش اين سوف تذهبى ههههههههه

ونخليها كنتى فين الساعه 1 مساءا

يعنى بالليل ههههههههههه

اهو بوضح علشان محدش يسئل

السؤال واضح وزى الفل وتمام ياسيت الريس

ربنا يخليك لينا وتوضحلنا كده دايما حضرتك

بصلا سيتك كده انا كنت الساعه وحده يافندم كنت

كنت

معلش باءه متلغبطه الهيبه سيتك

بص باءه ياباشا

انا كنت نايمه

براءه حضرتك صح ولو عايز شهود اجيب سيتك

انتهت الحلقه

ههههههههه

نرجو عدم الاهتمام باللغه لانها بايظه لزوم الدور

القمر اللى بعدى

كنتى فين الساعه 11 صباحا

؟؟؟؟؟؟؟؟

هههههههههههههه وربنا انتى عسل يا ايمى ربنا يسعد قلبك يارب
ايه يابنتى اللغه الجديده دى بس تصدقى حلوه عليكى ههههههههه
بصى يا ست البنات انا كنت فى الميعاد ده
ناااااااااااااااااااايمه
طبعا طاعه لاوامر ماما ايمى هههههههههههه
اصلها قالتلى يالا نام يا حبيبتى علشان تستريحى
ههههههههههههههههههه
القمر اللى بعدى
كنتى فين حبيبتى
الساعه
7 مساءا؟؟؟؟؟؟؟؟؟
سؤالى واضح وصريح
هههههههههههههههههههه

السلام عليكم ورحمة الله وبركاته
بشكل واضح وصريح ومحدد كنت قاعدة فى الصالون
هههههههههههههههههههههه
مع واحدة صاحبتى جت تزورنى
وقعدنا نرغى نرغى ونضحك ونهزر
وبعدييييييييييييين

............... silent

..............
...........................
ماعلينا مش ضمن التحقيق صح؟

الى بعدى بتعملى ايه دلوقتى؟؟؟؟؟؟؟؟;)
يعنى قبل ما تدخلى المنتدى مباشرة

emy emary كتب:: السلام عليكم ورحمة الله وبركاته
بشكل واضح وصريح ومحدد كنت قاعدة فى الصالون
هههههههههههههههههههههه
مع واحدة صاحبتى جت تزورنى
وقعدنا نرغى نرغى ونضحك ونهزر
وبعدييييييييييييين

.............................
...........................
ماعلينا مش ضمن التحقيق صح؟

الى بعدى بتعملى ايه دلوقتى؟؟؟؟؟؟؟؟;)
يعنى قبل ما تدخلى المنتدى مباشرة

ههههههههههه ربنا يعزك يا ايمى
بصى يا ستى
قبل ما ادخل المنتدى كنت بحاول انام لكن بدوووووون جدوى
فقلت اروح بيتى التانى افضفض شويه
حبيبتى اللى بعدى
كنتى فين يا قمر
الساعه
1 مساءا؟؟؟؟؟؟
اللى هى بالليل علشان محدش يتهرب يعنى ويخليها الصبح
هههههههههههههه
بحبكم فى الله

واحد باليل

اممممممممممم

ياترى نايمه ولا نايمه ولا صاحيه
ولا نايمه

يبقى نايمه

الجميل اللى بعدى ويارب متقول نايمه لأن احنا نمنا كتيييير الايام دى

كنتى فين الساعه 3:30 عصرا

بصى يا شاهى انا كنت يا ستى
قاعده مع صحبتى الانتيم
حبيبتى اللى بعدى
كنت فين يا قمر الساعه
واحده الظهر؟؟؟؟؟

هههههههه ردودكم جميلة زيكم يا قمرات

اما بقه يا توتا يا جميلة انا كنت الساعة واحدة كنت مع ماما واختى وكنا فى البيت بنسمع ندوة لدكتور وجدى غنيم بس كانت جمييييييلة جدا ........تمام كده يا باشا

اما حبيبتى اللى بعدى كنتى فين الساعة 10 بالليل ؟؟؟

اولا عايزه اقول لمريومتى انتى نورتى الموضوع يا قمر ودايما منوارها كده
اما عن سؤالك كنت فين الساعه 10 بليل
كنتى فين يامى اممممممممممممممممممممم
استنوا عليا اما افتكر يابنات
ههههههههههههههه
هافتكر اهو يلا استعدوا 1
2
3
هههههههههههههه عملتها فيكم هههههههههههههههه
لالالا بجد كنت الساعه 10 قاعده مع ماما واخواتى على السرير كنا بنتكلم على مواضيع كتييييييييييييييييييييييييير
الاموره اللى بعدى كنتى فين الساعه 11 بليل

شكرا يا مى أخجلتى تواضعى
ماكنتش اعرف انى أموره ، ربنا يكرمك يارب

أنا بقى كنت فييين الساعه 11 مساء

كنت بعمل شاى علشان أشربه
بس مش بالنعناع بالقرنفل علشان ماكنش عندى نعناع
وأنا بحب الشاى بالنعناع اكثر ، بس مجبر أخاك لابطل

شفتوا الرغى والكلام الكتيييير
لازم يكون فى دقه فى الاداء

ميين الصبوره اللى بعدى هاتقول كانت فييين الساعه 4 عصرا

» الكل يدخل بالله عليك
» اعضاء ومشرفين وزوار الكل يدخل
» الكل يدخل يهنى حبيبتى ناديه بسررررعه
» يلا الكل يدخل يرحب معايا ببنت الاسلام
» الكل يدخل يهنى حبايبنا سما وناديه ومريوما وسالى