حوار بين اتنين سمعهم ثقيل ...........

السلام عليكم ورحمة الله وبركاته

حوار بين اثنين سمعهم تقيل

تخيلوا لو اتنين سمعهم تقيل اتكلموا مع بعض!! .

ايه اللي ممكن يحصل

تعالوا نشوف اتنين من دول

، واقفين على محطة الاتوبيس ودار بينهم الحوار ده :

الأول : الاتوبيس ده بيروح مــصر الجديدة؟

الثاني : على الحديدة !!... ليه انت طالب احسان

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفهوش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..

طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : لا والله مش عايز. وبعدين مش بأحب الفطير.

تقيل على المعدة وتمنه غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه . عايز تولع؟

الأول : أدلع ! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش

الثاني : خيش!! والله ده صوف انجليزي

الأول: بنتك زيزي!!! ربنا يخلي...

الثاني : أنتاج محلي .!!!! ده مستورد

معدى شاويش من بتوعنا ... يلفت انتباهه الحوار، : بتعمل ايه يا جدع منك له!!!

الاتنين: ايوة يا شاويش ...احنا مستنين الأتوبيس

الشاويش :! نهاركم مش فايت .... جواسيس !!! قدامي على القسم

ارجو من الله ان تنال اعجابكم

هههههههههه

لا حول ولا قوة الا بالله

الظاهر المنطقه كلها كان سمعها تقيل حتى الشاويش

الحمد لله الذى عافنى فى بدنى وسمعى وبصرى

جزاكى ربى الفردوس الاعلى حبيبتى

ونورتى المنتدى بوجودك معانا يارب تنورينا دايما يارب

ههههههههههههههههههههههههههه حتى الشاويش سمعه تقيل هههههههههههه
ربنا يسعدقلبك حبيبتى ونورتى المنتدى ربنا يكرمك ويبارلك
الحمد لله على نعمة السمع والبصر وعلى كل النعم

شكرررررررررررررررررا علي المرور احبابي في الله
وجزاكم الله كل خير