ايه رأيكم ...موضوع للنقاش

جزاك الله خير اخي محمود
بصراحة موضوع جمييييييل
ب انا بالسنبة ليا من رايي يعني انه فترة الخطوبة م لازم تكون طويلة او قصيرة
يعين مثلا سنة
اعتقد انه سنة كفاية عشان شخصين يتعرفو على بعض
ومش لازم كل مناسبة العريس يقدم هدايا لخطيبته بالعكس يعني اي شي ممكن يعتببر هدية مش لازم الهدايا الغالية ووووووووو....
وبعدين الخطوبة اتعملت عشان الاتنين يتعرفو على بعض بالحلال وتبقى ذكري ليهم حلوة في حياتهم وتفضل منبع الحب والحنان الي موجود بينهم
دا من رايي
يعني اعتقد سنة كفاية انك تتعايش مع شخص وتتعرف على شخصيته دا في الاغلب يعني
ويا ربنا يتسر على جميع خلقه
جزاك الله خير على طرحك للموضوع
سلام عليكم

سأحيا بالقرأن كتب:

السلام عليكم ورحمة الله وبركاته
جزاك الله كل خير اخى على الموضوع موضوع فعلا مهم جدا
بالنسبه لفتره الخطوبه انا بفضل انها تكون على الاقل سنه لا تزيد عن كده لتفادى اى مشكله لأنها لو زادت هيكون هناك مشاكل
فمن رأى انى بفضل فتره الخطوبه ماتتطولش وكمان كده او كده ماتقدرش تحكم على الشخص الا بعد العشره بينكم
ومش لازم يعنى الخاطب يقدم لخطبيته هدايا باهظه
وجزاكم الله كل خير

وعليكم السلام ورحمة الله ويركاته

جزانا الله واياكم وكل من شارك كل خير

انا بشكر حضرتك على رأيك
وبكده اثبتى
بانضمام صوتك للاخوات السابقين
وكذلك فى منتدى اخر
ان اقصى حاجه للخطوبه سنه من وجهة نظركم
لان كله بيشتغل كله

وبعد الجواز كل شىء بينكشفن ويبان

زى الغسيل بالظبط
بعد كام غسله بترجع لاصلها

ده ملخص وجهات النظر اللى استفدته من حضراتكم جميعا هنا والاخرى

بالنسبه لمضووع الهدايا:
ياعينى العريس بيدفع دم قلبه فى الهدايا
والا الحكومه هتغضب عليه
وهياخدهم ازواجا وافرادا وهيشوف العين الحمرا

اشكركم جزيل الشكر كلككم جميعا على مشاركاتكم الطيبه
وانا استفدت منكم بجد
ربنا يكرمكم جميعا

ام فجر كتب:

السلام عليك اخى الفاضل
اولا بجد احب اشكر حضرتك على فكره اختيار الموضوع ده للنقاش
فكره جميله بجد
ونقول رائي بقا
متهيئلى فتره الخطوبه (الكدبه الجميله) مش لازم تبقا فتره طويله
علشان كل ما كانت طويله كل ما كان الكدب اكتر والصدمه فى الاخر اكبر
وبردو بالنسبه للهدايا طبعا انا بحترم الشخصيه اللى بتحب الهدايا البسيطه الرمزيه
زى ورده او اى حاجه معناها الدخلى جميل بغض النظر عن الثمن
لكن طبعا تبقا (كدابه) اللى تقول انا مبحبش الهدايا ومش ضرورى
ساعات حاجه بسيطه بتكون معناها جميل ولا ينسى ابدا(مش لازم ثمنها غالى ولا دهب ولا حاجه من النوعيه دى)الحاجه البسيطه
بحب وبكلمه رقيقه بتكون تأثرها اكبر بكتير
واحلى حاجه بجد والله فى فتره الخطوبه ان كل من الخطيب والخطيبه (المخدوع والمخدوعه) انهم بجد يكونوا بطبيعتهم
علشان بجد والله كتير اوى بيكونوا بيرسم شخصيات غير شخصيتهم خاااااااااااااالص
ويكأنهم بيمثلو ا فيلم اجنبى
والافضل محدش يتجوز خااااااااااااااالص(انا بهزر طبعا) ربنا يرزق بنات المسلمين
بازواج صالحين ويرزق شباب المسلمين بازواج صالحات
ويرزقنا جميعا العفه والستر
اللهم امين
واسفه على الاطاله والتعقيد(بس كل واحد ووجهه نظره)0

وعليكم السلام ورحمة الله وبركاته


هههههههههههههههههههه
انا ضحكت شويه حلوين على كذا حاجه فى تعليقك
ربنا يدخل عليكى السرور دائما

احلى حاجه فى المناقشات المطروحه بجد
اختلاف وجهات النظر
واختلاف الرؤى
وممكن الواحد يكون شايف الموضوع من زاويه واحده
من خلال المناقشات الموضوع بيختلف ويلاقى ان ليه زوايا تانيه كتيييره

بجد انا استفدت من تعلقيك ده كام حاجه فعلا
لان ناقشتى وقولتى زاويه تانيه مكانتشى فى بالى
اشكرك جزيل الشكر فعلا

هههههههههههههههههههههه العين الحمرا(يلى اهو ليك كمان دعوة في ظهر الغيب)ـ
بالنسبه لمضووع الهدايا:
ياعينى العريس بيدفع دم قلبه فى الهدايا
والا الحكومه هتغضب عليه
وهياخدهم ازواجا وافرادا وهيشوف العين الحمرا
ربنا يسامح حضرتك وكل الشباب والازواج احنا كدا بردوا!!!
وفعلا يا علا معاكي حق
ممكن يكون فيلم اجنبي
بس معتقدش يعني فيلم اجنبي على البنت الهبلة الي على نياتها يعني
اكيد كل وحدة تقدر تعرف الصادق من الكاذب
بس احلى حاجة انها بتفضل ذكرى والله
يعني بكرة لما تكوني قاعدة مع اولادك ان شاء الله وجوزك وتفتكرو حاجات حصلت معاكو زمان
وتقعدو تضحكو
يعني ساعات بسمع بابا وماما بيقولو زي كدا وبنقععد نضحك عليهم ووو
وبشوف كدا على تي في واهل صحباتي
وبعدين تعالي هنا انتي ليه مش عايزة تتجوزي يا عسل
اااااااااااااااه والله خايفة تعزميني على الفرح واكل كل الشوكلاتة كلها
هههههههههههههههههه قولي كدا من الاول بلاش اللف والدوران يعني
بحبك في اللللللللللللله جدااااااااااااااااااا يا علا
وياااااااااارب ربنا يرزقنا جميع بنات المسلمين الازواج الصالحين وجميع شباب المسلمين الازواج الصالحين يااااااااااارب

هههههه خلاص خلاص يا علا عرفت انك بخيلة مش عايزة شوكلاتة المهم اني افرح بيكي بازن الله واشوفك على خير لو مش في الدنيا في الاخرة ان شااء الله وبجنات النعيم
بحبك في الله

مــؤمنــــة كتب:

السلام عليكم ورحمة الله وبركاتة
جزاك الله كل خير
من راى ان فترة الخطوبة تكون فترة متوسطة يعنى لا قصيرة اوى لان بعد كدة ممكن لو حد من الاتنين اكتشف صفات معينة مش شافها اقبل كدة هيحس انو ادبس
ولا طويلة لانها بتعمل نوع من الملل ومنة تبدا المشاكل
أم فجر قالت ان فترة الخطوبة الكدبة الجميلة
ممكن بس مش فى كل حاجة فى حاجات بينكدب فيها او بمعنى اصح كل من البنت او الولد بيتجامل فية
بس دة مش بيحصل طول الوقت ومش فى كل المواقف
وبعدين اهمية ان كل واحد يعرف الخطوط الحمرا بمعنى سوا البنت او الولد بيكون فى صفات معينة
مش بيحبة او طباع او حاجات عايزة تكون فى خطيبتة
الفترة دى عشان كدة عشان اعرف الشخص دة مناسب او لا
هو اكيد مش هيعرفة المعرفة الكاملة بس على الاقل مش هيحس انو غريب عنة
وكمان عشان حاجاة مهمة ان العائلتين يحصل ما بنهم تقارب ومودة لان دة شئ اساسى
لانها مش بتكون على قد البنت او الولد وبس لو العائلتين مش فى بنهم تفاهم بيسبب مشاكل

وعليكم السلام ورحمة الله وبركاته


اشكر حضرتك جزيل الشكر على الاضافه والتعليق


حقيقى كلكم نورتونى واضفتوا ليا

دعاء كتب:

بارك الله فيك دائما مواضيعك ممتعه
انا حتكلم علي تجربتي الشخصيه وبعدين رأيي يعني لو مش حتقل عليكم
انا اتخطبت سنتين بس اعتبر قعه مع خطيبي شهرين او اقل لانه كان بيسافر شهرين وبيجي اسبوعين والاسبوعين كان بيجي مرتين او ثلاثه
ومع زالك افهمنا بعض جدا واتعلقنا ببعض جدا والحمد لله ربنا كرمنا
اما رأيي ان فتره الخطوبه تكوني قصيره للي حتتجوز حد من اقاربها لانها حتكون عارفه شويه عنه
اما اللي حتتجوز حد بعيد عنها فالاحسن تكون طويله شويه حتي تعرفه اكتر مع مراعاه حدود الخاطب
في الجاوس مع خطيبته حتي لانقع في الغلط
يارب ماكونش تقلت عليكم

الله يكرمك ويغفرلك ويسعدك يااارب

اشكرك جزيل الشكر على الاضافه الجميله دى..العفو يافندم حضرتك خفيفه علينا كلنا وكل الناس هنا فى المنتدى ناس محترمين وخفيفين
واكيد ناس خفيفه ممكن عشان الدايت(الرجيم يعنى)