فضفضة

السلام عليكم جميع اعضاء منتدانا

انابس حسيت ان حياتنا فيها ضغوط واحيانا الواحد بيبقى متضايق بس اكيد فيها حاجات جميله

احيانا بنبقى عندناشعور غيرطبيعى بالسعادة عشان كدة الموضوع ده لينا كلنا كل واحد يدخل لومتضايق يقولنا ويفضفض من اللى مزعله ولو مبسوط
يفرحنا معاه ومش تدخل فى حياة حد يعنى اللى مش عايز يحكى الموقف ممكن يقول احساسه ايه من غير مايحكى المهم نشارك بعض
ايه رأيكم ؟؟؟؟
يارب نتفاعل ونشارك بعض
اللهم فرج كرب كل مهموم
اللهم ارزق المسلمين السعادة فى الدارين

موضوعك جميل حبيبتى سالى

انا هقول انا حاسه بايه دلوقتى

انا حاسه بحاجه غريب مش عارفه ليه حاسه ان فى حاجه ضايعه منى ومش لقيها

والمشكله انى مش عارفه مالى

تصدقى مش عارفه اوصف احساسى وشعورى وحالتى بالظبط

بس ارجو منك ومن اللى يدخل يدعولى بقضاء الحوائج

وجزاكم الله خير الجزاء

حبيبتى ايمى ربنايفرج كربك يارب ويقضى لكى جميع حوائجك
بس والله عادى ان الواحد يبقى حاسس بحاجة غريبه وعنده تناقض ويبقى حاسس انه متضايق ومش عارف ماله بجدوالله لماتحسى انك متضايقة قومى اتوضى وربنايكرمك يارب
ان شاءالله هستناكى تدخلى تطمنينى انك بقيتى احسن ووصلتى لهدفك او الحاجة اللى ضايعة منك
بحبك فى الله

الحمد لله حبيبتى سالى والله كلامك ريحنى ربنا يبارك فيكى ويعزك ويخليكى ليا وميحرمنيش منك ابدا ياااااااااارب

ومش تقلقى عليا خالص هما شويه قليلين وارجع زى ما انا

جميل اوى موضوعك يا سالى وفكرته حلوة اوى
خلاص ده حيبقى الموضوع لاى واحد بجد حاسس باى حاجة مزعلاة او حاجة انه يدخل ويفضفض معانا
ربنا يجزيكى خير على الفكرة دى
.......كنت عايزة اقول بس الاول لايمان ربنا يفرج كربها يارب ويطمن قلبها
وياريت تدخل تطمنا عليها
اما بقه شعورى دلوقتى فانا الصراحة والحمد لله على طول سعيدة من ايه والله مااعرف
هههههههه بس طبعا ساعات بيجى اوقات بزعل فيها
بس بصفى بسرعة وارجع لطبيعتى تانى
مشكورة على موضوعك بجد فكرته عجبانى اوى
وان شاء الله اى حاجة ممكن تدايقنى ادخل واقولهالكم
فى حفظ الله

مريم البتول كتب:: جميل اوى موضوعك يا سالى وفكرته حلوة اوى
خلاص ده حيبقى الموضوع لاى واحد بجد حاسس باى حاجة مزعلاة او حاجة انه يدخل ويفضفض معانا
ربنا يجزيكى خير على الفكرة دى
.......كنت عايزة اقول بس الاول لايمان ربنا يفرج كربها يارب ويطمن قلبها
وياريت تدخل تطمنا عليها
اما بقه شعورى دلوقتى فانا الصراحة والحمد لله على طول سعيدة من ايه والله مااعرف
هههههههه بس طبعا ساعات بيجى اوقات بزعل فيها
بس بصفى بسرعة وارجع لطبيعتى تانى
مشكورة على موضوعك بجد فكرته عجبانى اوى
وان شاء الله اى حاجة ممكن تدايقنى ادخل واقولهالكم
فى حفظ الله

يارب حبيبتى يبقى فى تفاعل وربنا يكرمنا جميعا
والحمدلله انك دايما سعيدة وربنا يسعدك فى الدارين وان شاءالله وقت الزعل مش يطول عندك
وتشاركى معانا هنا بكل احداث سعيدة بس مش يمنع انك لواتضايقتى لقدرالله تقولى وربنا معاكى ثم اخواتك

بجد موضوعك ده جميييل اوى يا مكة..ربنا يبارك فيكى يارب...

ومتقلقيش خااالص...حبقى عميلة عندك علطووووول...ههههههه....

ربنا يحفظك يارب ويخليكى عونا للغير وفعلا موضوع محتاجينه جدا..جزاكى الله كل خير..

السلام عليكم
ايييييييييييه المواضيع الجامده دى يا سالى ربنا يعزك يا رب
الاول صحيح اباركلك على الاشراف ربنا يسدد خطاكى وينفع بيكى يارب
واكيد طبعا هكون وجوده فى الموضوع على طووووول متخافيش واول ما ازعل هبلغك فورا

رانيا صلاح كتب:: بجد موضوعك ده جميييل اوى يا مكة..ربنا يبارك فيكى يارب...

ومتقلقيش خااالص...حبقى عميلة عندك علطووووول...ههههههه....

ربنا يحفظك يارب ويخليكى عونا للغير وفعلا موضوع محتاجينه جدا..جزاكى الله كل خير..

ويبارك فيكى حبيبتى وان شاءالله تبقى معانا دايما باخبار جميلة وتفرحينا معاكى
شكرا لمرورك حبيبتى الاكثر من رائع ومش تغيبى عليناكتير

فكره حلوه منك ياحببتى
جزاك الله كل خير

زهرة الحياة كتب:: السلام عليكم
ايييييييييييه المواضيع الجامده دى يا سالى ربنا يعزك يا رب
الاول صحيح اباركلك على الاشراف ربنا يسدد خطاكى وينفع بيكى يارب
واكيد طبعا هكون وجوده فى الموضوع على طووووول متخافيش واول ما ازعل هبلغك فورا

وعليكى السلام حبيبتى
ربنايبارك فيكى حبيبتى زهرة
تنورى ياقمر وان شاءالله يبقى دايما زيارتك للموضوع خير

نادية كتب:: فكره حلوه منك ياحببتى
جزاك الله كل خير

جزانا واياكى كل خير
شكرا لمرورك حبيبتى

بما انى انااللى عملت الموضوع
فكنت اول المشاركين اناحسه انى متضايقة بجد مش عارفة ليه
ادعولى بجد

ايه ده بس..سبحان الله بقى انا داخل افضفض شوية الاقى استاذتنا اللى حتساعدنا هى اللى مضايقة ..طيب تيجى ازاى...

حسدناكى يااخت مكة..اولا بشكرك على موضوعك الجمييييل ده..هايل والله..ويارب ربنا يفك كربك ويهدى قلبك ويريح بالك..ويارب يفك كرب الكروبين يارب ..وكل حد من اخواتى دخل وقال انه مضايق..اللهم انى اسالك باسمائك الحسنى وصفاتك العلى ان تفك كروبهم وتهدى قلوبهم...احنا غلابة اوى يارب ومحتاجينك معانا....

يارب ياخد بايدكم يااخواتى ويصلح حالكم..وكل حد فيكم له امنية هو ادرى بيها ربنا سبحانه وتعالى يحققهاله ويرضيه ويرضى عنه...ويصلح حالكم يااارب..

وانتى يااخت مكة شدى حيلك بقى كده وربنا يفك كربك وراكى شغل يااما مع اخواتك..ربنا يعزك يارب ويجعل كل وقتنا سعادة وطاعة..

اخوكم الفقييير الى كرم الله..واللى بيحب كل حرف بتكتبوه فى طاعة ربن...ا

محمدطه كتب:: ايه ده بس..سبحان الله بقى انا داخل افضفض شوية الاقى استاذتنا اللى حتساعدنا هى اللى مضايقة ..طيب تيجى ازاى...

حسدناكى يااخت مكة..اولا بشكرك على موضوعك الجمييييل ده..هايل والله..ويارب ربنا يفك كربك ويهدى قلبك ويريح بالك..ويارب يفك كرب الكروبين يارب ..وكل حد من اخواتى دخل وقال انه مضايق..اللهم انى اسالك باسمائك الحسنى وصفاتك العلى ان تفك كروبهم وتهدى قلوبهم...احنا غلابة اوى يارب ومحتاجينك معانا....

يارب ياخد بايدكم يااخواتى ويصلح حالكم..وكل حد فيكم له امنية هو ادرى بيها ربنا سبحانه وتعالى يحققهاله ويرضيه ويرضى عنه...ويصلح حالكم يااارب..

وانتى يااخت مكة شدى حيلك بقى كده وربنا يفك كربك وراكى شغل يااما مع اخواتك..ربنا يعزك يارب ويجعل كل وقتنا سعادة وطاعة..

اخوكم الفقييير الى كرم الله..واللى بيحب كل حرف بتكتبوه فى طاعة ربن...ا

مش عارفة اقول لحضرتك ايه اول مرة تدخل الموضوع يكون اناكدة بس الحمدلله بجد انااحسن بفضل الله
ربنايكرم حضرتك ويفرج كربك ويكون خير ان شاءالله اللى حضرتك كنت هتفضفض بيه
ربنايتقبل دعاؤك يارب
انابجد تحت امركم ولوحد متضايق يتكلم وكلنا نساعد بعض ان شاءالله
ربنايكرمكم جميعا

السلام عليكم فعلا انت متميزة بمواضيع الحلوة
ربنا يذهب عنك الهم و الغم و يعزك بعزه

حبيبتى رحيمة ربنايبارك فيكى يارب
وربنايتقبل منا ومنك صالح الاعمال ويوفقناجميعا لطاعته
مرورك شرفنى ربنايجمعنا حبيبتى فى الاخرة

انا النهارده مبسوووووووووووطه جدا والحمد لله

اولا احنا فى احسن ايام دخلين على ذى الحجه بكره ان شاء الله

سعيده باعضاء المنتدى وشغلهم الجامد اللى ما شاء الله استفدت منه جدا

وربنا يديم علينا السعاده والرضى

السلام عليكم متنسوش غدا ان شاء الله الصيام و الذكر و كمان الدعاء لأخواننا في كل مكان

ايمان شعراوى كتب:: انا النهارده مبسوووووووووووطه جدا والحمد لله

اولا احنا فى احسن ايام دخلين على ذى الحجه بكره ان شاء الله

سعيده باعضاء المنتدى وشغلهم الجامد اللى ما شاء الله استفدت منه جدا

وربنا يديم علينا السعاده والرضى

الحمدلله ربنايديم عليكى السعادة حبيبتى ايمان
ربنايتقبل منا ومنكم الصيام ويجعله ايام جميله
وماشاءالله على اعضاء المنتدى وربنايجعل اعمالنا فى هذا المنتدى فى ميزان حسناتكم

رحيمة كتب:: السلام عليكم متنسوش غدا ان شاء الله الصيام و الذكر و كمان الدعاء لأخواننا في كل مكان

ان شاءالله حبيبتى رحيمة وربنا يتقبل
اللهم انصر المسلمين
اللهم فرج كرب اهل غزة وكن عونا لهم ياارحم الراحمين
جزاكى الله خيرا على التذكرة حبيبتى

السلام عليكم ورحمة الله

ايه الموضوع الجمييييييييل ده ياسالي طب حلو اهو لاقينا مكان نفضض فيه ونأرفك بس اللى مايزهأش في الأخر
انا بصراحة الحمد لله بدال مابحس ان ربنا معايا وراضى عني وفي ناس حواليا بتحبني بتساعدنى وبساعدهم ببقى مبسوطه وراضيه العكننه والضيق بيجوا لما بحس بالتقصير
وكمان مبسوطه علشان بقيت معاكم في المنتدى الجميل ده ربنا ياااااارب يجعلوا خير علينا ويكون في ميزان حسنات القائمين عليه اولا والمشرفين واعضاءه اللى بيملوه بكل مفيد

نـهال كتب:: السلام عليكم ورحمة الله

ايه الموضوع الجمييييييييل ده ياسالي طب حلو اهو لاقينا مكان نفضض فيه ونأرفك بس اللى مايزهأش في الأخر
انا بصراحة الحمد لله بدال مابحس ان ربنا معايا وراضى عني وفي ناس حواليا بتحبني بتساعدنى وبساعدهم ببقى مبسوطه وراضيه العكننه والضيق بيجوا لما بحس بالتقصير
وكمان مبسوطه علشان بقيت معاكم في المنتدى الجميل ده ربنا ياااااارب يجعلوا خير علينا ويكون في ميزان حسنات القائمين عليه اولا والمشرفين واعضاءه اللى بيملوه بكل مفيد

حبيبتى نهال شرفتى موضوعى
تقرفينى ازاى ياقمر ده انتى تنورى والله وان شاءالله مش يبقى فى ضيق
انتى نورتى المنتدى وموضوعاتك الرائعة ربنايجزيكى خير عليها
ولوفى حاجة ادخلى وفضفضى وكلنامع بعض حبيبتى وان شاءالله يكون خير

إزيك يامكة ياحبيبتى
أولاً موضوعك حلو وجمييييييييل
ثانياً على قد ماأنا بحب أحكى حالى على قد ماأنا مش بحب أحكى
عشان ماأضايقش حد
بس بينى وبينك فى أوقات كده الواحد خلاص بيبقى جاب آخره من كل إللى حواليه
سواء كان بذنب أو من غير ذنب
وفضفضتى إنهارده إنى بجد محتارة فى ناس مش عارفة أفهمها
ناس كنت فاكرها كويسة وبعد يظهر العكس
وبعدكده بردوه ترجع كويسة
وحاجات كتيييييييييييييير أنا محتارة فيها
بس أصل إتعودت إنى أسمع وإن حكيت باحكى لقلة
عشان كده هاتلاقينى تقريبا الأيام إللى هابقى فيها هنا هابقى معاكى فى الموضوع ده
عارفة أنا معذبة ناس كتيييييييييير بحالتى دى
ناس جميلة ومحترمة وكويسة وغاليين عليا
كل شوية بابقى مضايقة بسبب أو من غير سبب
وأكلمهم وأقولهم إنى مضايقة
بس الصراحة يامكة مش بيسبونى غير لما بارتاح
مش عارفة طولت عليكى وعلى حبايبى فى الله
بس أنا قلت أدخل وأقول الكلمتين إللى واقفين فى زورى
وخصوصاً إنى خلاص هاسافر السبت إن شاء الله
وأنا كل ماآجى أسافر بازعل وبابقى مضايقة
معلش سامحينى يامكة وسامحونى كلكم

عاشقةالقدس كتب:: إزيك يامكة ياحبيبتى
أولاً موضوعك حلو وجمييييييييل
ثانياً على قد ماأنا بحب أحكى حالى على قد ماأنا مش بحب أحكى
عشان ماأضايقش حد
بس بينى وبينك فى أوقات كده الواحد خلاص بيبقى جاب آخره من كل إللى حواليه
سواء كان بذنب أو من غير ذنب
وفضفضتى إنهارده إنى بجد محتارة فى ناس مش عارفة أفهمها
ناس كنت فاكرها كويسة وبعد يظهر العكس
وبعدكده بردوه ترجع كويسة
وحاجات كتيييييييييييييير أنا محتارة فيها
بس أصل إتعودت إنى أسمع وإن حكيت باحكى لقلة
عشان كده هاتلاقينى تقريبا الأيام إللى هابقى فيها هنا هابقى معاكى فى الموضوع ده
عارفة أنا معذبة ناس كتيييييييييير بحالتى دى
ناس جميلة ومحترمة وكويسة وغاليين عليا
كل شوية بابقى مضايقة بسبب أو من غير سبب
وأكلمهم وأقولهم إنى مضايقة
بس الصراحة يامكة مش بيسبونى غير لما بارتاح
مش عارفة طولت عليكى وعلى حبايبى فى الله
بس أنا قلت أدخل وأقول الكلمتين إللى واقفين فى زورى
وخصوصاً إنى خلاص هاسافر السبت إن شاء الله
وأنا كل ماآجى أسافر بازعل وبابقى مضايقة
معلش سامحينى يامكة وسامحونى كلكم

ازيك انتى حبيبتى اناالحمدلله
ربنايفرج كربك ويصرف عنك الشعور بالحيرة وبعدين ياحبيبتى مين قال انك هتزعلينا او نتضايق لماتحكى بالعكس احنا نتضايق لوحسيت انك زعلانة ومش اتكلمتى ومش اعتبرتينا اخواتك وحكيتى لينامالك
بصى بجداحناطول مااحناعايشين بنتعلم ووارد فى حياتنا نقابل ناس نبقى متوقعين حاجة وفجاة ومن موقف واحد نكتشف انهم حاجة تانيه بس بجد خلى تعاملك لوجه الله وبحسن نيه وتوقعى الخيردايما وتاكدى ان ربناهيكرمك بناس كويسه وانتى نفسك قلتى انك فى ناس تانيه بتسمعلك لماتشتكى وبيفضلوامعاكى لحد ماترتاحى ربنايديم عليكى صداقتهم ومعلش ياقمرالواحدلمابيبقى مسافر والشعور بالغربه بيخلينا نتضايق بس انتى استعينى بالله وربنامعاكى فى سفرك وترجعى لينا بالف سلامة ربنايطمنا عليكى هنتظر دخولك هنا تطمنينى عليكى انك بقيتى احسن وربنا يكرمك ويفرج كربك وانتى تستاهلى كل خير يانورا بجد ومش تحيرى نفسك كتير لان النفس البشريه بحس ان من الصعب فهمها وربنايعينك ويارب اكون عملت حاجة احس بيها انى اختك وقدرت اساعدك وعلى قدمانامتضايقة انك محتارة كدة على قد مانا مبسوطة انك اعتبرتينا اخواتك ودخلتى فضفتى
انى احبك فى الله
معلش طولت عليكى اختك واستحمليها بقى
هستنااااااااااااااكى تطمنينى