انت مستنى ايه..حتيجى معانا ولا...؟؟

بسم الله والصلاة والسلام على رسول الله...

اخواتى الافاضل ..النهردة جايلكم بحاجة ان شاء الله تفيدنا....حنتكلم على حاجة بمناسبة الهجرة...

استنى بس...انا لسه قلت حاجة؟؟..شوف الاول ومتخافش كلمتين مش بطول....

انا عايز اتكلم معاك عن الهجرة فى حياتك..الهجرة بمفهوم جديد...مش جى اقولك حكاية الحمامة والعنكبوت اللى انت عارفها....

ولا جى اقولك طريق الهجرة والرسول عمل فيها..علشان فى الى اقدر منى يتكلم عن كده....

لا ياحبى..انا جى اكلمك عن الهجرة فى حياتك انت..ايوة.. ايوة انت....

ايه اخبارحياتك؟؟.اخبار قلبك ايه؟؟..مجربتش قبل كده تهاجر علشان ربنا؟؟؟.

مجربتش تروحله مرة....معرفتش تقول وعجلت اليك ربى لترضى...

عايش دايما فى المعاصى...كل اصحابك صحاب سوء...قلبك عايش فى ظلام ولا قصة حب ...

يبقى تعالى ..تعالى شوف واتعلم من الهجرة....احنا حنتكلم على معانى الهجرة...بس اسمع كده الاول كلام ربنا...

{إِلاَّ تَنصُرُوهُ فَقَدْ نَصَرَهُ اللّهُ إِذْ أَخْرَجَهُ الَّذِينَ كَفَرُواْ ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لاَ تَحْزَنْ إِنَّ اللّهَ مَعَنَا فَأَنزَلَ اللّهُ سَكِينَتَهُ عَلَيْهِ وَأَيَّدَهُ بِجُنُودٍ لَّمْ تَرَوْهَا وَجَعَلَ كَلِمَةَ الَّذِينَ كَفَرُواْ السُّفْلَى وَكَلِمَةُ اللّهِ هِيَ الْعُلْيَا وَاللّهُ عَزِيزٌ حَكِيمٌ }التوبة40

دى طبعا ايه الهجرة اللى كلنا عارفينها...
طيب بص كده الايتين اللى قبلها....

يَا أَيُّهَا الَّذِينَ آمَنُواْ مَا لَكُمْ إِذَا قِيلَ لَكُمُ انفِرُواْ فِي سَبِيلِ اللّهِ اثَّاقَلْتُمْ إِلَى الأَرْضِ أَرَضِيتُم بِالْحَيَاةِ الدُّنْيَا مِنَ الآخِرَةِ فَمَا مَتَاعُ الْحَيَاةِ الدُّنْيَا فِي الآخِرَةِ إِلاَّ قَلِيلٌ{38} إِلاَّ تَنفِرُواْ يُعَذِّبْكُمْ عَذَاباً أَلِيماً وَيَسْتَبْدِلْ قَوْماً غَيْرَكُمْ وَلاَ تَضُرُّوهُ شَيْئاً وَاللّهُ عَلَى كُلِّ شَيْءٍ قَدِيرٌ{39}

ياااا..الرسول اول ماجاله امر الله...ساب كل حاجة وراح لربنا...بحبك يارب...

شوف لما ربنا بيقول للمؤمنين ليه لما يحثهم على الجهاد وتنفيذ امر الله..بيتكاسلوا..
ويرضوا بالدنيا اللى ملهاش قيمة....بيقولهم لو ماسمعتوش اوامرى حيكون نتيجتكم العذاب الشديد...

مش بس كده شوف المهانة وهو بيقول تعالى انه يستبدل قوم غيرهم...

معناه ايه ياجماعة الكلام ده.؟؟؟..

معناه ان احنا لو مجاهدناش نفسنا وسمعنا كلام ربنا..مش حنكون قد الامانة...

الامانة اللى ربنا اديهالنا وكلفنا بيها....

لكن احنا ايه .؟؟؟..مكبرين..مطنشين..بنسوف...

يااخواتى حنفضل لحد امتى تايهين؟؟..حنفضل لامتى اى امر لربنا بعدين يتعمل..واى حاجة لغيره منامش الا لما نعملها....

ده ربنا يااجماااعة..ده الله...

ربنا اللى بيرزقك وانت بتعصيه....ربنا اللى شايفك وانت متهاون بيه....

ربنا اللى اداك قلب..حب كل حاجة فى الدنيا واتعلق بيها..الا اللى عمله وخلقه مفكرش فيه...

بحبك يارب...

احنا عايزينها هجرة ياجماعة....

ايوة عايزينها هجرة وجهاد....

متفهمنيش غلط..مش بقولك اطلع من بلدك ولا قاتل فى سبيل الله..مش ده قصدى ..ولا هو ده كل الجهاد والهجرة...

ايه رايك لما تجاهد نفسك وتقرر تهاجر لربنا وطاعته؟؟...

تجاهد نفسك وتسيب ذنب بتعمله وتقول يارب انا جايلك...انا هاجرت ليك يارب...انا بحبك يارب...

هاجرت لطاعتك يارب...مدلى ايدك ياكريم..انا محتاجك...

سيب الدنيا والتعلق بيها..وروح للى بايده الدنيا والاخرة..اللى خلقك وخلقهم...

اللى عارف كل تفصيلة صغيرة فيك اكتر مانت تعرفها...

ياجماعة ده لما الواحد بيروح عند حد ويلجاله..شوف الكرم اللى بيقابلك بيه الحد ده...

مابالك برب العااالمين؟؟..جرب تروحله...

هاااااجر بقى...

اترك المعاصى والذنوب...سيب اصحاب السوء وروح للخير...

ياخوانا..يااخوانا احنا مش عايزين ننضف بقى ولا ايه؟؟؟
مش عايزن نعرف ربنا بقى..؟؟

هو احنا عايشين ليييه؟؟؟احنا جينا ليه؟؟؟جينا علشان نفسينا...؟؟؟؟

]افهم بقى احسبها صح مرة ..فكر شوية بعقلك..

ليه ربنا ميزك بالعقل والتكليف؟؟علشان تاكل وتنام وتريح مخك..ولا علشان نشرب مخدرات علشان نوقفه خالص؟؟؟

اصحوا يانااس..كفاية كده...مين اللى حياخد بايد الناااس...

فين الدعاة والداعياات..مين اللى حيوصل رسالة الرسول..
مين الى حياخد بايد اخواتنا اللى مستنيينا...اخونا اللى مش عارف الصح فين والغلط فين..

مين اللى حينشر الدين ويامر بالمعروف وينهى عن المنكر..

مين اللى حيطلع جيل صالح حافظ للقران..مين اللى يعف بناتنا ويحافظ عليهم..

مين اللى حتعين زوجها وتصونه..

انت؟؟؟انتى؟؟؟طيب قولى ازاى كده...

قولى ازاى حتشيل هم امة ولا حتى اسرة مسلمة..وانت حتى مش عارف تشيل هدومك...

وانتى قوليلى ازاى حتعينى جوزك وتصونيه وانتى حتى مش عارفة تعينى نفسك ع الحجاب ولا تصونى نفسك من عيون الناس...

ياااا....ياااعاللى بقينا فيه..انا عايز اعرف بس احنا امتى حنفوق..امتى حنروح لربنا...

هان علينا ربنا ياخواتى...هان عليك ربك...ربنا اللى سترك وكبرك ورزقك...

ربنا يااخى اللى خلاك مسلم...
انت مش فاكر احنا كنا ايه؟؟؟

تابع..

[/center]

]لازم نصحى ياجماعة..انا مش حاطط الايتين دول ديكور..لا انا عايزك تبص فيهم كويس...
عايزك تعرف القصد منهم...

شوف الرسول لما بيقول لصاحبه...مابالك باثنين ربنااا ثالثهم...
دول حيبقوا ايه.؟؟.
حيبقوا فى مسجد ولا حيبقوا فى حفلة...
حيبقوا متجمعين على مصحف..ولا على بنات...

اعرف يابنى ياحبيبى..ان اى اتنين ربنا معاهم لا يمكن يخسروا..

دى رسالة لكل حد....رسالة للى عرفوا الطريق...لاتحزن ان الله معنا...

رسالة لكل اتنين صحاب.....خلى ربنا اساسكم ومتمشيش فى الطريق لوحدك
هو مش ربنا كان قادر ياخد الرسول للهجرة فى غمضة عين زى الاسراء...

لا تعبه ..علشان يعلمك..وراك الرسول وهو بيتعب ويشق علشان تشوف ان لازم صاحب صالح ياخد بايدك ويساعدك..اتعلم بقى...

رسالة لكل اتنين متجوزين او مخطوبين...خلوا ربنا اساس علاقتكم عمر مايدخل بينكم شيطان..
يبقى النتيجة ايه؟؟؟؟؟ حتبقى لاتحزن.....

يعنى مفيش حزن...مفيش زعل...مفيش طلاق..مفيش معاصى...
حياة سعيدة..حياة طهر..حياة نوووور...حياة رحماااات...

طيب بقى لو كان علاقة اساسها مش ربنا..علاقة حراام ..حب غلط....ايه النتيجة؟؟

عارفينها طبعا..العكس علطول...يبقى تحزن...حتحزن...محسومة من 1430 سنة...

يالا يااختى فوقى بقى..فوقى دلوقت قبل ماتحزنى...قبل ماتتعبى..خدى الخطوة وهاجرى...

ياجماعة يااخواتى ..اى علاقة علشان تنجح اساسها تلات محاور...
الاول...ارضاااء الله...بعد كده ارضاء الطرف التانى ثم ارضاء نفسك....

ربنا هو الاساااس...هو اللى بيدى ..يبقى لاازم هو اللى ياااخد....

سبحاااان الله علينا...والله العظيم قلبى حيقففف...افهم ياحبيب قلبى...

هى محسومة..يعنى ايه هو اللى يديلك وتحب غيره؟؟

يعنى ايه هو اللى يرزقك وتصرف فى كل حاجة الا ليه؟؟
يعنى ايه يديكى الجمال وتديه لغيره ؟؟

اصحووووا يامسلمين....فوقوووا بقى...

احنا لسه بنتكلم فى ايه؟؟؟لسا ورانا كتييير لازم يتعمل...

يالا يااخواتى ..يالا ياحبايبى ..خد النية ..يالا يالا متستناش...قولها دلوقت...

قوله جايلك يارب...قوله وعجلت اليك ربى لترضى..هاجر يالا...نية الهجرة لله..

الهجرة للطاعة...الهجرة للنور...اسالكم بالله نهاجر يااخواتى من كل معصية...خد ذنب واحد بس وحاول تسيبه لله..وشوف ربنا حيعمل معاك ايه....

اسف للاطالة كعادتى ..لكن والله مش بقدر...انا عايز اجى ابوس رجل كل حد فيكم مادام لله..
سامحونى...لكن كله يهون لله....انا بحبكم اوى والله...وربنا يعلم انكم كلكم احسن منى...
بس انا خايف على نفسى وعليكم...
كلمات ربنا يتقبلها مننا جميعا....عايزك ترد عليا لو سمحت..لو مردتش ادعيلى دعوة...

استودعكم الله...بحبك يارب...
اخوكم عبد الله الفقير الصغير الحقير..محمد طه....

ما شاء الله عليك اخى في اسلامى
ربنا يحفظك ويزيدك من علمه ومن حبه وحب خلقه
وعجلت اليك ربي لترضي
معاك اختك باذن الرحمن من المهاجرين اليه
ربنا يثبتنا ويجمع كل المتحابين فيه في جنان السماء
بس بجد المشكله ان الشباب دلوقتى مش بيشوفوا ان نجاح اى بدايه علاقة
بيكون اساسها ربنا ... كله بينظر للمحرمات الدنيا من غير ما يعقلها
او من غير ما يحسب ان كل كلمه ونظره وغيرها ... بتكون محسوبه عليه
بينظروا بس ل اللى شايفينه من بدايات انتشار المنكرات في مجتمعنا وبيحاولوا يقلدوه
ربنا يرحمنا ويعفو عنا
وبجد الايات دول معناهم جامد جدا

[b]يَا أَيُّهَا الَّذِينَ آمَنُواْ مَا لَكُمْ إِذَا قِيلَ لَكُمُ انفِرُواْ فِي سَبِيلِ اللّهِ اثَّاقَلْتُمْ إِلَى الأَرْضِ أَرَضِيتُم بِالْحَيَاةِ الدُّنْيَا مِنَ الآخِرَةِ فَمَا مَتَاعُ الْحَيَاةِ الدُّنْيَا فِي الآخِرَةِ إِلاَّ قَلِيلٌ{38} إِلاَّ تَنفِرُواْ يُعَذِّبْكُمْ عَذَاباً أَلِيماً وَيَسْتَبْدِلْ قَوْماً غَيْرَكُمْ وَلاَ تَضُرُّوهُ شَيْئاً وَاللّهُ عَلَى كُلِّ شَيْءٍ قَدِيرٌ{39}

ياسبحانك ياربي
وبردو كلمه جامده اوى لما قولت
بس انا خايف على نفسى وعليكم
بجد معناهم كبييييييييييييييييييييييييير اوى
هو بجد الموضوع كله روعه
بس دول فيهم معانى بجد كبيره لو تفكرنا فيهم

ربنا يكرمك ويعزك اخى الفاضل على اسلوبك الرائع والعبارت وكلماتك الاروع

واثابك الرحمن افضل خير في الدينا والاخره
ويدمنا على طاعته وخشيته وحبه

[/b]

جزاك الله عنا خيرا الجزاء يا اخى محمد
كالعادة طبعا موضوعك جميل اوى والحاجة الوحيدة اللى تتقال بعد الكلام الرائع ده هى
وعجلت اليك ربى لترضى
ربنا يعيينا على ذكره وشكره وحسن عبادته
فعلا احنا بجد محتاجيين نهاجر لربنا ونسيب الدنيا دى للى عايزها ادينا شايفيين ناس ابرياء بيموتوا من غير ذنب
والله لو ان اى حد مسئول قرا الايتين دول لحيبكى من خوفه من ربنا
احنا عايزيين نعاهد نفسنا اننا نكون عايشيين فى الدنيا دى ورافعين شعار
وعجلت اليك ربى لترضى
صدقونى حب ربنا ده هو الكنز المفقود مايعرفش قيمته الا اللى كان محروم منه وربنا رزقه حبه واسالوا مجرب
سبحان الله ده احنا ربنا عارض علينا اننا نعيش فى حضنه فى ارضه فى دنيته اللى خلقها لينا علشان نعبده
احنا للاسف اهتمينا بالدنيا اللى مخلوقة علشانا وضييعنا حق الخالق القادر الرازق الوهاب
............وقلوبنا دى ماتستاهلش اننا نجرحها ولا نلوثها باى حب حرام او اى علاقة غير شرعية
قلوبنا دى حب ربنا حيحميها ويداويها ويمليها عفة وطهارة
مفيش احلى ولا احسن ولا اجمل من احساس انك تسيب معصية مش لانك عايز ترضى اهلك ولا صحابك
لاء انت سبتها وتركتها علشان اللى احسن منهم كلهم تركتها علشان ترضى الله عزوجل
تركتها علشان تحس انك عملت حاجة صغيرة تعبر بيها عن مدى حبك ليه
بحبك يارب
كلمة جميلة لمن ذاق معنى حب الله بصدق
بحبك يارب
..............دعوة من اختكم ان الحياة فى طاعة الله احسن من الدنيا ومافيها
ربنا يهدى كل عاصى وكل شاب وكل بنت ويهديهم الى طريق الله
بارك الله فيك على الموضوع الجميل المتميز ده
بجد اول مرة حد يتناول موضوع الهجرة بالطريقة الممتعه دى
ربنا يكرمك ويعزك ويسهلك امرك ويجعله فى ميزان حسناتك
ويديم عليك طاعته وحبه
اللهم ارزقه حبك وحب من احبك وحب عمل يقربه من حبك
اللهم امين
دمتم فى طاعة الله

وعجلت اليك ربى لترضى
ماشاء الله على حضرتك وعلى موضوعك الجميل ده
ربنا يجزيك كل خير ويجعل هذا الموضوع فى ميزان حسناتك وفعلا لازم كلنا نهاجر لربنا ونسيب الدنيا ومشغلها لانه اللى بأيده كل شىء وبيساعدنا فى كل حاجه حولينا فالواحد بجد عايز يروحله عايز يقوله انا جايلك يارب تعبت من كل اللى حواليا انا بهاجر اليك عايزك ترضى عنى وتسمحنى وتفتحلى ابواب رحمتك انا بحبك ياربى
وان شاء الله حياتى كلها بشعار
وعجلت اليك ربى لترضى
وربنا يكرمك ويبارك فى حضرتك وربنا يحبك ويعزك

السلام عليكم ورحمه الله وبركاته
الله عليك يا استاذ محمد ماشاء الله كلام جميل جدا
ربنا يبارك فى حضرتك ويثبتك على الايمان والطاعه
وطبعا مع حضرتك فى الهجرة
وعجلت اليك ربى لترضى
هنقولها وبصوت عالى جدا وننشرها حوالينا
ربنا يكرمك ويبارك لحضرتك على الاسلوب الجميل
جعله الله فى ميزان حسناتك باذن الله

جزاكم الله خير جميعا وبارك فيكم.....شكرا جدا على رد حضراتكم ياافاضل واسف على التاخير فى الرد...

اختى روز ربنا يحبك ويبارك فى عمرك ويزيدك من فضله حضرتك مثال طيب للاخت المسلمة المثقفة وانا فعلا بستفاد فى مناقشاتى مع حضرتك...

اختى مريم..كعادة حضرتك انتى دايما مشرفانى بردودك اللى بتزيد الموضوع قيمة...ربنا يعزك يارب على مشاركتك القيمة الرااائعة...وصدقينى حضرتك والاخت روز ماشاء الله ماشاء الله للامام دايما وانا بحس بكده فى ردودكم...يعنى دلوقت بقيتوا اساتذة ماشاء الله...وانا بقول كده طبعا لان حضراتكم اخواتى اللى بتشرفونى دايما من اول مشاركتكم فى المنتديات...من اول هدية النجاح لو تفتكرى...دلوقت الله اكبر عليكم ربنا يزيدكم ياااارب ويبارك فيكم ويعلمك وينفع بيكم...

اخت ساحيا بالقران...ربنا يعزك يارب وينفع بيكى ..جزاك الله خير وحضرتك دايما مشرفانى بردودك اللى فعلا بتكون مفيدة ليا قبل اى حد تانى...ربنا يديم علينا جميعا تعاوننا فى الخير ويستخدمنا .. والحمد لله ان الموضوع نال استحسانك..زادك الله من فضله وشكرا على جهود حضرتك الاشرافية..ربنا يحبك...

الاخت نشوى محمد....جزاك الله خير وربنا يثبتك وينفع بيكى..وزى ماقلت لحضرتك قبل كده فعلا حضرتك من الناس اللى اضافوا للمنتدى روح جديدة واصبحت مواضيعك وردودك علامة مميزة وبنعرف علطول انها بتاعتك..ربنا يديم عليكى فضله ويزيدك يارب ويبارك فى عملك وعلمك..ربنا يحبك...

بجد ماشاء الله ماشاء الله على كلام حضرتك
ان عايزة اقول لحضرتك ربنا يباركلك في الذكاء اللي تناولت بيه موضوع الهجرة بجد براااااااااااااافو
يعني مثل العادة الواحد ميعرفش يعلق بعد كلام حضرتك
وعجلت اليك ربي لترضى
الله على كلمة الهجرة للنور الهجرة من الذنب الى الطاعة
الهجرة الى حب الله ورضوانه والله العظيم احلى حياة
الهجرة لازم تكون بدايتها توبة ورجوع الى الله ونيه صادقةفي الهجرة والهجرة يعني خلاص مفيش رجوع
وكمان الهجرة لازم فيها حد يؤنسك وياخد بايدك يعني الصحبة الصالحة
وكمان في طريق الهجرة يمكن الواحد تلاقيه صعوبات ومشاكل لازم يصبر ويوكل امره الى الله
ويبحث دايما على حاجات تعينه على الهجرة الى الله
بالاضافة الى انه لو الواحد فينا عايز يهاجر مثلا على مكان تاني مش ياخد معاه اهله واحبابه يبقى منرضاش بالهجرة لوحدنا وندعو كل اللي حوالينا يهاجرو ونرفع شعار صلاح واصلاح
وعجلت اليك ربي لترضى
والصلاة والسلام على حبيبي المصطفى صلى الله عليه وسلم
اخي محمد ربنا يباركلك في دينك وعلمك وعملك

ما شاء الله

ربنا يعزك ويبارك فيك أ / محمد ويجزيك الفردوس الاعلى ويفتح عليك وينف بيك الاسلام والمسلمين

اولا كل عام وانتم بخير وجميع الامة الاسلاميه باحسن حال ويارب تكون سنه هجريه سعيده على جميع المسلمين وتكون يارب سنه لنصرة وعز المسلمين اللهم آآآآآآآآمين

ثانيا : وعجلت اليك ربى لترضى

الله احنا عايشين يارب فى الدنيا دى ليك انت وبس كل اللى طمعانه فيه رضاك عنى وتقربنى منك وترزقنى حبك

مش عايشه فى الدنيا اللى بجد ولا حاجه

سيدنا محمد صلى الله عليه وسلم شبه نفسه فى الدنيا " بممعنى " مثله كمثل عابر سبيل فى يوم شديد الحر استظل بشجره ثم تركها وذهب
صدقت يا رسول الله

كمان سيدنا محمد صلى الله عليه وسلم شبه الدنيا بحاجه تانى "خروف متعفن"

كان صلى الله عليه وسلم هو واصحابه ماشين فى الطريق وكان فى خروف متعفن طلب من الصحابه ان يقتربوا منه فقال لهم صلى الله عليه وسلم انظروا الى هذا الخروف قالوا يا رسول الله لا نطيق رائحته فقال لهم هكذا الدنيا

صدقت يا رسول الله

شوفتوا الدنيا فى نظر سيدنا الخلق

احنا ليه نعملها قيمه ادينا عايشين وشايفين اللى بيحصل فيها كلها دمار ودم واحزان دنيا ملغبطه واحوال الناس متلغبطه

ياااااااارب اجعلنى اعيش ليك وبس اجعل كل عمل اقوم به خالصا لوجهك ارضى عنى وقربنى منك وارزقنى وجميع المسلمين حسن الخاتمه

وعجلت اليك ربى لترضى

ماشاءالله
كل عام وحضرتك بخير وجميع الاعضاء بخير وحمدالله على سلامة حضرتك
وعجلت اليك ربى لترضى
فعلا ياريت كلنا نرجع لربنا مش يبقى بس فى وقت الكرب يبقى فى كل وقت نهاجر لربنا ويبقى شعرى بحبك ياااارب
ونبقى عارفين ان كل حاجة بنعملها ربنا هيجزينا عليهاخير ومش تبقى الدنيا مهمة اوى كدة وبنتكالب عليها وعلى الرزق ونسينا ان الرزاق هوالله ولم ينسى الكافر افينسى المؤمن
وكمان بجدوالله احنا احسن امة والمفروض يبقى شعارنا الامر بالمعروف والنهى عن المنكر
(كنتم خيرامة اخرجت للناس تأمرون بالمعروف وتنهون عن المنكر)
وقدقال عمربن الخطاب رضى الله عنه فى هذه الايه من سره ان يكون من هذه الامة فليؤدى شرط الله فيها مش كل واحد يقول وانا مالى
ربنا يكرمك موضوع اكثر من رائع ربنا ينفع بيك ومش اناطبعا اللى هقول رأيى فى موضوع حضرتك يعنى
ربنا يعننا على طاعته ويبارك فى علمك وعملك اخى
معلش الكلام مش مرتب بس ده اللى حسيت انى عايزة اقوله

ماشاء الله كلمات روعة
ربنا يعزك و يفتح عليك أخي محمد طه
و إحنا معاك إن شاء الله في الهجرة
وعجلت إليك ربي لترضى

جزاكم الله خير وبارك فيكم وبلغكم منزلة الشهداء والصالحين اخواتى الافاضل..امينة...ايمان شعراوى...مكة...رحيمة...

ربنا يعزكم يارب وبتاسف فى التاخير....

اخت امينة..كلمات حضرتك كالعادة راائعة بتوصل لقلوبنا علطول لانها مليانة بحب الله واخلاص ليه نحسبك من المخلصين... ربنا يزيدك يارب...

اخت ايمان....حضرتك استاذتنا اللى دايما بنتعلم من كلامك ومشاركاتك القيمة والله اللى بتدل على فقه حضرتك الكويس..ربنا يعز بيكى الدين...

اخت مكة...ربنا يملا قلبك دايما بحبه كلماتك البسيطة الصادقة اللى دايما تطلع علطول من غير ترتيب هى دى اللى بتدخل علينا دايما لانها خارجة من قلب صادق محب لله...ربنا يحبك....

اخت رحيمة...جزاك الله خير على اشادتك ودعائك ربنا يتقبل منك ولكى كمان...وربنا يحبك على دعوتك بالهجرة لله وان شاء الله ربنا يعيننا جميعا عليها...شكرا على المشاركة القيمة...

اسف على تاخيرى ياجماعة..ادعولى بالله عليكم....

السلام عليكم ورجمة الله وبركاته
بجد مش عارفة اققولك ايه
ربنا يعزك ويزيدك ماشاء الله كلامك يفوق الحجر مش يفوق بشر بس
بس بجد عاوزين صحوة
صحوة اسلاميه وصحوة ضمير بجد لازم نفوق
لازم نصحى هنستنى ايه هنستنى لسة مندمناش
والله حرام الناس بستشهد وتجاهد واحنا لسة مافوقناش
مستنين ايه لسة مش عارفة والله
ربنا يهدينا جميعا
يلا مستنين ايه يلا نجاهد نفسنا زى ما اخونا محمد وجهنا الله يكرمو
ربنا بيحبنا وبنعد نعصيه كتيييييييييير واما بنستغفرو بيسامحنا
سبحان الله لاحول ولاقوة الا بالله
مستنين ايه ربنا غفور رحيم يااااااااااااااا
بحبك اوىىىىى يارب
يارب سامحنى يارب اغفرلى
انا وكل المسلمين
وربنا يكرمك يا اخى فى الله

انت مستنى ايه..حتيجى معانا ولا...؟؟ 8fz58908

انت مستنى ايه..حتيجى معانا ولا...؟؟ 8fz58908

انت مستنى ايه..حتيجى معانا ولا...؟؟ 3Qp58748

انت مستنى ايه..حتيجى معانا ولا...؟؟ Af658851

may ahmed كتب:: السلام عليكم ورجمة الله وبركاته
بجد مش عارفة اققولك ايه
ربنا يعزك ويزيدك ماشاء الله كلامك يفوق الحجر مش يفوق بشر بس
بس بجد عاوزين صحوة
صحوة اسلاميه وصحوة ضمير بجد لازم نفوق
لازم نصحى هنستنى ايه هنستنى لسة مندمناش
والله حرام الناس بستشهد وتجاهد واحنا لسة مافوقناش
مستنين ايه لسة مش عارفة والله
ربنا يهدينا جميعا
يلا مستنين ايه يلا نجاهد نفسنا زى ما اخونا محمد وجهنا الله يكرمو
ربنا بيحبنا وبنعد نعصيه كتيييييييييير واما بنستغفرو بيسامحنا
سبحان الله لاحول ولاقوة الا بالله
مستنين ايه ربنا غفور رحيم يااااااااااااااا
بحبك اوىىىىى يارب
يارب سامحنى يارب اغفرلى
انا وكل المسلمين
وربنا يكرمك يا اخى فى الله

جزاك الله خير اختى الفاضلة وبارك الله فيكى وربنا يعزك....انا سعيد جدا ومتشرف ان اول مشاركة لحضرتك تكون فى موضوعى...مشاركة رااائعة والله ..ربنا يحبك يارب ويعلمك وينفع بيكى..ويارب نقدر نجاهد نفسنا ونهاجر لله رب العالمين عن ومن كل معصية....شكرا على المشاركة والرد الطيب

السلام عليكم ورحمة الله وبركاتهماشاء الله عليك اخى الكريم بإذن الله ستكون من اكبر الدعاه وانا متأكده من ذلك جزاك الله خيرا وبارك الله فيك وثبتك على دينه

نرمين الطحاوى كتب:: السلام عليكم ورحمة الله وبركاتهماشاء الله عليك اخى الكريم بإذن الله ستكون من اكبر الدعاه وانا متأكده من ذلك جزاك الله خيرا وبارك الله فيك وثبتك على دينه

ربنا يحبك يارب والله..جزاك الله خير واشادتك الطيبة دى من كرم اخلاقك فانا الصغير الحقير والله اعلم بذنوبى ..سبحانه الستير... ..اسال الله العظيم ان يعلمك وينفع بيكى ويستخدمنا جميعا لنصرة دينه يارب...وارجو من حضرتك تشريفى بقراءة سلسلة بحبك يارب واجزائها فى القسم ده وان شاء الله ينولو استحسان حضرتك...وحسيب لحضرتك موضوع كويس كمان..ربنا يثبتك يارب وشكرا على المشاركة القيمة..
https://dhyatna.yoo7.com/montada-f1/topic-t17.htm

حبيبى,,,انا طبعا حافظ كل كلامك وموضوعاتك..بس انا قلت ارد فيها علشان تطلع والناس تقراها فى غيابك,,,ربنا
ميحرمنيش منك ويعينك وترجع بالسلامة ان شاء الله يااجمل حد فى الدنيا...

بسم الله ماشاء الله
والله العظيم ولا احسن شيخ يوصل لنا هذا الكلام بهذه الطريقه
الله عليك كلامك فوقنا من الغفله
واللا مبالاه ليا فى حياتنا
مش عارفه حسيت الشيخ حازم بيكلم نفس الحماس
والغيرة على الدين
ادعيلى بالله عليك
اهجر معكم واوعدك انى حهجر حاجات فى حياتى لازم اهجر عنها
لان ربنا اغلى من كل حاجه
يارب كلنا

نهجر ونساعد بعض
على الهجرة الى الله
ربنا يهديك ويهدى بيك ويجعلك سبب فى هدايت الشباب
جزاك الله خير الجزاء

اميرة بنت الاسلام كتب:: بسم الله ماشاء الله
والله العظيم ولا احسن شيخ يوصل لنا هذا الكلام بهذه الطريقه
الله عليك كلامك فوقنا من الغفله
واللا مبالاه ليا فى حياتنا
مش عارفه حسيت الشيخ حازم بيكلم نفس الحماس
والغيرة على الدين
ادعيلى بالله عليك
اهجر معكم واوعدك انى حهجر حاجات فى حياتى لازم اهجر عنها
لان ربنا اغلى من كل حاجه
يارب كلنا

نهجر ونساعد بعض
على الهجرة الى الله
ربنا يهديك ويهدى بيك ويجعلك سبب فى هدايت الشباب
جزاك الله خير الجزاء

جزاك الله خير استاذة اميرة على مشاركتك القيمة واشادتك وحسن الظن بالفقير صاحب الكلمات...والله لولا الخوف من التأله على الله لكنت قلت انى اقل واحقر اهل الارض مكانة ومنزلة والله على مااقول شهيد ..فهو العالم ببواطن الانفس والامور...

جزاك الله خير وربنا يصلح حالك ويرح بالك ويديم عليكى حبه وطاعته ويررزقك مرادك ويعلمك وينفع بيكى...
واسال الله لنا ولكى حسن الهجرة له والخضوع اليه والتوسل برحمته وكرمه..ربنا يحبك..

بسم الله ماشاء الله
موضوع جميل جداااااااااااا وبسيط جدااااااا فى كلامك
وبجد بجد بيوصل للقلب على طول
بسم لله ماشاء الله عليك

نفع الله بك الإسلام والمسلمين
أسأل الله لى ولكم ولكل المؤمنيين حسن الطاعة وزياده الطاعه

اسأل الله أن يجعلنا ممن حسُن إسلامهم
وممن يستمعون القول فيتبعون أحسنه
حفظك الله ورعاك وسدد على طريق الخير خطاك ..
دمت في حفظ الرحمن ورعايته

السلام عليكم ورحمة الله وبركاته....

جزاكم الله خير جميعا على الردود...

انا قلت ارد علشان الموضوع يطلع تانى ويتقرا للناس..بما انها مناسبته يعنى دلوقت..رزقنا الله واياكم الاخلاص فى القول والعمل..وكل عام وانتم بخير..

سلام عليكم
انا مش عارفة اقوووووووووووول ايه بجد دموعي سبقت قلبي وكلامي انا كنت محتااااجة موضوع زي دا لاني الفترة الاخيرة بعدت عن ربنا والله انا بجد كنت حزيينة بقت اقصر في كل حاجة وخلصت صلاة العشاء وفتحت الكمبيوتر وقولت هبدا من اللليلة وهروح اسمع محاضرة عن القران عشان هنبدا حفظ من بكرا بس فتحت الوقع ومعرفتش ايه الي خلاني افتح المنتدى دلوقتي مع اني ناوية اسمع محاضرة ولقيت موضوع حضرتك بجد انا الحمد لله مدام دموعي نزلت معنى كدا اني فوقت وانا حاسة بكدا دلوقتي الحمد لله انا بقالي فترة مشولة مع صحباي المسيحية ومن غبائي بقيت مشغولة ازاي اعرف اخطاء متبهم المقدس وسبت المحاضرات ووووو ولمكن الحمد لله ارجعت لربنا من تاني وموضوع حضرتك فوقني من تاني ياااااااااااه اد ايه احنا محظوظييييييييين بنعمة الاسلام والله المفروض 24 ساعة نصلي لبرنا بس عشان احنا مسلمين يعني مش مؤمنين لا مسلمييييييييين بس لانها بنؤمن بالاه واحد
انا عجبني كلام حضرتك خصوصا الجملة دي
digo[color=indigo]]ياجماعة يااخواتى ..اى علاقة علشان تنجح اساسها تلات محاور...
الاول...ارضاااء الله...بعد كده ارضاء الطرف التانى ثم ارضاء نفسك....
لاني لما بدات حوار النهاردا مع زميلي في المكتبة وفي مكان عام كنت معاه وكان معانا ناس على الطاولة بيزاكرو لكن مكنش حد من صحباتي معايا ودا طبعا مخالف لاوامر ربنا وفعلا النهاراد ايقنت انه شعان ااثر في الشخص دا وربنا يهدي على ايدي لازم انفذ اوامر ربنا واخلي حد من صحباتي يككون قاعد معايا لاني حسيت بالزنب والله وسبحان الله حسيت موضوع حضرتك جيه في وقته وانه رسالة من ربنا وفعلا لاااازم نهاااااااااااجر من الدنيا احنا لازم نعبد ربنا حق عبادته
انا كنت تعبااااااااااانة جدااااااااااااااااااااااااااااا من تقصيري بحق ربنا مع انه دايما بيحبني وجنبي قبل فترة كنت رايحة على الكلية ومتارخة وشوفت وحدة عجوز مسيحية وكبيرة في السن وشايلة حاجات تقيلة قلت لهيا اساعدك قالتلي بليييييييز حملت ليها الاكياس بتوعها ووصلتها لحد باب بيتها وكانت جنب الكلية وبعدها روحت الكلية لقيت صحبتي واقفة على الباب وبتقولي جيز(مربي فصلي) قلي هيتاخر نص ساعة بعدها فرحت جداا وقعدت اقول بحبك يااااااارب وصحبتي دي مش مؤمنة باي ديانة قلتلي انيت لكي بعد ما عرفت الي عملته قلت ليه لا دا ثقة بربنا وقبلها كنت طلبت شئ منر بنا والحمد لله ربنا نفذه ليا وبقولها كل شئ وهيا بتنبسط يعني بحاول الفت نظرها وربنا يهديها يااااااااااااارب
انا اسفة طولت لكن قلبي ملياااااااان كلام بس عايزة اشكر حضرتك اخي في الله على لاموضوع دا وجعله الله في ميزان حسناتك ونفع الله بك الامة الاسلامية.................

habebat_alr7man كتب:: سلام عليكم
انا مش عارفة اقوووووووووووول ايه بجد دموعي سبقت قلبي وكلامي انا كنت محتااااجة موضوع زي دا لاني الفترة الاخيرة بعدت عن ربنا والله انا بجد كنت حزيينة بقت اقصر في كل حاجة وخلصت صلاة العشاء وفتحت الكمبيوتر وقولت هبدا من اللليلة وهروح اسمع محاضرة عن القران عشان هنبدا حفظ من بكرا بس فتحت الوقع ومعرفتش ايه الي خلاني افتح المنتدى دلوقتي مع اني ناوية اسمع محاضرة ولقيت موضوع حضرتك بجد انا الحمد لله مدام دموعي نزلت معنى كدا اني فوقت وانا حاسة بكدا دلوقتي الحمد لله انا بقالي فترة مشولة مع صحباي المسيحية ومن غبائي بقيت مشغولة ازاي اعرف اخطاء متبهم المقدس وسبت المحاضرات ووووو ولمكن الحمد لله ارجعت لربنا من تاني وموضوع حضرتك فوقني من تاني ياااااااااااه اد ايه احنا محظوظييييييييين بنعمة الاسلام والله المفروض 24 ساعة نصلي لبرنا بس عشان احنا مسلمين يعني مش مؤمنين لا مسلمييييييييين بس لانها بنؤمن بالاه واحد
انا عجبني كلام حضرتك خصوصا الجملة دي
digo]ياجماعة يااخواتى ..اى علاقة علشان تنجح اساسها تلات محاور...
الاول...ارضاااء الله...بعد كده ارضاء الطرف التانى ثم ارضاء نفسك....
لاني لما بدات حوار النهاردا مع زميلي في المكتبة وفي مكان عام كنت معاه وكان معانا ناس على الطاولة بيزاكرو لكن مكنش حد من صحباتي معايا ودا طبعا مخالف لاوامر ربنا وفعلا النهاراد ايقنت انه شعان ااثر في الشخص دا وربنا يهدي على ايدي لازم انفذ اوامر ربنا واخلي حد من صحباتي يككون قاعد معايا لاني حسيت بالزنب والله وسبحان الله حسيت موضوع حضرتك جيه في وقته وانه رسالة من ربنا وفعلا لاااازم نهاااااااااااجر من الدنيا احنا لازم نعبد ربنا حق عبادته
انا كنت تعبااااااااااانة جدااااااااااااااااااااااااااااا من تقصيري بحق ربنا مع انه دايما بيحبني وجنبي قبل فترة كنت رايحة على الكلية ومتارخة وشوفت وحدة عجوز مسيحية وكبيرة في السن وشايلة حاجات تقيلة قلت لهيا اساعدك قالتلي بليييييييز حملت ليها الاكياس بتوعها ووصلتها لحد باب بيتها وكانت جنب الكلية وبعدها روحت الكلية لقيت صحبتي واقفة على الباب وبتقولي جيز(مربي فصلي) قلي هيتاخر نص ساعة بعدها فرحت جداا وقعدت اقول بحبك يااااااارب وصحبتي دي مش مؤمنة باي ديانة قلتلي انيت لكي بعد ما عرفت الي عملته قلت ليه لا دا ثقة بربنا وقبلها كنت طلبت شئ منر بنا والحمد لله ربنا نفذه ليا وبقولها كل شئ وهيا بتنبسط يعني بحاول الفت نظرها وربنا يهديها يااااااااااااارب
انا اسفة طولت لكن قلبي ملياااااااان كلام بس عايزة اشكر حضرتك اخي في الله على لاموضوع دا وجعله الله في ميزان حسناتك ونفع الله بك الامة الاسلامية.................

الله يفتح عليكى وبيكى استاذة حبيبة الرحمن....كلماتك فى منتهى الروعة والصدق..اسال الله لنا ولكم الاخلاص فى القول والعمل...

ربنا يارب يثبتك ويشرح صدرك ويفقهك فى الدين ويزيح عنك اى هم واى حزن واى ضيق...

وباذن الله حضرتك تتعلمى وتتعلمى وحتكونى من اكبر الداعيات ..بس نصيحة صغيرة بكررها لحضرتك...مالناش دعوة بغيرنا الا لما نعرف احنا مين...ماشى...

نعرف نفسنا الاول وبعدين نعرف غيرنا..صح كده..اكيد حضرتك متفقة معايا...

يعنى ده حتى الحكمة بتقول اعرف قدرات نفسك قبل ماتعرف قدرات الاخرين...

عارفة حضرتك لما كان يتعرض عليا عمل مناظرات على الروم الاسلامية مع نصارى ومبشرين..كنت برفض علطوول...لانى اعرف دينى الاول واكلم الناس فيه بعد كده ابقى اكلم دول عن دينهم...

وحضرتك هنا مش بتعملى دعوة لا..ده احنا بناظرهم..الدعوة فى اى وقت..لكن عشلن اهاجم..لازم اعرف ادافع..صح ولا ايه...

ربنا يوفقنا جميعا يارب الى مايحب ويرضى وشكر الله لكى وربنا يثبتك يارب...وتانى بكرر شكرى على الكلمات الجميييلة المعبرة دى ..ربنا يحبك وتقبلى ردى..

السلام عليكم ورحمة الله وبركاته

وعجلت اليك ربي لترضي

والله يا أستاذ محمد لإنها من احب الايات لقلبي

لاني اشعر فيها بمدي احتياجي لله عز وجل ومدي فقر له سبحانه

وحين قالها سيدنا موسي إنما قالها ليعبر عن شوق دفييييييييييييين لله

وعجلت إليك

لا ابغي سوى حبك ورضاك

تركت كل شئ لاجلك

ياله من معني وياله من شوق

ولما لله وهو عز وجل واهب النعم

هذه الايه حين اقرئها تبث في نفسي روح المنافسه والشوق الي رضا الله عز وجل

فأنا عجلت

وكان السبب

لترضي

يا الهي

اللهم تقبلنا في زمرة المساكين

واحشرنا مع المتقين

وثبت اقدامنا يوم الدين

وأدخلنا جنتك برضاك مع سيد المرسيلين

وأسكنا في عليين واغفر خطايانا يارب العالمين

أشكرك أستاذ محمد موضوع رااااااااااااااائع كعادتك دوما

بارك الله فيك وثبتنا وإياكم علي الحق

في زمن القابض فيه علي دينه كالقابض علي الجمر

بارك الله فيكي وجزاك الله خير ما يجازى رب كريم لعبد شكور

السلام عليكم ورحمة الله وبركاته

ماشاء الله ....... لاقوة إلا بالله
جزاكم الله كل خير أخى الكريم
والله موضوع على أد ماهو بيحمل معانى جميلة

وتقربنا من ربنا

لكن فى نفس الوقت الواحد بيخجل من نفسه

لأنه حاسس بالتقصير فى حق ربنا

وحاسس إنه كتير اوى عليه نعم ربنا والله يكفى حلمه علينا واحنا بنعصاه واحنا غافلين عنه

سبحان الله امرنا عجيب

احنا اللى محتاجين ربنا واحنا اللى معرضين عنه

احنا عطائنا لربنا خليناه مش ف اولوياتنا

احنا مين اصلا علشان نقول نعطى الله

واحنا لو قضينا عمرنا كله شكر لله مش هنوفيه حقه وياريتنا حتى بنعمل كدا

لا دا الشكر كمان مش بنقضبه

الحمد لله ان ربنا بيعاملنا برحتمه مش بعملنا

اللهم إن كنت لست أهلا أن تبلغنى رحمتك

فرحمتك أهل أن تبلغنى رحمتك وسعت كل شيئ وأنا شيئ

فلتبلغنى رحمتك ولتسعنى رحمتك

عبارة لاتحزن إن الله معنا

عبارة بحبها جداا وفعلا كانت معين ليا فى اوقات كتيرة

لما بحس ان ربنا معايا ف كل حاجة مش بخاف ولا بزعل

فى النهاية اخشى اننا نكون مش أد الأمانة
ونكون فعلا مش احنا اللى يتقال علينا دعاة وآمرين بالمعروف وناهيين عن المنكر
اللهم إستخدمنا ولا تستبدلنا
ولاتؤاخذنا بتخاذلنا وضعفنا
بارك الله فيكم
وجعل هذا الطرح بميزان حسناتكم

» ✿دى احب أكــــلاتنا ... اتفضلوا معانا ✿
» يلا ساهم معانا فى نشر رسائل الخير
» انطلاق حملة بحبك يارب...يالا معانا ولا ايه...
» شاركوا معانا في حملة الاستعداد للشهر الكريم(مرحب شهر الصوم)
» شاركوا معانا في حملة الاستعداد للشهر الكريم(مرحب شهر الصوم)