آآآآه وليه لأ ؟انا عايزة ات...وانتوا كمان(مشوارنا واحد ....للجنه )-متجدد

انا عايزة اتغير ........آآآآآه والله وليه لأ؟
**************************

السلام عليكم ورحمته الله وبركاته
سامحونى يا جماعه بس بجد والله نفسى اعير من نفسى و تكون فيه نقطه تحول عملى فى حياتنا ... نفسى نكون مع بعض فى طيارة التغيير دى وانا عايزاها تكون طيارة ونفاثه كمان مش اى حاجه تانيه عشان لما الواحد يقل شويه هيقل كام خطوه بس هيفضل برضه متقدم عن الاول ......... نفسى كل اسبوع يكون غير حاجه فى شيخصيننا لحال احسن مع ربنا يكون غير حاجه فى نيتنا وفى قلوبنا ........ لكن عايزين نكون مع بعض وده من باب ( وتعاونوا على البر والتقوى ) ........ واكيد ربنا يكرمه الاستاذ محمد طه كان ليه الخطوة الاولى فى سلسله بحبك يارب وان شاء الله بخطوات مستمرة معانا وربنا يجعله فى ميزان حسناته
طيب تقولولى ايه الموضوع يا ايمان زهقتينا بقى اخلصى !!!!!!!!!
اقولكوا صبركوا عليا والله هو ولا موضوع ولا حاجه انا نفس كل اسبوع ننزل درس او درسين بس مش اكتر من كده ......طيب وبعدين !!!!ان شاء الله احنا بعد ما انزل الدرس تانى يوم ان شاء الله انزله ملخص لكن برضه مش هو ده الهدف .........
هتقولولى امال ايه تعبتينا حرام عليكى ؟؟؟؟؟؟
هقلكوا براحه بس عليا ..... احنا عشان نثبت لربنا ان فعليا احنا بنحبك ياربى يا حبيبى فبعد كل درس هيكون فيه واجب عملى كالاتى تجاوبوا فيه على الاسئله دى(( ومش عايزين نبدأ من اولها بالكسل والخيابه ويا ابله ملحقتش اعمل الواجب بقى والحركات اللى حفظناها دى !!! انتوا قدامكوا اسبوع كامل بلاش حجج خايبه بقى.))..
1- الدرس اثر فيكى بنسبه كام فى الميه %
2- اكثر نقطه حسيت او حسيتى بيها قوى واقسمت او اقسمتى على نفسك انك هتغيريها من بعدسماعك للدرس ولغايه بقيه الاسبوع ( وطبعا مش عايزة اسمع حد بيقولى ااه لغايه الاسبوع ده وبعدين خلاص ذاتس انف ؟ لا مينفعش الكلام ده منهج حياه مسلم او مسلمه صح
3- عايزين دليل عملى ..... يعنى غير فيكوا ايه او طبقتيوه ازاى خلال الاسبوع ده ولو بموقف حصل معاكوا
4- اهم نقطه بقى وهى من باب ( بلغوا عنى ولو ايه ) ........ نشر الدرس بينا وبين اخوانا المسلمين فى المنتديات وعلى الموبايلات وعلى اسطوانات لان اى كلمه بنسمعها فهى حجه عليك سواء معملتش بيها او مبلغتش بيها اى مسلم
5- .تعطى لنفسك كام من 10 على تطبيق الدرس على الاسبوع ده
6- اخر واجب اسبوعى و له ارتباط فظيع بدرس الاسبوع ده هو حفظ القران لان مفيش انسان عايز يقرب من ربنا ومبيكونش بيحفظ القران او شايل الموضوع ده من دمماغه .....صدقونى ده مش اسمه التزام عشان كده هنكتب فى الاسبوع كل واحد حفظ قد ايه (كام ايه _ كام ربع _) وكل واحد بفقى وشطارته مع ربنا

طيب واخرتها يعنى هناخد ايه فى الاخرر من وجع القلب ده .......... لو قولتلكوا ان شاء الله هيكون فيه هدايا لاعلى درجات فى التطبيق ,,,,,,, اى نعم هى متواضعه شويتين بس مش عايزين تريقه .آآآه احنا داخلين عشان ربنا مش للهداليا اه بلاش طمع عشان الشيطان ميضحكش على حد فيكوا بالهدايا وتبدلوا نيتكوا بس ان شاء الله ربنا يستر اصل انا عارفه خيبه الشيطان معاكوا ان شاء الله مش هيقدر عليكو

تعالوا بقى معايا لاول درس اختارته نسمعه مع بعض بس بقلوبنا والدرس باختصار بيتكلم عن

وهو لشيخ ان شاء الله ربنا يجمعنا به مع النبى عليه الصلاه والسلام وانا بحب اسمعله جدا وان شاء الله يكون سبب فى تغيرنا للافضل مع ربنا
ولتحميله من التوقيع ان شاء الله
طيب ايه هى الخطوات الاولى لالتزامنا
ايه هى الخطوات اللى نقدر بيها نمنع حدوث اى انتكاسه
اول خطوة ان يكون عندك رغبة فى التغيير
لازم نحس اننا مش راضين باننا ننزل من نظر ربنا
لازم ناخد طريقنا لربنا
اذا كانت النية دى صادقة
اكيد هنوصل لاول الالتزام
ثاني خطوة لانيأس من رحمة الله و من انفسنا
ثالث خطوة كثرة الإستغفار
الإستغفار من اعظم الاسباب التى تستنزل بها رحمة الله
واحنا مش نافعين فى الدنيا او الاخرة الا برحمة من الله
قال الله تعالي " لو لا تستغفرون الله لعلكم ترحمون "
الإستغفار أمان من عذاب الله
قال الله تعالي " و ما كان الله معذبهم و هم يستغفرون "
قال رسول الله " العبد آمن من عذاب الله ما استغفر الله عز و جل "
(ملحوظه : الواجب عايزاه عشرة على عشرة والا :evil: )

طريقه لحساب 500 استغفاروبوقت قياسي جدا؟

افرد ايديى هلاقى فى كل صابع 3 عقل هنستخدم منهم 2 بس وهستغفر فى كل عقله 10 مرات ،
يعنى 10+10=20مرة في الاصبع الواحد
وعندك خمس اصابع في اليد المستخدمة للاستغفار اذا//

20*5=100مرة

اذا كررنا العملية خمس مرات فسينتج التالي//

100*5=500

وان لم تودي الاستغفار 500مرة فيكفي 100مرة امتثالا للحبيب المصطفي صلى الله عليه وسلم حيث كان يستغفر في اليوم مئة مرة
جربى التجربة المسلية مرة واحدة في اليوم ومش هتاخد منك الا دقايق قليله لكن بالمقابل ستكسبين الكثير الكثير من الحسنات والفضائل

وعليكى سلام الله ورحمته وبركاته
جزاكى ربى الفردوس الاعلى يا ايمى
ماشاء الله على العزيمه الجميله فى التغير
ربنا يبارك فيكى ويجعل كل خطوه تغير هنعملها فى ميزان حسناتك
بدايه جميله واسلوب سلس وحلو اوى
ربنا يديمك على طاعته يارب ويوفقك لما يحب ويرضى
وربنا يقف معانا كلنا ويثبتنا فى ان احنا نتغير للاحسن
اللهم امين

بجد وحشااااااااااااااااانى قوى يا ام فجر كان نفسى اكلمك من زمان وبج دشرفتى موصضوعى
وربنا يوفقنا لما يحب ويرضى بس اوعى تنسى الواااااااااااااااااااااااااااااااااااااااجب اااااااااااااااااااه انا مستنياكى يا جميييييييييييييييل وبكرة بالكتير ان شاء الله انزل ملخص الدرس
وربنا يحبك

وعليكى السلام ورحمة الله وبركاته

جزاكى ربى الفردوس الاعلى حبيبتى ايمى

الله اكبر

ما شاء الله لا قوة الا بالله

مش عارفه اوصفلك اد ايه انا فرحانه اوى بالخطوه اللى اخدتيها دى

بجد انا اول وحده محتاجها اوووووووووووى

وبجد مع بعض هتبقى احلى واجمل

ربنا يكرمك حبيبتى ايمى

وانا بحمل الدرس اهو وربنا ييسر طريق الطاعه والقرب ليه كمان وكمان يارب

بحبك فى الله يااحلى ايمى

وانتى عارفه كده كويس

بحببببببببببببببببك اووووووووووووووووى فى الله

ووحشااااااااااااااااانى جدا طمنينى عليكى

وعليكى السلام ورحمة الله
ماشاء الله الله اكبر
جزاكى ربى الفردوس الاعلى ياحبيبتى
حاجه جميله قوى وبدايه اروع
وطبعا كلنا هنفذها ياقمر وفعلا محتاجين الطريق ده طريق الاستغفار فى حياتك
استغفرك ربى واتوب اليك
وانا بحمل اول درس وان شاء الله هحفظه عشااااااااااااااان طماعه فى الهديه
والهديه اللى انا عايزاه هى رضا الله عشاااااان فعلا احنا كلنا هنا عشاااان عايزين نشتغل لربنا
اللهم اعنا على ذكرك وشكرك وحسن عبادتك
ربنا يحبك ياايمان
واشهد الله انى احبك فى الله

ملخص بدايه المشوارالاستغفار
*********************

اسباب هدايتنا مهما اختلفت لكن هنلاقيها كلها ليها حاجه مشتركه وهى اانا بجد عايزين نتغير
طيب انا عايزة امشى فى طريق ربنا ؟؟؟؟؟؟ ابدأ منين ......

أول طريق التوبة يبدأمن الاستغفار ..
قال تعالى {وَمَا أَرْسَلْنَا مِنْ رَسُولٍ إِلَّا لِيُطَاعَ بِإِذْنِ اللَّهِ وَلَوْ أَنَّهُمْ إِذْ ظَلَمُوا أَنْفُسَهُمْ جَاءُوكَ فَاسْتَغْفَرُوا اللَّهَ وَاسْتَغْفَرَ لَهُمُ الرَّسُولُ لَوَجَدُوا اللَّهَ تَوَّابًا رَحِيمًا} [النساء: 64] ..

بسم الله نبدا خطوة خطوة وايدينا فى ايد بعض
الخطوات الأولى في الطريق:
1- لازم يكون عندى العزيمة للتغيير: يعنى انا لازم اتغير والوقتى ولازم الح على نفسى فى التغيير ،( بس بلاش تسويف) بالله عليكو وهو الشبر الأول في التقرب إلى الله (ألح على نفسك في التغيير
2-اضع امامى محفزات التغيير : مثل: كرم الله تعالى-جمال الله تعالى- الخوف من الله تعالى-حب الله تعالى-حياء من الله تعالى-ذكر الجنة والنار.
3- ادمان الاستغفار : واشمعنى الاستغفار مش الصلاه او الذكر ؟ هقول لان الموضوع كله موضوع قلبى ولو صلُح قلبك هينصلح حالك كله..
.. قال صلى الله عليه وسلم "ألا وإن في الجسد مضغة إذا صلحت صلح الجسد كله وإذا فسدت فسد الجسد كله ألا وهي القلب" فلو القلب فاسد هتكون الصلاه من غير خشوع وده على كل العبادات هتلاقيها من غير تأثير فلازم اشيل الصدأ من على قلبى ...انظفه ....... اكنسه من ذنوبه .....اطهرة من غلافه الاسود اللى عليه
وللاستغفار فوائد وثمرات عظيمة ، منها ..

1) أعظم أسباب نزول رحمة الله ..قال تعالى {..لَوْلَا تَسْتَغْفِرُونَ اللَّهَ لَعَلَّكُمْ تُرْحَمُونَ} [النمل: 46] ..
والرحمة هي الوقود اللى هيحركك لطاعات كتييييير ان شاء الله .

2) أمان ووقاية من عذاب الله سبحانه وتعالى .. قال الله عز وجل {..وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ}[الأنفال:33] ..
فللاستغفار أهمية كبيرة في محو آثار الذنوب ورواسبها وحِفظك من عقوبتها.

3) سبب للسعادة الحقيقية .معظم الذنوب والمعاصى اللى بنقع فيها بيكون سببها جرينا وبحثنا عن السعاده ومش عارفين ان السعاده اللى بجد هى اللى فى طاعه ربنا ، والقُرب منه .. فوقتها بس هتنزل على قلبك السكينة والطمأنينة، وتعيش الجنة الحقيقية في قلبك ..
قال تعالى {وَأَنِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعًا حَسَنًا إِلَى أَجَلٍ مُسَمًّى وَيُؤْتِ كُلَّ ذِي فَضْلٍ فَضْلَهُ وَإِنْ تَوَلَّوْا فَإِنِّي أَخَافُ عَلَيْكُمْ عَذَابَ يَوْمٍ كَبِيرٍ} [هود: 3]

4) صفة دائمة للمؤمنين الذين مدحهم الله تعالى ..
قال عز وجل {وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَوَاتُ وَالْأَرْضُ أُعِدَّتْ لِلْمُتَّقِينَ} [آل عمران: 133]، فالاستغفار هو أول الطريق إلى الجنة .. وصفة للمُتقين اللى وعدهم ربنا عز وجل بالجنه ، قال تعالى {وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ} [آل عمران: 135]

5) وجعل الله عز وجل الملائكة تستغفر للمؤمنين ..
دلالة على عِظَم وشرف الإستغفار، قال تعالى { الَّذِينَ يَحْمِلُونَ الْعَرْشَ وَمَنْ حَوْلَهُ يُسَبِّحُونَ بِحَمْدِ رَبِّهِمْ وَيُؤْمِنُونَ بِهِ وَيَسْتَغْفِرُونَ لِلَّذِينَ آَمَنُوا رَبَّنَا وَسِعْتَ كُلَّ شَيْءٍ رَحْمَةً وَعِلْمًا فَاغْفِرْ لِلَّذِينَ تَابُوا وَاتَّبَعُوا سَبِيلَكَ وَقِهِمْ عَذَابَ الْجَحِيمِ} [غافر: 7] ..
ودعاء الملائكة مُجاب، قال يحيي بن معاذ لأصحابه في هذه الآية "افهموها، فما في العالم جنة أرجى منها. إن ملكًا واحدًا لو سأل الله أن يغفر لجميع المؤمنين لغفر لهم، كيف وجميع الملائكة وحملة العرش يستغفرون للمؤمنين".

6)سببً للقوة ووفرة الرزق ..
قال تعالى {وَيَا قَوْمِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَارًا وَيَزِدْكُمْ قُوَّةً إِلَى قُوَّتِكُمْ وَلَا تَتَوَلَّوْا مُجْرِمِينَ} [هود: 52] .. فيقوّيك على نفسك ويكون سبب في أن ربنا يُغلق الأسباب اللىبتكون حائل بينى وبين طريق ربنا .

7) سببًا للفوز بالجنة والسرور يوم القيامة .. قال النبي صلى الله عليه وسلم "طوبى لمن وجد في صحيفته استغفارا كثيرا" [رواه ابن ماجة وصححه الألباني]، وطوبى هي شجرة في الجنة مسيرة مئة عام .
وقال "من أحب أن تسره صحيفته فليكثر من الاستغفار" [السلسلة الصحيحة (2299)]

أعظم القربات إلى الله تعالى .. لو بنشكى من بعدنا عن ربنا عز وجل، فالاستغفار هو الذي هيوصلنى ويوصلك إلى القريب المُجيب ..
قال تعالى {..فَاسْتَغْفِرُوهُ ثُمَّ تُوبُوا إِلَيْهِ إِنَّ رَبِّي قَرِيبٌ مُجِيبٌ}[هود: 61]

9) ويكون سببًا في محبة الله لك .. فالله عز وجل هو الودود،
والودود: هو الذي يتودد له العباد فيحبوه ويتودد إلى عباده الصالحين فيجعلهم يُطيعوه ..
وإسم الله الودود لم يرد في القرآن الا مرتين، اولهم افي قوله تعالى {وَاسْتَغْفِرُوا رَبَّكُمْ ثُمَّ تُوبُوا إِلَيْهِ إِنَّ رَبِّي رَحِيمٌ وَدُودٌ} [هود: 90] ..

فلو انت عايز تحب ربنا ويكون مقابل الود ود كتر من الاستغفار

الواجب العملى ::::::

1- من حيث عدد الاستغفار : عايزين نمشى على هدى وخطى حبيبنا المصطفى محمد صلى الله عليه وسلم في الاستغفار ..
قال رسول الله صلى الله عليه وسلم "إنه ليغان على قلبي وإني لأستغفر الله في اليوم مائة مرة" [رواه مسلم]

فعشان نحيى قلوبنا ..
فميقلش استغفارك عن مائه لكن يطلع من قلبنا .بجد .

تخيلوا ان سيدنا ايو هريرة كان بيستغفر ربنا 12000 استغفار تقريبا ساعتين

2- من حيث الصيغه : اللى أوصانا بها النبي صلى الله عليه وسلم ..
قال صلى الله عليه وسلم "من قال أستغفر الله الذي لا إله إلا هو الحي القيوم وأتوب إليه غفر له وإن كان فر من الزحف" [رواه أبو داود وصححه الألباني] .. والفرار من الزحف من أكبر الكبائر. واحده من الموبقات السبع

واكيد ان شاء الله كلنا حافظين سيد الاستغفار..
قال رسول الله صلى الله عليه وسلم "سيد الاستغفار أن تقول اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء بذنبي فاغفر لي فإنه لا يغفر الذنوب إلا أنت" قال "ومن قالها من النهار موقنا بها فمات من يومه قبل أن يمسي فهو من أهل الجنة ومن قالها من الليل وهو موقن بها فمات قبل أن يصبح فهو من أهل الجنة"[رواه البخاري] ..

دى كانت اول خطوه فى الطريييييييييييق يا جمااعه ومش اى طريق ده الصراط المستقيم
اللهم انفعنا بما علمتنا وعلمنا ما ينفعنا واستخدمنا ولا تستبدلنا

انا اسفه جدا على تأخر تلخيص الدرس ولكن اتمنى ان شاء الله ينفعنا به
وربنا يبارك فيك يا ايمان وسأحيا بالقران ربنا يحبكم ويبارك فيكم ويرزقنا الصراط المستقيم

مشاركه محجوزة معلش بقى ............

ما شاء الله لا قوة الا بالله
اقول ايه بس ربنا يكرمك حبيبتى ايمان ويزيدك حماس
جزاكى ربى الفردوس الاعلى
وان شاء الله هكثر من الاستغفار
أستغفر الله الذي لا إله إلا هو الحي القيوم وأتوب إليه
استغفر الله واتوب اليه
اللهم اغفر لنا وتوب علينا انك انت التواب الرحيم
استغفرك اللهم من كل ذنب واتوب اليك

السلام عليكم ورحمة الله

ماشاء الله
جزاكى ربى الفردوس الاعلى حبيبتى ايمان ربنا يحبك
وجعله الله فى ميزان حسناتك
استغفرك ربى واتوب اليك
وان شاء الله هنكتر الاستغفار
ربنا يحبك ويعزك
بحبك فى الله

ربنا يرضى عنك يارب يا مى وان شاء الله نكون اخوات مع بعض على سرر متقابله فى الفردوس الاعلى واكيد ايمان شعراوى وزهرة وام فجر وايمان وحيد وسالى وبقيه بنات المنتدى والمسلمين جميعا مع بعض ان شاء الله فى الفردوس الاعلى بصحبه حبيبنا محمد عليه الصلاه و السلام

ماشاء الله
جزاكي ربي الفردوس الأعلى حبيبتي
و يجعل هذا العمل في ميزان حسناتك حبيبتي
جاري التحميل
نفع الله بك الأمة
أحبك في الله

السلام عليكم اخواتى يارب يكون الدرس الاول كلكم سمعتوه ويارب يكون لامس قلوبنا اللى عايزة تحب ربنا اما بالنسبه للواجب فان اشاء الله هجاوب بكل صراحه وان شاء الله الدرس التانى هينزل بعد الاجابه ا
1- الدرس الحمد لله غير فيا خلانى احس بجد باهميه الاستغفار واللى ليه مفعول السحر فى حياه او مسلم او مسلمه وبجد قد ايه الاستغفار بيغير فى حال الانسان وده حصل معايا غير نفسيتى قوى ريحنى قوى والحمد لله 2- اكثر نقطه حسيت او حسيتى بيها قوى واقسمت او اقسمتى على نفسك انك هتغيريها من بعدسماعك
ان شاء الله يكون استغفارى بقلبى اكتر منه بلسانى وميقلش عن 500-100 ويارب اوصل لما وصل ليه ايبو هريرة 12000 استغفار
3- عايزين دليل عملى ..... يعنى غير فيكوا ايه او طبقتيوه ازاى خلال الاسبوع ده ولو بموقف حصل معاكوا
بصوا انا الاسبوع ده بجد الاستغفار فرج همى اللى مش كنت عارفه جاى منين ((بينى وبينكوا هو اكيد من ذنوبى وتقصيرى مع ربنا
بقى وهى من باب ( بلغوا عنى ولو ايه ) ........ نشر الدرس بينا وبين اخوانا المسلمين فى
والله انا حاولت اوصله برسايل وفى توقيعى وطبعته على كذا اسطوانه ووزعتهم الحمد لله
6- اخر واجب اسبوعى و له ارتباط فظيع بدرس الاسبوع ده هو حفظ القران لان مفيش انسان عايز يقرب
بالنسبه للحفظ ولله الحمد حفظت بس عايزة اكتر ربنا يعينى (ربع حزب )
وبالنسبه للدرس فى المساركه الجايه ان شاء الله

السلام عليكم ورحمه الله وبركاته
********************
يارب تكونوا استفدتوا من اول درس معانا
وان شاء الله الدرس المرة دى بيتكلم عن آآفه خطيرة جدااااااااااااااااااا والله هى الوقت اللى معنى ضياعه هو ضياع درجات ومنزله عند ربنا
ومحتاجين عشان نعوض الوقت اللى ضاع مننا هو اننا نضاعف اعمالنا مع ربنا
اسيبكوا بقى مع الدرس والله المستعان
وبرضه مش هنسى اقول الواجب بتاع كل درس واللى للاسف كان نفسى تشاركونى فيه
1-قد ايه من القران تقدرى تقرأيه فى ساعه
2-فى عشر دقايبق قد ايه بتستغفرى ربنا فيهم (كام مرة )
3-بتدعى فى سجودك مع ربنا قد ايه هل ممكن تكونى بتدعيه فى دقيقتين ولا عشرة ولا بتحبى تفضفضى معاه وقد ايه الكتييييييييييييير بتاعك
4- ممكن تصلى فى الساعه كام ركعه ولو مش عارفه تحسبيها بالساعه طيب فى الربع ساعه بتصلى كام ركعه
5-فى 10 دقايق بتصلى على النبى كام مرة
6- لازم نغير عاده من عادتنا زى نوع الكلام اللى بنتكلم بيه على التليفونات او الماسنجرات يعنى للازم قبل ما نتكلم نكون منظمين كلامنا فى نقط
وكفايه كده عليكو والواجب ده مش من عندى لا ده من الدرس
ومنتظرين الاجابات على العنوان التالى
بنحبك يارب وطالبين رضاك ) )

من أجمل ما سمعت

لا تضيعي وقتك
Downloadللتحميل

السلام عليكم ورحمة الله
جزاكى ربى الفردوس الاعلى حبيبتى ايمان ربنا يحبك ويعزك
وبجد الاستغفار ده احساس جميل قوى والحمدلله طبقته خلال الاسبوع ده وحسيته اوى اوى
الاستغفار ده غير فيا كتير قوى والاستغفار فرج ليا كرب
استغفر الله الذى لا اله الاهو الحى القيوم وأتوب اليك

أستغفر الله طلبا للمغفرة ، والتوبة هي الرجوع إلى الله تعالى والإنابة إليه
بجد انا استفدت كتير قوى من الدرس كان جميل قوى قوى فى عز ضيقى اقول استغفر الله يااااااه على الاحساس اللى بعدها احسه ترتاحى جدا جدا
وفعلا الاستغفار يزيل قسوة القلب ويفرج الهم
استغفرك ربى وأتوب اليك

ربنا يكرمك ويعزك حبيبتى
وان شاء الله الدرس الجديد فى المشاركه الجايه

ربى اغلى كتب:: السلام عليكم ورحمه الله وبركاته
********************
يارب تكونوا استفدتوا من اول درس معانا
وان شاء الله الدرس المرة دى بيتكلم عن آآفه خطيرة جدااااااااااااااااااا والله هى الوقت اللى معنى ضياعه هو ضياع درجات ومنزله عند ربنا
ومحتاجين عشان نعوض الوقت اللى ضاع مننا هو اننا نضاعف اعمالنا مع ربنا
اسيبكوا بقى مع الدرس والله المستعان
وبرضه مش هنسى اقول الواجب بتاع كل درس واللى للاسف كان نفسى تشاركونى فيه
1-قد ايه من القران تقدرى تقرأيه فى ساعه
تقريبا جزء او اقل
2-فى عشر دقايبق قد ايه بتستغفرى ربنا فيهم (كام مرة )
بصراحة معرفش انا بستغفر من غير ما احسب الوقت
3-بتدعى فى سجودك مع ربنا قد ايه هل ممكن تكونى بتدعيه فى دقيقتين ولا عشرة ولا بتحبى تفضفضى معاه وقد ايه الكتييييييييييييير بتاعك
بصراحة مفيش وقت محدد كالعادة يعني بدعي ليا ولاخواتي وفي الله ولجميع المسلمين ووووو لما بكون مهمومة بفضض مع ربنا بسجد وبطول في السجود وبحس انه ربنا زي صاحبي يعني ببكي وبفضفض عن كل حاجة مضايقاني وبعدها برتاح
4- ممكن تصلى فى الساعه كام ركعه ولو مش عارفه تحسبيها بالساعه طيب فى الربع ساعه بتصلى كام ركعه
تقريبا عشر ركعات في الربع ساعة
5-فى 10 دقايق بتصلى على النبى كام مرة
بردوا معرفش مش بحسب الوقت
6- لازم نغير عاده من عادتنا زى نوع الكلام اللى بنتكلم بيه على التليفونات او الماسنجرات يعنى للازم قبل ما نتكلم نكون منظمين كلامنا فى نقط
ان شاء الله انا فعلا عايزة اغير نوع الكلام على الماسنجر والتليفونات والحمد لله انا حالياا شغالة على كدا بفضل ربنا اولا وبعدين بفضل اخواتي ي الله
وكفايه كده عليكو والواجب ده مش من عندى لا ده من الدرس
ومنتظرين الاجابات على العنوان التالى
بنحبك يارب وطالبين رضاك ) )
جزاكي الله خير بجد موضوع مميز وان شاء الله هنسبح اكتر وهنخلي التسبيح هو صديقنا الروحي
ربنا يعزك يا رب
بحبك في الله
من أجمل ما سمعت

لا تضيعي وقتك
Downloadللتحميل

يارب تكونوا استفدتوا من اول درس معانا
الحمدلله ياايمان فعلا الواحد استفاد منه كتير ولله الحمد وعرف اهميه الاستغفار فى حياتنا
وان
شاء الله الدرس المرة دى بيتكلم عن آآفه خطيرة جدااااااااااااااااااا
والله هى الوقت اللى معنى ضياعه هو ضياع درجات ومنزله عند ربنا
ومحتاجين عشان نعوض الوقت اللى ضاع مننا هو اننا نضاعف اعمالنا مع ربنا
اسيبكوا بقى مع الدرس والله المستعان
انا الحمدلله حملته وان شاء الله هسمعه واكيد جميل
وبرضه مش هنسى اقول الواجب بتاع كل درس واللى للاسف كان نفسى تشاركونى فيه
1-قد ايه من القران تقدرى تقرأيه فى ساعه
بقرأ قراءن فى ساعه جزء ونصف جزء ولله الحمد
2-فى عشر دقايبق قد ايه بتستغفرى ربنا فيهم (كام مرة )
والله مش ليه وقت معين بس الحمدلله بستغفر ربنا كتير
3-بتدعى
فى سجودك مع ربنا قد ايه هل ممكن تكونى بتدعيه فى دقيقتين ولا عشرة ولا
بتحبى تفضفضى معاه وقد ايه الكتييييييييييييير بتاعك
الحمدلله على كل شىء يعنى ربنا اعطلنا نعمه وهى الصلاه بشكر ربنا عليها كتير وبالذات السجود لأن اقرب مايكون العبد من ربه وهو ساجد فأكثروا الدعاء فالحمدلله بحب قوى اللحظه دى وادعي فيها للمسلمين ولبلدى ولكل الناس اللى اعرفهم وبحب افضفض كتير لربنا عشان هو اللى بيسمعنى ياااااه احساس جميل قوى بجد مش قادره اوصفهولك حبيبتى الحمدلله حمدا كثيرا
4- ممكن تصلى فى الساعه كام ركعه ولو مش عارفه تحسبيها بالساعه طيب فى الربع ساعه بتصلى كام ركعه

فى الربع ساعه بصلى ركعتين وطبعا يعنى مع زياده الركعات يعنى ممكن تقولى كده ساعه وشويه ولله الحمد
5-فى 10 دقايق بتصلى على النبى كام مرة
مش بحسب والله وقت بس الحمدلله برده
6-
لازم نغير عاده من عادتنا زى نوع الكلام اللى بنتكلم بيه على التليفونات
او الماسنجرات يعنى للازم قبل ما نتكلم نكون منظمين كلامنا فى نقط
ان شاء الله وربنا يعنا
وكفايه كده عليكو والواجب ده مش من عندى لا ده من الدرس
ومنتظرين الاجابات على العنوان التالى
بنحبك يارب وطالبين رضاك ) )
ربنا يحبك ويعزك حبيبتى ايمان بجد موضوع جميل قوى
جعله الله فى ميزان حسناتك
بحبك فى الله

وعليكم السلام ورحمه الله وبركاته

اولا بعتذر ياايمان عن تأخيرى وتقصيرى فى الرد والمشاركه فى الموضوع الطيب ده
ماشاء الله ،، ربنا يتقبل منك عملك ومجهودك يارب
وجزاك الله كل خير على الحلقات والتلخيص والأفكار الغاليه لعلو الهمه والثبات

ربنا يبارك فيك يارب وجعله الله فى ميزان حسناتك

الله اكبر

ما شاء الله

بارك الله فيكى حبيبتى ايمى

وجزاكى ربى الفردوس الاعلى يارب

بجد انا فرحانه قوى لانى بجد حاسه بحاجه جديده وحماس جديد اننا كلنا نتغير

استعداد لرمضان

وانتى السبب حبيبتى ربنا ييسرلك كل عسير ونولك كل موناكى

بحبك فى الله قوووووووووووى

استغفر الله واتوب اليه ..استغفر الله واتوب اليه..استغفر الله واتوب اليه

السلام عليكم ورحمته اللله وبركاته
****************************
ربنا يثبتكوا يا بنات جميعا ويبلغنا رمضان واحنا ثابتين على دينه وطاعته
ويرزق كل واحده فينا باللى تتمناه
ونعيش حياتنا فى رضا ربنا
بجد انا فرحت قوى اننا متابعين مع بعض وبحماس للتغيير اللى نتمنى انه يزود رصيدنا مع ربنا ان شاء الله (( اللهم تقبل ))وربنا يحبك يا ايمان شعراوى وميوش وشاهى وحبيبات الرحمن وكلكم ان شاء الله ويظلنا فى ظله يوم لا ظل الا ظله

السلام عليكم ورحمة الله وبركاته
وفي ذل فليتنافس المتنافسون ربنا يجازيكي كل الخير حبيبتي في الله
بجد متخيلتش انه صدقة جارية ربنا يثيبك عنا خير الجزاء
واسمحي لي ابعته ايميل لانه مفيد جداااااااااا عسي ان ينفع بموضوعك وكلماتك اناس قد ضلوا طريق الله
ربنا يزيدك من فضله وهداه وبركته ويجعلك سبب لمن اهتدي
ويجعلنا ممن يستمع القول فيتبع احسنه اللهم امييييييين

ماشاء الله ..........عليكى يا سما
وبتقولى اسمحلك انك تنقلى الدروس ..........
اصلا ده من حق كل اخ او اخت فينا انه ينشر الدروس دى لله طمع فى رضا ربنا
ودى مش تخصنى فربنا يجزينا واياكى كل خير يا سوما
ان شاء الله فى المشاركعه الجايه الدرس الجديد واوصيكم يا جماعه ان شاء الله بنشر الدروس دى للاستفاده الاعم لاخواتنا

[

يلا يا بنات الهمه
ربنا يزيكم همه وحماس لدين ربنا كده
والله كل واحده بتدخل وتستفاد من الدروس الحمد لله بتفرحنى قوى
ده غير الواجبات ما شاء الله ربنا يرزقكم الصدق والاخلاص فى العمل
درس الاسبوع وان شاء الله معلس بقى هو هيكون درس لاسبوعين كاملين
عشان اللى فاته درس يرجعله تانى
وكان نفسى يا جماعه حد يشارك معايا فى تلخيص الدروس دى انا فان شاء الله اللى عنده استعداد يلخص بس يشاور بس كده وانا اركن على جنب على طول وادعيله
ودرس الاسبوع متعلق نوعا ما بالرسايلالرمضانيه اللى يارب تكون بتدخل جوا القلوب لا....زان شاء الله تكون بتخترق القلوببب الجميله دى
درس النهارده اسمه سجده قلب

آآآآه وليه لأ ؟انا عايزة ات...وانتوا كمان(مشوارنا واحد ....للجنه )-متجدد Sajdet-heart

إن رقة القلوب وخشوعها وانكسارها لخالقها وبارئها منحة من الرحمن وعطية من الديان تستوجب العفو والغفران، وتكون حرزاً مكيناً وحصناً حصيناً مكيناً من الغي والعصيان. ما رق قلب لله عز وجل إلا كان صاحبه سابقاً إلى الخيرات مشمراً في الطاعات والمرضاة. ما رق قلب لله عز وجل وانكسر إلا وجدته أحرص ما يكون على طاعة الله ومحبة الله، فما ذُكّر إلا تذكر، ولا بُصّر إلا تبصر، و ما دخلت الرقة إلى القلب إلا وجدته مطمئنا بذكر الله يلهج لسانه بشكره والثناء عليه سبحانه وتعالى، وما رق قلب لله عز وجل إلا وجدت صاحبه أبعد ما يكون عن معاصي الله عز وجل.
فالقلب الرقيق قلب ذليل أمام عظمة الله وبطش الله تبارك وتعالى.
ما انتزعه داعي الشيطان إلا وأنكسر خوفاً وخشية للرحمن سبحانه وتعالى.
ولا جاءه داعي الغي والهوى إلا رعدت فرائص ذلك القلب من خشية المليك سبحانه وتعالى.
القلب الرقيق صاحبه صدّيق وأي صدّيق.

القلب الرقيق رفيق ونعم الرفيق.

ولكن من الذي يهب رقة القلوب وانكسارها؟
ومن الذي يتفضل بخشوعها وإنابتها إلى ربها ؟

جزاكى ربى الفردوس الاعلى يارب

انا حملت الدرس وبسمعه دلوقتى

ربنا يكرمك ويبارك فيكى ويبارك فى شيخنا هانى حلمى

بحبك فى الله

» ........................دعوه للجنه.....................
» امتحاناتى كمان اسبوع..............
» الفن بيتاكل كمان ، اتفضلوا شوفوا
» لعبة عايزة تركيز
» عايزة اعرف حاجة واحدة بس