سلسلة بحبك يارب..وصلت..موضوع جامد جدا..1

]مع كل دفقة دم ... مع كل نبضة قلب ... مع كل خطوة وهمسه ... مع كل عبرة تقطر ... وكل نفس يخرج ... في ليل المحبين ... و أسحار المستغفرين ... ينطق القلب قبل اللسان ... بحبك يارب ....

مع شوق السابقين .... ودعاء المضطرين ... و ظمأ الصائمين ... و نصب القائمين ... مع كل قطرة دم سالت في سبيل الله ... يمتلئ الكيان بحبك يارب ...

هتسالوني ... لماذا أحبه ؟؟؟

وأجيب ... وكيف لا أحبه ؟؟؟ ....

عندما تعجز اليد عن الكتابة ... والقلب عن الاحتمال ... والعين عن كف الدموع ... واللسان عن عدم الذكر ... عندها اعلم انه حب الله في قلبك ....

أحبه لأنه رحيم ... أحبه لأنه ودود .... أحبه لأنه قيوم ... أحبه لأنه ربي ....

فى هذه السلسة التى لن تكتب بالحروف ولكن بالمشاعر ... اكتبها اليكم لا لكي تقرأها أعينكم ... ولكن لتحس بها قلوبكم ... وتنشغل بها عقولكم ... وتجتهد أناملكم فى المساهمة فيها بمشاعركم ... فلست وحدي من سيكتبها ... ولكن ستكون إن شاء الله محاوله منا لكتابة جزء من ما نشعر به من حب لله ... أو مما شعر به غيرنا من حب لله ...

وكما قراتم من العنوان هذه هي ((البداية)) ...

ونسال الله العون على التمام والاستمرار .... وأن يكتب لهذه السلسة القبول .... وأن يفتح لها القلوب ... وأن يتقبلها منا .. وأن يرضى بها عنا ...[/size]

آية ... من كتاب الله ... كلام ربي ... من سورة النجم ... (( مش هتقدر تمسك قلبك )) (( يرجى من اصحاب الأمراض القلبية أو من اصحاب الاحاسيس المرهفة عدم اكمال الموضوع إلا فى وجود دوا القلب جنبهم أو على الأقل علبه مناديل حجم كبير ))

جمد قلبك واقرأ بس الأول ونتناقش فى الآية بعد شوية :

{الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ إِنَّ رَبَّكَ وَاسِعُ الْمَغْفِرَةِ هُوَ أَعْلَمُ بِكُمْ إِذْ أَنشَأَكُم مِّنَ الْأَرْضِ وَإِذْ أَنتُمْ أَجِنَّةٌ فِي بُطُونِ أُمَّهَاتِكُمْ فَلَا تُزَكُّوا أَنفُسَكُمْ هُوَ أَعْلَمُ بِمَنِ اتَّقَى }النجم32

هل حد فيكوا عارف الآية اللى قبلها إيه ؟؟

{وَلِلَّهِ مَا فِي السَّمَاوَاتِ وَمَا فِي الْأَرْضِ لِيَجْزِيَ الَّذِينَ أَسَاؤُوا بِمَا عَمِلُوا وَيَجْزِيَ الَّذِينَ أَحْسَنُوا بِالْحُسْنَى }النجم31

يعنى الذين أحسنوا الذين يجتبون كبائر الاثم والفواحش إلا اللمم ...

مش ممكن أفصح فصحاء الأرض يلاقي كلمات فى اى لغة من لغات العالم بعدها إلا ما قاله الله عز وجل
إن ربك واسع المغفرة ...

بحبك يارب ...

وفي الآية بعد كده .... هو أعلم بكم ... تشعر فيها بالحفظ من الله عز وجل ليك ... وبرحمة الله بك ... و وده بك .... من أول ما كنت جنين فى بطن أمك .... يعنى من قبل ما تاخد اول نفس فى حياتك والله يمدك بقوتك - سبحان المقيت -... ورزقك ... ويحفظك ... ويرعاك ...

يعلم عنك كل كبيرة وصغيره فى حياتك .... يعلم ما يحزنك وما يسعدك ... يعلم عنك كل حسنة عملتها وكل حرف قرآن قرأته وكل درس علم روحتله .... وكذلك يعلم عنك كل ذنب اقترفته ... وكل معصيه عملتها ... ومع ذلك ... يبسط يده بالليل والنهار لك لتتوب ... تقدر تقول حاجة غير .... بحبك يارب ....

المشاعر في هذه الآية كثيرة جدا جدا جدا ... وبجد عايزين نبكي لما نقراها ... ونحفظها ونعلقها ... ونعملها خلفيه شاشة ونحطها على الديسك توب ... وخلفية للموبايل ...

القرآن ياجماعة بإذن الله غير حياة الصحابة .. والتابعين والسلف .... لازم نستغل الفرصة ... ونتغير احنا كمان ...

فليتك تحلــو و الحــــياة مريرة *** و ليتك ترضى و الأنام غضاب

وليت الذي بيني و بينك عامر *** و بيني و بين العالمين خراب

اذا صحّ منـك الودّفالــكل هيّن *** و كل الذي فوق التراب .. تراب

<<<<<< بحــــــــــــــــــــــــــبك يــــــــــــــــــــــارب

الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ إِنَّ رَبَّكَ وَاسِعُ الْمَغْفِرَةِ هُوَ أَعْلَمُ بِكُمْ إِذْ أَنشَأَكُم مِّنَ الْأَرْضِ وَإِذْ أَنتُمْ أَجِنَّةٌ فِي بُطُونِ أُمَّهَاتِكُمْ فَلَا تُزَكُّوا أَنفُسَكُمْ هُوَ أَعْلَمُ بِمَنِ اتَّقَى }النجم32

ياااااااااااااااه شفت كلمة واسع المغفرة

يفتح لك أبواب السماء ليتقبل دعائك لأنه واااااااااااسع المغفرة

ينزل لك في السماء الدنيا لأنه واسع المغفرة

انت حاسس بمدى المغفرة

وبعد كل ده مش حاسس بحبه يملأ قلبك

هُوَ أَعْلَمُ بِكُمْ

عليم بك

عليم بذنوبك

عليم برغبتك للتوبة

توب بقى...

ماهو فاتح لك أبواب سمائه...

وَإِذْ أَنتُمْ أَجِنَّةٌ فِي بُطُونِ أُمَّهَاتِكُمْ

شفت وانت جنين

ضعيف

أنشأك

جعلك ما جعلك فيه

رتبلك جعلك هكذا

تخيل من وانت جنين صغير

ونصيبك مكتوب وقدرك مكتوب

وكل شئ مرتب لك

عشان تكون في مكانك ده وبعد كل ده أكيد كل إحساسك إنك لازم تقول بحبك يارب

وكيف لا تحبه وكل خطوة في حياتك رتبها لك

رتبلك كل خطوة غيرك بيعملها عشان تكون كدة...

شوف أجمل حاجة في حياتك

شوف إلتزامك

إزاي انت بقيت مسلم وبتحبه

دي أكبر حاجة في حياتك تشكره عليه وتعجز عن شكره

شوف حصل ايه عشان تكون في مكانك

{ .... وَمَا تَسْقُطُ مِن وَرَقَةٍ إِلاَّ يَعْلَمُهَا ..... }الأنعام59

عارف كل الخطوات محسوبة عشان تبقى مسلم..

شوف فضلك إزاي عن غيرك عشان تبقى مسلم..

تخيل وانت جنين اتولدت وكنت ضعيف

كبرت واستقويت وفاكر محدش ادك

مشيت في طريق بعيد عن طريق ربنا

تذكر كدة كم موقف أثر فيك عشان توصل لإلتزامك

والموقف ده كم موقف اترتب له عشان يحدث

شوف مين كان جاي من سفر مخصوص عشان يقولك كلمة اثرت في قلب

شوف لما فتحت التليفزيون قدرا وسمعت كلمة اثرت فيك

وقبلها لما حددوا ميعاد البرنامج ده

وقبلها لما انت كنت هتخرج وجلست

[size=25]وقبلها لما فضلت تقلب في القنوات عشان تقع على مسامعك كلمة واحدة تغير مجرى حياتك[/size]

شوف مثلا ً داخل غرفة ولا حاجة

واخ يدخل يقول كلمة ويخرج وتأثر فيك

تخيل كام موقف حصل عشان يوصلك الأخ ده..

ولا لما كنت ماشى صدفه وسمعت اية من المسجد خلت قلبك يرتجف ..

وشوف كام موقف من ده حصلك في حياتك..

انت حياتك كلها اساسا من تريب الله

بس تريب يجعلك تحبه

تحبه

وحبه يملأ قلبك

انت معني بإرادة الله عشان تكون مسلم

ويكفي كلمة مسلم دي

تخيل ..

كل الي انت فيه مش وليد لحظة

ده تريب و تقدير من لدن الحكيم الخبير

بعد كل ده مش هتقدر تحبه

أجمل حاجة في حياتك

شفت كيف رتبت لك عشان توصلك

شفت حصل ايه

انت لازم تحبه

ولازم حب ربنا وإحساسك بفضله يعجزك عن الشكر

لازم تحس إنك عاجز عن شكره

وحبه يملأ قلبك

ربنا يبارك فيكم وينفعكم وعيزكم تدعوا للاخ ابو يحيى صاحب فكرة السلسلة دى...يارب اجعلها فى ميزاننا وميزانه يارب..
احبكم فى الله وانتظروا بقية الاجزاء ان شاء الله....]

جزاك الله خيرا ..جعله الله فى ميزان حسناتك .. يمكن انا ليا بس تعليق واحد .. لا هما اتنين .. واسمحلى انا قل من انى اعلق على كلامك .. لكن ليا ملحوظتين .. اولهم انك تجعل للخواطر او لحلقات السلسله بتاعة حضرتك اسماء ..يعنى افضل من 123..الخ ..وخير الكلام يااخى ماقل ودل .. والله انا مش عاوزة ادايق حضرتك لكن عن تجربه اكتر حاجه تجمع القلوب حولك جمل بسيطه تحمل معانى كثيرة يستنبطها القارئ.. يعنى تقدم من كلماتك افكار تخدش بها تفكير القارئ .. وهتلاقى التفاعل وهتلاقى الناس هى اللى بتكمل الموضوع..والله انا اسفه معنتش هعلق بكلام كده تانى .. بس انا صعب عليا الخير ده كله يروح كده.. بعتذر من حضرتك وجزاك ربى الفردوس الاعلى

rahik كتب:: جزاك الله خيرا ..جعله الله فى ميزان حسناتك .. يمكن انا ليا بس تعليق واحد .. لا هما اتنين .. واسمحلى انا قل من انى اعلق على كلامك .. لكن ليا ملحوظتين .. اولهم انك تجعل للخواطر او لحلقات السلسله بتاعة حضرتك اسماء ..يعنى افضل من 123..الخ ..وخير الكلام يااخى ماقل ودل .. والله انا مش عاوزة ادايق حضرتك لكن عن تجربه اكتر حاجه تجمع القلوب حولك جمل بسيطه تحمل معانى كثيرة يستنبطها القارئ.. يعنى تقدم من كلماتك افكار تخدش بها تفكير القارئ .. وهتلاقى التفاعل وهتلاقى الناس هى اللى بتكمل الموضوع..والله انا اسفه معنتش هعلق بكلام كده تانى .. بس انا صعب عليا الخير ده كله يروح كده.. بعتذر من حضرتك وجزاك ربى الفردوس الاعلى

لا لا لا خااالص والله..انا بس عايز اوضح لحضرتك حاجة...

الحمد لله رب العالمين السلسلة عملت صدى واااسع جدااا..والمنتدى ده اصلا جى منها هى الاساس يعنى..اساس الحمله ..واساس المنتدى...

يعنى لما السلسلة نجحت وكان فى رد عليها بالالاف فى كل المنتديات ..قلنا نستغل نجاحها ونعمل ليها حملة..بعد كده منتدى خاص ..فهمانى حضرتك...ده حتى اطلب انها تتقدم فى برنامج على احدى القنوات واكون معد ليها ..تخيلى...

الحمد لله رب العالمين يعنى..اصل انا بصراحة شفت حضرتك بردك الجميل ده صعبان عليكى مجهودى يروح كده..فانا حبيت اطمنك بس...بعرفك ان كل الاعضاء مردوش لانهم قروها الحمد لله وعارفينها كويس وهى اصلا اللى خليتهم يعرفو عبد الله الفقير محمد طه...بس هى زى ماقلت لحضرتك مكانها الاساسى منتدى محبى مصطفى حسنى اللى كل الاعضاء اللى معانا دلوقت جايين من خلاله..وبعد كده انتشرت فى كل المنتديات ومنهم منتدى الموقع الرسمى بتاعه وممكن حضرتك تروحى تشوفى الردود هناك دلوقت..

والاسهل بقى انك تكتبى بحبك يارب فى جوجل..وشوفى بقى الفضل اللى ربنا منه علينا...

الحمد لله..الحمد لله..الحمد لله...
هذا من فضل الله...وعايز افتكر كمان فى الموقف ده الاخ ابو يحيى صاحب فكرة السلسلة دى...ربنا يعزه...

شكرا يااختى يافاضلة على شعورك الطيب اللى حاسس بيه والله علشان كده حبيت اوضحلك...انا حسيت انى صعبت عليكى فقلت لا مش عايز حضرتك تضايقى ..ههههه..الحمد لله السلسلة دى بجد هى اساس اى فضل انا وصلتله..او السبب اللى ربنا حاطه يعنى...

ربنا يحبك يارب..وارجو من حضرتك قراءة باقى الاجزاء ..ان شاء الله يعجبوكى...

جزاك ربى الفردوس الاعلى .. وانا اسفه والله فعلا انا لما لاقيت محدش كتير بيشارك .. يعنى الحمد لله ان حضرتك وضحتلى الامر .. ويمكن انا عشان مش بدخل منتدى محبى الاستاذ مصطفى حسنى مش كنت اعرف عن فريقكو من الاول .. بس لازم حضرتك توافق على فكرة البرنامج .. فيه حد يرفض خير زى ده..صلى استخاره وربنا معاك .. وخلاص حضرتك مش بقيت تصعب عليا ..جزاك الله خيرا ربى يستخدمك لنصرة دينه اوصيك بالاخلاص وقيام الليل

جزاك الله خيرا يا اخى محمد على الكلام الجميل ده
بجد انا كل لما احس انى مدايقة ولا حاجة بدخل واقرا السلسلة بتاعت حضرتك
ربنا يباركلك على كل حرف كتبته فى السلسلة دى ويجعلها فى ميزان حسناتك
وربنا يكرمك على كل واحد قرا السلسلة دى وحاول يغير من نفسه ويبقى احسن
وطبعا كلام حضرتك ده شبه المسكن لما نحس بأى ألم ندخل ونقرا
جزاك الله عنا خيرا
ونفع بك الاسلام والمسلمين

مريم البتول كتب:: جزاك الله خيرا يا اخى محمد على الكلام الجميل ده
بجد انا كل لما احس انى مدايقة ولا حاجة بدخل واقرا السلسلة بتاعت حضرتك
ربنا يباركلك على كل حرف كتبته فى السلسلة دى ويجعلها فى ميزان حسناتك
وربنا يكرمك على كل واحد قرا السلسلة دى وحاول يغير من نفسه ويبقى احسن
وطبعا كلام حضرتك ده شبه المسكن لما نحس بأى ألم ندخل ونقرا
جزاك الله عنا خيرا
ونفع بك الاسلام والمسلمين

الله يعزك والله يااخت مريم على كلامك الجميل اللى اكبر منى ده...

وصدقينى فعلا زى ماحضرتك بتقولى ..تخيلى انا اللى كاتبها لما ببقى متضايق فعلا بدخل اقراها...

والله بتهون عليا كتير وبتشحننى كده رغم انى اللى كاتبها..خاصة طبعا الجزء التالت والرابع..بجد بحس ان هما حتة منى او ولادى والله...
انا بجد اى فضل وصلتله هى شوية الحروف دول اللى ربنا من عليا بيهم كانوا السبب...والله على مااقول شهيد...

متتخيليش الخير قد ايه بسببها..الحمد لله رب العالمي ورنا يجزى صاحب الفكرة كل خير والله...

بشكرك على اشادتك وحضرتك طبعا من الناس اللى شجعونى على استكمال السلسلة دى..وان شاء الله حيبقى فيه اجزاء تانية كتير..بس ربنا يسهل ونستقر شوية ونوصل المنتدى ده للى احنا عايزينه ان شاء الله..بعد كده نتفرغ بقى...ربنا يحبك يارب...

جزاك ربى الفردوس الاعلى اخ محمد
ماشاء الله والله انا قدرا لسه واخده بالى من السلسه
سبحان الملك انا بجدا مبسوطه جدا
الحمد لله ربنا بيحبنى علشان كده قدر ليا انى اقرائها
ربنا يعزك ويجعلها فى ميزان حسناتك
والله كل لما اقرأ جزء احس انى نفسى اصرخ باعلى صوت واقول
بحبـــــــــــــــــــــــــــــــــــــــت يارب ــــــــــــــــــــــــــــــــــــك

ام فجر كتب:: جزاك ربى الفردوس الاعلى اخ محمد
ماشاء الله والله انا قدرا لسه واخده بالى من السلسه
سبحان الملك انا بجدا مبسوطه جدا
الحمد لله ربنا بيحبنى علشان كده قدر ليا انى اقرائها
ربنا يعزك ويجعلها فى ميزان حسناتك
والله كل لما اقرأ جزء احس انى نفسى اصرخ باعلى صوت واقول
بحبـــــــــــــــــــــــــــــــــــــــت يارب ــــــــــــــــــــــــــــــــــــك

جزاك الله خير وربنا يحبك اختنا الفاضلة والحمد لله ان ربنا ادانى شرف دخول حضرتك وقرايتها وكتب لكلماتها التاثير على حضرتك...جزاك الله خير على مشاركة القيمة..ولا تنسى الدعوات للاخ ابو يحيى صاحب فكرة السلسة...

ربنا يبارك فى حضرتك يا أستاذ محمد

يعنى الواحد مش بيقرا وبس ده الواحد قلبه بنشرح وبيقول الله

سبحان الله على المشاعر الصادقه والاخلاص فى حب الله

الحمد لله على تييسير مثل هذه المواضيع لتكون عون لينا وكل أخوانا وأخواتنا
لمن يسر لهم قرآتها ، تمحو الهم والحزن وتتقرب أوى من ربنا

اللهم بارك فى هذه السلسله وبارك فى كاتبها ومن فكر فيها أبو يحيى
وزادك أستاذ محمد من فضله آآآآمين يارب العاليمن

جزاك الله خير الجزاء
بحبك اووووووووى يارب
يارب اهدينى وبنات وشباب المسلمين
يارب

جزاك الله كل خير
زادك الرحمن من وافر نعمه وعظيم مغفرته
وكساك بالستر والصحة والعافية
أسعدك الرحمن في الدارين الدنيا والاخره

جزاك الله خيرا استاذ محمد
وبعد اذنك ارد تانى على السلسلة علشان نجددها وبركة الكلمات الطيبة دى تعم المنتدى تانى
وتذكرنا بهدفنا اللى اتجمعنا علشانه والخير اللى احنا فيه دلوقتى بسبب الكلمات الوفية دى
ونعتز ان السلسلة دى تكون من اعمدة بناء المنتدى الطيب ده
وجزاك الله عنا خير الجزاء

» سلسلة.. بحبك يارب 2..جامد جدا جدا
» بحبك يارب..
» برنامج بحبك يارب...
» بحبك يارب للاخ محمدطه..الحلقة الثانية
» بحبك يارب..ا/مصطفى حسنى...!!!