صحوة شباب *** متجدد بإذن الله

احمد كان مهموم من واقع اليم .... كان مستغرب هي الناس ليه خايفيين يقربوا من ربنا ليه؟؟
دا القرب منه جميل أوي والحياة معه سبحانه وتعالى مريحه جداً ولذيذة أوي....
سبحان الله .... آآآآه بس لو الناس يجربوا ...
آآآآه لو يصدقوا أننا لو سمعنا كلام ربنا وكلام النبي صلى الله عليه وسلم كل مشاكلنا هتتحل ...
وهنبقى أفضل بلد في العالم كله ...
آآه بجد هنبقى أفضل بلد ...
أصل شرع ربنا مش صلاة وصيام وزكاة وبس ...
شرع ربنا حياة متكاملة وبناء متوازن ....
واحنا كعرب زي ما الشيخ أبو إسحاق الله يكرمه قال "لا يصلحنا -كعرب- إلا شرع الله" ...
الله المستعااااان ....
أحمد كان بيكلم نفسه بالكلام دا وهو راجع من شغله لحد ما وصل للبيت




الحلقة الثانية : خودنا على جناحك








رجع احمد البيت رن الجرس فتح اخوه الصغير شادى

احمد بعد دعاء دخول والسلام على الجميع المنزل"واتفضل ياعم سُنَنْ الدخول والخروج من المنزل علشان نبقى زي الشيخ
:-عامل ايه ياشيكو ؟
شادى: الحمد لله فين الشيكولاته ياحمد؟
احمد : اخخخخ معلش ياشيكو نسيتك النهاردة، خد حقك ناشف ياعم بس متزعلش .
سلم احمد على والده ووالدته وقبل يديهما "إتعلم بقى منه وقبل يد والديك كل يوم"


والدة أحمد : الغدا يابنى
أحمد : حاضر يا أمى ،
احمد اتغدى بسرعه ودخل ريح شويه للعصر ثم نزل للصلاة وبعد الصلاة طلع يذاكر شويه عشان درسه فى المسجد بالليل .

احمد
ألقى الدرس والحمد لله لحسن الحظ كان هادى موجود، وهادي كان يدوب داخل
في طريق التوبة جديد، ولكنه كان خائف ومتذبذب وغير مستقر، وأكيــد
هتقابلة إبتلاءات ودا اللي هنشوفه مع بعض،،،




هادى: السلام عليكم ياحمد أخبارك أيه؟

احمد : وعليكم السلام ورحمة الله وبركاته ^_^ ... الحمد لله أخبارك أنت أيه يا حبيبي؟

هادى : الحمد لله ماشاء الله عليك درس جميل جدا والكلام اثر فيا بصراحة...

احمد : الحمد لله هذا من فضل ربى "شوفوا الأدب والتواضع".

هادى : ده الواحد مكنش يسمع عن كده خالص ده ربنا جميل اوى ( أصل الشيخ احمد تكلم عن معرفة الله )

احمد : ايه رأيك نتمشى شويه ونشرب حاجة وتقولى ايه اللى استفدته ....

هادى : مفيش مشكلة حتى ناخد البركه وتاخدنا على جناحك ،،،:

احمد: اهـــلاً أنت حتشتغلنى ولا ايه ههههه وضحك الاثنان ,
احمد: ها يلا انا سامع اهو
هادى
: يااه ده الواحد كان جاهل بشكل اد ايه احنا منستاهلش ووو ... سكت هادى
كأنه مش راضى على حاله واثـّر فيه الكلام جدا، واحمد حس بلمعان عينيه ثم
كمل وقال: حاسس بإحساس عجيب، كأن كان في حد رباني وأنا صغير وكان حنين
عليا أوي وقام على راحتي ... وأنعم عليا بنعم كتير أوي أب وأم وأخوة
ودراسة وشغل وعقل وصحة وجمال وإسلااااااام!!!.... ولحد الآن بينعم عليا
... وأنا طول الفترة اللي فاتت دي محستش بفضله عليا ... ولا مرة شكرته
... حاسس أني محروم أوي من ربنا ... حاسس أني بحبه بجد بس بعيد عنه .... وسكت هادى ودمعت عينه والتقط احمد طرف الحديث،




احمد:
عارف ياهادى انا اكثر الاشياء اللى أثرت فى التزامى دروس معرفة الله كان
الواحد بيسمع كده يحس بمعانى جامدة اوى .... يعني أنت بتقول إنك بتحب
ربنا ودا وأنت لا تعرفه .... طيب لو عرفته بقى هتحبه إزاي !!! عارف لما
يكون في بنت فيها كل الصفات الحلوة ... جميلة رقيقة مؤدبة طيعة دينة
رومانسية وووو .... شوف الواحد إزاي يبقى مبهور بيها ولو تزوجها يحبها
وتبقى قرة عينه ... ولله المثل الأعلى فما بالك بالله سبحانه وتعالى له
الأسماء الحسنى والصفات العلى... يعني مثلاً أنا مرة كنت بسمع درس كده
والشيخ قال : عاوز تعرف ربنا اعرف نفسك يااه كلمة جامدة

"هَلْ أَتَى عَلَى الْإِنْسَانِ حِينٌ مِنَ الدَّهْرِ لَمْ يَكُنْ شَيْئًا مَذْكُورًا "
ربنا
بيقولك انت ايه!! ده انت عدم... مكنتش من كام سنه موجود على الارض!!!
مين اللى وجدك وخلقك؟! يعنى اوعى تنسى نفسك انت مخلوق وربنا الخالق الذى
يوجد من العدم. وبعدين كلها ايام وتموت وتروح التراب وترجع عدم ولا ليك
اثر، شوفت اصل الانسان!! لكن الله عز وجل له الحياة الكاملة سبحانه لكن
انت حياتك معدودة.

هادى : ياااه أول مرة أفهم الآية دي ... دي شديدة أوي !!

احمد: امال لو سمعت التفسير التانى :اللى
بيقول فيه اهل العلم أن ربنا جل وعلا كأن يخاطبك ويقول لك: متى لم تكن
مذكور عندي ... فأنا لم أنساك يا عبدي فأنت مذكور عندي وأنعمت عليك بنعمة
الوجود والتوحيد والإسلام والسنة فكيف لم تكن مذكوراً ... لكن أنت من
نسيتني وشردت عن طريقي وتركت كتابي وكلامي !!!! يااه شوفت ياهادى الانسان جاحد قد ايه
هادى نظر الى الارض وسقطت منه دمعه .


سامحونا طولنا عليكم هذه الحلقة
ونكمل الحلقه القادمه مع هادى وحيقول ايه لاحمد
لكن بجد عاوزين نعرف ربنا.... عاوزين نقرب من ولو خطوة

ربنا بيقولك "عبدي لا تباعد مني"

فمتبعدش ... وقرّب ... وصدقني هتحس بجنة الدنيا

تصلي الخمس صلوات في المسجد
وتتأدب بآدب الدخول والخروج من المنزل
وتتواضع
وتخليك دائماً مبتسم
..... علشان تبقى مثل الشيخ أحمـــد ^_^



وقبل ما أسيبك للحلقة القادمة ... خذ هذه الهدية هنا




http://tube.manhag.net/watch_video.php?v=YB9NWGRX5O1H

وصل أحمد وهادى المستشفى وذهبا لمكان فادى

واستقبلهم والده وكان شكله زعلان جدًا من اللى وصل ليه فادى

وزعلان على ابنه اللى راقد على السرير الأبيض وحوله الأطباء يتابعون متألما بعدما فاق من المخدر



وكان همس الأطباء إلى والده بوجود مشاكل فى المعدة والكبد والكلى عند فادى وكان الرجل به من الألم والحزن ما الله به عليم ..



ولكن فجأة ظهر اشخاص شكلهم غريب ومحدش يعرفهم بيسألوا على فادى



سألهم والده أنتم مين ؟



قالوا إحنا صحابه



وما أن سمع الرجل صحابه حتى استثارته الكلمه



وكأنه قد حان الموعد فى أن يفجر ما به من هم وحزن وألم فيمن كانوا سببًا فى فساد وبعد إبنه وما به من أمراض ومصائب



فثار وأمسك بهم ورمى لهم كلمات كالرصاص ووبخ وهدد وشد وجذب معهم حتى كاد يضربهم



وتدخل أحمد وهادى : صل على النبى ياحج واستعيذ بالله



والد فادى : أعوذ بالله من الشيطان الرجيم أستغفر الله ...



بس أنا السبب ، أنا اللى استاهل إنى ضيعت ابنى بأيدى وكنت سايبه على راحته ومش بسأل عليه



وكنت فاكر إن ده الحل فى فلاحه وسعادته ..



وسكت الرجل متألما وقد لمعت عيناه من الدموع والحزن ..









أحمد : ربنا كبير ياوالدى وقادر إنه يشفى فادى ويرده إليه ردًا جميلا وإن شاء الله ربنا حيكرمكم ويصلح أحوالكم



والد فادى ، وهادى : آمين



اجتمع الأمن فى المستشفى والإداره بعد ما حصل من فوضى وسماع أصوات عاليه وأخذوا أصحاب فادى وأخرجوهم بره



، وجلس هادى وأحمد مع والد فادى يهونون عليه ما به ويساعدوه إن حصل شئ حتى انتهى موعد الزيارة .



.وخرج أحمد وهادى وهم متألمون لما حدث



أحمد : إن شاء الله تكون بداية إن حال فادى ينصلح ويحس إن خلاص ممكن فى لحظه يفقد كل شئ



وكل حاجه فاكر إنها سبيل السعادة طلعت وهم وسبيل للشقاء والهم



ولكن معظم الشباب مش بيفوق غير على الوهم ولما يفقد كل شيء مصمم على إنه يخسر



ويجرب كل طريق يودى فى ستين داهيه ولا يسمع لأحد يغلق قلبه وتفكيره ويبصر ويفكر بهواه وما يحب من شرور











فقط مشكلة الشباب انه عايش الوهم وفيهم كثير اللى معذور عشان مش لاقى اللى يساعده وياخد بأيده



لكن اللى مستغرب له الناس ديه مش بتحس بقرف المعصيه وألم القلب والضيق والحرمان والمشاكل مش بتعتبر ليه بالفاسدين والظالمين



اللى نهايتم كانت قدام عنيهم محدش نفعه المال ولا الجاه ولا العربيات ولا النساء ولا الشباب اللى كل شويه بيموت قدام عنيهم



محدش فكر خالص وقال لنفسه وبعدين وأخرتها إيه ..



هادى : ااااه وأخرتها إيه ،، هى ده الكلمه اللى نفسى الناس كلها تفكر فيها أخرتها إيه وحنروح فين ..ربنا ييسر



أحمد : اللهم آمين ، بجد حال يحزن ..



مشى هادى وأحمد ورجع كل واحد منزله دخل هادى وقص على أهله ما كان من أمر الزيارة إلى المستشفى



وما بها من مشاكل وقال لأهله ياريت تزوروا أهل فادى دول حالتهم صعبه



والده ووالدته : إن شاء الله حاضر يابنى



وذهب هادى لكى ينام .. وكان نفس الحوار مع أحمد رجع متألمًا



وحكى لأهله ما حدث وحثهم على الزيارة طمعا في مرضاة الله وحسن الجوار ..



دخل أحمد غرفته وكان مشغولا بما عليه من تحضير دروس والتجهيز لمشاريع دعوية وتنموية على أرض الواقع



تعيد الصوره الحقيقه للمسلمين الجادين الذين يخدمون الدين بكل النواحى . ..



ومر الوقت سريعًا وجاء موعد ما بعد صلاة الفجر بين هادى وأحمد تجاذبا أطراف الحديث ...



أحمد : عارف يا هادى فكرنى موضوع فادى أمس بجاجة عظيمة كلنا بنغفل ونقصر فيها



هادى : إيه هى



أحمد : النعم وشكرها ..











قد إيه الإنسان جاحد ومش بيشكر نعم ربنا من أول نعمة الدين



وحتى نعم الدنيا عشان كده كان من السور التى نزلت في أوئل البعثة سورة تتحدث عن النعم والحرمان



وكان موضوع صعب قوى



إنها سورة القلم سورة لما تيجى تربط أحداثها حتعرف



الرسالة اللى عاوز يوصلها لينا ربنا .. ياه للدرجة ديه موضوع الشكر والنعم مهم اه .. مهم



عشان كده مشايخنا ربنا يبارك فيهم ويحفظهم بيقولوا



الشكر أساس المزيد "وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ وَلَئِنْ كَفَرْتُمْ إِنَّ عَذَابِي لَشَدِيدٌ "



وده من القواعد المهمه فى السلوك إلى رب العالمين لكل مسلم وملتزم بعد العلم والمعرفة و



العمل ووسائل الثبات والدعوة الشكر



عشان متتحرمش











سورة القلم بتدور على إن النعم من ربنا مش من عند نفسك وهو سبحانه اللى بيتفضل علينا



وبيجازينا من فضله ورحمته نعما أخرى ولو حرمت فمن عند نفسك وبجهلك وعنادك



كما حدث من كفار قريش لما جحدوا نعمة ربنا على النبى الرساله والبعثه





وضرب لهم مثلا بأصحاب الجنه ذكر تعالى قصة أصحاب الحديقة



وما ابتلاهم





تعالى به من إتلاف الزروع والثمار وضربه مثلاً لكفار مكة فقال





" إِنَّابَلَوْنَاهُمْ كَمَا بَلَوْنَا أَصْحَابَ الْجَنَّةِ"



أي إنا اختبرنا أهل مكة





بالقحط والجوع بدعوة رسول الله صل الله عليه وسلم



كما اختبرنا أصحاب البستان





المشتمل على أنواع الثمار والفواكه،



وكلفنا أهل مكة أن يشكروا ربهم على النعم، كما





كلفنا أصحاب الجنة أن يشكروا



ويعطوا الفقراء حقوقهم فكانت النهايه "بَلْ نَحْنُ مَحْرُومُونَ " بجنايتنا على أنفسنا ...









هادى : سبحان الله ربنا يعينا على الشكر



أحمد : آمين .. وخرج الإثنان وقد اتفقا على زيارة فادى مع الأهل

نتابع الأحداث الحلقه القادمه إن شاء الله