طبق شاهى

السلام عليكم ورحمة الله وبركاته؟؟؟

سعيد جدااااااااااا بتواجدى وسط اخوه محترمين جدا زيكم ..والمنتدى ده ربنا يعلم انى بحب اتابعه اد ايه لانى بستفيد منه
وكمان فعلا بلاقى ناس بتحب بعض فى الله دون مصالح عندهم

وبالرغم من ذلك انا مكسوف جدااااااااااااااااااا بصراحه لانى ملاحظ ان تقريبا مفيش مشاركات كتيره من الرجاله فى المنتدى




وانا برجو الفتره الجايه ان شاء الله يلاقى فى رجاله كتير


عشان بجد اتعقدت من كام منتدى كل ما ادخل الاقى بنات بنات
معظمه ان لم يكن كله


ما علينا عشان ما يبقاش فى زعل ولا ضرب


طبعا ..طبعا ...وكمان طبعا
الشيفات اللى موجودين فى الفنادق من الرجاله ما سمعتش انا من الستات دى
حتى فى التلفزيون منورين



انا ليا اصحاب شيفات كتيييييير الحمد لله فى شغلى ماشفتش ستات

وبناء عليه:
قررت انزل شوية اكلات متنوعه هنا

وربنا يستر
ومرفق الاسعاف يقدر يقوم بالواجب



والان

مع اولى مفاجائتنا طريقه دجاج كنتاكى وعندنا طريقتين: اول طريقه::::: المقادير: دجاجة مقطعة 8 قطع طحين بقسماط بيض بهارات ملح زيت للقلي الطريقة: تغسل الدجاجة وتقطع 8 قطع، يخلط الطحين مع البهارات والملح ، يضرب البيض مع قليل من الملح و الفلفل الاسود. يغطي الدجاج بالطحين ثم بالبيض ثم بالقسماط و يوضع في صينية، يعمل الباقي نفس الطريقة حتى تنتهي من المقدار، ادخلي الصينية الفريزر لمدة 10-15 دقيقة، في هذه الاثناء سخني الزيت الغزير في مقلاة، اخرجي الدجاج من الفريزر على المقلاة، اقلي حتى يشقر لونة. تانى طريقه: المقادير : -فرخة وتقطع على 12 قطعة بعد تنظيفها -معلقة كبيرة سماء( دى توابل يتجاب من عند العطار ومتوفرة) -مغلقة بهارات -1/2 كوب ماء بصل -3 ملاعق خل -معلقة كبيرة كسبرة ناعمة -2 ليمونة -ملح - فلفل - 4بيضات -2 كوب دقيق ذرة ( ده غير الدقيق العادى) - دقيق عادى الطريقة: اجيب الفرخة واغرز فيها السكينة فى جميع جوانبها -بعد كده تحطى الكسبرة الناعمة+ماء البصل+البهارات +الليمون+الخل+الملح+الفلفل فى اناء وتخلطيهم جيدا وبعدين تحطى الفراخ وتقلبيها فى الخليط جيدا وتوضع فى الثلاجة من باليل ( تقريبا 12 ساعة قبل الطهى ) - تانى يو م بقى اجيب دقيق الذرة واحط عيه ملح وفلفل واجيب البيض واضربه واضع بردو عليه ملح وفلفل تجيبى الفراخ من التلاجة وتحطيها فى الدقيق العادى اولا وبعدين البيض واخيرا تحطيها فى دقيق الذرة ( على فكرة دقيق الذرة هو اللى بيخليها مقرمشة ) وتحمر فى زيت غزير مغلى جيدا على نار عالية ( اول ما تنزلى الفراخ لازم تكون النار عالية وبعد كده توطيها حتى تستوى ) هتاخد تقريبا 1/2 ساعة على نار هادية وبالهنا والشفا مع تحيات الشيف المزيف /حوده كرامه

صدق وعده كتب:

[quote=[/size][/b]

[/quote]

انا اسف ....والله ما اخدتش بالى ان ده قسم الاخوات


ان كنت بعلق على اخر موضوعات موجوده فى الصفحه الرئيسيه
وما اخدتش بالى ان ده قسم الاخوات

على العموم :
انا مضطر احرمكم من اكلاتى
وانسحب من هنا
لانى لو فضلت هنا
هيتحول اسمى من (حوده) الى (حميده)...وابقى عامل زى اسماعيل يسن فى الانسه حنفى

عذرا مره اخرى لعدم التركيز منى